المساعد الشخصي الرقمي

مشاهدة النسخة كاملة : استفسار من خبراء المنتدي

kimoking
10-05-07, 09:29 PM
السلام عليكم
يشرفني الانضمام اليكم فى هذا المنتدى الرائع
يقال ان هناك بندقية المعادى نمرة 2 ب 350 جنيه
هذه البندقيه علي قد امكانياتي الماديه الصراحه
اتصلت بالمصنع وسألت موجوده و لا لأ قالولي مافيش حاليا و هاينتجوا منها عالعيد كده
سألت عند ابو ضيف في باب اللوق لاقيتها موجوده بس ب 475 جنيه فرق كتير
بس الصراحه مااشتريتهاش لان ماكانش معايا غير 350 جنيه
فماذا افعل هل هناك مكان اخر تباع فيه بس يكون في حدود 350 جنيه
واريد ان اعرف من خبراء المنتدى مدى هذه البندقيه كام متر تقريبا
وهل هنلك امكانيه لتغير السوسته لجعلها اقوى و مداها اكبر
وهل يوجد بندقيات صيني في حدود المبلغ المذكور تكون كفائتها مثل المعادى نمرة 2
و اشكركم لسعة صدركم
ابو الشوق
10-05-07, 11:33 PM
ازيك يا كيمو
المعادى بندقية كويسة على قد فلوسها ممكن تركبلها سوستة اسبانى او تكبر دماغك منها وتشترى نوريكا 61 مثلا مستعملة ممكن تتكلم فى الفلوس الى انتا حاططها
بس اتاكد لو هتشترى مستعمل على حالة البندقية الاول قبل متشترى
وبالتوفيق
kimoking
10-05-08, 01:34 AM
ازيك يا كيمو
المعادى بندقية كويسة على قد فلوسها ممكن تركبلها سوستة اسبانى او تكبر دماغك منها وتشترى نوريكا 61 مثلا مستعملة ممكن تتكلم فى الفلوس الى انتا حاططها
بس اتاكد لو هتشترى مستعمل على حالة البندقية الاول قبل متشترى
وبالتوفيق

شكرا يا باشا علي اهتمامك و بارك الله فيك بس كنت عايز اعرف مدي المعادى كام متر و اماكن بيعها في مصر
ابو الشوق
10-05-08, 09:03 AM
هى البندقية ملهاش ستاندر معروف وارخص مكان ممكن تشترية منها من المصنع الحربى فى ثكنات المعادى او الحدايق مش متذكر ومتنساش لما تجيبها تفرجنا على الصيد
هشام سمير
10-05-08, 05:05 PM
الصينى افضل بكتير من المصرى وسعر البيونير 650 جنيه جديده والاخ الطحاوى عارض بندقيه بيونير صينى حالتها كويسه فى سوق المنتدى ممكن ترجع الموضوع والله البندقيه دى مش وحشه
kimoking
10-05-08, 06:58 PM
انا توكلت علي الله و اشترتها من عند ابو ضيف اللي في باب اللوق ب 475 جنيه لاني رحت المصنع اللي في الثكنات قاللي ان هي اتسعرت في المصنع ب 475 جنيه برضه و مش موجود في المصنع منها الان قالي كمان شهرين و روحت البيت و جربتها بعد ما اشتريتها من باب اللوق لاقيتها ممتازة و نيشانها مظبوط جدا البكره الللي في البندقيه جايه مظبوطه علي 5 انا مالعبتش فيها و نشنت علي طول علي اهداف بعيده ظبطت علي طول لدرجة اني نشنت من السطح بتاعنا علي عمود دش في سطح تاني مسافه ما تقلش عن 30 متر سمعت صوت الضرب عالي و رحت السطح التاني عشان اتأكد لاقيت الضربة معلمه كنت بانشن برش مارسمان بس للاسف مالقتش حمام اصطاده
Eng.Eltomaily
10-05-08, 07:17 PM
مبرووك ع البندقيه
و عقبالي اما اجيب بندقيه جديده :)
kimoking
10-05-08, 07:50 PM
مبرووك ع البندقيه
و عقبالي اما اجيب بندقيه جديده :)
الله يبارك فيك ياباشا اتفضل و الله :d
BooGY
10-05-09, 02:58 AM
الف مبروك على البندقية ونصيحة من اخ صون الآلة تصونك اتعلم فكها وصيانتها وتركيبها واعملها صيانة دورية بانتظام علشان تحافظعليها بحالتها اطول مدة ممكنة واحذر تماما ان تتركها فى وضع التعمير مدة طويلة بدون ضرب حتى لا تتلف السوسته وتقبل تحياتى
اخوك محمود برعى
kimoking
10-05-09, 11:28 PM
الف مبروك على البندقية ونصيحة من اخ صون الآلة تصونك اتعلم فكها وصيانتها وتركيبها واعملها صيانة دورية بانتظام علشان تحافظعليها بحالتها اطول مدة ممكنة واحذر تماما ان تتركها فى وضع التعمير مدة طويلة بدون ضرب حتى لا تتلف السوسته وتقبل تحياتى
اخوك محمود برعى
شكرا يا حوده و بارك الله فيك
هشام سمير
10-05-10, 09:32 PM
الف مليون مبروك اخى الكريم