رحلة امبارح حصيلة قليلة وقضية سلاح ابيض والحمد لله

[فوزى السيد]

امبارح طلعت رحلة فى منطقة ارياف جنب مدينة مطوبس تبع محافظة كفر الشيخ وكان الجو جميل جدا من طرائف الرحلة لاقيت 3يمامات واقفين على عشة بوص وبينى وبينهم ترعة نقيت اصغر واحدة وضربتها لان اكيد لها دكر ومش هيطير ودة اللى حصل واحدة طارت وفضل الدكر ضربتة وقعتة هو كمان وناديت ولد ضغير عشان يلف من على الكوبرى ويجبلى اليمام اثناء ما هو بيلف الفرد التالت جة وقف ضربتة هو كمان بقا فى 3 على الارض لاقيت طير لونة بنى فى بيج اسمة كوك او عرقبوس جة وقف جنهم بعد ما وقعو فى ولد صغير واقف جنى قالى اضرب دة كمان قلتلة لاء دة مش بيتاكل قالى هيسرق اليمام قلتلة لا ما تخفش كل دة وطبعا الولد التانى لسة ما وصلش لليمام بصيت لاقيت فعلا الطير دة راح هاجم على اليمام وسارق واحدة وجرى بيها على الارض روحت ضاربة واحدة قضيت علية فى الاثناء دى الولد وصل ولم اليمام وجاب معاة الطير الحرامى ولسة هيلف عشان يرجع لاقيت كلب هاجم على الولد روحت معمر ولسة هضربة راح الطير الحرامى واقع من الولد وراح الكلب واخدة وقايل يا فكيك ورجع الولد بالسلامة ومعاة اليمام والكلب خد الحرامى وجرى بية الحصيلة النهائية 10 يمام وكروان واحد اما بقا السيىء فى الرحلة انى وانا راجع عند كوبرى القناطر وانا بركب عشان اعدى الكوبرى لاقيت 2امناء شرطة جيين هجم عليا تعالى كلم الباشا روحت للباشا اللى واقف على كمين فى اول الكوبرى ايوا يا باشا قالى اية البندقية دى قلتلة دى بندقية ضغط هوا قالى معاك سلاح ابيض قولتلة معايا سكينة بدبح بياها قالى هاتها وهات بطاقتك اديتة السكينة والبطاقة اقلى انت مشعارف ان السلاح الابيض ممنوع قلتلة امال انا هدبح باية قالى طيب اركب ركبت وروحنا القسم وعملولى محضر حيازة سلاح ابيض واتعرضت على النيابة والنيابة خلت سبيلى بعد ما حكيت لوكيل النابة طبعا انى بستخدمها فى الدبح المهم بقيت سوابق والحمد لله لاكن الجميل فى الموضوع انى تاكدت ان ما فيش قانون يمنع حيازة الاسلحة الهوائية والا ما كنتش خدتها وانا ماشى معلش دوشتكم واسيبكم مع الصور وحسبنا الله ونعم الوكيل

[العملاق المصرى]

جميل ومحزن فى نفس الوقت

[فوزى السيد]

جميل ومحزن فى نفس الوقت

هو بامانة محزن جدا لانى والله من امبارح ما اتكلمت مع حد غير دلوقت على المنتدى ودة من زعلى لانى اكتشفت ان ما فيش تغيير فى اسلوب الشرطة بردة الظلم ونظام التسول وهات الحلاوة وهات مشعارف اية وحاجة زبالة وعموما الحمد لله قضا اخف من قضا

[عادل عبده]

اولا الف مليون حمد الله على السلامه يا عمنا
ثانى حاجه
فعلا فى الشرطه لسه برضه فى عالم متخلفه وعاوزه ضرب النار
معلش يا عمنا المهم ان اليوم كان كويس وابقى شيل سكينه مطبخ صغننه لانك لو كنت شايل مطواه لاقدر الله ماكنتش خرجت منها
ومتقلقش ياعم ولا بقيت سوابق ولا حاجه مش هتنزل فى الفيش
ومره تانيه حمد الله على سلامتك

