المساعد الشخصي الرقمي

مشاهدة النسخة كاملة : اسعار الصقور


ashraf_f
11-12-31, 05:06 PM
ارجو من الاخوة الصقارين لمساعدة اخوانهم الاعضاء كتابة اسعار الصقور و العقبان و اماكن بيعهم و مساعدة المبتدئين حتى لا يتعرضو للغش و الاستغلال و ياريت صورة كل نوع و سعره و امكانية تدريبه و ذلك لنشر الهواية بين الاعضاء

اسلام البحراوى
11-12-31, 09:01 PM
بسم الله الرحمن الرحيم
اولا مفيش صقور بتعيش في مصر بتاتا والي بيتمسك هنا بيبي مهاجر والموسم بتاعهم اليمين دول وغير كده لو شفته حتئل عليه بلدي يعنى عاوز واحد عارف الانواع عشان يعرفه وفكك من الصور الي علي النت عشان الحجات دى مبتجيش عندنا
ثانيا الموجود في مصر في نسور وعقبان وحومات ودى برضه بتيجي مهجره بس دول الي بيبا شكلهم ابن ناس
عندك النسر الموجود اسم شباط وده بيبا شكله رهيب وحجمه كبير جدا وبياكل سمك وسعره بيبا من 100 الي 300
عندك العقاب والحوام بيبو شكل بعض بتفرق في الحجم الحوام بيبي متوسط اما العقاب بيبي كبير وبالنسبه للسعر الحوام بيبي علي حسب الحجم والون ويبتدي من50 الي 200
اما العقاب علي حسب الحجم والون برده بس ده بيبا غالي شويه من100 وطالع ملوش اخر في السعر

وطبعا السعر بيختلف علي حسب الحجم والون بلنسبه للحومات الفواتح اغلي من الغوامق والعكس في العقبان
وطبعا بتفرق في التدريب لو متدرب يبي انسي السعر ده واضرب في 2 او3 او4 علي حسب التدريب

بلنسه للصور صعبه لائنهم بيبوا شكل انواع تنيه وصب تفرق بينهم
واي سؤال انا تحت امركم لائنى عندى محل طيور وبجيب الحجات دى لما تبي موجودة وارجو ان اكون افتكم

ashraf_f
11-12-31, 09:10 PM
شكرا للاخ اسلام بس كمان سؤال هى العقبان بتدرب على الصيد زى الصقور و بتكون بكام مدربة

و لو تعرف اسعار الحرار و الوكرى و موجودة ولا لأ

اسلام البحراوى
11-12-31, 10:46 PM
والله ياباشا كل حاجه بتدرب حتي البلدي بس نادر جدا انك تلائي واحد مدرب في مصر وبالنسبه لانواع الاخري فهي مش موجوده في مصر ولو نزلت بتبي في سينا والبحر الاحمر ومطروح عموما السواحل الصحراويه عشان الصحرا والجبال ولو وجدت حتبي غاليه جدا عشان الصياد بيبي عارفها وبيبعها للعرب

bedreamer
12-01-01, 03:13 AM
مشكووووووووووووووووووووووووووور

حورس1
12-01-01, 11:54 AM
السلام عليكم يا اخوانى ورحمه الله وبركاته بالنسبه للسؤال الخاص بالصقور فى مصر فمصر يمر عليها اغلب انواع الصقور يعدى عليها الحر والشاهين بانواعه والوكريات وذلك بخلاف المستوطن فى مصر والعقبان والحدايات والباز وتلك الطيور تتفوات اسعارها حسب الموسم او فى غير الموسم وهذا الكلام ينطبق على الحرار والشواهين والوكريات فقط اما باقى الانواع لا قيمه لها ولا سعر ويحدد سعرها الطلب عليها ولو عندك نيه حقيقيه للشراء كلمنى على الخاص

ashraf_f
12-01-01, 01:40 PM
يا اخ حورس انا هدفى من الموضوع كل واحد عنده خبرة او معلومة يكتبها و مايبخلش على الاعضاء بالمعلومة لنشر الهواية

