قوة ودقة بنادق ضغط الهواء ( الرش )...الجزء الرابع: Diana 54 Airking

[Consul]

بسم الله الرحمن الرحيم...السلام عليكم ورحمة الله وبركاته أخواني الأعزاء وأبنائي الأحباء...يا رب تكونوا جميعا في أحسن صحة وأسعد حال وعلى ما يرام ومصرنا الحبيبة الغالية في أمن وأمان ورخاء...اللهم آمين...وكما وعدتكم حبايب قلبي اليوم أستكمل معكم سلسلة قوة بنادق ضغط الهواء ( الرش ) مع واحدة من أجمل وأقوى وأدق بنادق ضغط الهواء وفخر الصناعة الألمانية...الملكة المتوجة والجالسة والمتربعة على عرشها ومن حولها الخدم والحشم والجواري كل يتسارع ويتبارى في طاعتها وخدمتها لتلبية ندائها وتنفيذ أوامرها...والملوك والأمراء وعلية القوم رهن إشارتها يتقربون إليها ويخطبون ودها ويلقون بالعطايا والهبات والهدايا تحت أقدامها لعلهم يحظوا بقبولها ورضاها عنهم ولو بنظرة...ملكة عن جدارة وبلا منازع على عرشها في مملكتها وفي فئتها...إنها الـ Diana 54 Airking...سليلة حتشبسوت ونفرتيتي وكيلوباترا...مصنعة من أقوى وأفضل وأجمل الخامات...متناسقة ومتوازنة جدا وأبعادها محسوبة بدقة عالية لدرجة أنك لا تشعر معها بثقل وزنها الذي يبلغ 10,1 ليبرة تعادل 4,6 كجم...ويبلغ طول رقبتها قصدي ( ماسورتها الثابتة ) 17,3 إنشز ( بوصة ) تعادل 44 سم وطولها الأجمالي 44 إنشز ( بوصة ) تعادل 112 سم أي 1,12 متر...تبلغ سرعتها في عيار 5,5 ( نمرة 2 ) 850 ف/ث تعادل 260 م/ث ( الإصدار الأمريكي rws يزيد في سرعته 10-15 م/ث ) قوية ( هاي باور )...نيشاناتها حديد دقيقة جدا وسريعة في التجميع...نظام التعمير عتلة جانبية وتلقيم الرش بوابة علوية...بها نظام مانع الإرتداد فلا تشعر معها بأي ردة فعل للبندقية مما يجعلها ثابتة ودقيقة جدا في إصابة الهدف...كما وأن بها عدد 2 أمان:- الأول بجوار فتحة البوابة لضمان عدم إرتداد الذراع ( العتلة ) أثناء التعمير...والثاني تلقائي لضمان عدم إطلاق البندقية بالخطأ بعد التعمير...وأترككم لتستمتعوا بمشاهدة الصور التي توضح مدى قوة ودقة البندقية في إصابة الهدف ( كارت نيشان صغير ) مقارنة بعملة معدنية فئة ( 25 قرش ) على بعد 15 متر...أتمنى لكم مشاهدة ممتعة وأدعو الله من قلبي مخلصا أن تنالوا رضا وقبول هذه الملكة وأن يمن الله ويجود عليكم بها مثلي...فهي مليكتي وقد أسرتني بجمالها وأنا متيم بها وقد ملكتها بفضل الله وكرمه...على وعد باللقاء مع إحدى الأميرات قريبا إن شاء الله...لا تنسوني من صالح دعائكم...وتقييمكم الجميل...تقبلوا جميعا خالص تحياتي وتقديري وإحترامي...

