كيفية بيع مسدس حى من ظابط جيش

[Yasser Arafa]

السلام عليكم

والدى لواء جيش متقاعد و معاة مسدس مرخص و اتفق على بيع مسدسة لواحد قريبنا طلع رخصة

إزاى و فين والدى يبيع المسدس؟ أنا عارف أن التنازل بيكون فى القسم اللى أصدر الرخصة لكن الرخصة أصدرت لوالدى من جهة فى الجيش يعنى مش من القسم فهو مش عارف التنازل يبكون فين؟

برجاء الإفادة و شكرا

ياسر عرفة

[fidodido]

يا سيدي الفاضل لو السلاح ميري "او حربي فمينفعش التنازل
لو السلاح شخصي فعادي التنازل فالقسم اللي والدك تابع ليه
و موظف التراخيص اللي فالقسم هوا اللي هقولك تعمل ايه

[Yasser Arafa]

يا سيدي الفاضل لو السلاح ميري "او حربي فمينفعش التنازل
لو السلاح شخصي فعادي التنازل فالقسم اللي والدك تابع ليه
و موظف التراخيص اللي فالقسم هوا اللي هقولك تعمل ايه

المسدس شخصى طبعا و مترخص لكن التنازل فى أنهى قسم؟ الرخصة تم إصداها من الجيش

ظباط الجيش عند طلب الرخصة لا يذهبون إلى القسم لأن ليهم وحدة فى القوات المسلحة مسئولة عن إصدار التراخيص

لو فى هنا ظباط جيش هيكونوا عارفين أن رخصتهم الشخصية تصدر من جهة فى الجيش

أنا سؤالى التنازل بيكون فين؟

[NEW_Year]

حضرتك الاخ فيدو افادك
ارجو قراءة ما كتبة الاخ فيدو
وشكرا
والله اعلي واعلم

[loot-ait]

على حسب معرف ان و الدك حامل لأعفاء مش ترخيص و ده برضوا بيبقى ليه سجل فى القسم التابع ليه بطاقة و الدك او القسم ال فيه محل السكن و تقريبا نفس الاجرائات هيا هيا

[Yasser Arafa]

على حسب معرف ان و الدك حامل لأعفاء مش ترخيص و ده برضوا بيبقى ليه سجل فى القسم التابع ليه بطاقة و الدك او القسم ال فيه محل السكن و تقريبا نفس الاجرائات هيا هيا

فعلا كلام حضرتك دقيق

الكارنية مكتوب علية "إعفاء" و ليس "ترخيص"

واضح من كلام حضراتكم أن القسم اللى هو تابع لية هو اللى بيعمل التنازل رغم أن الرخصة أو الإعفاء لم تصدر منة دى صدرت من حاجة إسمها وحدة تراخيص القوات المسلحة فى مصر الجديدة

اللى مخلينا محتارين أن الرخصة "الإعفاء" مالهاش علاقة بالقسم اللى هو تابع لية و هو أساسا لما كان بيطلع الرخصة مارحش القسم تماما. كانت كل تعاملاتة فى وحدة تراخيص القوات المسلحة

شكرا

[أشرف صبرى]

بالنسبه للبيع يروح ادارة الشرطه العسكريه فرع الخدمات العامه قسم الشهر العقارى و مكانها ف منشية البكرى....وبعد كده يروح قسم تراخيص السلاح قبل الشهر العقارى بمكتبين هيتم فيه رفع السلاح من الرخصه عند مدام فاطمه هناك....هما بيتعاملوا مع اللواءات المعاش بنفس إجراءات التعامل مع الضباط بالخدمه....لو فيه اى استفسار انا ف الخدمه...تحياتى

[Yasser Arafa]

بالنسبه للبيع يروح ادارة الشرطه العسكريه فرع الخدمات العامه قسم الشهر العقارى و مكانها ف منشية البكرى....وبعد كده يروح قسم تراخيص السلاح قبل الشهر العقارى بمكتبين هيتم فيه رفع السلاح من الرخصه عند مدام فاطمه هناك....هما بيتعاملوا مع اللواءات المعاش بنفس إجراءات التعامل مع الضباط بالخدمه....لو فيه اى استفسار انا ف الخدمه...تحياتى

شكرا يا أستاذ أشرف

هو دة اللى كنت عايز أعرفة وواضح أن حضرتك بتقول الكلام دة عن تجربة

تحياتى

[أشرف صبرى]

شكرا يا أستاذ أشرف

هو دة اللى كنت عايز أعرفة وواضح أن حضرتك بتقول الكلام دة عن تجربة

تحياتى

العفو يا باشا..انا تحت امر حضرتك

[hai_rak]

اعتقد انة برضوا فى القسم التابع لة اقامة صاحب المسدس

[أشرف صبرى]

معلش يا استاذ ياسر أرجو التأكد من كلامى لان أنا إتقاللى ان خطوة القسم قبل ماتروح تراخيص الشرطه العسكريه.....مع الاعتذار لو كان كلامى السابق فيه نقص

[bebsi00]

بص يا جميل لو الوالد عايز يستبدل السلاح يعنى هيبيعه ويشترى واحد تانى هيكون النظام كالأتى هيروح على التراخيص اللى فى فرع الخدمات فى الشرطة العسكرية ويعمل هناك ملف إستبدال بعد كده يطلع على قسم الشرطة التابع ليه مكتب التراخيص ويكون هناك قبل الساعة 2 لأن الناس ديه بتروح بدرى ويكون طبعاً معاه المشترى وإذن الشراء بتاعه وهناك هيتعمل تنازل عن السلاح وهيتم كتابة مذكرة على ظهر إذن الشراء والوالد هياخد نسخة منها وياخد ثمن المسدس بعد كده الوالد ياخد المذكرة ديه ويرجع تانى على الشرطة العسكرية ساعتها هيطلعوا له إذن شراء جديد علشان لو حب يشترى سلاح تانى وهيكون صلاحيته 3 أشهر برضه .

[mozo00]

لو عايز تبيعه ومش لقي حد قولي وانا اشترية منك معايا رخصة

[nazekbakr]

لو عايز تبيعه ومش لقي حد قولي وانا اشترية منك معايا رخصة

ياجماعة في ايه انتم بتقولوا ايه روح يا سيدي السيد الوالد يروح الادارة العامة لامداد الشرطة لان هيه المسئولة عن الاسلحة المرخصة الخاصة بضباط الجيش والشرطة ووكلاء النيابة والقضاة وولو حب يغير كمان هيشتر ي سلاح مثلا زي السيج ساور ابو 100 الف بتقريبا 3 الاف جنيه يعني بوظة ياريس

[waleedm]

الكلام دة انتهي من زمان صدر قرار بمنع ضباط الجيش من البيع حال الحصول علي السلاح من الاسلحة و الذخيرة من حوالي شهر
اما الموجود فيها فهي كلها طبنجات تعبانة و نصها مبيضربس و كمان مفيش 9مم الموجود9 قصير
انا زوج اختي عميد طيار و جبنالو من هناك لاما 9 قصير من شهر و ايل كدة كان البيع موقوف اساسا
و شكرا لكم

[راكان]

لو معاةمعاة اعفاء يروح الشرطة العسكرية يعني رخصة حمراء اما لو معاة رخصة العادية يروح القسم التابع لية الي مرخص منة السلاح