اسلام البحراوى
12-01-01, 10:18 PM
ياحورس باشا انا قولت انها بتيجى وهي مهاجره بس المشكله ان محدش بيئدرها عشان شكلها صغير وشبه البلدى هنا في مصر بيعوزا الحومات والعقبان عشان شكلها حلو وكبيره لاكن محدش فاضي يدرب ولا حتي يعرف لغير الي فاهم قيمت الحاجة

ashraf_f
12-01-01, 11:47 PM
فين بقية الصقارين عاوزين نستفاد من خبراتهم و خصوصا فى الاسعار و التدريب و لو امكن صور

eng.essam
12-01-02, 04:21 PM
سلمت يمينك يالغلا مشكور علي الموضوع الاكثر من رائع

Mohamed Talal
12-03-15, 07:43 AM
السلام عليكم ورحمة الله وبركاته

اخي الفاضل يسعدني ان اقوم بالرد عليك
لكن اولا نرجو ممن ليس لهم خبرة ومعرفة عدم الافتاء فيما لم يبحثو عنه من قبل
اولا مصر يتم فيها صيد افضل وانقى انواع الصقور
ثانيا شغل الصقور البلدي والعقبان دي شغلانه هايفة لا تخص الصقارة في مصر

ويعني يا عم اسلام انت محيت جذور الصقارة والعربان والطحاوية وجزيرة سعود بكلامك ده

اولا اخي الفاضل لنتكلم عن الصقارة في مصر دعنا اولا نتعرف على انواع الصقور "البرية"
هناك اربعة انواع رئيسية في الصقور
1- الصقر الحر
2- الشاهين
3- الجير
4- الوكري

وبالنسبة للنوع الاول وهو الصقر الحر: يعد من افضل الطيور واكثرها تحملا واسهلها في التدريب واغلاها ثمنا
وهناك منه الوان كثيرة مثل الابيض وهو اغلاها ثمنا والادهم والاشقر ... الخ
ويتراوح طوله بين 13.5 انش حتى 18.5 وقد يصل في بعض الحالات الى 19 انش واكثر
والطول هنا المقصود به هو المسافة بين كتف الصقر حتى اسفل ذيله" في وضعية الوقوف"
اما سعر الحر يتوقف على العديد من العوامل مثل اللون و الطول والسن " فرخ, قرناس , قرناس ثنو...الخ اي عمره عام ام عامين ام ثلاثة ام اكثر."
فقد تجد حرار يصل سعرها الى مليون جنيه " وهذا للنوادر" وقد تجد ايضا طير حر قرناس سعره 10000 الاف جنيه
فالسعر متوقف على العديد من العوامل لكن قد يكون متوسط سعر الحرار " جمع حر" في مصر 150 حتى 400 الف جنيه
وطبعا هذا السعر المرتفع بسبب ندرة هذا الطير حاليا والطلب المتزايد من اثرياء الخليج عليه.

وهذه صور لهذا النوع
http://www.dreamstime.com/saker-falcon-face-thumb8261677.jpg

http://www.arkive.org/media/FB/FB96E564-A209-4D4B-85EF-12FF221184A5/Presentation.Large/Male-saker-falcon.jpg

http://www.arkive.org/media/16/16902B73-1568-4FF0-950A-7E159FAA3FBF/Presentation.Large/Saker-falcon-standing-on-ground.jpg

http://www.iisd.ca/cites/ac21pc15/images/saker%20falcon.jpg

http://www.scottliddell.com/images/bdblog/saker_falcon.jpg

http://artfalcons.com/images/fotos%20rapinyaires/correcaminos.jpg


اما النوع الثاني وهي الشواهين:
وهي الفصيلة المحببة الى قلبي وتمتاز بالجرأة والشجاعه والسرعه الفائقة واكثر ما تشعر به مع هذا الطير هو عزة النفس والكرامة... ومن عيوبه قلة التحمل
وذكر لي الشيخ منصور بركات رحمه الله انهم في السبعينيات كانت الشواهين لا تساوي ثمن ولما كانت بتشبك معاهم كانوا يطعمونها للصقور الحرة "الحرار"
والشواهين في مصر تنفصل الى نوعين " وهو خطأ شائع في مصر"
والنوعين هما : الشاهين البحري - الشاهين الجبلي
وللعلم الاثنين وجهان لعملة واحدة فالشاهين الجبلي يكون لونه بني
اما الشاهين البحري يكون لونه ازرق
ولكن مالا يعلمه معظم صائدي الصقور في مصر ان الشاهين في سنته الاولى يكون لونه بني وفي السنة الثانية يغير ريشه ليتحول الى الازرق
وللعلم هناك بعض الشواهين مستوطنة في مصر وقد رأيتها
ولكن معظمها يعبر مهاجرا على الخطوط الجبلية الساحلية " اي المناطق الجبلية القريبة من السواحل متتبعا بذلك خطوط هجرة الطيور الاخرى.

