دة شكل المقبض اللي عاجبني

[عمرو بيه]

يا جماعة الخير دة شكل مقبض البريتا اللي عاجبني ... هل ممكن يركب على مقبض الحلوان 51 عشان يغير شكله إللي مش عاطفي دة ويخليه مقبول شوية ...... أرجو الإفادة .. وهل توجد مقابض تانية ممكن تركب على الحلوان 51 ؟؟؟؟

[kefafy]

ابعاد المسامير شكلها بعيد عن بعض
وزرار طرد الخازنة فى البريتا مكانه مختلف عن الحلوان
ويارب يكون ينفع لان الشكل تحفة فى البريتتا
وربنا يوفقك

[abdalla nabel]

اذيك يا استاذ عمر واذيك يا استاذ احمد كفافي وبالمنسبة اخد رئيك في واحد حبيبي قلي انو ممكن يعملي القبض دة نحاس وممكن يكتب علية اسمي كمان اي مقبض بيتفك من الجنبين ممكن يعملو هل دة جيد ولا لا وشكرا

[القانوني]

أو نعمله من خشب اللور
ونلونه باللون المرغوب
ويبقى شكله
لوووووووووووووووووز

[kefafy]

أو نعمله من خشب اللور
ونلونه باللون المرغوب
ويبقى شكله
لوووووووووووووووووز

احلى فكره بصراحة
خشب اللوز او الارو فيه تجزيعه لونها فظيع
ويبقا المقبض سادة بدون شغل اويما او زخرفه
احى حضرتك على الفكرة

[kefafy]

اذيك يا استاذ عمر واذيك يا استاذ احمد كفافي وبالمنسبة اخد رئيك في واحد حبيبي قلي انو ممكن يعملي القبض دة نحاس وممكن يكتب علية اسمي كمان اي مقبض بيتفك من الجنبين ممكن يعملو هل دة جيد ولا لا وشكرا

يا عبد الله باشا الله يكرمك حضرتك راجل زوق
بس متهيئلى النحاس مع العرق هيجنزر لونه هيدخل على بنى المزرق مع الوقت
فكرة الخشب احلى وعلى فكرة الشغل اليدوى فى اى حاجة بيبقا قيم

[عمرو بيه]

مشكورين جميع الأعضاء الكرام اللي شاركوني برأيهم وياريت لو حد يعرف نوع مقبض شكله حلو ممكن يركب على الحلوان ويخلي شكله حلو ؟؟؟ يدلني عليه ؟

[Max.1]

بالتوفييييييييييييق

[matars]

زوقك مش بطال شكلو كويس

[zezo bose]

طبعا المقبض تحفة فنية ومسكته تمكنك اكتر من الطبنجة لكن لايمكن استبداله بمقبض حلوان 51 لان طارد الخزنة مكانة مختلف واعتقد ابعاد المسامير مختلفة وثالثا وده المحتمل ان المقبض اللى فى الصورة مطوق اليديعنى حتة واحدة اما الحلوان فردتين من الجهتين وتحياتى

[zezo bose]

ممكن تعمل للحلوان مقبض خشب زان او ارو منقوش نفس الشكل بس يكون فردتين وعلى فكرة لو نجار وخراط نجارة فاهم هيفذه تمام وبيبقى تحفة احسن من اللى فى الصورة

[mk11164]

احسن حاجة تفصل مقبض..انا عملت مقبض من خشب اللوز و طلع كويس

[kefafy]

احسن حاجة تفصل مقبض..انا عملت مقبض من خشب اللوز و طلع كويس

تسلم ايدك
الله ينور على حضرتك
ممكن تكسب فيا ثواب وتقولى اجيب الخشب منين واقوله ايه ؟
وبالنسبه للدهان هل ده فلوت عادى ولا اديته جملكة ؟
علشان عاوز اعمل الولتر بتاعى كدة بردو

[mk11164]

انا عملتة في الاسكندرية عند واحد متخصص في تصليح جميع انواع الاسلحة و عمل الدبشك للبنادق و مقابض المسدسات اسمة احمد قرني في شارع محسن في محرم بك

هو اللي حايعملك كل حاجة من اسطر و سبراي تلميع..دي شغلتة و هو شاطر فيها

[القانوني]

جميل جدا
لوز أو ارو

موفق ان شاء الله

[mk11164]

لا...انا جربت الارو قبل دة..اولا شكلة مش كويس..ثانيا ضغيف...لانة بيتجوف من جوة و يتعمل فية مجاري علشان يركب صح..ممكن يتكسر بسولة....اللوز افضل اختيار

[kefafy]

انا عملتة في الاسكندرية عند واحد متخصص في تصليح جميع انواع الاسلحة و عمل الدبشك للبنادق و مقابض المسدسات اسمة احمد قرني في شارع محسن في محرم بك

هو اللي حايعملك كل حاجة من اسطر و سبراي تلميع..دي شغلتة و هو شاطر فيها

ربنا يعزك يفندم كلك زوق وشكرا للاجابه

[Atb]

الف مبروك على الدبشك الجديد

[mk11164]

شكرا استاذ Kefafy و استاذ Atb