لخبراء المنتدى

[talha]

انا عندي بندقية b3-2 نمرة اتنين بعتله محتاج اعرف ممكن يتركبلها لها سوستة ديانا 52 هتبقى اقوى ولا اركبلها انهي سوسته علشان البندقية ضعيفة جدا وكرهتني في الصيد وهي في يوم سبتها في البلكونة فصدت من الندى اعمل فيها ايه ولو في اي تعديلات ممكن تحسنها ياريت حد يقولها علشان انا تعبت فعلا يعني ممكن اطلع رحلة 3 ساعات مجيبش غير عصفورة كانت مكسلة تطير من على الشجرة

[talha]

ولا رد واحد حتى

[adel152]

انا عندي بندقية b3-2 نمرة اتنين بعتله محتاج اعرف ممكن يتركبلها لها سوستة ديانا 52 هتبقى اقوى ولا اركبلها انهي سوسته علشان البندقية ضعيفة جدا وكرهتني في الصيد وهي في يوم سبتها في البلكونة فصدت من الندى اعمل فيها ايه ولو في اي تعديلات ممكن تحسنها ياريت حد يقولها علشان انا تعبت فعلا يعني ممكن اطلع رحلة 3 ساعات مجيبش غير عصفورة كانت مكسلة تطير من على الشجرة

اخى العزيز بعد التحية.
بندقية حضرتك سرعتها وهى جديدة 128 متر/ث. ومع ذلك فى صيادين فى هذا المنتدى نتعمل بيها احلى شغل بدون اى تعديلات لأنها دقيقة جدا. يبدو ايضا ان حضرتك غير مهتم ببندقيتك بدليل تركها فى البلكونة.
اولا لازالة الصدا هات سلك مواعين ناعم ورش عليه WD40 ونضف الصدا اللى على الماسورة بس خالى ايديك خفيفة وانت بتستعمل سلك المواعين الناعم وكل فترة امسح الماسورة بفوطة نظيفة لازالة الصدا. بعد الانتهاء امسح الماسورة كويس بفوطة نظيفة لازالة اى بواقى من WD40 والصدا وامسح الماسورة بشوية زيت سلاح.

ثانيا تأكد ان سوستة وجلب البندقية سليمة ولاتحتاج تغيير. لو حليت البندقية قبل كده حتعرف تغيرهم لو ماعندكش هذه الخبرة وديها لاحد محلات الاسلحة للكشف عليها وتغيير اللازم.

شوف الرابط ده وانت تعرف بندقيتك ممكن تعمل ايه بدون اى تعديلات قد تؤدى الى نتيجة سلبية على باقى اجزاء البندقية.
http://www.egypthunt.net/showthread.php?t=2916

تحياتى

[talha]

متشكر لحضرتك جدا بس على فكرة انا مهتم بالبندقية جدا بس المرة دي نسيتها علشان كنت نناوي اطلع تاني وهي البندقية بقالها معايا ستنين بس حضرتك معندكش فيديو او حاجة علشان اعرف ازاي افك البندقية واتاكد من الحاجات دي علشان مفيش اي ورشة قريبة مني وهي ساعات كان التعمير بيعلق يمكن تكون السوستة اتكسرت بس حاولت افكها قبل كده ومعرفتش فكي الدبشك وبعدين معرفتش اعمل ايه

[adel152]

متشكر لحضرتك جدا بس على فكرة انا مهتم بالبندقية جدا بس المرة دي نسيتها علشان كنت نناوي اطلع تاني وهي البندقية بقالها معايا ستنين بس حضرتك معندكش فيديو او حاجة علشان اعرف ازاي افك البندقية واتاكد من الحاجات دي علشان مفيش اي ورشة قريبة مني وهي ساعات كان التعمير بيعلق يمكن تكون السوستة اتكسرت بس حاولت افكها قبل كده ومعرفتش فكي الدبشك وبعدين معرفتش اعمل ايه

اخى العزيز بعد التحية
نصيحة من اخ حاول تلاقى محل سلاح قريب من حضرتك وأعرف بيحل البندقية أزاى لأن فى خطورة من السوستة اثناء خروجها خاصة لو معندكش مكبس لحل السوستة.
حاول تشوف اى عضو يكون ساكن قريب منك لمساعدتك فى حلها.
حل البندقية من اسهل مايكون بس لو حضرتك عارف انت بتعمل ايه واخطر مايكون لو مش عارف.
انا فعلا لقيت فيديو لحل هذه البندقية لكن حلها بطريقة خطر جدا لدرجة ان دليل السوستة طلع منها زى الطلقة ولذلك انا ماأقدرش اعرض الفيديو على المنتدى لخطورته.
تحياتى.

[talha]

طيب ممكن الفيديو وقولي ايه الموضوع الخطر علشان اخد بالي منه وعايز اعرف البندقية بتتشحم ازاي وبتتساب قد ايه وكده

[talha]

سؤال ممكن اعرف لو السوستة اتكسرت ابدلها بسوستة ايه

[eng.amg]

السيد صاحب الموضوع.. البندقية دي عندي وهيا جميلة جدا ومميزاتها كالتالي:..

