بسم الله الرحمن الرحيم
الاخوة الافاضل
سلام الله عليكم وبعد
محاولات ومحاولات ونفسى اصيد فى مره حتو ولو ربع كيلوجرام
ودخلت على موقعكم الكريم وقبل ما انتهى من دراسة المواد العلميه عملت عجينة الخبز ومفيش فايده
المهم هل يمكن عمل العجينه من الدقيق مباشره
وهل عجينة الخبز الفينو نفس عجينة الخبز البلدى
انا اصيد فى نهر النيل والترع المحيطه
ارجو الافاده وشكراً

شوف يا باشا لو عاوز تعمل عجينه خد المقادير ( دقيق + سكر + بيضه +زيت) يعنى زى عجينه الفطيرة كده او البيتزا ولوعاوز تريح نفسك هات عجينة من الفطاطرى ...........
بالنسبة انك بتصطاد فى النيل و الترع احسن طعم ليها هو الطعم البلدى ( الدود البلدى ) طبعا من اى محل ادوات صيد مش عارف بقى عندكو مين اللى بيبيعه ... وعموما السمك اليومين دول قليل عشان الجو مش ظابط وفيه نوات وهوا لسه على شهر ابريل كده ان شاء الله هيبقى تمام

حضرتك ممكن تكون مبتنتش السنارة كويس لما السمكة تاكل الطعم ولازم زى ماقال الرحالة تصتاد بدود (علق) لانه بصراحة احسن طعم فى المياه العزبة وفى الاول وفى الاخر الصيد رزق

الصيد بالعجين محتاج اوقات معينة واماكن محددة وطريقة فى الصيد مختلفة عن باقي الطعوم والسنون بيكون لها شكل معين وحجم الرصاص والفلة وطول الوش
والعجين له سمك معين بيدخل عليه
لو اول مرة تصطاد بعجين هتبقي صعبة عليك .. لازم تصطاد مع حد خبرة فى الصيد وتتعلم منه
وحاليا مش موسم السمك .. موسم التعابين
وافضل طريقة للصيد حاليا هو التحديف واصطاد بطعم دود هو الطعم الرسمي للعذب
وفى الاخر الصيد رزق

بسم الله الرحمن الرحيم
الاعضاء الافاضل
والله انا سعيد جداً لردودكم وارجو الرد على هذه الرساله
1- بالنسبه لدود الارض المشكله انى اعيش فى ارياف بنى سويف والفلاحين زى حلاتى فى البلد لا اسلم من كلامهم فى حالة روئيتهم لى انقب فى الارض على دود او حتى شاهدونى اصيد فاضطر الى المشى مسافه بعيده الى قريه مجاوره فاحاول عمل العجين لان مفيش حد بيبيع الدود
2- بانسبه لهذا الوقت مخرجش للصيد خالص مع انى احب الخروج ؟ افيدونى
3- هل يمكنك كصائد محترف تتعب نفسك معايا وتكتبلى رساله بعنون
**************** يوم صيد **************8
بمعنى توصفلى الادوات والطعوم الى هخدها معايا وبمعنى اخر اعتبر نفسك فى قرية من قرى بنى سويف وخارج للصيد
معلهش اعرف انى اثقل عليكم ولكن لا يوجد فى القريه هواة الصيد وعندما اشاهد هواة القاهره عندنا فى موسم الصيف استحى اسئلهم
وشكراً على تواصلكم

خلاص حضرتك اصتاد بغلة او ريم

بسم الله الرحمن الرحيم
الاعضاء الافاضل
والله انا سعيد جداً لردودكم وارجو الرد على هذه الرساله
1- بالنسبه لدود الارض المشكله انى اعيش فى ارياف بنى سويف والفلاحين زى حلاتى فى البلد لا اسلم من كلامهم فى حالة روئيتهم لى انقب فى الارض على دود او حتى شاهدونى اصيد فاضطر الى المشى مسافه بعيده الى قريه مجاوره فاحاول عمل العجين لان مفيش حد بيبيع الدود
2- بانسبه لهذا الوقت مخرجش للصيد خالص مع انى احب الخروج ؟ افيدونى
3- هل يمكنك كصائد محترف تتعب نفسك معايا وتكتبلى رساله بعنون
**************** يوم صيد **************8
بمعنى توصفلى الادوات والطعوم الى هخدها معايا وبمعنى اخر اعتبر نفسك فى قرية من قرى بنى سويف وخارج للصيد
معلهش اعرف انى اثقل عليكم ولكن لا يوجد فى القريه هواة الصيد وعندما اشاهد هواة القاهره عندنا فى موسم الصيف استحى اسئلهم
وشكراً على تواصلكم


اتفضل ده موقع عن الصيد النهري والبحري فى مصر ممتاز جدا
http://www.egfishingclub.com/board/index.php?sid=cf6b830189943b98548762e90eb780b2

ياباشا اصطاد بغلة ودي بتجيب أحجام كويسة من البلطي
المقادير :)
نص كيلو غلة وانقعوا كده يوم
والصبح ونت رايح طلع شوية حلوين اديهم نص غلوة بحيث تبقي طرية وتدخل في السنارة بدون ماتتهري
وتوكل علي الله اعملك 3 ادوار كده علي مسافات كويسة من الغلة اللي مش مغلية
حط شوية في منطقة ظاهرة في المية علي الجسر وارمي 8 او 10حبات قدامهم في نص دايرة قدامك نص قطرها 1.5متر وابدأ اتنقل بين الأدوار بس متصطادش بيها بليل عشان ماتطلعلكش عفاريت
تحياتي :)