[فوزى السيد]

اولا الف مليون حمد الله على السلامه يا عمنا
ثانى حاجه
فعلا فى الشرطه لسه برضه فى عالم متخلفه وعاوزه ضرب النار
معلش يا عمنا المهم ان اليوم كان كويس وابقى شيل سكينه مطبخ صغننه لانك لو كنت شايل مطواه لاقدر الله ماكنتش خرجت منها
ومتقلقش ياعم ولا بقيت سوابق ولا حاجه مش هتنزل فى الفيش
ومره تانيه حمد الله على سلامتك

عادل باشا شكرا لمشاركتك والحمد لله على كل حال وانا فعلا كان معايا سكينة صغيرة فى الشنطة بس المطوة دى كانت حامية وهى صغيرة برضة بس هنقول اية بقا يلا الحمد لله وشكرا لمروك يا باشا

[محمد حافظ بك]

الله ينور فوزي باشا ..علي العموم حاول تشوف سكين يكون طول سلاحه اقل من 7 سم يعني في حدود 5 سم كده هيفي بالغرض ان شاء الله و بالتوفيق دائما

[قناص المنوفيه]

رحله جميله ووكيله النيابه راجل محترم فعلا بعكس الشرطه
اللى سايبه البلطجيه وبتمسك الناس المحترمه اللى زيك

[فوزى السيد]

رحله جميله ووكيله النيابه راجل محترم فعلا بعكس الشرطه
اللى سايبه البلطجيه وبتمسك الناس المحترمه اللى زيك

اة والله هو بجد خدمنى لانة اخلى سبيلى وكمان كان فى الاستراحة بتاعة وكلاء النيابة فى المحكمة والله طلع بالترنج من جوة وكمان اللى خدمنى اكتر مامور القسم راجل محترم كان عارف ان فى وكيل نيابة فى الاستراحة قالهم اعملو المحضر واعرضوة دلوقت ومكانش عاجبة الموضوع من اساسة انما المباحث بقا ربنا يجازيهم هما المشكلة والحمد لله على كل حال شكرا للمشاركة ولك تحياتى

[smsmn8888]

طبعا اهم شئ ان انت رجعت علي خير والموضوع عدااا
وقولنا من قبل بلاش نشيل اي سلاح ابيض معانا واحنا بنصطاد لان معروف اي واحد طالع يصطاد بيكون معا مطواة او اي شئ قبيل لها وللاسف بيتعمل علية حفلة الافضل ممكن سكينة مطبخ عادية خالص وتكون صغيرة وحامية هتعمل المطلوب وربنا يستر

[dr_mohasan]

الحمد لله على سلامتك يا أستاذ فوزى , انا لما كلمتك فى التليفون ماكنتش اعرف الموضوع ده غير دلوقتى , جات سليمة يا باشا

بس على فكرة دى مش قضية ولا حاجة , طالما ان وكيل النيابة حفظها و أخلى سبيلك

[وليد سعد زغلول]

ألف حمد الله على السلامة وإن شاء الله بسيطة وربنا يحفظك ويحفظ جميع المسلمين وتقبل تحياتي

[akel]