والشواهين تتراوح اطوالها بين 12 الى 16 انش وحتى 16.5 ويسمى الوافي
والصغير منها " في المقاس " يطلق عليها تبع شاهين وهو عادة بيكون الذكر
حيث في الصقور الذكر اصغر حجما من الانثى

ويتراوح اسعار الشواهين بين 4000 حتى 80000 جنيه
ومتوسط السعر 60 الف .
اقصد بمتوسط السعر اي للطير الجيد جدا فمثلا يكون شاهين فرخ مقاس 15.5 او 16.
والفرخ اي في عامه الاول.
ويتميز الشاهين بما يسمى المدامع
وصور الشواهين

شاهين فرخ
http://l.yimg.com/qn/uaesm/up/uploads/2f090f62e3.jpg

http://farm1.staticflickr.com/108/313137814_3d229416f7_z.jpg?zz=1

http://www.alganasah.com/test/up/cr/ffssaahyyyyy.jpg


شاهين قرناس " اي عمره اكثر من عام"

http://www.hawkquest.org/mews/PeregrineFalconAnatum.jpg

http://image.shutterstock.com/display_pic_with_logo/190231/190231,1218057863,28/stock-photo-peregrine-falcon-16063351.jpg

http://www.bio.vobs.at/Referate/Bilder/r-wanderfalke2.jpg


اما النوع الثالث فهو الوكري او القرموشة :
وهي انواع عادة ما تكون تبوع صقور ومن فصائل اخرى
فمثلا الوكري منه انواع مثل وكري شاهين ووكري حرار ووكري صعيدي والقرموشة
فالقرموشة هي تبع الصقر الحر او كما يطلق عليها اجدادنا فقس البيضة الثالثة في عش الحر
وهي طيور غير مرغوبة في التدريب
واسعارهم تتراوح بين 400 حتى 3000 جنيه
وهي عادة صقور تستخدم للأمساك بالصقور الحقيقية مثل الحر والشاهين
وهذه صور لهم

ها هو الوكري الصعيدي " وكري الشواهين في بعض الاحيان" وهو طير مستوطن في مصر " الصعيد"
وهو يشبه الشواهين ولكنه بري بشكل رهيب ويصعب تدهيله خاصة لو كان قرناس
http://creagrus.home.montereybay.com/falcon_lanner.jpg

http://blog.wildlife-pictures-online.com/wp-content/uploads/2009/05/lanner-falcon_afb-0295.jpg

وهذا ايضا وكري
http://cdn2.arkive.org/media/E4/E4D3CED1-172C-4D11-8670-F4F9A561A63E/Presentation.Large/Juvenile-lanner-falcon-on-floor.jpg


وهذه هي القرموشة

http://www.boonesanimals.com/tools/local/imageupload/content/MainImage/size4/eac3a40d71b24174f394dda166972ac6.jpg

http://www.naturephoto-cz.com/photos/mraz/lanner-falcon-06a9053.jpg

وهي الاقرب شبها للصقور الحرة حتى في الطباع لكنها باردة



اما النوع الرابع وهو الجير
وهو اكبر انواع الصقور
ولا يوجد ولا يهاجر الى الشرق الاوسط بأكمله بل يتم صيده من روسيا والقطب الشمالي ليتم تهجينه مع الشواهين والحرار
وطوله يصل الى 20 انش

وصوره

http://www.animalspot.net/wp-content/uploads/2011/10/Gyrfalcon.jpg

http://www.artsales.com/ARTstudio/comstock/images/GyrFal1.jpg

http://4.bp.blogspot.com/_lpvnzTloN_g/ST0a6ejXr1I/AAAAAAAAB9M/uEd0x7aXMFc/s400/Gyr-Falcon-(1)-Castlemaine-.jpg


وهناك انواع مهجنة مثل الجير حر والجير شاهين


اما عن الصقارة في مصر فأود ان اعلمك اني كنت صقار من عشرات الصقارين في مصر بل اظن المئات
واما عن الصقور وتراثنا وتقاليدنا فمازالت موجوده
لكن ابعد عن المدينة

