المساعد الشخصي الرقمي

مشاهدة النسخة كاملة : طلعة خفيفة بعد العصر

فوزى السيد
12-02-07, 08:11 PM
امبارح كنت زهقان زمش لاقى حاجة اعملها قولت اتمشى بعد العصر والحمد لله راح الزهق وربنا كرم باللى فى الصور ولاقيت مكان مليان حمام برى بس لاسف مرضيش اضرب منة لانة واقف على سلك وتحتة ارض مزروعة قمح وماينفعش ادخل الارض عشان اجيب اللى هيقع انا بس ضربت فرد كان واقف لبرة وعرفت اجيبة واستكفيت انى اصور الباقى عشان ما اضربش حاجة ومعرفش اجيبها يبقا حرام بس باذن الله اول ما يضمو الارض دى هروحلة ومش هسيبة واليكم الصور
عادل عبده
12-02-07, 08:16 PM
ماشاء الله يا استاذ فوزى الموس مظبطه معاك الدنيا
ربنا يطعمك منها ويكفيك شرها
فوزى السيد
12-02-07, 08:20 PM
ماشاء الله يا استاذ فوزى الموس مظبطه معاك الدنيا
ربنا يطعمك منها ويكفيك شرها

الله يباركلك عادل باشا فعلا الموس شغلها عالى جدا وشكرا لمشاركتك ولك تحياتى
amin hegazy
12-02-07, 08:27 PM
بسم الله ماشاء الله الله ينور الموس شغال حلاقه زي الفل على الحمام واليمام بالتوفيق دائما
messam
12-02-07, 08:28 PM
مشأء الله ربنا يزيد ويبارك
eng.amg
12-02-07, 08:34 PM
ما شاء الله.. صيد زي الفل ومكان جامد جداااا
NewSomeBody
12-02-07, 08:52 PM
ماشاء الله طلعة موفقة

بس خلي بالك صيد الحمام فى مناطق سكنية ممكن يعملك مشاكل وحد يتلككلك ويعمل مشكلة معاك

الرفراف وفرخ الغيط .. ياريت لو تقول طريقة تنضيفهم وطبخهم
moda ghonim
12-02-07, 09:25 PM
ايه الحلاوة دى يا باشا
كابتن محمود دياب
12-02-07, 10:42 PM
تسلم الايادى
بس الطائر الملون ده بيتاكل
3mad
12-02-07, 11:20 PM
الله ينور يا باشا بس فى استفسار صغيير هو الطائر الغريب ده بيتاكل ولا لاء اصل انا جبت واحد قبل كده وسبته يطير تانى لانى كنت ضربه فى جناحة ارجو الافاده
mohamed2010habib
12-02-08, 10:56 AM
صياد من يومك يافوزى
slem448
12-02-08, 09:23 PM
الله يسهلك يا عم انا لسه ما جربتش الموس الي عندي
وليد سعد زغلول
12-02-08, 10:37 PM
بسم الله ما شاء الله وربنا يباركلك في البندقية وبالهنا والشفاء
magdyfer3on
12-02-08, 10:40 PM
بالله عليكم ياجماعه بلاش كلمة الطلعة الخفيفة دي متعقدوناش بقي
ياباشا اللي في الصورة ده أقصي أمنياتي حاليا في الجو اللي أحنا فيه
وعموما ماشاء الله ربنا يكرمك كمان وكمان وبألف هنا وشفا
بس فيه سؤال أيه الطائر اللي في النص ده
تقبل مروري
فوزى السيد
12-02-09, 06:45 PM
الله يسهلك يا عم انا لسه ما جربتش الموس الي عندي

