المساعد الشخصي الرقمي

مشاهدة النسخة كاملة : Bsa meteor

مصطفى_منصور
10-06-20, 04:31 PM
السلام عليكم و رحمة الله

عايز أعرف رأيكم فى البندقية bsa meteor انا ان شاء هاشترى واحدة من واحد صاحبى هى حالتها ممتازة بس انا لا أعرف عنها اى شى . يعنى مواصفاتها سعرها اى معلومة .
علشان انا لسة جديد فى الهواية
أرجو ان تتقبلونى فى منتداكم الرائع
rock
10-06-20, 05:50 PM
السلام عليكم ورحمة الله ...ازيك يا مصطفى انا معرفش حاجه عنها (جديد) بس ممكن افيدك ...
اولا البى اس ايه فخر الصناعه الانجليزيه .........ثانيا :

BSA Meteor

الطول الكلي للبندقية: 109cm
طول الماسوره: 47cm
الوزن : 2.8kg
أقصى قدر من الطاقة :
.177/4.5mm
825 قدم / ثانية و 271 م / ث
.22/5.5mm
570 قدم / ثانية ، 187 م / ث
ورايى هى بندقيه جيده . بس لو كنت موس فى الضرب انصحك لو مفيش فلوس للديانا جيب الجامو بس هى رائعه .وتحفه.بس طبعا الاساتذه الكبار هيجيبوا من الآخر..هههه.شكرا ليك ودى شوية صور للمدافع البى اس ايه الانجليزيه .تقبل مرورى .
مصطفى_منصور
10-06-21, 01:18 AM
ايه يا جماعة محدش جربها يقولى اى حاجة عنها
جزاك الله خير ياrock على الرد بس معلش لو ممكن تقولى سعرها تقريبا يعمل كام
galal khalifa
10-06-21, 09:29 AM
معلش يا استاذ مصطفي انت عارف الاجازات والحر المهم البندقية الي انت ها تشتريها بندقية لاغبار عليها كصناعة انجليزي تتميز بالدقة والعراقة ولكن اليندقية دية سرعتها مش عالية 570 fps يعني مش هاي باور ولكب اذا كنت ها تصتاد طيور صغير يعني عصافير ويمام ها تكون كويسة انما لو انت عايز تستمتع بالصيد بجد دور واشتري بندقية سرعتها 722 fps وتقبل تحياتي
مصطفى_منصور
10-06-21, 04:28 PM
أستاذ جلال جزاك الله على الرد و على المعلومة بس جت متأخرة أنا خالص أشتريت):):
بصراحة كنت مستعجل وخايف ان الوقت يمر وتحصل حاجة و لا اشترى حتى نبلة
بس و الله هى عجبانى و أن شاء الله نصطاد بيها طيور صغيرة لحد ما ابقى تمام و أشترى واحدة أقوى
adel152
10-06-22, 10:07 PM
أستاذ جلال جزاك الله على الرد و على المعلومة بس جت متأخرة أنا خالص أشتريت):):
بصراحة كنت مستعجل وخايف ان الوقت يمر وتحصل حاجة و لا اشترى حتى نبلة
بس و الله هى عجبانى و أن شاء الله نصطاد بيها طيور صغيرة لحد ما ابقى تمام و أشترى واحدة أقوى

أستاذ مصطفى
أولا ألف مبروك على البندقية الجديدة وربنا يكفيك شرها ويديك خيرها يارب.
ممكن تقولنا البندقية MK6 ولا MK7 .
نمرة 1 ولا نمرة 2 .
ولو مافيش عند حضرتك مانع سعرها كام.
أعتقد أن مافيش أعضاء عندهم خلفية عن سعر هذه البندقية ولذلك ماكنش فى ردود على حضرتك بالنسبة للسعر.
فياريت حضرتك تكون أول واحد يحدد سعر النوع ده من البنادق للأعضاء الأخرين لو عايزين يشتروا هذا النوع من البنادق فى المستقبل.
وبرده علشان نقدر نقارن بين سعرها وأسعار البنادق الأخرى المعروف أسعارها سواء كانت BSA او الأنواع الأخرى النوريكا والجامو والديانا.....ألخ
ده موقع MK6
http://www.bsaguns.co.uk/sgun_meteor_mk6.php
وده موقع MK7
http://www.bsaguns.co.uk/sgun_meteor_mk7.php

شكرا
عادل
مصطفى_منصور
10-06-23, 01:43 AM
أستاذ مصطفى
أولا ألف مبروك على البندقية الجديدة وربنا يكفيك شرها ويديك خيرها يارب.
ممكن تقولنا البندقية MK6 ولا MK7 .
نمرة 1 ولا نمرة 2 .
ولو مافيش عند حضرتك مانع سعرها كام.
أعتقد أن مافيش أعضاء عندهم خلفية عن سعر هذه البندقية ولذلك ماكنش فى ردود على حضرتك بالنسبة للسعر.
فياريت حضرتك تكون أول واحد يحدد سعر النوع ده من البنادق للأعضاء الأخرين لو عايزين يشتروا هذا النوع من البنادق فى المستقبل.
وبرده علشان نقدر نقارن بين سعرها وأسعار البنادق الأخرى المعروف أسعارها سواء كانت BSA او الأنواع الأخرى النوريكا والجامو والديانا.....ألخ
ده موقع MK6
http://www.bsaguns.co.uk/sgun_meteor_mk6.php
وده موقع MK7
[url]http://www.bsaguns.co.uk/sgun_meteor_mk7.php[/url

شكرا
عادل

الله يبارك فيك
هى mk6 معلش مش عارف احط صورتها و هى نمرة 2 بالنسبة للسعر انا أشتريتها ب 800 جنيه من واحد صحبى وكنت عايز اعرف السعر ده كويس ولا لا بس بعدين رحت لمحل سمير زكى اللى فى مصر الجديدة جنب سينما هليوبلس و سألت على السعر بتعها وجدت عنده واحدة ميركورى قالى ب 2000 جنيه حاولت معه علشان أعرف أخرها مرضيش بس من الكلام حسيت انه ممكن يبيع ب 1800 بصراحة قلت ان اللى معى دى كده فرصة كويسة جدا .
بس كنت عايز التأكيد من الخبراء فى المنتدى .
خط الصعيد
10-06-23, 03:23 AM
الف مبروك و ربنا يباركلك فيها كان ليا استفسار يا استاذ عادل لو سمحت عن mk7,و سعرها يعمل كام لو جديدة ولو مستعمله بحالة جيدة فى حدود كام و الف شكر
adel152
10-06-23, 02:29 PM
والله لوعندى اى خلفية عن سعرهم مش ح أتأخر عليك علشان كده طلبت من الأخ مصطفى السعر الى أشترى بيه علشان يكون بدايه لتحديد سعر المستعمل على الأقل الموديل الى أشتراه وأعتقد (والله وأعلم) أن السعر الى دفعه معقول جدا بالنسبة لبندقية bsa mk6 نمرة2 .
بس طبعا الأستاذ جلال ممكن يعرف لنا أسعار هذه البنادق جديدة بكام؟