طلعه ممتعه جدا لمده ساعتين ونص مع رفيق الكفاح

[قناص المنوفيه]

ازيكم يا اجدع صيادين وقناصين فى مصر انهارده طلعت طلعه جميله جدا مع رفيق الكفاح اللى مفيش
غيره بيطلع معايا وكان الجو حلو جدا وبعد ما زهقنا من المشى فى نهايه الطلعه قلنا نروح مكان
عندنا اسمه الوحده الزراعيه المكان ده مهجور وكل المبانى المهجوره فيه من ايام الانجليز حتى
برج الحمام اللى انا مصوره ده والمكان ده ياما اصطدت فيه زمان وجبت احلى يمام قمرى وحمام برى منه
وهو كمان طلع كان بيصطاد فيه بس للاسف روحنا لقينا الحكومه بنت مدرسه تجريبيه جنبه
على نص المساحه وملقناش فيه ولا حمامه بريه ولا يمامه قمرى كله يمام عادى وحذر جدا جدا
وصقور مضربتهاش خالص لانى مش ناوى اضرب صقور تانى
وبرج الحمام المهجور اللى كان مليان حمام برى بابه مكسور قصدى مبقاش فيه باب اصلا ومفيش
ولا حمامه فضلنا شويه وبعدين مشينا واكتفينا بالحصيله اللى جبناها قبل منروح المكان ده
وبصراحه الجامو والكرال ابدعوا انهارده هو جاب حوالى تسع يمامات بس مصورتهمش
وانا جبت عشر يمامات وكيشه انا بس حبيت احكلكم ع المكان القديم ده واصوره لانى كنت
بحب اصطاد فيه جدا وبحسه زى الغابه لانه فيه تعالب كمان وحيوانات غريبه ومفيش بشر بتدخله
بس الظاهر ان الناس والحكومه قضت عليه و زعلت عليه جدا

فيه صورتين كمان ليا انا وهو بس للاسف انا صورته صوره حلوه والبندقيه بينه زى الفل
وهو صورنى صوره البندقيه مش باين الا حته من الماسوره بس ده غير انى اصلا مسكتى
اثناء الضرب كده عشان كده بحب البنادق اللى دبشكها طويل معلش طولت عليكم اسيبكم
مع الصور علما بان اخر صورتين بوضح فيهم دقه الضرب فى صدر اليمام وقوه البندقيه والرشايه
اللى كسرت العظم وطلعت من الناحيه التانيه ...




http://img811.imageshack.us/img811/584/photo0191m.jpg

http://img838.imageshack.us/img838/8973/photo0195wf.jpg

http://img215.imageshack.us/img215/1462/photo0190e.jpg

http://img403.imageshack.us/img403/3402/photo0186o.jpg

http://img189.imageshack.us/img189/100/photo0185s.jpg

http://img204.imageshack.us/img204/6074/photo0187qw.jpg

http://img651.imageshack.us/img651/5826/photo0188y.jpg

http://img696.imageshack.us/img696/2765/photo0192y.jpg

http://img528.imageshack.us/img528/485/photo0194nk.jpg

[عادل عبده]

ماشاء الله حاجه حلوه اخر حاجه
تسلم ايدك يا باشا

[dr_mohasan]

ما شاء الله , صيد جميل و صحبة رائعة

تسلم الأيادى

[قناص المنوفيه]

استاذ عادل ودكتور محمد شكرا جزيلا لردكم المشجع
واحنا بنتعلم منكم انتم الاصل ..

[drmaged40]

طلعه جميله و اللى اجمل الصحبه الحلوه .... بالتوفيق دائما و الى الامام

[Mohamed Abdo]

المكان القديم تحفه بجد خساره المكان كده خسرته وأن شاء الله ربنا يعوضك و تلاكى مكان أحسن منه وبألف هنه وشفه للصيد

[مصطفى ابواسماعيل]

تسلم يا قناص دى مش جامو دى ايركنج بجد تسلم ايدك

[adel_7768]

الله ينور يا قناص انشاء الله ارتب معاك واطلع معاك طلعه حلوه زي دي بالتوفيق دائماً

[وليد سعد زغلول]

بسم الله ما شاء الله قناصين بجد والله وبألف هنا وشفا وتقبلوا تحياتي

[قناص المنوفيه]

طلعه جميله و اللى اجمل الصحبه الحلوه .... بالتوفيق دائما و الى الامام

أنت أجمل يا دكتور وشكرا على ردك ..


المكان القديم تحفه بجد خساره المكان كده خسرته وأن شاء الله ربنا يعوضك و تلاكى مكان أحسن منه وبألف هنه وشفه للصيد

الله يخليك يباشا وفعلا ده كان مكان اكثر من رائع منهم لله اللى بوظوه بقى
ومعتقدش انه هيتعوض بسهوله ..

تسلم يا قناص دى مش جامو دى ايركنج بجد تسلم ايدك
الله يخليك يا رافع معنوياتى دايما والجامو طول عمرها الاميره بنت الملكه الديانا


الله ينور يا قناص انشاء الله ارتب معاك واطلع معاك طلعه حلوه زي دي بالتوفيق دائماً
ياريت يا استاذ عادل بجد وهتنورنى والله وشكرا لردك يباشا


بسم الله ما شاء الله قناصين بجد والله وبألف هنا وشفا وتقبلوا تحياتي

الله يهنيك يا ريس كلك ذوق والله واحنا بنتعلم من حضرتك:)

[مصطفى ابواسماعيل]

انا كنت بصطاد من قوسنا من حته اسمها ميت برة تعرفها وبجد تسلم ايدك

[مصطفى ابواسماعيل]

ولو كل يوم هديك تقيم مش كفايه عليك يا قناص (قويسنا_ميت برة)دى كنت بصطادفيها

[قناص المنوفيه]

الله يخليك يا استاذ مصطفى انت راجل ذوق والله ومحترم جدا
بصراحه انا اسمع عن ميت بره دى بس مرحتهاش خالص قبل كده
انما قويسنا ساعات بنزل لاصحابى ايام الكليه هناك
بس مصطتدش فيها برضه
اصلى من النص التانى فى المنوفيه منطقه منوف وتعتبر بعيده عنى

[مصطفى ابواسماعيل]

ده من اصلك الطيب يا دكتور ودى شهاده انا بعتز بيها من انسان محترم زيك

[well12m]

حلو اوى الجو الريفى فى الصيد