هتجرب وهتعجبك وهتبقا تمام التمام والف مبروك ملحوظة ما تحكمش عليها من اول طلعة لانها لازم تلين الاول وبعد كدة اوعا و شك ويا ريت تستعمل دايما رش بروماجنوم خطير مع الرويال ولك تحياتى
فوزى السيد
12-02-09, 06:49 PM
بالله عليكم ياجماعه بلاش كلمة الطلعة الخفيفة دي متعقدوناش بقي
ياباشا اللي في الصورة ده أقصي أمنياتي حاليا في الجو اللي أحنا فيه
وعموما ماشاء الله ربنا يكرمك كمان وكمان وبألف هنا وشفا
بس فيه سؤال أيه الطائر اللي في النص ده
تقبل مروري

ياباشا المقصود بطلعة خفيفة هى انها تمشية بعد العصر مش من اول النهار اما بالنسبة للكمية دى على الله انا ممكن اطلع من اول اليوم وما جبش نص دول ومش قصدى اعقدك والله وبالنسبة للطائر اللى فى النص دة رفراف او غطاس الماء وبيتاكل بس زفر شوية ويفضل تنظيفة على طريقة فراخ المية ولك تحياتى
محمد الحلوانى
12-02-10, 11:11 PM
الاخ الفاض الطائر الازرق بلاش تصطاده تانى عشان بياكل سحالى وابراص وده عن تجربة مع صديقى زائد ان منظرو جميل سيبو يتمتع بجماله غيرك وااسف للتعليق
فوزى السيد
12-02-11, 08:29 PM
الاخ الفاض الطائر الازرق بلاش تصطاده تانى عشان بياكل سحالى وابراص وده عن تجربة مع صديقى زائد ان منظرو جميل سيبو يتمتع بجماله غيرك وااسف للتعليق

يا ريس مش دة اللى بياكل سحالى التانى بيبجى فى شهر 8 و9 اما دة موجود طول العام على سواحل النيل والترع والمصارف وبيتغذى على الاسماك الصغيرة زى فراخ الغيط ولعلمك انا ما بضربش حاجة غير لما بكون واصق من انها تؤكل ولك تحياتى
محمد الحلوانى
12-02-12, 01:24 PM
يا باشا كلامى عن تجربة وتاكيد مع صديقى واحد افراد فرقتى طلع الحاجة دى من معدته بيلقط السحالى من اطراف الشاطىء وانت حر
dr_mohasan
12-02-12, 01:52 PM
ما شاء الله لا قوة الا بالله , الرويال مظبّطة تمام , ربنا يباركلك فيها
محمد الحلوانى
12-02-13, 02:17 PM
تكرم وربنا يبارك لك فى سلاحك لى سؤالين بعد اذنك نوع السلاح وانت منين؟
يعنى ايه تقيم67 و 8 وغيره بش فاهم
فوزى السيد
12-02-13, 06:33 PM
تكرم وربنا يبارك لك فى سلاحك لى سؤالين بعد اذنك نوع السلاح وانت منين؟
يعنى ايه تقيم67 و 8 وغيره بش فاهم

ويبارك فيك نوع السلاح ( جامو c f x رويال) نمرة 2 اما بالنسبة للتقييم دة زى درجات بتاخدها على مواضيعلك اللى انت بتعملها وكل ما كان الموضوع مفيد ومهم بيكون تقييمة اعلى والتقييم بيديك درجات فى مستواك على المنتدى وكل ما تعلا يبقا ليك امتيازات اكتر دة على حد علمى لانى مش من طاقم الادارة ولك تحياتى
tamer elgendy
12-02-21, 08:07 AM
الله ينور يا بلدياتي
تسلم ايدك
sleemm
12-02-21, 02:46 PM
أمال لو طلعة بجد كنت هتعمل إيه
الله ينور
فوزى السيد
12-02-21, 08:21 PM
الله ينور يا بلدياتي
تسلم ايدك

وينور عليك يا باشا هو انت منين ياريت تشرفى بمعرفتك ولك تحياتى
فوزى السيد
12-02-21, 08:22 PM
أمال لو طلعة بجد كنت هتعمل إيه
الله ينور

الله يباركلك يا باشا وشكرا لمرورك الكريم