طلعة ( محكمة لاهاى ) لمجرمى الحرب

[fadeel79]

السلام عليكم ورحمه الله وبركاته ، يوم الجمعة الى فات طلعت انا العبد لله و أ/ طارق و م/ ايمن طلعه ملهاش حل غير محكمة لاهاى لمجرمى الحرب اليوم ده يا جماعة كان يوم من الاخر صيد اكتر من ممتاز ومسافات ايه و( اقفل ) ايه و( هد شوت ) ايه والرزق والحمد لله كان وفير والحصيلة النهائية 166 فرد يمام و6 غراب بسم الله ما شاء الله ايمن الى ضارب الغربان كلها ، وللاسف مفيش غير صورة واحدة بس وطبعا طارق كالعادة لاعب فيها علشان الخلفية بتاعتها مش حلوه .

اه نسيت شكر خاص للإدارة لتثبيت موضوع ( عوده السفاحين ) وكنت عاوز اعرف شروط تثبيت المواضيع ؟

ملحوظة : ايه رأيكم فى العربية بعد التجديد ؟

[عادل عبده]

هوه سيبك من العربيه
ربنا يكفيك شرها
وسيبك من شروط تثبيت الموضوع عشان ديه ملهاش شروط محدده
انتو كده بتهرجو بجد
تالت طلعه والكم ده
فعلا ده صيد جائر
المفروض انك راجل عارف ربنا
وانت مش هتكلو كل الكميه ديه

[fire king]

فعلا الكمية كبيرة جدا
(يمكن هيتلجوه بحيث يكفيهم كام اسبوع)
فعلا مجرمين حرب :d
+
انتم استخدمتم بنادق نوعها ايه ؟

[قناص المنوفيه]

المفروض تتحاكموا مع مبارك والعادلى فى قتل المتظاهرين قصدى اليمام
هههههههههههههههههههه
طلعه جامده يا قناصين وسيبولنا شويه نصطادهم يا رجاله لينقرضوا

[مصطفى ابواسماعيل]

الله عليكم ورجاءآ لاتذهبوا الى مكان الصيد هذا الا بعد مرور شهرين ولكم فائق الاحترام

[shaheen falcon]

البنادق هى العبد لله ديانا 46 و محمد كرال و طارق نوريكا جيت بس الحمد لله الصحبه جميله جدا اهم من الصيد حبيبى يا فاضيل يا مسايطنى

[shaheen falcon]

حقها ولا مش حقها يا روقا هاهاها

[وليد سعد زغلول]

بسم الله ما شاء الله والله ينور على أحلى القناصين وتقبلوا تحياتي

[mohamed2010habib]

الله عليكم ورجاءآ لاتذهبوا الى مكان الصيد هذا الا بعد مرور شهرين ولكم فائق الاحترام

شهرين طب قول سنتين!!!

[dr_mohasan]

تحيّاتى لكم جميعاً
أ/ محمد و أ/ طارق و م/ ايمن
على هذه الطلعة الرائعة

وأرجو فى المرة القادمة ان شاء الله الاهتمام بالصور لأنها الشىء الوحيد الذى يظهر لنا جمال الطلعة و يجعلنا نشارككم في أحداثها الممتعة

بخصوص تثبيت موضوع الرحلة الماضية , دى أقل حاجة تتعمل للطلعات المميزة , وده تم أيضا و سيتم مع كل الطلعات المميزة الأخرى لباقى الأعضاء , تشجيعاً للأعضاء على ممارسة الهواية و الخروج للصيد و إثراء المنتدى بالمزيد من طلعات الصيد.

[Mohamed Mahmoud]

تسلم الايادى
بس الطلعة خدت وقت اد اية

[fadeel79]

السلام عليكم ، شكر واجب لكل من شارك فى الموضوع ، اما عن موضوع الصيد الجائر فاحنا قولنا قبل كده ان ده بيتحدد على اساس مكان الصيد يعنى محدش ابدا ينزل العاشر مثلا ويجيب العدد ده انما مكان الصيد ده مفتوح جدا والعدد تقريبا بالالاف وده من غير مبالغة وتانى حاجة لو اقولك كمية الناس الى بتاكل منه مش هتصدقوا وفعلا انا اتبقالى 5 فرد ليا انا وزوجتى وفيه ناس كمان زعلوا علشان مخدوش .