السلام عليكم ورحمة الله وبركاته .
تحياتي للجميع
أنا دائم الدخول هنا علي المنتدي من وقت لآخر أقرأ وأستمتع لاشباع هوايتي القديمة .الا انه حين قرأت ماحدث للأخ الفاضل فوزي أحزنني بشدة بل أفزعني ووضح جدا من روايتة( محاولة استعرض واثبات حالة فقط ليس الا ) وهذا جزء ليس قليل للأسف من جهاز الشرطة هذه الأيام بالذات فهذه الحالة بالنسبة لهذا الضابط حالة سهلة وعلى الطبطاب .... مواطن مسالم يحمل سلاح أبيض ....فرصة .... والمفروض أنها حالة تستوجب التنبيه فقط علي عدم جواز حمل سلاح أبيض حتي في مثل حالة الصيد هذه ومجرد سكينة صغيرة حادة تفي بالغرض (من وجهة نظري الشخصية ) ويواصل هذا الضابط عمله الحقيقي وهو الحفاظ الحقيقي علي الأمن والحد من أعمال العنف والبلطجة المنتشرة .فيكون هذا التصرف هو روح القانون . والذي حدث رغم قسوتة هو درس للأصحاب هواية الصيد البري .
آسف علي الأطالة.

[ابو ساجد]

معلش يا باشا جت سليمى الحمد لله تقبل مرورى

[كيمو الصعيدي]

الحمد لله على سلامتك يا أستاذ فوزى , انا لما كلمتك فى التليفون ماكنتش اعرف الموضوع ده غير دلوقتى , جات سليمة يا باشا

بس على فكرة دى مش قضية ولا حاجة , طالما ان وكيل النيابة حفظها و أخلى سبيلك

وكيل النيابة مش من حقة حفظ القضية لأن الضابط مسك السلاح الأبيض في الشارع اثناء الكمين
يعي مادخلش محل فراخ مثلا وخد الراجل الي بيدبح الفراخ وعمله محضر ولا دخل دكان جزارة وخد الجزار من جوة وعمله قضية سلاح ودي الحالات الي يجوز لوكيل النيابة حفظ القضية فيها بناء علي وظيفة حامل السلاح الأبيض والمكان الذي ضبط معه فيه ونص القانون واضح بتجريم حيازة السلاح الأبيض بنص صريح ولو تم حفظ القضيةدون أسبابقاطعه تفيد تلفيق الاتهام او عدم معقوليته يكون وكيل او رئيس اليابة قد خالف صريح القانون والهلاء السبيل ليس دليل علي حفظ القضية بل يكون لعدم وجود مبررات لحبس المتهم لحين صدور حكم خوفا من هربه
وبعدين الضابط الي عمل المحضر ظابط مرقع هههههه عشان ماعملش محضر بالندقية وكان من حقة والفيصل هنا المعمل الجنائي بس لو كان عمل البندقية مع السكينه وثبت انها بندقية ضغط هواء يبقي باظت القضية والقاضي وفق التصور وقناعته هايديها براءة عشان كد يبقي الضابط اثبت انه الراجل كان بيصطاد فعلا لكن عشا الضابط عايز القضية ماتبوظش عملكمحضر بالسكينة بس فخللي بالك وربا ينتقم منه

انا بقول كده عشان فوزي مايسكتش ويجيب محامي يتابع الموضوع بدل ما يفاجأ لاقدر الله بحكم غيابي

[mants]

الخ العزيز فوزي السيد لا تقلق من السوابق والقضية دي فشنك مجرد رقم في المركز ولكن طالما لم تاخد رقم حصر حبس ولم تحبس او تفيش لا تقلق زيها زي مخالفة السيارة والاغلب وكيل النيابة بيحفظها اداري مادة اثبات حالة وعلشان تتاكد فوت شهر وطلع فيش ومتخفشي واستلمة لان لو حتي كانت في قضية وكنت اتحبست يحق ليك المعارضة الغيابي والضابط دة حما ر معندوش ضمير عاوز يزود رقم حصر مركز علشان يبين انة شغال وهو حمار ميقدرش الي علي المحترم انما لو واد مسجل كان المسجل ركبة لا تقلق لاتقلق

[خط الصعيد]

الله ينور عليك يا صياد و عمتا الشرطة خلاص عرفنا ديتها و على راى المثل الى تعرف ديتة طخة

[mohamed2010habib]

الحمد لله على سلامتك و المهم انك بخير,,, و الحمد لله انك مجبتش سكوب ,,,عرفت بقى ميزة الاوبن سايد,,,و تحياتى

[Amiroz]

مبروك علي الطلعة.
حلوة المواقف اللي بتعلم
واكيد طبعا مؤسفة لان محدش يحب يحصل معاه كدة
لكن قدر الله وما شاء فعل.
وحمد لله علي السلامة.

