الرش الديبلو

[قناص المنوفيه]

هو الرش الديبلو ده نظامه ايه

انا جبته شكل وتقفيل الرشايه عجبنى و مدبب

من قدام بس لسه مجربتوش فى الصيد

هو سعره 100 رشايه 6 ج

[كيمو الصعيدي]

العلبه500 رشة ب40 جنية وممكن تجيبها ب35 ده اخرها

[hosam ibrahem]

العلبة الحمراء 100 رشة كانت ب3جنية لنمرة واحد و 4 جنية لنمرة 2 الشهر اللي فات ...... تحياتي

[سرسور]

على فكرة العلبة 85 : 90 رشة فقط و ليس 100 رشة
و سعر العلبة 3.5 جنيه نمرة 1 و 5 جنيه نمرة 2
وهو رش جيد و افضل كثير من الرماية المصرى

[mibrahem]

انا جبت منه ديابلو التركى العلبة الكرتون الحمراء 100 رشة نمرة 2 حجمها صغير عند وضعها فى البندقية وممكن تقع منك بعد كسر البندقية وقفلها مستعد للضرب

[kefafy]

سؤال فنى يجماعه بيتباع فين فى القاهرة تحديدا فى انهى محل وعنوان المحل
لانى احتمال انزل الشهر ده ان شاء الله
وطبعا بقالى فترة منزلتش
وجزاكم الله خيرا
اخوكم احمد كفافى

[mibrahem]

عند الأستاذ محمود شلبى بسعره الرخيص وعند شاهين فى شارع الجمهورية سرقنى وبعلى العلبة 10 جنية

[kefafy]

انا جبت منه ديابلو التركى العلبة الكرتون الحمراء 100 رشة نمرة 2 حجمها صغير عند وضعها فى البندقية وممكن تقع منك بعد كسر البندقية وقفلها مستعد للضرب

هى مختلفة عن الديابلو الى فى العلبه الصاج؟؟
انا مجربه وكان تحفة طبعا مفيهوش الهوا
على قد بيت الرشايه بالمللى
وانا سمعت ان العلبة الكرتون دى تجارى علشان تكلفه العلبه
انما نفس الكفائه
ياريت توضح يا اخى العزيز وربنا يبارك فى حضرتك يفندم

[kefafy]

هو فين محل الاستاذ محمود شلبى ده ؟
انا اسف بتقل عليك انا من الغردقة ومعرفش الا المحلات الكبرى بس
ربنا يعزك اخى الكريم

[mibrahem]

عند وضع الرشاية فعلا فى بيت الرش فى البندقية نمرة 2 وانت بترجع الدراع تانى لو مميل المسورة بتاعة البندقية لفوق تقع الرشاية من فتحة بيت الرش لاكن لو وازن ايدك بحيث الرشاية تفضل مبيتة فى بيت الرش وتضرب بتطلع كويسة وهى خامتها حلوة قوية مش طرية زى المرسمان المصرى

[mibrahem]

محطة مارى جرجس فى المترو حلوان المرج تخرج من المحطة 100 متر على الشمال بجوار محل عصير من بعد الساعة الخامسة مساء

[mibrahem]

وعلى فكرة استاذ محمود عندة انواع رش اخرى محترمة ورخيصة

[kefafy]

مش عارف اشكر حضرتك ازاى
ربنا يعزك ويبارك فى حضرتك يارب وجزاك الله خيرا

[dr_mohasan]

مش عارف اشكر حضرتك ازاى
ربنا يعزك ويبارك فى حضرتك يارب وجزاك الله خيرا

محطة مارى جرجس فى المترو حلوان المرج تخرج من المحطة 100 متر على الشمال بجوار محل عصير من بعد الساعة الخامسة مساء

صباح الفل يا جماعة

الخروج من محطة المترو فى اتجاه الكورنيش

[mibrahem]

صباح الفل يادكتور نورت والله فعلا كلام حضرتك مظبوط الخروج اتجاه الكورنيش وشكرا لك

[kefafy]