[عادل عبده]

كده كتيـــــــــــــــــــــــــــــــــــــــــــــــ ـــــــــتتر بقى بجد
راعى اخواتك الرفيعين وانهوم غلابه ونفسيتهوم متستحملش الانجازات اللى تعقد ديه يا باشا
بس بجد انت فخر صيادين مصر
ربنا يديك الصحه يرب والواحد يحصل انشاله نص معاليك

[Consul]

كده كتيـــــــــــــــــــــــــــــــــــــــــــــــ ـــــــــتتر بقى بجد
راعى اخواتك الرفيعين وانهوم غلابه ونفسيتهوم متستحملش الانجازات اللى تعقد ديه يا باشا
بس بجد انت فخر صيادين مصر
ربنا يديك الصحه يرب والواحد يحصل انشاله نص معاليك

بارك الله فيك حبيب قلبي...الله يكرمك ده بس من ذوقك وكرم أخلاقك...إنت بس بتخزي عنك العين...ما شاء الله عليك...بكره تجيبها وتجيب إحسن منها إن شاء الله...أهم شيئ الستر والصحة والرضا...نعمة ربنا يديمها عليك وعلينا جميعا اللهم آمين...شرفتني حبيب قلبي وما تحرمنيش من مرورك الكريم وتعليقاتك الجميلة العطرة الفواحه...وبعدين فين تقييمك يا جميل؟...يبقي الموضوع ما عجبكش...وإنت بتجاملني وبتعمللي فرح العمدة...وإللي يحبنا ما يضربش نار...وكرسي في الكلوب والحاجات دي...ولا يهمك حبيب قلبي...كفاية عليا مرورك الكريم...خير وبركة...خالص تحياتي...

[عادل عبده]

بارك الله فيك حبيب قلبي...الله يكرمك ده بس من ذوقك وكرم أخلاقك...إنت بس بتخزي عنك العين...ما شاء الله عليك...بكره تجيبها وتجيب إحسن منها إن شاء الله...أهم شيئ الستر والصحة والرضا...نعمة ربنا يديمها عليك وعلينا جميعا اللهم آمين...شرفتني حبيب قلبي وما تحرمنيش من مرورك الكريم وتعليقاتك الجميلة العطرة الفواحه...وبعدين فين تقييمك يا جميل؟...يبقي الموضوع ما عجبكش...وإنت بتجاملني وبتعمللي فرح العمدة...وإللي يحبنا ما يضربش نار...وكرسي في الكلوب والحاجات دي...ولا يهمك حبيب قلبي...كفاية عليا مرورك الكريم...خير وبركة...خالص تحياتي...


احلى تقييييم للاحلى اب روحى واحلى قدوه واحلى مثل اعلى فى الدنيا كلها
ومعلش بقى نسيت التقييييييييم
انت عارف الواحد فى دماغه ميت موال
دعواتك لنا بالتوفيق والسداد

[dr_mohasan]

بارك الله فيك يا استاذنا الغالى , و ربنا يكرمنا بملكة زيّها تملى علينا البيت حمام و يمام و فراخ

خالص تحيّاتى لحضرتك

[koko polo]

ربع جنيه ياجاااااااااااااااااااامد كفاية تعقيد بقه . ربنا يديم عليك الدقة

[سرسور]

ما شاء الله عرض رائع
بارك الله فيك و لك
و جزاك الله خيرًا

[mohamed2010habib]

بارك الله فيك استاذنا جمال باشا

[AMR EBID]

بسم الله ما شا الله الله ينور لكن الدبشك ده اول مره اشوفو
زي ال٥٢ تحياتي

[adel_7768]

افادك الله استاذنا الغالي والاب الروحي للمنتدي جزاك الله عنا خيرا وبالتوفيق دائما

[amin hegazy]

بسم الله ما شاء الله ربنا يباركلك فيها يارب ويدلك خيرها ويكفيك شرها والف شكر على السلسة الرائعه المليئة بالمعلومات المفيدة

[hosam ibrahem]

والله وحشنا موضوعات حضرتك الجميلة و خبرتك الكبيرة وربنا يكرمنا بملكة زيها ويبارك لحضرتك فيها.