لكن سؤال بقي طالما انت بتصطاد اللي بيتاكل يبقي الكروان بيتاكل معلش
هو الكروان بياكل اية يعني بياكل حشرات ودود وخلافة زي ابو قردان؟
ولا حبوب زي اليمام والحمام البري؟
سبب السؤال لاني بقابل كروان في طريقي وانا بصطاد.
برجاء الرد للاهمية.

[Orabi]

كفاره يا كبير :) و حمد الله علي سلامتك و مبروك علي البراءة :)

[the ghost]

يا استاذ فوزى ما تابع رد كيمو الصعيدى واعمل باللى قاله

[slem448]

حمد الله علي السلامه يا استاذ فوزي وكفايه انك طلعت بخير الموضوع ده لو حصل عندنا في العريش لكان زمان الظابت ده لقيتو مخطوف او ضربو القسم الي تابع ليه الظابت بالنار لان احنا عارفين ان الشرطه لسه متغيرتش وبقت ضعيفه مبتتشطر غير علي الناس الغلابه وان شاء الله موضوع مفيهوش حاجه انا اعرف واحد عندنا في العريش اتمسك ب 7 فروش حشيش وطلعوه بعد 3 ايام من خوف الشرطه انهم ينضربو

[مصطفى ابواسماعيل]

حمدآ لله على سلامتك

[adhmm]

حمدا لله على سلامتك و ان شاء الله تخلص على خير

[فوزى السيد]

ربنا يبارك فيكم جميعا على اهتمامكم ونصائحكم الغالية وهو فعلا القضية ما اتحفظتش هو ادانى اخلاء سبيل من ديوان القسم ان لم اكن مطلوبا لسبب اخر وعلى احد السادة الضباط اعادة تحريز السلاح المضبوط وايداعة فى خزينة احراز القسم لحين طلبة بمعرفة النيابة دة اللى انا قريتة من تاشيرة وكيل النيابة وانا انشاء الله هتابع المحضر واقوم محامى وعموما هو لو الموضوع دة عندنا فى بلدنا مكنش حصل كدة لاكن للاسف انا كنت فى بلد تانية ومن محافظة تانية كمان والحمد لله على كل حال واهو علام عشان الواحد بعد كدة يحرص وشكرا جزيلا لكل المشاركات والنصائح الغالية ولكم تحياتى

[aymank2]

حمدا لله على السلامه يباشا ومش مهم اى حاجه المهم سلامتك.

[Egyptian_Destroyer]

الحمد لله علي سلامتك و ربنا يسترها معانا و معاك :)

[فوزى السيد]

حمدا لله على السلامه يباشا ومش مهم اى حاجه المهم سلامتك.

الله يسلمك يا باشا وشكرا لمرورك الكريم

[فوزى السيد]

الحمد لله علي سلامتك و ربنا يسترها معانا و معاك :)

امين يارب ربنا يسترها معانا جميعا شاكر لمرورك ولك تحياتى

[zezo bose]

