انا حابب موضوع الصيد اوى اوى و نفسى ابدأ امارسة
انا قريت كتير من على المنتدى و فهمت حاجات كتير بس عايز اعرف شوية حاجات يعنى
عايز بندقية تكون سعرها 1000-2000 و تكمل معايا حتى بعد اما ابقى محترف مش اجيبها ادرب بيها يعنى و بعدين ابقى اجيب واحدة تانية
و عايز اعرف نمرة 1 اصطاد بية اية و نمرة 2 اصطاد بية اية
و اهم حاجة انا من المنصورة ... فى محلات للبيع البناديق الرش فى المنصورة و لا لا و لو مفيش فين هوة اضمن مكان و احسن اسعار فى القاهرة و اسكندرية و يا ريت يا جماعة تبقوا محددين متقولوش اماكن كتير قولولى الاحسن
و اية احسن بندقية فى الرينج الى انا قلتة من 1000-2000 جنية
و كمان اية رأيكوا فى الكورال التركى و اية مميزاتها و اية عيوبها
يا ريت يا جماعة يكون الرد بالتفصيل لأنى نفسى ابدأ فى الموضوع دة و شكرا

السلام عليكم ورحمه الله وبركاته أولا اسمها كرال مش كورال .
ثانيا : هى فعلا بندقية قوية وعلى اد فلوسها انا معايا واحدة ومركب عليها اسكوب وفعلا ممتازة وانا ذكرت ده كتير لكن فيه ناس بتحب الجامد فلو انت واحد منهم كمل وهات النوريكا جيت برضه حاجة جامدة جدا ونسبيا وسط ما بين البنادق وانا اقصد فى الفلوس طبعا نسيت اقول فى الكرال لازم تغير سوسته وجلبة وارشحلك الرماية علشان شكلها جامد فعلا.
اما عن مكان الشراء فى المنصورة فللأسف معنديش معلومات عن ده لكن فى القاهرة فيه كتير وممكن تلاقى الاماكن والسعار بالتفصيل فى اقسام المنتدى وطبعا مرحبا بيك عضو وتكون فعال .

شكرا يا فاضل انا خلاص ان شاء اللة هشترى كرال و فعلا عغيرلها السوستة و الجلبة و خصوصا انها هتبقى اول بندقية ليا اتمنى انها تكون فتحة خير

بتوفييييييق اخى الكريم ولك رساله على الخاص وشكرا لك

كلم هشام سمير هو اعلانه مثبت فى سوق الاسلحة الهوائية سعره كويس و بيغير كل حاجة و يديهالك جاهزة

انا اسمى محمد واسمى الاخير فضيل ( Fadeel ) .
وان شاء الله تكون قناص ميه ميه ولو مكانك قريب منى ممكن نطلع سوا مرة انا من عين شمس .
وانا مع الاستاذ اشرف فى موضوع هشام سمير وممكن برضه تكلم استاذ عادل عبده الراجل ده مبيتأخرش على حد من الاخر كده واد جدع وابن بلد.

اسف يا محمد باشا على الغلط :)
و انا فعلا كلمت استاذ عادل عبدة و الراجل بصراحة جدع متأخرش فى اى نصيحة طلبتها منة و كلمت الاستاذ هشام و ان شاء اللة هجيبها على اخر الاسبوع اول ما اخلص امتحانات
و للاسف يا باشا انا من المنصورة بس اكيد ان شاء اللة على قدام نتكلم و نطلع مع بعض بأذن اللة
تحياتى

مفيش غير اتنين البرنس هشام سمير و المحترم عادل عبده اسالهم الاول

اهلا بيك فى رابطة مالكى الكرال ( عن قريب ان شاء الله )

ان شاء اللة