ارجو الافادة
اخوك محمد طلال
السلام عليكم

مصطفى ابواسماعيل
12-03-15, 07:11 PM
اتفق مع الاخ محمدطلال فى كل ماقاله

اسلام البحراوى
12-03-16, 10:54 AM
يا اخ محمد كلامك صح بس احنا بنتكلم عن وجه بحري والقاهره الناس هنا متعرفش يعني ايه صقور هما عايزين حجم وشكل وخلاص وسعر قليل مثلا لو واحد مسك شواهين مش حيعرفه من البلدى وبعدين برده اغلبيه الانواع دى مبتعش مصر وبتيجي مهجره ومحدش بيمسكها غير العرب والبدو في الاماكن البعيده الي فيها جبال ومش اي حد يعرف تمنها غير الفهمين مثلا انا شوفت جير صحبه كان عاوز فيه 300 جنيه تخيل اهو بيبع حاجه ميعرفهاش وتشوف واحد ماسك نسر شباط ويقول 500 واحد زى ده حدد السعر علي الشكل والحجم وانت طبعا عارف ده يسوا ايه وده يسوى ايه
اظن وجه نظري وضحت

Mohamed Talal
12-03-19, 10:55 PM
وضحت طبعا ياعم اسلام
وانت محق في معظم كلامك
لكن من هو الشخص اللي ينوي الصقارة ولا يعرف الصقور وماذا يحتاج للتدريب
وهي الصقور الواحد بيجيبها ليه؟؟؟
عشان نحبسها ونتمنظر بيها؟؟؟
يعني نفسد البيئة ونصطاد صيد جائر في شراييص وعقبان ونسور وحدأات وبزاة فقط للفشخرة واقول انا عندي صقر كبير
دي تبقى هيافة " مع الاحترام للجميع"
الطيور الجارحة ليست حيوانات اليفة مستأنسه
الجوارح وخاصة الصقور تعبر عن عزة النفس والحرية والكرامة
واين الكرامة في آسر ؟؟
وعلى فكرة اخي الفاضل اسلام هناك مثل بيقول " الطيور على اشكالها تقع" فتجد ان هواة الفشخرة والذي منه دائما ما يقع معهم ويشترون الحدأة Black winged Kite على انها صقر او حوام او عقبان فاشلة
ولكن في الاول والاخر هنعمل ايه؟؟ المصريين غاويين فشخرة بأي حاجة وخلاص :)

تقبلوا مروري
السلام عليكم

m7moud
12-03-20, 11:27 PM
وضحت طبعا ياعم اسلام
وانت محق في معظم كلامك
لكن من هو الشخص اللي ينوي الصقارة ولا يعرف الصقور وماذا يحتاج للتدريب
وهي الصقور الواحد بيجيبها ليه؟؟؟
عشان نحبسها ونتمنظر بيها؟؟؟
يعني نفسد البيئة ونصطاد صيد جائر في شراييص وعقبان ونسور وحدأات وبزاة فقط للفشخرة واقول انا عندي صقر كبير
دي تبقى هيافة " مع الاحترام للجميع"
الطيور الجارحة ليست حيوانات اليفة مستأنسه
الجوارح وخاصة الصقور تعبر عن عزة النفس والحرية والكرامة
واين الكرامة في آسر ؟؟
وعلى فكرة اخي الفاضل اسلام هناك مثل بيقول " الطيور على اشكالها تقع" فتجد ان هواة الفشخرة والذي منه دائما ما يقع معهم ويشترون الحدأة Black winged Kite على انها صقر او حوام او عقبان فاشلة
ولكن في الاول والاخر هنعمل ايه؟؟ المصريين غاويين فشخرة بأي حاجة وخلاص :)

تقبلوا مروري
السلام عليكم

حلو علي فكرة ال black winged kite بيتباع بكام ده ؟ اجبلي واحد اتفشخر بيه D: و بعدين انا شايف ان في صقارين كتير من الزقازيق ..علشان كده بفكر اربي صقور

Mohamed Talal
12-03-21, 06:57 PM
حلو علي فكرة ال black winged kite بيتباع بكام ده ؟ اجبلي واحد اتفشخر بيه d: و بعدين انا شايف ان في صقارين كتير من الزقازيق ..علشان كده بفكر اربي صقور

مرحب باهلي
لو عايز فشخرة يا حوده هاتلك خروف وادبحه واعزمني على الغدا :)
وبعدين يا حودة المبتدئين لا يربون الصقر ولكن الصقر هو من يربي الصقار المبتديء
فيزرع فيك العزة والكرامة والصبر وفن معاملة الزجاج " لأن الطير سهل كسره نفسيا"