اولا صيد جميل جدا ورحلة موفقة ثانيا يا اخوانى الاعزاء وانا رجل قانون تحذير حتى لا يحدث او يتكرر ما حدث مع اى زميل فى المنتدى اهم حاجة يكون السلاح الابيض النصل بتاعه لا يزيد عن 9 سم وساعتها انت خارج نطاق اى تجريم اما عذرا اخوانى اللى بيشيلو مطاوى قرن غزال او سوستة كبيره ده جريمة يعاقب عليها القانون ولو وكيل النيابة مش متفاهم ممكن كانت تبقى جناية مش جنحة كمان وربنا ستر والحمد لله على سلامتك ياباشا ولا تزعل نفسك اخواننا فى الداخلية بيحاولو يثبتو وجودهم فما تسمحوش لنفسكم الوقوع فى الخطا حتى يكون معك الحجة فى الرد على اى حد ايا كان منصبة وطبعا بنادق ضغط الهواء غير مجرمة ولا يعاقب على حيازتها القانون وهى خارج جداول الاسلحة وتحياتى

[فوزى السيد]

اولا صيد جميل جدا ورحلة موفقة ثانيا يا اخوانى الاعزاء وانا رجل قانون تحذير حتى لا يحدث او يتكرر ما حدث مع اى زميل فى المنتدى اهم حاجة يكون السلاح الابيض النصل بتاعه لا يزيد عن 9 سم وساعتها انت خارج نطاق اى تجريم اما عذرا اخوانى اللى بيشيلو مطاوى قرن غزال او سوستة كبيره ده جريمة يعاقب عليها القانون ولو وكيل النيابة مش متفاهم ممكن كانت تبقى جناية مش جنحة كمان وربنا ستر والحمد لله على سلامتك ياباشا ولا تزعل نفسك اخواننا فى الداخلية بيحاولو يثبتو وجودهم فما تسمحوش لنفسكم الوقوع فى الخطا حتى يكون معك الحجة فى الرد على اى حد ايا كان منصبة وطبعا بنادق ضغط الهواء غير مجرمة ولا يعاقب على حيازتها القانون وهى خارج جداول الاسلحة وتحياتى

والله المطوة الى كانت معايا سلاحها لايتعدى 8سم ومكسورة وانا مثبت السلاح فى اليد بشكرتون يعنى لاتصلح لاى شيىء بس هو الموضوع زى ما حضرتك قولت الداخلية بيحاولو يثبتو نفسهم والحمد لله على كل حال وشكرا للمشاركة والنصائح الغالية

[abdoweb]

الف سلامة يا ريس

سؤال بخصوص الكاتر Cutter
هل برضه فيه مشكلة لو استخدمناه ؟

[ابو مروان]

الاخوة الاعزاء _سلام الله عليكم_اولا يا ريت ما حدش يفتى فى القانون بغير علم_ الاستاز كيمو الصعيدى بيقول ان وكيل النيابة ليس من حقة حفظ المحضر_الكلام دة غير سليم لان النيابة العامة هى صاحبة الحق الاصيل فى تحريك الدعوى الجنائية وبالتالى من حقها حفظ المحضر وامرها بالا وجة لاقامة الدعوى الجنائية ويستوى ان يكون محرر المحضر ظابط مباحث او وزير الداخليةنفسة_هناك زميل اخر افتى بان القضية فشنك مادام ما اخدتش رقم حصر ورقم الحصر دة بيطلع بعد لما الجنحة او الجناية يتم الحكم فيهم لا قدر الله وفى الحالة دى المحضر لن ياخذ رقم ادارى وسيحدد لة جلسة موضوعية امام المحكمة _حضرتك لازم تكون اتاخدت اقواللك فى المحضر وقولت انك كنت بتصتاد وكنت لازم تخلى وكيل النيابة يناظر البندقية ويثبت ذللك فى المحضر.....انا باطمن حضرتك انك ما تخافش الموضوع بسيط واى محام ان شاء الله يقدر يجيبللك براءة او ممكن يحفظ المحضر قبل لما يدخل جلسة .... المهم المتابعة ....حتى لا يصدر حكم غيلبى

[ابو مروان]

اى سلاح ابيض _القانون لم يحدد نوعة _كاتر _موس _قرن غزال _خنجر_كلهم سلاح ابيض

[boody]

