طلعه كوماندوز

[eng.amg]

السلام عليكم.... أحلى واجدع صيادين فى مصر كلها أنهرده طلعت أنا مع م وئام للمكان السرى بتاعنا ووصلنا حوالى الساعه 9.30 وبدانا فى وضع خطه الصيد وترتيب وتجهيز أماكن لينا(كل واحد ملتزم بحدود منطقته) وجهزنا البنادق وتأكدنا من السكوبات وعملنا خطه الكماشه وبردوا من داخل الغرف والممرات السريه قعدنا حوالى ساعه مفيش ولا فرد جه لكن فجاه نزل الحمام وكانه سيل من السماء ومبقناش عارفين ننشن على ايه ولا ايه من كثرته المهم التزمنا الهدوء لمده دقيقه واستخدمنا أشارات اليدين والصفافير والموبايلات فى تضبيط الضرب والحمد لله ربنا رزق ب5 فرادى فى حوالى 10 دقائق وطبعا انت عارفين صوت الديانا والبام 22 عامل أذاى خاصه فى مكان شبه مغلق والرنه فى الحوائط المهم قعدنا نصطاد والغفير بتاع المكان يلم وفى الاخر وجدنا الغفير دابح الحمام ومنضفه وفى حله على النار كمان يعنى طازه بطازه على رايه طبعا هو مش فاهم موضوع الصور والتصوير لكن الحمد لله صورنا اللى لحقناه لكن الحق والحق يقال صيد الحمام البرى من امتع ما يكون وخاصه لومعاك 2 سفاحين الديانا والبام 22 والله والله الحمام بيتفجر قبل مابينزل وأسيبكم مع الصور ويا رب تعجبكم.......

[dr_mohasan]

http://im21.gulfup.com/2012-01-30/1327926568342.jpg

[Egyptian_Destroyer]

بسم الله ما شاء الله صيد موفق

[وليد سعد زغلول]

بسم الله ما شاء الله وبألف هنا وشفا لأجمل قناصين

[Consul]

بارك الله فيكم حبايب قلبي...بسم الله ما شاء الله لا قوة إلا بالله...بارك الله فيما رزق...أنا بس إللي عايز أفهمه ومحيرني حكاية مكان مقفول إيه ورنة الخلخال والحيطة ليها ودان بتسمع وكلام كده غريب:confused:...ماتكونوش طلعتم على المنوفي:rolleyes:...أصلي أنا مستغرب ومش مصدق حكاية الحمام إللي بينزل متنضف وكمان مستوي ومحشي بالفريك ده:eek:...سيبك أنت;)...أهم شيئ مش مارستم هوايتكم وإنبسطتم وإستمتعتم...وفولتوا التانك:p...تسلم إيديكم وعينيكم وبألف هناء وشفاء على قلوبكم:)...عقبال الطلعة القادمة...بس ما قولتوش السلطات كانت إيه:cool:...أهم شيئ بابا غنوج...خطيييييييييييييييرة...ما تنسوش المرة الجاية تصطادولنا موزة على ربع مشكل:D...تقبلوا مروري...مع خالص تحياتي...

[eng.amg]

بارك الله فيكم حبايب قلبي...بسم الله ما شاء الله لا قوة إلا بالله...بارك الله فيما رزق...أنا بس إللي عايز أفهمه ومحيرني حكاية مكان مقفول إيه ورنة الخلخال والحيطة ليها ودان بتسمع وكلام كده غريب:confused:...ماتكونوش طلعتم على المنوفي:rolleyes:...أصلي أنا مستغرب ومش مصدق حكاية الحمام إللي بينزل متنضف وكمان مستوي ومحشي بالفريك ده:eek:...سيبك أنت;)...أهم شيئ مش مارستم هوايتكم وإنبسطتم وإستمتعتم...وفولتوا التانك:p...تسلم إيديكم وعينيكم وبألف هناء وشفاء على قلوبكم:)...عقبال الطلعة القادمة...بس ما قولتوش السلطات كانت إيه:cool:...أهم شيئ بابا غنوج...خطيييييييييييييييرة...ما تنسوش المرة الجاية تصطادولنا موزة على ربع مشكل:d...تقبلوا مروري...مع خالص تحياتي...

يا باشا شكرا لمشاركتك الجميلة..
بس المكان إلي بنصطاد فيه عبارة عن مبنى غير مكتمل فيه حجرات علي الجوانب بينهم ممرات وحوليه أسوار عالية وكامات حديد.. فالإختباء فيه رائع وممكن تعمل كماين هايلة. بس الصوت بيرن زي المدفع. فلازم الواحد يتأكد إن الضربة بهدف.

وبالنسبة للخدمة 5 نجوم والسلطات والكلام دا :) فالغفير إلي معانا بنديلوا بعض الصيد وبيفرح بيه جدا. فلما بنصطاد ويقع أدامه بيخدو ينضفه ويسويه قبل منخلص ومبنلحقش نصوره :)

[Consul]

يا باشا شكرا لمشاركتك الجميلة..
بس المكان إلي بنصطاد فيه عبارة عن مبنى غير مكتمل فيه حجرات علي الجوانب بينهم ممرات وحوليه أسوار عالية وكامات حديد.. فالإختباء فيه رائع وممكن تعمل كماين هايلة. بس الصوت بيرن زي المدفع. فلازم الواحد يتأكد إن الضربة بهدف.