وعلشان تطمنوا كل طلعة فى مكان غير التانى ماعدا مكان مشترك بين الطلعة الاولى والثانية اما الثالثة ففى مكان مختلف تماما .

اما عن وقت الطلعة كان من الساعة 7.30 صباحا الى الساعة 3 العصر وطبعا يتخلها ساعتين صلاة الجمعة وبعد كده الغداء

[فارس بلا جواد]

الله ينور رجالة على الشغل العالى فى مهارة الفوتو شوب ولا عزاء للصيادين

[hesham d]

مستوى عالى ربنا يكرمكم ويوفقكم

[عادل عبده]

الله ينور رجالة على الشغل العالى فى مهارة الفوتو شوب ولا عزاء للصيادين


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[البطل]

بسم الله مشاء الله .... ربنا يبارك ..... بالتوفيق ديما

[avokato]

اتق الله انت كده بتخالف عادات واعراف الصيد المفروض تصطاد الكميه الي محتاجها

[fadeel79]

اتق الله انت كده بتخالف عادات واعراف الصيد المفروض تصطاد الكميه الي محتاجها


السلام عليكم ، نصيحة ( اتقى الله ) فعلا ونعم النصيحة ، لكن لو حضرتك بتقصد انى مش محتاج الكمية دى يبقى سامحنى انت غلطان ، لان كل واحد يقدر يحدد الى هو عايزة مش حد تانى ولو حضرتك قرأت المشاركات السابقة هتلاقينى بقول ان الكمية كلها بتتوزع على الاقارب والاحباب وميتبقاش منها ليا غير القليل جدا ، ولو حضرتك تقصد انى هخلص اليمام يبقى حضرتك مشفتش المكان الى بنصطاد منه ، والعدد ده بيتوزع على 3 يبقى نصيب الواحد 55 والطلعة بتتكرر مرة كل شهر ونصف يعنى بمعدل 10 فرد كل اسبوع وده رقم طبيعى جدا لكن انا مش كل اسبوع هناك .

تقبل كلامى بصدر رحب وياريت لو فى كلامى حاجة معجبتكش ابقا صححلى واعتبرنى اخوك

[tarekvb]

اتق الله انت كده بتخالف عادات واعراف الصيد المفروض تصطاد الكميه الي محتاجها

لو على كلامك يبقى الكمية دى مش هتكفينا خاللللللللللص وعايزين اضعافها لان 90% منها بتتوزع على ناس كتير ولا داعى لذكر كل الناس والمجموعة التى يتم التوزيع عليها حفاظا على الثواب ... يعنى احنى اختصرنا ومحبناش نكتر ... وربنا يسهل تكون المرة الجاية الحصيلة اكثر ....وشكرا لمشاركتك

[محمود القاضى]

الله أكبر عليكم

ربنا يزيد و يكتر
و سلمت يمينكم

[avokato]

اسف علي سوء الظن ربنا يجازيكم خير

[shaheen falcon]

ولا يهمك يا باشا الله يسمحنا كلنا ويصلح بيننا انت نورتنا بتعليقك الجميل واحشانى طلاعتنا يا رجالا

[هشام سمير]

الاخوه الافاضل المنتدى لممارسة الهوايه وليست للاباده او الاخلال بنظام البيئه ارجوا مراعاة هذا
دا اولاً
ثانياً بقا ايه يا ابنى الجما والحرفنه والروعه دى تسلم ايد القناصين
ثالثاً رفقاً شيه باليمام يعنى مش شرط الناس اللى بتتوزع عليهم الصيد يكلو يمام كل اسبوع ممكن كل اسبوعين او 3

[fadeel79]

السلام عليكم ، هشام بيه الطلعة دى بتتكرر مرة كل شهر ونصف يعنى كل 6 اسابيع مش كل 3 حتى .

وشرف لينا ان صياد زيك يشرف موضوعنا .

حبيبى يا ابو شهد

[fadeel79]

السلام عليكم ، هشام بيه الطلعة دى بتتكرر مرة كل شهر ونصف يعنى كل 6 اسابيع مش كل 3 حتى .

وشرف لينا ان صياد زيك يشرف موضوعنا .

حبيبى يا ابو شهد