قدامي بندقية صيني بـ 250 جنيه

[alif16]

السلام عليكم ورحمة الله وبركاته

قدامي بندقية صيني xs-b3 اسوء عيب فيها ان النشكاه الخلفي بتاعها غير موجود والباقي مقدور عليه ايه رأيكو اشيل ولا ايه

[fidodido]

شيل :)..................

[alif16]

شيل :)..................

طيب والنشنكاه اعمل فيه ايه

[خط الصعيد]

شيل البندقية دى غالية حاليا يعنى ممكن حتة تليسكوب بوشنل صغير ب 120 جنية يحللك المشااكل دى كلها

[alif16]

طيب حد يعرف سعرها جديد كام او مستعمله في حدود كام علشان انا الصراحة اول مره اشوف النوع ده وملاحظ انه مش منتشر ووخايف يكون عدم انتشاره مرتبط بعيوب في هذا النوع يعني يا ريت اي حد يعرف تفاصيل عن السلاح ده او يكون استخدمه يزودني بشوية معلومات عنه علشان احاول ابني رأي صحيح واخد قرار لأني بصراحة عاوز اشتريها

وشكرا

[alif16]

على فكره هيا بيركبلها سكوب

[mr-a]

السلام عليكم ورحمة الله وبركاته

دي بندقية بام b-3 بندقية عادية مداها متوسط

توكل على الله وشيل

[وليد سامى]

يا راجل شيل دى بسعر سستة الديانا وكلة محلول

[ĴΘĶЄЯ]

نصيحة منى شيل ومبروك عليك
السعر ده دلوقتى مش بيجيب حاجة

[alif16]

خلاص طلما كل الناس اجمعت يبقى على بركة الله
بس محتاج منكم نصيحة علشان عاوز اشدها شده محترمة يه احسن سوسته ممكن تركبلها وعاوز اغير الجلبةبتاع البستم علشان متهيقلي انها تعبانة

[وليد سعد زغلول]

اتوكل على الله واشتريها مفيش حاجة دلوقتي بالسعر ده وربنا يباركلك فيها ونصيحة روح للأستاذ محمود شلبي وهو يظبطهالك وتليفونه 01002075115 وتقبل تحياتي

[alif16]

الف شكر لكل من شارك برأيه وان شاء الله هروح اخلص فيها بكرة وياريت اي حد عنده نصيحة م يبخلش عليا بيها

[adel_7768]

السلام عليكم اخي الكريم البندقيه دي مداها بسيط واعطالها و صيانتها رخمه شويه بس من حيث السعر سعرها كويس جدا لانها جديده بتعمل 800 وربنا يوفق حضرتك

[mody_hakam]

شيل يا عم الله يباركلك

[hamada sniper]

انا شارى لو لسة موجودة ان شاء الله

[alif16]

تم الشراء وشكرا لكم
وادي صورة المحروسة:d

[stid]

لو عندك وحده تانيه انا شايل

[mahmoud11144]

البندقية دي حلوة مش وحشة وسعر ولا في الاحلام بس لو جيت تبص انك هتظبطها
هتصرف شوية يعني جلبة وسوستة نضيفة ونشان وشوية حبشتكنات كدة
وعيبها انها قصيرة شوية يعني هتيجي تنشن هتحس انك ماسك بندقية لعبة ومداها متوسط جدا
وطريقة صيانتها صعبة شوية ورخمة اوي وهي بيركبلها تلسكوب عادي مفيش مشكلة وشكلها حلو برضة
وهي بام صيني انال كنت سالت عليها بس من فترة كبيرة كانت زيرو ب600 جنية وانا كان عند عمي اختها
بس كان البستم بتعها مشروخ وبيهرب كبس الهواء وللاسف ملقتوش نهائي
يعني ممكن متلقيلاهاش قطع غيار او ممكن تلاقي بس نادر جدا

انا مش بقولك كدا عشان اعقدك لا بالعكس انا بقولك عشان لو اشتريت
وحبيت انك تنضف عليها من كلو عشان تلاقي قوة جامدة وفي الاخر هتلاقيها عادية جدا
ولو جيت تبيع هي مش مرغوبة اوي
والرأي الاخير بيرجعلك
وربنا يوفقق لما فية الخير ..
تقبل مروري ...

[hamada sniper]

حلوة دى ربنا يحسنلك سوقها