وبالنسبة للخدمة 5 نجوم والسلطات والكلام دا :) فالغفير إلي معانا بنديلوا بعض الصيد وبيفرح بيه جدا. فلما بنصطاد ويقع أدامه بيخدو ينضفه ويسويه قبل منخلص ومبنلحقش نصوره :)


بارك الله فيك حبيب قلبي...كده الخطة بتاعتي نفعت...ضحيت بكام حباية فول...بس كسبت وعرفت الوكر السري ومنجم الدهب بتاعكم فين...تحب أقول وأفتش السر...ولا أخليها بيني وبينك...عموما أنا برضو جدع ومش هأقول...بس ما تستهونش بصياد عجوز مثلي...الشعر الأبيض ده ما جاش من فراغ...المرة الجاية خليك أذكى مني وأحرص من كده...متشكر جدا حبيب قلبي...تقبل مروري...مع خالص تحياتي...

[eng.amg]

بارك الله فيك حبيب قلبي...كده الخطة بتاعتي نفعت...ضحيت بكام حباية فول...بس كسبت وعرفت الوكر السري ومنجم الدهب بتاعكم فين...تحب أقول وأفتش السر...ولا أخليها بيني وبينك...عموما أنا برضو جدع ومش هأقول...بس ما تستهونش بصياد عجوز مثلي...الشعر الأبيض ده ما جاش من فراغ...المرة الجاية خليك أذكى مني وأحرص من كده...متشكر جدا حبيب قلبي...تقبل مروري...مع خالص تحياتي...

الخبرة برضو هيا الأساس.. محدش يقدر يقول غير كدا..
بس برضو كدا أنا عرفت إن حضرتك بتصطاد بخرطوش كل فترة في المكان دا.. ومعايا أحراز من مخلفات صيدك.. دا لو كان هوا المكان المقصود :)

[كابتن محمود دياب]

تسلم ايديكم
بسم الله ماشاء الله

[eng.amg]

http://im21.gulfup.com/2012-01-30/1327926568342.jpg

بسم الله ما شاء الله صيد موفق

بسم الله ما شاء الله وبألف هنا وشفا لأجمل قناصين

تسلم ايديكم
بسم الله ماشاء الله

شكرا لكل الأعضاء علي المرور الكريم

[magdyfer3on]

ماشاء الله عقبلنا يارب

[احمد السمالوسى]

طلعة موفقة ان شاء الله بس مقولتش الحصيلة النهائية كانت كام

[يونس]

بسم الله مشاء الله ربنا يزيد و يبارك

[mohamed2010habib]

بالتوفيق داااااااااااااائما

[HatemAhmed]

أنا شايف إن إنتو بتنفضولى كتيير
بس على العموم طلعة حلوة

[sniper1]

ما شاء الله طلعة جميلة وصيادين اجمل

[eng.amg]

أنا شايف إن إنتو بتنفضولى كتيير
بس على العموم طلعة حلوة

أزيك يا بشمهندس
والله ليك وحشة.. بس المشكلة إني مش عارف أظبتها يوم الجمعة.. كل مرة بيحصل حاجة تخليها تتأجل للسبت

إن شاء الله الجمعة الجاية يكون معانا إسلام ونرتب مع بعض

[عبد.الرحمن]

ماشاء الله وبالهنا والشفاا

[مصطفى ابواسماعيل]

تتسلم الايادى يارجالة الله على المكان اللى بتحكوا عليه انا مجربه .

[adel152]

باشمهندس احمد بعد التحية.
ماشاء الله طلعة جميلة وحصيلة الصيد أجمل.
عندى ملحوظة مهمة أخى العزيز بالنسبة للصورة قبل الأخيرة اللى حضرتك حاطت فيها البندقية البام تحت رقبتك.
هذا الوضع من أخطر مايكون حتى لو حضرتك متأكد أن البندقية مش متعمرة دائما وأبدا تعامل مع السلاح بحرص شديد.
أرجو ان تتقبل الملحوظة بصدر رحب لأنى كاتبها حرصا على سلامة حضرتك.
خالص تحياتى.

[eng.amg]

باشمهندس احمد بعد التحية.
ماشاء الله طلعة جميلة وحصيلة الصيد أجمل.
عندى ملحوظة مهمة أخى العزيز بالنسبة للصورة قبل الأخيرة اللى حضرتك حاطت فيها البندقية البام تحت رقبتك.
هذا الوضع من أخطر مايكون حتى لو حضرتك متأكد أن البندقية مش متعمرة دائما وأبدا تعامل مع السلاح بحرص شديد.
أرجو ان تتقبل الملحوظة بصدر رحب لأنى كاتبها حرصا على سلامة حضرتك.
خالص تحياتى.

أيوه فعلا عندك حق طبعا
بس دا المهندس وئام هوا إلي حاطط البندقية تحت رقابته. وأنا فعلا كلمته في الموضوع دا

شكرا لإهتمام حضرتك