|
مشاهدة النسخة كاملة : ياريت صيادين الاسماك يفودوني mohd_wafik 12-01-19, 12:15 PM السلام عليكم ... ياريت يا جماعه إلى بيطلع يصطاد سمك من القاهره او الجيزه يقولي عشان انا عندي عدة صيد سمك و عمري ما طلعت اصطاد سمك في مصر كنت بصطاد بره مصر , تقبلوا تحياتي mohamed2010habib 12-01-20, 06:47 AM بعد التحيه للانسان الخلوق أ_ محمد وفيق,,, للاسف الشتاء يعتبر موسم سئ جدا لصيد السمك وخصوصا النيلى,,معظم السمك بلغة الصيادين قافل بقه ,,,من الطعوم اللى ممكن تشتغل الان الخضار و هو اعشاب خضراء (ريم)تباع عند محلات صيد الاسماك و مستلزماتها و الصيد به يحتاج احتراف كامل,,بالنسبه للصيد المالح لم اجربه فى الشتاء ,,, اكرر التحيه و يا ريت لكون افدتك على قدر خبرتى argon2020 12-02-27, 09:28 PM المالح شغال شتا . lilkapo 12-02-27, 09:55 PM احلى موسم للصيد فى المالح الشتا نمرة وقاروص وكل حاجة تمام eng_dos 12-03-09, 11:57 PM ونا حاجز معاك يا أ/محمد توفيق انا عاوز صحبة محترمة من المنتدي نطلع سوا فصيد عالنيل في القاهرة لأن انا ما إصطادتش في القاهرة خالص بجد ونفسي أجربها. أنا شغال شهر شغل وشهر أجازة ... بس أعتقد الصيد هيبدأ فشهر مايو فأتمني أكون فمصر وقت ما حد ينوي ده رقمي 01001074067 محمود توحيد 12-03-10, 12:58 AM انا اخوكم محمود توحيد من حدائق حلوان ومعايا احلى مكن واحلى فيبر وانا مستنيكوا ورقمى01117042082 eng_dos 12-03-10, 03:30 AM محمود توحيد باشا احنا معانا المكن والعيدان وبنعرف نصطاد يابرنس يعني مش هنتعبك خالص أهم حاجة تكون عارف اماكن عالنيل وإن شاء الله لما الموسم يبدأ يبقالنا لقاء وشكرا عالإهتمام ياباشا ahmed yasser 12-03-10, 03:43 AM للاسف فى الشتاء مابيكونش فى فى النيلى مشاط كبيرة بسهولة يعنى الواحد بالعافية هايجيب كام مشط مايزدش عن عشرة cm ابو ساجد 12-03-10, 03:46 AM يا جماعه دة موسم الشتا اجمد موسم تاخد فى سمك بس مش تاكيل لا شمات بكعب افرنجى مش بفيبر اى حد يحتاج حاجة فى صيد السمك انا تحت امرة eng_dos 12-03-10, 04:24 PM ايوة يابو ساجد انا محتاج حاجة فصيد السمك محتاج الترجمة للبوقين اللي انت قلتهم :)) المهم صيد الشتا السمك مابياكلش الا ايه ... كل حين ومين يعني لو ربنا كرمك وطلعت اخرك سمكتين كده في اليوم ... بالريم الزفر أو الخس لو كنابير وشاركونا رأيكم يا إخواننا M.Hatem 12-03-10, 04:50 PM صيد المالح في الشتا السويس السخنه كدا يعني ابو ساجد 12-03-11, 04:05 AM ص بقا يا باشا عشان انتا حكيتك حكاية انتا بتعمل سبحه بسنون كبيرة كل اتنين عكس بعض وبين كل واحد و واحد حوالى شبر لحد كدة معايا بتعمل حوالى عشرة الكلام دة بيكون بخيط 120 او 100 وبتجيب كعب افرنجى اللى هو بوص بس اسكندرانى اللى هو التخين بتجيب حتة 60سم وبتخرمها من فوق وبتجيب لبلوب تخين وبدخلة فى الكعب وبتلزقة بامير وطفى سجاير وبعدين بتركب حلقه فى اخر الكعب من ناحيه اللبلوب وحلقه فى اخر اللبلوب فى الاول وبعدين بتركب شوكتين عكس بعض عشان تلف عليهم الخيط وبعدين اد عيلى كل دة عشان يبقى اقوى وملكتة احسن وريح نفسك لو عوزت واحد انا عندى واحد زياده تعالى خده eng_dos 12-03-11, 02:57 PM لا يابو ساجد دانت اللي حكايتك حكاية لازم يبقي لينا طلعة ياباشا ان شاء الله انا مسافر بكرة وهرجع كمان شهر وأنا متابع عالنت من هناك ونا حجزت الكعب الأسكندراني ونستفيد من خبراتك ياباشا badr 12-04-28, 11:21 PM بسم اللة الرحمن الرحيم اولاموضوع صيد السمك فى الشتاء صعب ولكنو متعة كبيرة اولا لان السمك فى الشتاء بياكل ريم فقط وهو ذكور البلطى والبلطى اربع انواع ابيض واخضر وحجارى وفطاط بس الفطاط بياكل عجين فقط بالنهار وطعم باليل انما لو حبيت تصتاد فى الشتا بريم ممكن بس لازم تكون عندك خبرة بالصيد بى تانى حاجة فى الشتا لازم تكون بتصتار وسط الحجارة لان الجو بيبقى سقعة والسمكة مستخبية من الصقعة وخسية الميا وطبعا انت محتاج ان الريمة توصل للسمكة وهقلك على طريقة حلوة انت تجيب الرمال او الوش الى فى سنين وتحت فوق كل سنارة بحوالى ١٠سم قطعة قشرة رصاص او بلية رصاص من طلقة خرطوش وتشقها بموس ولازم يكون الرمال او الوش قصير يعنى وحدة 40 والتانية 25 وفى حاجة مهما يفضل انك تصتاد بشعر رفيع ممكن يكون 18 وانا كنت بصتاد 16 وتكون السنارة ملوية وليست عدلة عشان الحجارة وطبعا هتستعمل فلة صغيرة وياريت يكون وزنت الرصاص بتعتها على شكل انبوبة لعدم الشبك وطبعا لما تشترى الريم يكون ريمة نعمة وزفرة وحنينة بمعنا انها ماتكونش تايكة او جامدة عشان تعرف تصتا بيها وطبعا صيد الريم الصبح بس وعلى فكرة اى حد ممكن يصتاد تشميط لانى مفهوش حرفنة ثانيا هو ممنوع قانونيا لانك لو معاك تصريح صيد مكتوب فى ظهرة يصرح بالصيد فى المياة الداخلية ولايجوز الصيد باكثر من سنارتين وهو يقصد سنين وانشاء اللة تقدر تصتاد بريم عشان مش اى حد بيعرف يصتاد بى ولما انشاء اللة تدقن الصيد بالريم هتعرف انهى نوع من البلطى بياكل معاك وهنا الخبرة |