لخبراء الكرال

[aymank2]

السلام عليكم ورحمه الله. اشتريت بندقيه كرال خشب جديده ولكن تواجهنى بعض المشاكل اول مشكله هيا عدم ظبت النشان مع انى حاولت كثير البندقيه بتضرب اعلى من اللزم انا ومش قادر اوطى البكره اكثر من كده لانى مش هقدر اشوف الدبانه الاماميه بسبب البكره نفسها حتحجب الروئيه.فى بعض الاخوه الافاضل فى المنتدى بيقولو افك السوسته بتاعت الناشنكاه وانا مش عارف ازاى.
ثانى مشكله هو لازم اشحم البندقيه وانضفها من رايش المصنع واغير الجلبه الفبر بواحده حديد قبل الا ستخدام زى بعض الاخوه الزملاء كاتبين بصراحه انا اخرى افك الدبشك بس بعد كده اخاف خاصه البندقيه لسه جديده فيريت حد يدلنى على حد صيانه شاطر يكون قريب من الزيتون اوالمطريه .

[pooforever_2010]

مكانك فين يا باشا
ولازم الصيانه واللى اضمنهولك محمود شلبى
عند محطه مترو الملك الصالح
ومشكله الناشينكاه لازم تفتحله فالدبشك وراجع موضوع اخونا امين حجازى
ثوانى اشوفلك الرابط
فيه كل التعديلات
تحياتى

[pooforever_2010]

ده الرابط يا معلم عيش
http://www.egypthunt.net/showthread.php?t=22347
ولو عاوز اى خدمه انصحك تراسل اخونا عادل عبده
ملك الكرال فالمنتدى
تحياتى

[aymank2]

شكرا والله لردك السريع..انا ساكن فى ترعه الجبل قريب من الحلميه وانا هخد برايك وهراسل أ. عادل عبده بس انا كنت فاكر ان الموضوع بسيط وممكن حد من الاخوه الزملاء ساكن قريب يعمل الصيانه ديه ويعرفنى ازاى افك البندقيه واركبها عملى وبرضه حقه محفوظ نظير تعبه. وشكرا تانى على ردك.

[pooforever_2010]

شكرا والله لردك السريع..انا ساكن فى ترعه الجبل قريب من الحلميه وانا هخد برايك وهراسل أ. عادل عبده بس انا كنت فاكر ان الموضوع بسيط وممكن حد من الاخوه الزملاء ساكن قريب يعمل الصيانه ديه ويعرفنى ازاى افك البندقيه واركبها عملى وبرضه حقه محفوظ نظير تعبه. وشكرا تانى على ردك.
يا حبيبى من غيرحق ولا باطل
طيب اقولك لو تعرف تقابلنى فشبرا
حوريك درس عملى على الكرال بتاعتى
او تجيب البندقيه لو تقدر وانا تحت امرك ومش كلام اقسم بالله
مستنيك يا باشا

[aymank2]

والله العظيم انتا انسان ذوق ومحترم بس انا مش عاوز اتعب حضرتك ولو انتا مصر تتعب معايه بس قولى فين عنوان محمود شلبى بالظبط انا بس المشكله انى مكنتش عاوز اتحرك بالبندقيه مسافه كبيره انتا عارف البلد قلق والبندقيه شكلها عامله زى ميكون بندقيه حيه والجهله اكثر من الهم على القلب...والعالم كلها هتفتكرنى قناص والا حاجه رايح اخلص على حد.... هههههه

[pooforever_2010]

يا حبيبى مفيش تعب ولا حاجه
بص يا كبير حطها فالكرتونه ولفها ورق جرايد ولزقها
حتبقى زى كام لمبه نايلون

وتعالى شرفنى وتحت امرك

[Orabi]

يا باشا أنا برضه كنت لسه جايب كرال الاسبوع اللي فات . متضربش بيها الا لما تغير الدليل الفيبر بواحد حديد لأن الفبر بيكسر و هيقوم مبوظ مجموعة الزناد. عليك و علي الخبير محمود شلبي هتروحله هيظبتلك البندقيه (تغير الدليل بواحد معدن + تغير السوسته + تنظيفها من رايش الفبريقه و تشحيمها) من الأخر هيقلبلك البندقيه مدفع زي الديانا بالظبط. كمان هيظبتك مع ناس قديمه ساكنه جنبك علشان تتطلعوا تصتادو مع بعض. و أي خدمه يا معلم :)

[sakr elbwady]

الاستاذ ايمن
تحية طيبة
حضرتك حتركب مترو الانفاق وتنزل محطة مارى جرجس وتخرج من الباب ناحية النيل وتمشى حوالى عشرة متر على ايدك الشمال محل غصير المحل ستجدة على ناصية الحارة المجاورة لة
شكرا



م محمد

[aymank2]

اولا انا متشكر جدا لردكم عليا ناس كلها ذوق وعاوزه تساعد... انا روحت النهارة فعلا وعم محمود شلبى عمل معايه صح الصح شحم البندقيه وغير الفبرا بواحده حديد وقالى متغيرش السوسته هى زى الفل ...هو بس لقى عيب فعلا فى مجموعه الناشنكه الخلفى وظبطه وبيته فى مكانه وقالى هو مايل بس انتا ممكن تتعايش معاه وتظبته مع الضرب . لو مش هزعجكم يا جماعه انا مبطل صيد بقالى عشر سنين وكنت ساكن فى منطقه ثانيه خالص كنت عاوز اى حد تعرفو من الزملاء الافاضل يكون قريب منى يشجعنى وننزل نصطاد مع بعض انا ساكن فى شارع ترعه الجبل قريب من الزيتون والمطريه. وشكرا ليكم مره ثانيه