مالها شفرة الحلاقة lord بربع جنية من اى محل ومحدش حيكلمك لان سلاحها اصغر من 5سم
وحامية جدا تؤدى الغرض

[كيمو الصعيدي]

الاخوة الاعزاء _سلام الله عليكم_اولا يا ريت ما حدش يفتى فى القانون بغير علم_ الاستاز كيمو الصعيدى بيقول ان وكيل النيابة ليس من حقة حفظ المحضر_الكلام دة غير سليم لان النيابة العامة هى صاحبة الحق الاصيل فى تحريك الدعوى الجنائية وبالتالى من حقها حفظ المحضر وامرها بالا وجة لاقامة الدعوى الجنائية ويستوى ان يكون محرر المحضر ظابط مباحث او وزير الداخليةنفسة_هناك زميل اخر افتى بان القضية فشنك مادام ما اخدتش رقم حصر ورقم الحصر دة بيطلع بعد لما الجنحة او الجناية يتم الحكم فيهم لا قدر الله وفى الحالة دى المحضر لن ياخذ رقم ادارى وسيحدد لة جلسة موضوعية امام المحكمة _حضرتك لازم تكون اتاخدت اقواللك فى المحضر وقولت انك كنت بتصتاد وكنت لازم تخلى وكيل النيابة يناظر البندقية ويثبت ذللك فى المحضر.....انا باطمن حضرتك انك ما تخافش الموضوع بسيط واى محام ان شاء الله يقدر يجيبللك براءة او ممكن يحفظ المحضر قبل لما يدخل جلسة .... المهم المتابعة ....حتى لا يصدر حكم غيلبى



راجع قانون الاجراءات الجنائية يا استاذ ابومروان وكلامي لا يتعارض في ان االنيابة صاحبة الحق الاصيل في اقامة الدعوي الجنائية(هل تستطيع النيابة حفظ الدعوي الجنائية في احراز سلاح ناري بين شخص واخر مع تطابق ظروف وملابسات الضبط) بمعني ان تحفظ قضية وتحرك الدعوي الجنائية في قضية اخري مع شخص اخر مع ان الأثنين احرزواسلاح ناري في نفس الظروف؟؟؟

[ابو مروان]

وكيل النيابة مش من حقة حفظ القضية لأن الضابط مسك السلاح الأبيض في الشارع اثناء الكمين
يعي مادخلش محل فراخ مثلا وخد الراجل الي بيدبح الفراخ وعمله محضر ولا دخل دكان جزارة وخد الجزار من جوة وعمله قضية سلاح ودي الحالات الي يجوز لوكيل النيابة حفظ القضية فيها بناء علي وظيفة حامل السلاح الأبيض والمكان الذي ضبط معه فيه ونص القانون واضح بتجريم حيازة السلاح الأبيض بنص صريح ولو تم حفظ القضيةدون أسبابقاطعه تفيد تلفيق الاتهام او عدم معقوليته يكون وكيل او رئيس اليابة قد خالف صريح القانون والهلاء السبيل ليس دليل علي حفظ القضية بل يكون لعدم وجود مبررات لحبس المتهم لحين صدور حكم خوفا من هربه
وبعدين الضابط الي عمل المحضر ظابط مرقع هههههه عشان ماعملش محضر بالندقية وكان من حقة والفيصل هنا المعمل الجنائي بس لو كان عمل البندقية مع السكينه وثبت انها بندقية ضغط هواء يبقي باظت القضية والقاضي وفق التصور وقناعته هايديها براءة عشان كد يبقي الضابط اثبت انه الراجل كان بيصطاد فعلا لكن عشا الضابط عايز القضية ماتبوظش عملكمحضر بالسكينة بس فخللي بالك وربا ينتقم منه

انا بقول كده عشان فوزي مايسكتش ويجيب محامي يتابع الموضوع بدل ما يفاجأ لاقدر الله بحكم غيابي
(دة كلام حضرتك)

[dr_mohasan]

الإخوة الأفاضل , أنتم من أفضل الأعضاء أخلاقاً فى المنتدى

و أنتم قدوة لى و لغيرى فى أصول الحوار الهادىء العاقل

بارك الله فيكم

قال صلى الله عليه وسلم
((انا زعيم ببيت في ربض الجنه لمن ترك المراء وان كان محقا))
رواه أبو داود، في كتاب: الأدب، باب:في حسن الخلق، رقم الحديث: (4800).

