النصيحة

[القدارى]

السلام عليكم حبيت نتكلم بخصوص النصائح من قبل الصيادين فى المنتدى بشكل عشوائى دون حتى امتلاكها او تجربتها هدا يؤثر على مصداقية المنتدى لدى الراغبين فى الاشتراك :mad:ولكم الامر فيما ترونه مناسب

[mohd_wafik]

على فكره كلامك سلييييييييييييم ميه في الميه و انا بأيدك بشده ...تقبل تحياتي

[dr_mohasan]

كلام حضرتك سليم , وللأسف يحدث هذا كثيراً , حيث تكون أغلب النصائح من الزملاء فى المنتدى مبنية على معرفة نظرية عن طريق الموضوعات المنتشرة على المنتدى و منتديات اخرى , وطبعاً هذه النصائح بتكون مضللة فى أغلب الأحيان لأنها مبنية على تجارب ناس آخرين فى أماكن مختلفة و فى ظروف مختلفة ولا يجب أن تعمم على الجميع

ولا تنسوا يا زملائى أن طلب النصيحة يعتبر مثل طلب الشهادة , هل يمكن أن يشهد أى حد منّا على حاجة ماشافهاش ؟ طبعاً لا لأنها تعتبر شهادة زور , وتسبب الضرر لطالب النصيحة لأنها ممكن تخليه يصرف فلوس فى شىء غير مفيد له و بالتالى يخسر فلوس و مجهود بناء على نصيحتى
طيب إيه اللى يخلينى أتسبب فى الضرر لزملائى , وأتحمل ذنب الشهادة الزور ؟
أعتقد مافيش سبب يستاهل .

علشان كدة أرجو من زملائى فى المنتدى عدم إسداء النصح لأى زميل إلا إذا كانت نصيحتك له بناء على تجربة شخصية أو تجربة حقيقية شاهدتها بنفسك مع زميل لك , حتى يكون محتوى المعلومات على المنتدى راقى و موثوق فيه من الزملاء الجدد

كما أن طالب النصيحة له دور مهم , حيث يجب عليه عدم الإنسياق وراء النصائح إلا إذا كانت من شخص موثوق فيه و معروف و صاحب خبرة , وليه موضوعات لطلعات صيد فى المنتدى ... علشان تتأكد أنك بتاخد رأى صحيح بناء على خبرة عملية ... وإلا يبقى إنت اللى جبته لنفسك

خالص تحيّاتى

[kefafy]

اضم صوتى لصوت اخوانى
واؤيد رايك

[Max.1]

احب اضم صوتى لصوتك