يعنى اعدى الكوبرى الداخلى بتاع المحطة وبعد كدة امشى بجوار المحطة من جه الكورنيش على ايدى الشمال لمسافه 100 متر
مظبوط كدة ؟
وجزاك الله عنى خير جزاء
معلش يا جماعه الغريب اعمى و اعزرونى وربنا يكرمكو جميعا والف شكر استاذ محمد ابراهيم والف شكر يا دكتور محسن
وتحياتى

[mibrahem]

اول متطلع من محطة مارى جرجس اتجاه الكورنيش هتلاقى حارة ضيقة اخارها مقفول على الشمال سيبها وكمل مشى هتلاقى بعد كده محل عصير قصب اضرب واحد عصير هتلاقى استاذ محمود محلة بجوار محل العصير على طول بس اهم حاجة بعد الساعة 5 مساء يارب اكون افدتك

[kefafy]

طبعا حضرتك جزاك الله خيرا
وربنا يستر طريقك يارب
وهضرب العصير باذن الله :)
وشكرا لوقت حضرتك

[dr_mohasan]

طبعا حضرتك جزاك الله خيرا
وربنا يستر طريقك يارب
وهضرب العصير باذن الله :)
وشكرا لوقت حضرتك

تيجى بالسلامة يا باشا , ولو رحت يوم الخميس هاتلاقينا هناك بأمر الله

[عادل عبده]

يعنى اعدى الكوبرى الداخلى بتاع المحطة وبعد كدة امشى بجوار المحطة من جه الكورنيش على ايدى الشمال لمسافه 100 متر
مظبوط كدة ؟
وجزاك الله عنى خير جزاء
معلش يا جماعه الغريب اعمى و اعزرونى وربنا يكرمكو جميعا والف شكر استاذ محمد ابراهيم والف شكر يا دكتور محسن
وتحياتى

نمره محمود شلبى 01002075115
اتصل بيه وهوه هيظبطك واحلى صباح ياعم احمد

[kefafy]

تيجى بالسلامة يا باشا , ولو رحت يوم الخميس هاتلاقينا هناك بأمر الله

يفندم باذن الله تعالى انا هبقا فى حدائق المعادى وانشاء الله اذا عشت هروحلكم مخصوص يوم الخميس مخصوص علشان اتشرف بيكم
وارجو ان اكون سعيد الحظ انى اقابلكم فعلا لان ده شىء يشرفنى
والف شكر يا دكتور على المساعده والله

[kefafy]

نمره محمود شلبى 01002075115
اتصل بيه وهوه هيظبطك واحلى صباح ياعم احمد

عادل بيك عبده يا ارجل واجدع رجل بالمنتدى
انت فعلا الرجوله و الشهامه كلها
انا هنزل باذن الله على اول الشهر وهتصل بيه
ويارب اقابل حضرتك باذن الله وده شرف ليا يفندم
وهجيب معايا محمود ابنى ان شاء الله علشان اعرفه السكه :)

[محمد حافظ بك]

رش ممتاز بس عيبه انه في بعض البنادق بيكون بارز في بيت الرش .. لكن هو ممتاز و انصح ليه لمسافه اكتر من 15 متر عشان بيسرق معايا .. سعر العلبة في اسكندرية 5 جنيه

[tarekvb]

العلبه500 رشة ب40 جنية وممكن تجيبها ب35 ده اخرها
بتجيبو منين بالاسعار دى ؟؟

[abdella300]

ياباشا الرش ده هو تقليد الديابلو مش الاصلى وهو علبة حمرة ومبيكنش 100
رشاية بيكون اقل عشان العلبة بالوزن مش بالعدد وانا لسة جايبة من يومين رقم 2 من عند فتح الله العلبة بـ 4 جنية وعلى فكرة الرش ده ممتاز وكمان فية الجامو العلبة 250 رشاية 30 جنية لرقم 2 والبروماجنوم 500 رشاية 35 جنية بس لرقم واحد

[msa_79]

انا رأيي ان الرش ده مناسب جداا للبنادق المتوسطه القوة والضعيفه لان مقاومته للهواء قليلة جداااا
انما بالنسبه للبنادق الهاي باور هايكون سرعته عاليه جدااا وهايسرق الطير ده غير ان قوة البندقية سوف تؤثؤ علي دقته وطبعا العبرة بالتجربة