رجا الافادة

[دكتور عابدينوف]

انا دخلت فالموضوع بتاع مصممى السلاح الابيض دا وسالت الاستانلس بتاع السلاح بيجى منين وسعره كام ماحدش رد ربما اصحاب الموضوع مش بيبصوا عليه الله اعلم انا باعملها عادى
المهم باه انا عملت السؤال فموضوع لوحده اهو ياريت الى يعرف يقولى لان باحب اعدل فالتصميمات الكبيرة وعملتها فالتوم براون بس مش متاح التنفيذ عشان ماعرفش اجيب الخامات منين
وشكرررررررراااا

[دكتور عابدينوف]

انا معظم وقتى فالقاهرة ماشى بس هى السبتية دى فين وعاملة ازاى...تعرف حاجة عن الاسعار والوحدات يعنى بالمتر ولا السنتى ولا الكيلو ولا ايه واميز الخامة العالية من الرديئة ازاى؟

[Angel]

السبتية دى فى وسط البلد يا باشا هتنزل ميدان رمسيس ( محطة الشهداء ) و تسئل على شارع السبتية عند موقف عربيات الاسكندرية كدة
معظم الناس هناك بيبيعو الحديد و خامات الاستنليس
هتسئل هناك على شركة كوسبر هما الى بيبيعو الاستنليس نظيف و بالميزان مش بالسنتيميتر

[دكتور عابدينوف]

تمام ربنا يكرمك يا رب بس ماتعرفش باه الكام بكام عشان ابقى عامل حسابى؟

[Angel]

للاسف يا باشا مش عارف ‏

[Angel]

بس اهم حاجة خلى بالك انة بيتباع بالسمك ‏..‏ يعنى قلى انا عايز اتسنلستيل تخانتة مثلا ‏4ملى و كدة

[دكتور عابدينوف]

تمام يا كبير تسلم لاهتمامك

[Angel]

العفو يا باشا و اى استفسار انا تحت امرك

[مورو]

بس أنا أعتقد أن الاستانليس مش بيتقطع بالصاروخ العادي اللي ممكن نقطع بيه والله اعلم ع العموم ربنا يوفقك وتلاقي

[وليد سامى]

الأستانلس هيكون ما بين 40 و60 جنية للكيلو وهتلاقى منة انواع بيسموها للتعاملات الكيماوية علشان بتتحمل الكيماويات وهى الجودة بتكون بأرقام تقريبا 16 اقلهم وفى 66 وبيتقطع بالصاروخ عادى بس بحجر لقطع الأستانلس بيتباع عند الموانين تقول حجر قطعية استانلس والمتخصصون فى السبتية فى سوق العصر حوالى 3 منهم واحد اسمة ابو عصام ولو عايز تقطع او تثنى هناك مفيش مشكلة بثمنة

[قناص الظلم]

انا ممتنع بس ماقدرش اتاخر عنك ما حدش كان قاصد مايردش عليك خلى بالك فى صاج استانلس وفيى استانلس صافى - دول ما بيتسنوش - انت عايز حديد استانلس - ولو تعرف ورشه نيكل عندك زنبرك الباب - سوست الترسكلات والسيارات - حاجه احسن - المنشار الكهربائى الكبير الثابت من اى ورشه نجاره شريط طوله حوالى 8 امتار تقطعه براحتك واستانلس والمنشار الصينيه السلاح بتاعه مستدير ونيكل تقطعه براحتك دول بيتباعو بالكيلو من عند اى ورشه نجاره موبيليا ;) تحياتى

[دكتور عابدينوف]

اها تسلم ياباشا طب هو دا الى بيتسن فعلا واعمل بيه تصميم السلاح الى انا عايزه وكدا؟؟؟
دا من زوقك يا كبير والله اننا ماقلتش ان حد كان يقصد ولا افترض سوء النية ابدا انا قلت يمكمن نسوا الموضوع زى مانا بانسى موضوعات عادى...المشكلة فسلاح المنشار دا ان سمكه مش كبير ماينفعش لكل حاجة

[دكتور عابدينوف]

اها تسلم ياباشا طب هو دا الى بيتسن فعلا واعمل بيه تصميم السلاح الى انا عايزه وكدا؟؟

[دكتور عابدينوف]

دا من زوقك يا كبير والله اننا ماقلتش ان حد كان يقصد ولا افترض سوء النية ابدا انا قلت يمكمن نسوا الموضوع زى مانا بانسى موضوعات عادى...المشكلة فسلاح المنشار دا ان سمكه مش كبير ماينفعش لكل حاجة