egypt-hunter
10-07-06, 12:06 AM
السلام عليكم ورحمة الله
مطلوب بندقية رش بالموصفات التالية:-
1- عيار 1 | 117.
2- يوجد بها خاصية تركيب منظار.
3- نظام الكسر جانبى - عتلة (مش كسر ماسورة).
4- تكون فى حالة نظيفة جدا جدا وبالكرتونة.
5- السعر حتى 1500 (لو اكتر من كدة شوية صغيرين مش مشكلة).
6- سرعة الطلقة لا تقل عن 200 متر فى الثانية.
7- لو فيها منظار يبقى كويس جدا.
أستاذ: محمد عبد الحليم
تليفون: 0196679685
الاميل: mohamed.halim@email.com
(ملاحظة هامة: انا اتمنى اللى يتصل بيا يكون بيعامل البندقية بتاعتة زى ابنة ولا بنتة... بأختصار انا عايز حتة ميكنش فيها خدش)
يفضل سكان الجيزة والقاهرة والاماكن اللى جنبيها... بس لو الحتة تستاهل بجد معنديش مشكلة اروح اسوان
مع أفضل التحيات للادارة هذا المنتدى الكريم ولكم جميعا
الوصف ده مع السعر اللى حضرتك عارضه او اعلى شويه جامو شادو 1000 _او سى اف اكس رويال طالما نمره واحد
بس البنادق دى نمره 2 سرعتها 220_ 230 م/ث فما بالك عيار نمره 1 .... وطبعا اساتذتنا اكيد ليهم رأى بما انهم الاكثر خبره ....تحياتى.
egypt-hunter
10-07-06, 05:28 AM
الوصف ده مع السعر اللى حضرتك عارضه او اعلى شويه جامو شادو 1000 _او سى اف اكس رويال طالما نمره واحد
بس البنادق دى نمره 2 سرعتها 220_ 230 م/ث فما بالك عيار نمره 1 .... وطبعا اساتذتنا اكيد ليهم رأى بما انهم الاكثر خبره ....تحياتى.
ربنا يخيلك يا غالى... انا رحت على موقع جامو عشان اشوف البندقية الشادو 1000 اللى حضرتك اتكلمت عليها لقيتها بتشتغل بنظام ال براك بارل break barrel كسر الماسورة... انا مش بحب النظام دة بصراحة بسبب اللى سمعت عنة. انا قرأت فى احد المواقع اللى بتتكلم عن المواضيع دية ان نظام التعمير الجانبى او اللسان السفلى بيخلى البندقية اكثر دقة.
بس لما شوفت السي اف اكس رويال لقيتها حلوة بجد العيب الوحيد اللى فيها ان نظام التعمير فيها سفلى انا بفضل الجاني اعتقد انه بيكون اسهل
مشكور بجد على المداخلة الحلوة دية... فى انتظار المزيد
دعنى اوضح لك شئ صغير وهذا كلام عن اقتناع .......1-الهوائيه ذات الماسوره المتحركه
سهله النقل والصيانه,ممكن تصفيره وتعديل الاعوجاج.موجوده بكثره ,خفيفه الوزن
2- الهوائيه ذات الماسوره الثابته
ثقيله الوزن , صعوبه تعديل الاعوجاج ,صعوبه الصيانه ,قليله الوجود ,دقيقه
الاصابه ,قليله الاندثار والتصليح
ملحوظه :ـ
هذا الكلام من موضوع اخونا" ابو سمير "من هو الأفضل البندقية الكسر ام الي بعتلة؟ ....
انا وابو سمير معانا جامو هنتر 440 ومقلكش دقيقه جدا وسريعة التعمير وقويه ووزنها متوسط من الآخر """بندقيه""".
engineer05
10-07-06, 07:08 AM
السلام عليكم
أنا برضه عايز بندقية بنفس المواصفات اللي حضرتك كاتبها دي بس أنا حجيبها جديدة إن شاء الله...
المشكلة إن مقاس واحد دة مش منتشر أبداً في مصر و اشهر حاجة ممكن تلاقيها بالمقاس ده هي النوريكا الجيت و الجامو ال cf بأنواعها ...
أنصحك بالجيت.... الحقيقة هي ممتازة وسعرها حوالي 1600-1800 جنيه و أنت وشطارتك (عند فتح الله) .... و سرعتها 305م\ث
أنا بقالي كتير بدور على جامو 890 أو 440 مقاس واحد و مفيش فايدة و في الآخر غالبا حجيب الجيت...
وألف مبارك عليك المدفع الجديد إن شاء الله
خط الصعيد
10-07-06, 11:51 PM
انا عندى نفس المواصفات الى حضرتك كاتبها بس نمرة 2 bsa mk7 بس للاسف انا بعاملها زى ابنى علشان كدة مش هبيع ضنايا
الجيت نمرة 1 ب 1600 عند فتح الله
بس ديه نظام تعميرها بكسر الماسورة مش بعتلة
اللى طالبها صاحب الموضوع تكون بتتعمر بعتلة
engineer05
10-07-07, 10:41 PM
فيه ال cf-20 عند فتح الله بــ2500 ... نمرة واحد برضه و نفس قوة الجيت 305م\ث