سؤال للخبراء

[المهندس احمد]

السلام عليكم

كان لي استفسار من فضلكم

هل تعتمد سرعة الرشة علي كمية الهواء المضغوط؟؟

وهل اذا ضاعفنا كمية الهواء ستتضاعف السرعة؟؟

وشكراا

[محمد حافظ بك]

بالظبط و كلما زادت كمية المكان اللي فيه الهواء لازم تزود عدد لفات السوستة

[المهندس احمد]

يعني مثلا بندقيتي رمسيس وسرعتها 128 م/ث

هغير ليها السلندر والبستم وازود حجم الهواء المضغوط 250%

مع الاخذ في الاعتبار باقي المتغيرات من مقاييس السلندر وزيادة عدد لفات السوسته من 32 الي 40 مثلا

المفروض سرعتها متقلش عن 300 م/ث مثلا؟؟

[محمد حافظ بك]

رغم ان الفكرة مش واضحة ... بس جرب انت مش خسران حاجة .. و يمكن ربنا يكرمك و تعمل حاجة تقبل بيها الموازين

[المهندس احمد]

الفكرة ان معظم تابنادق طول مشوار ضغط الهواء 8 سم

والقطر بيكون في حدود 3 سم

اللي بفكر اعمله اني اعمل الجزء ده عند مخرطه بحيث مشوار الضغط هيكون 12 سم وقطره 4 سم

وده هيزد حجم الهواء المضغوط من 50سم مكعب الي 140 سم مكعب تقريبا

بس مش عارف ممكن تنفع ولا لا لان المشكلة هتكون في لحظة انطلاق الرشة لانها ممكن تنطلق قبل اكتمال الانضغاط ويبقي ولا اكننا عملنا حاجة

وربنا يسهل هجربها قريب

[محمد حافظ بك]

طب انا هسهل عليك الامر شوية .. طالما التجربة في رمسيس خلي الطول 10 سم و القطر 3 ونص بس و اكيد دي هتفرق كتير جدا ان شاء الله

[المهندس احمد]

انا قلت رمسيس مثلا

بس غالبا هيكون تعديل علي بام 26 سرعتها القياسية 240 م/ث برش خفيف واشوف رد فعلها هيكون ايه

وربنا يسهل

[فوتو]

م /أحمد
تغير المشوار سيقابلك مشكلتين
1- إذا قصرت البستم سيصطدم بذراع التعمير ( لأنه من المفروض أن مايوقف البستم إستطدام الجلبه مع نهاية السبطانه)
2- الجلبه ستكون خارج منطقة الضغط فى حالة التعمير
محتاجين مناقشه أوسع ومشاركة بعض الزملاء القدامى للإدلاء بريئهم
وشكرا

[المهندس احمد]

انا عامل حساب كل حاجة من تغييير لطول زراع التعمير وان الجلبة ستصل ايضا الي السبطانة

وكلامي اني هعمل سلندر وبستم من الاول يعني مش هعدل في الموجود اللي هاخده فقط نسبة وتناسب

واتمني مشاركة الاخوة الخبراء حتي تكتمل الرؤية