سؤال عاجل ارجو سرعه الرد

[محمد حامد الحماقي]

السلام عليكم ورحمه الرحمن وبركاته
اريد معرفه ماهي البندقيه الموريس ولوامكن صوره لها والبندقيه الموزر ولو امكن صوره ل ها وبالنسبه لبنادق ضغط الهواء ما الفرق بين العتله والكسر وايه العتله ديه ومانوع البندقيه ضفط هواء التي ممكن ان تصيد بها بط او بجع او ارنب مثلا علي بعد 50 متر وما سعرها وما الفرق بين البنادق الهاي بور والبنادق العاديه واسف علي الاطاله ولكم جزيل الشكر وسلام الله ورحمته وبركاته

[Max.1]

ان شاء الله الخبراء يفيدوك

[blow c06]

اسئلتك كتيره اوى
استعنى على الشقى بالله
الموريس دى بندقيه ناريه عيار .22 و دى بتستخدم للتدريب فقط لانها ضعيفه و طبعا جميله جدا فى الصيد لو تعرف ترخص واحده. الموزر معرفهاش
بنادق ضغط الهواء الى بعتله يعنى دراع حديد جنب البندقيه بتحركه عشان تعمر البندقيه و الماسوره فى مكانها و ده احسن للحفاظ على البندقيه و لكن بيتقل البندقيه شويه عشان فى حديد زياده عن كسر الماسوره. كسر الماسوره بتتنى الماسوره نفسها لتحت عشان تعمر البندقيه و ساعات الماسوره بتتنى بعد عمر طويل و متبقاش مستقيمه اوى و طبعا ده بيبوظ النيشان خالص.
البنادق الهاى بور يعنى بنادق قويه و الرشه بتخرج من الماسوره بسرعه عاليه تقريبا اكتر من 200 متر فى الثانيه و لو عايز حاجه تصطاد بيها بط و خلافه طبعا اشهر و من احلى البنادق الديانا 52 و الديانا 54 و دول مش هيقل تمنهم جداد عن 5500 لحد 7000 لو نمره 2. و مستعملين انت و حظك بقى
ال bsa mk7 من البنادق القويه اوى برده بس رد فعلها عالى و لو عايز تصطاد حاجات كبيره يبقى خليك فى نمره 2 و ممكن الكرال لو عايز حاجه سعرها فى المتناول بس هتتعب شويه فى الاول لحد متظبطها

[محمد حامد الحماقي]

متشكر لجد لحضرتك ومعلش اعزرني انا عارف اني رخم في اسئلتي بس معلش انتو المصدر الوحيد اللي بثق فيه ثقه عمياء عن ظهر قلب ولك مني الف جزيل الشكر

[blow c06]

ياباشا براحتك.. انا بحب بس انكشك بكلمتين كده