ويؤهلك للتعامل مع الكثييييييير من صعاب الحياة ويطوعها لك

ولو نويت قولي

السلام عليكم

اسلام البحراوى
12-03-24, 09:16 PM
وضحت طبعا ياعم اسلام
وانت محق في معظم كلامك
لكن من هو الشخص اللي ينوي الصقارة ولا يعرف الصقور وماذا يحتاج للتدريب
وهي الصقور الواحد بيجيبها ليه؟؟؟
عشان نحبسها ونتمنظر بيها؟؟؟
يعني نفسد البيئة ونصطاد صيد جائر في شراييص وعقبان ونسور وحدأات وبزاة فقط للفشخرة واقول انا عندي صقر كبير
دي تبقى هيافة " مع الاحترام للجميع"
الطيور الجارحة ليست حيوانات اليفة مستأنسه
الجوارح وخاصة الصقور تعبر عن عزة النفس والحرية والكرامة
واين الكرامة في آسر ؟؟
وعلى فكرة اخي الفاضل اسلام هناك مثل بيقول " الطيور على اشكالها تقع" فتجد ان هواة الفشخرة والذي منه دائما ما يقع معهم ويشترون الحدأة black winged kite على انها صقر او حوام او عقبان فاشلة
ولكن في الاول والاخر هنعمل ايه؟؟ المصريين غاويين فشخرة بأي حاجة وخلاص :)

تقبلوا مروري
السلام عليكم

كلامك تمام وعي فكره انا بتكلم كده لائنى اصلا عندى محل وبجيبهم وببعهم وبئول الي بشوفه والي الناس عيزاه يا عم دنا بشوف البدع

قناص المنوفيه
12-03-25, 04:09 PM
طب لو سمحتم عايز اعرف الصقر الابيض

اللى موجود فى الدلتا عندنا ده نوعه ايه وسعره حوالى كام تقريبا

هو اكبر من البلدى واقوى منه ولونه ابيض واخر جنحاته اسود

وموجود بعدد قليل الى حد ما وشكرا

مصطفى ابواسماعيل
12-03-25, 05:47 PM
ده اسمه صقر كوهين او(كوهيه) وده بيتباع فى سوق التونسى 20الى 30ج

Mohamed Talal
12-03-26, 09:55 PM
طب لو سمحتم عايز اعرف الصقر الابيض

اللى موجود فى الدلتا عندنا ده نوعه ايه وسعره حوالى كام تقريبا

هو اكبر من البلدى واقوى منه ولونه ابيض واخر جنحاته اسود

وموجود بعدد قليل الى حد ما وشكرا

هذا ليس صقر ولا يتبع فصيلة الصقور
وهذا هو الحداية " حدأة " واسمه العربي حدأة سوداء الجناحين Black winged kite

ورجالنا بيطلقوا عليه مثل "مفرد امثال"
"ابرد الجناح.. لا بيصطاد ولا بيرتاح"

اتمنى الافادة
السلام عليكم

ahmed_anwr
12-04-12, 01:34 AM
السلام عليكم
اخواني الكرام انا عندي باز منتهي من مرحله التدريب الاولي
و معروض عليا شهين جبلي بس صحبو طالب مبلغ عالي جداً فلو ممكن حد يقلي اسعر الشواهين الغير مدربه

Mohamed Talal
12-04-12, 03:04 AM
السلام عليكم
اخواني الكرام انا عندي باز منتهي من مرحله التدريب الاولي
و معروض عليا شهين جبلي بس صحبو طالب مبلغ عالي جداً فلو ممكن حد يقلي اسعر الشواهين الغير مدربه

شوف انت عايز ايه وانا هجيبهولك بسعر لن تسمعه في حياتك
والموضوع ليس تجارة بل هو خدمة

السلام عليكم

bedreamer
12-04-12, 03:41 AM
http://imageshack.us/photo/my-images/191/topgunhar.gif/

ahmed_anwr
12-04-12, 01:21 PM
شوف انت عايز ايه وانا هجيبهولك بسعر لن تسمعه في حياتك
والموضوع ليس تجارة بل هو خدمة

السلام عليكم

اخي الكريم محمد لو ربنا موفقنيش مع ده باذن الله هتواصل معاك علي طول و مشكور جزيل الشكر اخي لو انك ارسلتلي متوسط الاسعار للصقور غير المدربه مع العلم الشاهين الي انا بتفاوض مع الرجل عليه مش مهتم بصحتو كويس