-رد فعل قليل جدا
-دقة عالية جدا
-طولها قليل . فسهلة في الحمل والتعمير لأنها عتلة سفلية
-صوتها واطي جدا. يعتبر غير مسموع

سرعتها زي مالأعضاء ذكروا 128 م/ث وتعتبر ضعيفة ومداها المؤثر 20:30 م والأكثر 70:80 م (عن تجربة)

بالنسبة للحركة بتاعة تعليق الزناد دا راجع لوجود ميكانيزم لأمان داخلي أسفل السوسته لتعطيل الزناد لعدم رد السوسته في حالة كسر العتلة. معتمد علي (ياي) صاج وغالبا الياي ريح شوية فممكن تفكه وتشده شوية بأيدك وتركبه تاني

أما فك البندقية فسهل جدا وللأسف دورت علي فيديو يشرح دا بس ملقتش لأنها تعتبر مش منتشرة.

عموما فك مسامير الجنب ومسمار القنطرة حتلاقي الدبشك طلع. وخلي بالك من أجزاء أمان الزناد لأنها غير مربوطة (سايبة في الداخل ومعتمدة علي بياتها في تجويف الدبشك) وأنا فكتها وشلتها علشان أعرف أفضى البندقية بدون مضرب طلقة.

وبلاش تقلق من فكها ولازم تتعود عليها علشان تنظفها بإستمرار وتعرف مكوناتها.

أخيرا بالنسبة للسوسته. لا يمكن تركيب سوسته أسباني أو ألماني عليها بما فيها الديانات لأن طول البستم قصير علي السوست دي وأنا جربت حتى سوسته الكرال عليها لقيتها بتركب بس مبتوصلش للآخر ومبتلقطش للزناد.. يعني:::

لازم تقص من السوسته كام حلقة..

عموما أنا بحب البندقية دي جدا وياريت تحافظ عليها لأن مكوناتها حلوة جداااااا

[talha]

يا باشا انا بردوا بحبها جدا بس بقالها فترة تعباني المهم يعني اعمل ايه في موضوع السوستة مش فاهم يعني اشتري انهي سوستة واقص منها وهي فعلا مداها يوصل ل 70:80 م انا مكنتش اعرف كده خالص بس عموما لو كدع انا ممكن اجبلها سكوب بس ساعات بحس ان صوتها عالي شوية انا جربت افك البندقية فكيت الدبشك وبعدين لقين في كام حديدة رفيعه اوي في الزناد كل لما ادخلها تقع وتعبت علشان اثبها وبعدين معرفتش ابدأمن فين والبندقية متنضفتش بقالهها سنتين فمحتاج افكها واشحمها ضروري

[talha]

والتعمير نفسه ساعات كان بيعلق يعني اجي اعمر التعمير يقف في النص ميرضاش يكمل خالص كانه وصل لاخره بس شوية كده وكام محاولة يتعدل فهل ده معناه ان السوستة اتكسرت

[talha]

ولما تضرب تعمل صوت كده كانها مخلعه تعععك مش عارف ده طبيعي ولا لا

[eng.amg]

والتعمير نفسه ساعات كان بيعلق يعني اجي اعمر التعمير يقف في النص ميرضاش يكمل خالص كانه وصل لاخره بس شوية كده وكام محاولة يتعدل فهل ده معناه ان السوستة اتكسرت

ممكن تكون إنكسرت...وممكن تكون عايزة تتنضف
إنت ممكن تجيب سوستة الجامو وتركبها بعد متقص حلقة أو 2 منها
وأعتقد إنك طالما محتار في فكها وتركيبها يبقى لازم تستعين بصديق في المجال دا
ولو مفيش حد ساكن جانبك يبقى لازم تروح لأي ورشة سلاح
إنت مكانك فين؟

[talha]

انا ساكن في الشروق بس في واحد اعرفة هبقى اسأله لو يعرف يفكها معايا بس المشكلة ان انا مش فاضي دلوقتي اصلا فبفكر اوديها لورشة بس اروح للراجل اقوله عايز سوستة جامو بس كده

[sakr elbwady]

الفاضل طلحة
تحياتى
حضرتك ستاخذ البندقية بكل ما فيها من مشاكل ومن اى محطة مترو اتجاة حلوان تنزل محطة مارى جرجس تطلع من المحطة اتجاة النيل تمشى عشرىن متر بالظبط على ايدك الشمال محل عصير على ناصية الحارة التى بجانبة محل محمود شلبى من عمالقة الاصلاح والاخلاق الجميلة فى مصر
وهذا عن تجربة معة

تحياتى لك و لة


م محمد

[talha]

متشكر جدا لحضرتك وانت والاستاذ eng.amg و الاستاذ adel152 حضراتكوا فعلا افدتوني مش عارف من غيركوا كنت هعمل ايه متشكر جدا

[adel152]

طيب ممكن الفيديو وقولي ايه الموضوع الخطر علشان اخد بالي منه وعايز اعرف البندقية بتتشحم ازاي وبتتساب قد ايه وكده

تم الرد على الخاص.