طلعه بالصدفه

[mohamed2010habib]

السلام عليكم يا احلى منتدى......
اليوم الاحد 12-2-2012 ابنى لم يلحق الباص بتاع المدرسه:mad:, فرحت أوصله و لقيت الجو مغيم قولت فرصه انا بقالى 3 اسابيع ماطلعتش :rolleyes:, أخذت البندقيه معايا و وصلت أحمد و رحت لمكان صيدى المفضل محطة القطار و ربنا كرمنى ب 6 يمامات فى سا عتين و الحمد لله
المهم قولت اصورهم و انا واقف بجوار السياره سمعت صوت طير تحت الكوبري ببص لقيت جوز دجاج ماء و من مسافه تقريبا 20 متر سميت و ضربت على احداهما وو فقنى الله و كان اول دجاجة ماء اصطادها , صحيح اتبهدلت لما طلعتها من المياه بس سعادتى بها كانت كبيره.
البندقيه كانت سلافيا 631 و اول مره اطلع بيها . رد فعلها هادى جدا و ملهاش صوت تقريبا و ده مهم جدا ليا فى الصيد , الرش جامو ماتش العلبه ب 35 جنيه , الرش اخترق كل اليمام ( دخل و خرج) رغم ان المسافات معظمها فوق ال20 متر , بصراحه احترمت البندقيه دى جدا و الصيد موش عايز اكتر من كده........ من الاخر كان يوم جميل و تحياتى للجميع ........... اخوكم د صيدلى- محمد حبيب

[قناص المنوفيه]

اصلى يا ريس طلعه جميله وفعلا دجاج الماء ده مشكله
عمرى ما ضربت واحده وعرفت اجيبها لدرجه انى بقيت اشفهم ولا اكنهم موجودين

[الرحاله]

خلاص يا باشا كل مرة اعملها بالصدفة هههههه تسلم الايادى

[samraghost]

طلعه جميله ومبروك اول فرخه ميه تصطادها ولما تذوق طعمها هاتسعى انك تصطادها فى كل رحله صيد

[dr_mohasan]

http://im21.gulfup.com/2012-01-30/1327926568401.jpg

[big man]

طلعة جميلة جدااا بالهناء والشفاء

[عادل عبده]

بلدياتى حبيبى
ايه ياعم الجمال ده
تسلم ايدك
والسلافيا فعلا خرسا وموس وبسبوسه كمان
ربنا يباركلك فيها ويكفيك شرها يارب

[fadeel79]

بسم لله وما شاء الله ، اعتقد انك كل يوم هتتمنى ان احمد يفوت الباص ههههههههههه.

انا كمان نفسى اصطاد دجاجة ماء .

[مصطفى ابواسماعيل]

تسلم ايدك وعقبال البط والديوك السطانى

[عبد.الرحمن]

الله ينوررررررر

[وليد سعد زغلول]

بسم الله ما شاء الله وطلعة موفقة وبألف هنا وشفا

[فوزى السيد]

الله ينور يا برنس اما بالنسبلة للسلافيا فانا احترمى لها فوق الوصف لانها عندى وجبت عليها الرويال بس مش ممكن افرط فيها لانها فعلا بندقية صيادة من الدرجة الاولى ودقة حدث ولا حرج انا معدلها الجلبة وعملها جلبة زفرة وفرقت معايا جدا عن الجلبة الفيبر ولك تحياتى

[mohd_wafik]

بسم الله ما شاء الله طلعه جميله اوي و تقبل تحياتي

[3mad]

بسم الله ماشاء الله

[magdyfer3on]

الله ينور يا دكتور وأحسن حاجه أن حضرتك شرحت الموضوع بالتفصيل من غير محد يسألك وياريت كله يعمل كده

[ابو مروان]

احلى حاجة الطلعات اللى على خوانة دى اللى موش مترتب لها_وصف ممتاز للرحلة ومفيد جدا_بالتوفيق يا دكتور بس ليا ملاحظة فى انواع السلاح اللى حضرتك تملكها يا ريت تعدل كلمة ان شاء الله لان مكتوبة غلط

[mibrahem]

احلى حاجة انها طلعة على فجأه موفق دائما ان شاء الله

[mohamed2010habib]

شكرا لكل الردود المشجعه ,,,,,بجد المنتدى ده هو اللى حببنى فى الهوايه اكتر و اكتر ,,,,,شخصيات قمة الاحترام,,,,موش هاقول اكتر من كده

[mohamed2010habib]

احلى حاجة الطلعات اللى على خوانة دى اللى موش مترتب لها_وصف ممتاز للرحلة ومفيد جدا_بالتوفيق يا دكتور بس ليا ملاحظة فى انواع السلاح اللى حضرتك تملكها يا ريت تعدل كلمة ان شاء الله لان مكتوبة غلط

تم التعديل و جزاك الله خيرا

[tamer elgendy]

الله ينور يادكتور
تسلم ايدك وبالهنا والشفا