الرحالة
12-04-12, 09:35 PM
السلام عليكم ورحمة الله وبركاته

انا عايز عقاب ياريت تعرفنى سعرك وربنا يكرمك

ahmed_anwr
12-04-14, 03:20 AM
السلام عليكم ورحمة الله وبركاته

انا عايز عقاب ياريت تعرفنى سعرك وربنا يكرمك
أخي الكريم لدي عقاب السهوب او السهول ابحث عنه و لو عجبك ان شاء الله مش هنختلف في السعر

الرحالة
12-04-14, 05:15 AM
أخي الكريم لدي عقاب السهوب او السهول ابحث عنه و لو عجبك ان شاء الله مش هنختلف في السعر

ممكن صور للى عندك غير الصور اللى فى جوجل ؟ ربنا يبارك لك
وعره قد ايه ؟

TheLegnedkiller
12-04-14, 11:58 PM
لو سمحت ياباشا هو انا عاوز اشتري صقر من 100 الي 150 وثانيا انا لفيت المنصوره كلها علي ادوات ليه مش لاقي خالص يعني البرقعه مش لاقيها ولا الجواندي بتاعه ولا لاقي اي حاجه ليها فارجوا الافاده

اسلام البحراوى
12-04-15, 12:01 AM
يارجاله الراجل مش تاجر الراجل بينصح فمحدش يطلب حاجه زى كده

ahmed_anwr
12-04-15, 12:04 AM
ممكن صور للى عندك غير الصور اللى فى جوجل ؟ ربنا يبارك لك
وعره قد ايه ؟
اخي الكريم انا في سفر و ان شاء الله اول مهكون في بيتي هصورهولك بس ياريت اعرف اتواصل معاك

الرحالة
12-04-15, 05:52 AM
اخي الكريم انا في سفر و ان شاء الله اول مهكون في بيتي هصورهولك بس ياريت اعرف اتواصل معاك

ترجع بالسلامة ان شاء الله
تقدر تتواصل اول ماترجع بالسلامة على الخاص وانا هاتابع معاك

صقر الدلتا
12-05-18, 08:06 PM
اخي العزيز على حسب علمي اسعار الصقور بتتفاوت حسب نوعها وكل نوع فية اسعار كمان عشان في الحر والحر التبع وكذلك الشاهين ويختلف سعرة حسب لونة ومقاسة وطبعا متوفر اكتر الوكريات فية المستوطن والمهاجر وفي وكريات حرار ووكريات شواهين ووكريات تبع وكلة بردوا حسب اللون والحجم وممكن اقولك من وجهه نظري الاسعار كالتالي الحرار من 12000 الف جنية مفتوحة لاسعار لا تتخيلها والشواهين في من 3000 حتي 16000 الف ويمكن اكتر اما للوكريات بتكون من اول 800/ 900 حتي 2500 وممكن اكتر ولو عاوز نصيحتي عليك وعلى الشرقية فيها طلبك بعون الله وربنا يوفقك ( اما بالنسبة لو حضرتك مبتدئ انصجك تربي شرياص الاول لمعرفة طباعه ولو الحمد للة نفعك تدرج للاحسن والله الموفق اخوك عبد الفتاح

عبووود
12-06-20, 11:47 PM
تسلموا علي المعلومات

bodygard 34
12-06-21, 02:14 PM
موضوع جميل ومفيد شكرا لكل من ساهم فيه

omar abdelaziz
12-07-02, 12:41 AM
law monken tesa3dny ana 3ayez ashtry لعقاب الذهبي الصقر
bas ana lesa mobtda2 fi el hekaya dih we kont 3ayez ashtry wahed ana seny 16 sana 3ayez haga a3raf at3amel ma3ha .. we tekoon r5eesa we kowayasa 2oly haga 3la zo2ak we yareet law betstad samak .. we ageebo 3ando ad eh ??

omar abdelaziz
12-07-02, 12:57 AM
ana kont 3ayez haga mesh lel fash5ra .. ana 3ayez .. ay teer bas yesa3dny we ana bastad el samak we yekoon sa7el el tadreeb we yekonn re5ees yareet 7ad yesa3dny

omar abdelaziz
12-07-02, 12:58 AM
Omarabdelaziz@live.com my email

عبدالرحمن حسن
12-08-08, 04:39 PM
انا مبتدا وعاوز اربي صقر فممكن تدلني

عبدالرحمن حسن
12-08-08, 04:44 PM
لوسمحت انا من المحله وعاوز اشتري صقر
ممكن تفدني

عبدالرحمن حسن
12-08-08, 04:45 PM
لوسمحت انا مبتدء وعاوز اشتري صقر ممكن تدلني وانا من المحله