جديد معاكم وطالب نصيحة

[Colt.Maker]

السلام عليكم
انا معاكم جديد في قسم الأسلحة الهوائية
كنت مهتم بمسدسات الصوت، والحمد لله تمت الاستفادة الكاملة من القسم، والأعضاء ربنا يباركلهم مبخلوش عليا بأي حاجة، ولما مشيت ورا نصايحهم، الحمد لله جبت حاجة ممتازة وشغالة تمام جدا معايا
كنت بسأل سؤال علشان مطولش عليكم
هجيب إن شاء الله بندقية رش، نصحوني كتير بالكرال الرماية، أو الفايبر، وقالولي هات الرماية بعتلة، أفضل، وركب اسكوب 3-7*28، ده طبعا علشان السعر بس مش أكتر، وقالولي الميزانية تقريبا في حدود 1600 أو تزيد أو تقل حاجة بسيطة، إيه رأيكم في الكلام ده، أعمل ايه، ساعدوني والمساعد ربنا، وحسنة ..... :cool:

[Egyptian_Destroyer]

اهلا بحضرتك معانا ..نورت
ان شاء الله الخبراء حيفيدوك .... موفق :)

[احمد فتحي]

هو الكلام مظبوظ تعملها في الحدود دي
بس انتا معاك كام
لوعاوز تجيب حاجه غير الكرال انا انصحك تزود عليهم وتجيب الجيت نمره واحد هتظبطك ومش محتاجه صيانه ومشاكل زي الكرال

[Colt.Maker]

ربنا يخليكو
انا معايا في حدود 1500 تقريبا، هي الجيت تعمل تقريبا كام، ولو هجيب جيت أو كرال رماية، أفضل حاجة كام، بما إن الأستاذ احمد فتحي قال ان الكلام مضبوط، فأظن بإذن الله ان الموضوع كدة وضح ليا، بس اجيب نمروة واحد ولا 2، وكدة معلش الأسئلة كترت، واعذروني انا لسة جديد وبتعلم

[مصطفى ابواسماعيل]

نمرة 2 هيه احسن فى عمل ثقب اكبر فى الطير وانا ليا صاحب جاب النوريكا جيت نمره2 كسر زيرو ب 1400ج وعامله معاه شغل ومريحاه على الاخر

[Colt.Maker]

كدة تمام جدا، والسعر جيت تقريبا كدة مناسب جدا، ونمرة 2 من نمرة 1 بتهيألي مش هتفرق كتير، وعلى العموم جزاك الله خيرا أ/ مصطفى