سؤال فنى عن خامة البوليمر

[bodygard 34]

سمعت من احد الفنيين فى مجال السلاح ان خامة البوليمر المستخدمه فى تصنيع السلاح الحديث(الجلوك..الهيكلر.. البريتا..الخ) والمشهوره بصلابتها الشديده.. لها عمر افتراضى حوالى 10 سنوات وبعدها تفقد جزء كبير من صلابتها المعروفه وتكون عرضه للكسر..حد يقدر يؤكد المعلومه دى او ينفيها؟؟؟

[blow c06]

المعلومه صحيحه ولكن ليست بالعمر و لكن بعدد الطلقات المضروبه
فكل مسدس له عدد طلقت يضربها و تتعهد الشركه بعدم حدوث حوادث او اصابات فى خلال هذا العدد و لكن بعد هذا العدد انت و نصيبك و هم مش مسئولين

[bodygard 34]

افهم من كده ان الحاجات الجامده دى زى الجلوك والهيكلر ممكن تمثل خطوره فى حالة شراء مسدس مستعمل وانا مش عارف هو ضرب قد ايه؟؟

[blow c06]

تصدق صح
انا مفكرتش فى الموضوع ده قبل كده
انت ممكن تدخل على السايت بتاعهم وتشوف العمر الافتراضى كام طلقه و لما تشترى واحد مستعمل تعرف حالته ازاى.
اكيه فى مؤشرات لان مفيش حد بيعد الطلقات الى بيضربها برده

[bodygard 34]

ده مين اللى بيعد هو ضرب قد اديه؟؟؟ مش ممكن طبعا

[وليد سامى]

طيب ما عرفتش اى نوع من البوليمر واكيد مش بيستعمل فى الماسورة ياريت كمان توضح البوليمر بيستعمل فى اى جزء فى المسدس او ظروف التشغيل زى تعرضة للحرارة او الأحتكاك وكم درجة وان شاء الله افيدك

[bodygard 34]

البوليمر يا سيدى بيستخدم فى النصف الاسفل من السلاح يعنى المقبض(الدبشك) وقنطرة التتك(الزناد) والجزء اللى فوقهم مباشرة والاحتكاكات داخل هذه الاجزاء فى الغالب ناجمه عن العمليه الميكانيكيه سواء فى شد الاجزاء او عمليةالاطلاق نفسها اما الجزء العلوى (الماسورة والكوبرى وابرة ضرب النار) فأعتقد لازم يكون معدن ثقيل (صلب) حتى يتحمل قوة انفجار شحنة البارود الموجوده داخل المظروف والحراره الناتجه عنها..ام اى نوع من البوليمر فأنا لا اعلم

[وليد سامى]

طيب اولا انا اسف على تأخر الرد
عموما اطمن تماما هذة الأجزاء كما قلت بها احتكاك فقط ويوجد انواع من البوليمر تتحمل الأحتكاك لدرجة هائلة تفوق المعادن ولا تتأثر بالعوامل الجوية واعتقد ان انواع البوليمر المتواجدة فى الأسلحة الحية ستكون من افضل الأنواع فصناعة البوليمر متطورة جدا وكثيرا جدا ما يستبدل فى الماكينات المعدن بالبوليمر

[M.Hatem]

البوليمر يا سيدى بيستخدم فى النصف الاسفل من السلاح يعنى المقبض(الدبشك) وقنطرة التتك(الزناد) والجزء اللى فوقهم مباشرة والاحتكاكات داخل هذه الاجزاء فى الغالب ناجمه عن العمليه الميكانيكيه سواء فى شد الاجزاء او عمليةالاطلاق نفسها اما الجزء العلوى (الماسورة والكوبرى وابرة ضرب النار) فأعتقد لازم يكون معدن ثقيل (صلب) حتى يتحمل قوة انفجار شحنة البارود الموجوده داخل المظروف والحراره الناتجه عنها..ام اى نوع من البوليمر فأنا لا اعلم

كلامك صح وانا معاك فعلا لا يمكن انهم يصنعو السلاح بلكامل من مادة البوليمير