[فوزى السيد]

اخوانى الكرام الاختلاف فى الراى لايفسد للود قضية وانا عارف ان الجميع قصدة الخير واللى عندة معلومة او نصيحة ما بيبخلش بيها ودى قمة التعاون والانتماء لبعض لاننا كلنا واحد وكلنا اخوان فى الدين والوطن والنسب ايضا كلنا ابناء ادم وان دلت المشاركات على شيىء انما تدل على رقى الخلق والعمل للصالح العام لكل عضو فى المنتدى الرائع وتذكرو دائما كما قلت مسبقا الاختلاف فى الرأى لايفسد للود قضية واسف اذا كان موضوعى اثار بعض المشاحنات او الاختلاف فى الاراء واولا واخير جميعكم يقصد المساعدة والنصيحة فشكرا لكم جميعا على ما بذلتموة من اجلى ولكم خالص حبى وتقديرى

[كيمو الصعيدي]

اخوانى الكرام الاختلاف فى الراى لايفسد للود قضية وانا عارف ان الجميع قصدة الخير واللى عندة معلومة او نصيحة ما بيبخلش بيها ودى قمة التعاون والانتماء لبعض لاننا كلنا واحد وكلنا اخوان فى الدين والوطن والنسب ايضا كلنا ابناء ادم وان دلت المشاركات على شيىء انما تدل على رقى الخلق والعمل للصالح العام لكل عضو فى المنتدى الرائع وتذكرو دائما كما قلت مسبقا الاختلاف فى الرأى لايفسد للود قضية واسف اذا كان موضوعى اثار بعض المشاحنات او الاختلاف فى الاراء واولا واخير جميعكم يقصد المساعدة والنصيحة فشكرا لكم جميعا على ما بذلتموة من اجلى ولكم خالص حبى وتقديرى

المهم خللي بالك اوعي تسيب الموضوع كده من غير ماتتابعه عشان متتفاجأش بحكم غيابي
وبالنسبة للأخ الاستاذابو مروان تحية طيبة لك
والاختلاف لايعدو ان يكون اختلاف اراء ووجهات نظر وقد اكون انا وانت علي صواب لكن لم تسفعنا الكلمات للتعبير عن مابداخلنا

[فوزى السيد]

المهم خللي بالك اوعي تسيب الموضوع كده من غير ماتتابعه عشان متتفاجأش بحكم غيابي
وبالنسبة للأخ الاستاذابو مروان تحية طيبة لك
والاختلاف لايعدو ان يكون اختلاف اراء ووجهات نظر وقد اكون انا وانت علي صواب لكن لم تسفعنا الكلمات للتعبير عن مابداخلنا

اكيد طبعا انا هتابع المحضر وهقوم محامى وهعمل كل الازم وانا شاكر لمداخلاتك واهتمامك وربنا يديم المعروف ولك خالص تحياتى

[مصطفى ابواسماعيل]

اسأل قبل اى شئ فأنه ماخاب من استشار وما ندم من استخار

[ابو مروان]

لا خلاف والا شىء ان شاء الله انا كل قصدى انى اساعد فى اى استفسار او استشارة قانوية لاخوانى فى المنتدى وليس الموضوع استعراض عضلات لا سمح الله ولا هو اعلان عنى _بس كل ما ابتغية ان اذكى عن العلم الذى اعرفة_وكل تحية وتقدير منى للزملاء الصيادين