مبتدأ يرغب فى التعلم

[dabo]

سلام عليكم ورحمه الله وبركاته
بفكر ابتدى هوايه جديده تتناسب مع وضعى الحالى وفكرت فى الصيد بس اكيد محتاج اتعلم كتير ( وخصوصا انى عمرى ممسكت سناره)
وقالولى أو حاجه لازم اشتريها هى عده الصيد( شفت ال يعنى جابوا التايهه) دخلت محل مفهمتش حاجه ومشيت قلت مفيش غير النت هو الى هيفدنى
أولا. أن اعايز مواصفات عده فى حدود 150 الى 200 ج ( وياريت سعر كل حاجه عشان ميضحكش عليا واشترى منين )
ثانيا . أماكن صيد لللمبتدئين امثالى تديلك أمل ( فى الاسكندريه)
ثالثا . أنواع الطعوم واشترى ايه ومنين
رابعا .لو فى كتب لتعليم تفيدنى قولى عليها أو الموقع الى موجوده عليه
وياريت بشيوش عليا عشان مفصلش منكم
وشاكر لكل الى هيفدنى

[hesham d]

أولا : اهل بيك فى المنتدى معانا

ثانيا : الصيد نوعين .... صيد نيلى ( فى النيل ) .... وصيد بحرى ( فى البحر ) __ زيى عندك كده انت هتصطاد فى البحر يبقا هتروح تشترى عود فيبر شديد يستحمل الموجات والشد والضرب وهتشترى كمان خيط يكون محمل وتقيل عشان ميتقطعش منك وهتشترى بقيت العده ( مدور __ تقال __ سن او هيلب _ عياشه ) وكل الكلام ده واحده واحده هتفهمه اول ما تبتدى تحتك بأى حد يكون سبق ليه الصيد قبل كده .

شوف حد من اصحابك يكون سبق ليه انه طلع يصطاد وهوا هيعلمك تمسك ازاى ... تنتش ازاى ..... تلم ازاى .... ازاى تحط طعم ..... ازاى تركب السن ( الهيلب ) ..


وبالتوفيق ....

بس ملحوظه الأسعار بتاعت مستلزمات الصيد غاليه شويه انتقى حاجه معقوله وكويسه

بالتوفييييييييييييق

[حسين شوقى]

استاذى الفاضل
اولا لو انت بتحب الصيد حتستوعب كل شئ بسهوله انما قبل ما تشترى عده صيد شوف اى حد من اصدقائك او معارفك واطلع معاه ذى ما قال الاستاذ هشام وعندك كوبرى استانلى والشاطبى واماكن كتير انت حتشوف الناس واقفه بتصتاد على الكورنيش
ولو مفيش معارف اقف واتعلم فى الاماكن اللى الناس بتصتاد فيها
بالنسبه لمقاسات الخيوط مثال خيط45 معناه انه 45من المليمتر يبقى الخيط ال100 = مليمتر السمك بتاعه
السنون كل ما كان الرقم بتاعه صغير كل ما كان السن كبير
بمعنى سن1كبيرسن8 صغير جدا يبدء السنون فى الكبر مع زياده الرقم ابتدا من 01و02و03بيكون كده ترتيبهم من الاصغر للاكبر
ومش عاوز اشتت تفكيرك بس ابتدى مع حد غاوى وانت ان شاء الله اللى بعد كده نتعلم منك الجديد ولو انا من الاسكندريه كنت طلعتك معانا رحله بس للاسف من اكتوبر الجيزه

[dabo]

شكرا للاهتمام