منظار للكرال

[محمد ناصر]

السلام عليكم
أرجو من الإخوة نصيحتى فى افضل سكوب للكرال الخشب يكون فى حدود 150 جنيه

نصحينى الاخ عادل جزاه الله خير ولكن قولت نستفيد من جميع الخبرات

ومن كان عنده شيىء يعرضه عليا

بارك الله فيكم

[tarekvb]

نصيحة لما تجيب السكوب هاتو 3-9 40 عشان الاقل اللى بتقول عليه 3-7 20 او 3-7 28 مساميره ضعيفة ومش بتكون ثابتة ونشان مش بيبقى تمام

[ashraf_f]

نصيحة لما تجيب السكوب هاتو 3-9 40 عشان الاقل اللى بتقول عليه 3-7 20 او 3-7 28 مساميره ضعيفة ومش بتكون ثابتة ونشان مش بيبقى تمام


كلامك صح 100% لكن فيه فرق سعر 600%

[محمد ناصر]

أولا أسف لتكرار الموضوع ، ولكن لما كتبت الموضوع لم اجده على الصفحة ، فكتبت غيره وفوجئت اليوم ان الاثنين موجودين

(الظاهر ان الموضوعات الجديدة يجب الموافقة عليها!)

وبالنسبة للمنظار .. إمكانياتى لن تسمع بشراء افضل من 28 .. وربينا ييسر فيما بعد نكبر إن شاء الله

[fadeel79]

لقد تفضل عليا الخ العزيز طارق وادانى الاسكوب بتاعه 3:9 *32 وفعلا ممتاز بيجيب معايا لغاية 80 متر مستريح وممكن يجيب اكتر من كده بس للأسف لسه مطلعتش بيه لغاية دلوقتى ، لكن الاسكوبات الصغيرة فعلا انا مجربتهاش لكن ملئتش حد بيشكر فيها .
( كل لما القطر الكبير يزيد كل لما كان احسن ويخلى مدى الرؤية افضل )

[محمد ناصر]

لقد تفضل عليا الخ العزيز طارق وادانى الاسكوب بتاعه 3:9 *32 وفعلا ممتاز بيجيب معايا لغاية 80 متر مستريح وممكن يجيب اكتر من كده بس للأسف لسه مطلعتش بيه لغاية دلوقتى ، لكن الاسكوبات الصغيرة فعلا انا مجربتهاش لكن ملئتش حد بيشكر فيها .
( كل لما القطر الكبير يزيد كل لما كان احسن ويخلى مدى الرؤية افضل )

وكل ما القطر زاد زاد السعر!! وانا امكانياتى لا تسمح بأكثر من ال28
جزاك الله خير على النصيحة الغالية

[eng.amg]

وكل ما القطر زاد زاد السعر!! وانا امكانياتى لا تسمح بأكثر من ال28
جزاك الله خير على النصيحة الغالية

نصيحتي إضرب منغير سكوب أحسن
أنا جربت السكوب دا ولقيت بدون سكوب أفضل بكتير
وإلا هات سكوب 40

[dr_mohasan]

وكل ما القطر زاد زاد السعر!! وانا امكانياتى لا تسمح بأكثر من ال28
جزاك الله خير على النصيحة الغالية

الأخ العزيز محمد , أنا فى البداية كان معايا سكوب 28 و كنت مركّبه على بندقية هانتر 890 , والحمد لله اشتغل عليها كويس و اصطدت بيه كتير , هو فعلا لا يمكن يكون زى السكوبات الأكبر , ولكنه بالتأكيد بيؤدى الغرض بكفائة فى حدود سعره المناسب , توكل على الله , وتذكر ان الموضوع مش بالبندقية ولا السكوب , ولكن الصيّاد أولاً
وان شاء الله ربنا يكرمك بالأفضل فى المستقبل ان شاء الله

[eng.amg]

الأخ العزيز محمد , أنا فى البداية كان معايا سكوب 28 و كنت مركّبه على بندقية هانتر 890 , والحمد لله اشتغل عليها كويس و اصطدت بيه كتير , هو فعلا لا يمكن يكون زى السكوبات الأكبر , ولكنه بالتأكيد بيؤدى الغرض بكفائة فى حدود سعره المناسب , توكل على الله , وتذكر ان الموضوع مش بالبندقية ولا السكوب , ولكن الصيّاد أولاً
وان شاء الله ربنا يكرمك بالأفضل فى المستقبل ان شاء الله

يا باش السكوب زي الفل محدش قال عليه حاجة وأنا شوفته علي ال بي إس إيه زي الفل
بس علي الكرال بيخلف لأن رد فعل الكرال جامد جدا
فبدل ميجيب وبعدين يخسر فلوسه ويجيب 40 .. فياريت يجيب 40 علطول
ووالله منغير سكوب البندقية زي الفل

[dr_mohasan]

يا باش السكوب زي الفل محدش قال عليه حاجة وأنا شوفته علي ال بي إس إيه زي الفل
بس علي الكرال بيخلف لأن رد فعل الكرال جامد جدا
فبدل ميجيب وبعدين يخسر فلوسه ويجيب 40 .. فياريت يجيب 40 علطول
ووالله منغير سكوب البندقية زي الفل


حبيب قلبى يا بشمهندس أحمد , أنا قلت رأيى لصاحب الموضوع , وحضرتك قول رأيك برضه لصاحب الموضوع , وفى النهاية هو يختار ما يناسب ظروفه و امكانياته , انما لا انا هافرض رأيى عليك و لا انت تحاول تفرض رأيك عليّا وتقنعنى بيه , ارجوك ماتزعلش من كلامى , بس صاحب الموضوع عايز يستفاد بآرائنا , نفيده أحسن من الدخول فى حوارات جانبية بين بعضنا
خالص تحيّاتى و تقديرى و احترامى لحضرتك يا بشمهندس