أنا ..و الماجنوم 350 و موقف مضحك جدا

[SHARKY]

السلام عليكم و رحمة الله و بركاته

ليا صديق عرف أن لدى هواية صيد الحمام و اليمام و عرف أننى أرغب فى شراء بندقية من الخارج

فعرض عليا إنه يمكنه إحضارها لى عن طريق صديق له من السعودية فرحبت بذلك و كان الإتفاق

ما يلى :

1- تحويل قيمة البندقية قبل إحضارها .

2- اللى هيشترى البندقية لازم يكون سعودى أذا لازم ياخد مبلغ .

3- صديقه هياخد مبلغ .

وافقت على كل الشروط و حولت المبلغ و هو 5500 جنيها و قلت كده السعر معقول و أرخص من

مصر بحوالى 1000الى 1500 جنيها .


أمس كلمنى صديقى و قال لى أن البندقية وصلت و الحمد لله فرحت جدا و قلت الحمد لله .

ثم قال لى لقد تم دفع رسوم جمركية و ضريبة مبيعات بمبلغ 1750 جنيها .و طبعا دفعت له المبلغ المطلوب.


يعنى البندقية وقفت عليا ب 7250 جنيها هههههههههههههههههههههههههههههه


شوفتوا أنا شاطر إزاى و قدرت أشترى بندقية من الخارج بسعر أعلى من اللى موجود فى مصر

هههههههههههههه

المهم البندقية شكلها تحفة و هى t 06 و محفور عليها إسم المحل ( الرمــــــــيح )

و بصراحة أنا نفسى إتسدت من ناحيتها خالص ليه مش عارف.


و أنا عايز أبيعها و أخسر فيها مش مهم بس يكون مبلغ الخسارة معقول.

[tarekvb]

طيب ليه نفسك اتسدت بالرغم انك كان نفسك تجيبها وخسارة بعد التكاليف دى تبيعها

[سرسور]

الف مبروك
واعتبر الزيادة حلاوة سلامة الوصول

[AMR EBID]

مع احترامي لحضرتك كونت بتدور علي الهانتر انا كمان كونت بدور عليها لقتها مستعمله ب 5500

وجالي المجنوم اخف من الهانتر ونفس القوه والديانا اكيد خامه افضل وقطع غيار موجوده بعكس الهانتر وانا سالت

معظم اصحابي المعاهم الماجنوم كلوهم اجمعوا انها بندقيه صيادا المش عجبني فيها النشان الامامي مدي علي

تشيكي يعني تجربها ومن طلعه مره البندقيه متتعرففش ولو هتبيع ربنا يعوض عليك باحسن منها ومبروك للمشتري

[سرسور]

ملحوظة البضائع التى تباع فى الخارج افضل من التى تباع فى مصر
لان للاسف المستورد المصرى يشترى الفرز
فاعلم انها افضل من التى كنت سوف تشتريها من مصر
وهذا الموضوع يتضح اكثر فى اللاب توب و فترة عمل البطارية

[msa_79]

استاذ احمد معلش تعيش وتاخد غيرها مش كان نفسك تستورد بنقدية من الخارج انت كده حققت امنيتك

[hema777h]

الف مبرررررررروووووووووووك علي سلامة الوصول

[waleedrahmy]

أ/محمود معلش الانسان لايتعلم ببلاش وربنا يعوض علي حضرتك...........وحط صور للبندقية والسعر ال انت طالبه وان شاء الله موفق في بيعها ان شاء الله

[ابو مروان]

يا باشا مدام الامور ميسرة ولا تحتاج لسيولة احتفظ بيها ما حدش عارف الايام الجاية اسعار البنادق هاتعمل اية وانا تصورى انها هاتولع نااااااااااااااااااااااار

[عادل عبده]

يموت المعلم ولا يتعلم
على العموم محدش بيتعلم ببلاش ياعم احمد وخليها ضمن المجموعه وربنا يعوض عليك الخساره فى حاجه تانيه
والماجنوم بندقيه جامده ربنا يكفيك شرها يارب

[mohamed2010habib]

الراجل اللى قالك جمارك وضرايب دا حضرتك واثق منه ام اعطاك فواتير؟؟؟؟؟؟؟؟؟

[ĴΘĶЄЯ]

يا باشا خليها مع حضرتك
حرام تخسر فيها وهيا جديدة
ده غير كلام الناس عنها
بجد حرام لو تبيعها
ربنا يكفيك شرها يارب

[mohd_wafik]

استاذ احمد ازييييييييييييك ؟؟؟
يا باشا البندقيه في السعوديه او الامارات سعرها لا يتعدى 3000 جنيه مصري و اسأل مجرب اساسا هي في الامارات 1600 درهم ولو قولنا في السعوديه 2000 ريال يبقى ازاي 5500 جنيه ....

[shadow]

ألف مبروك على المدفع الألمانى ونصيحه لحضرتك أحتفظ بيها وما تفرطش فيها ديه بندقيه أكثر من رائعه.. شكرا

[عبد.الرحمن]

الف مبروك ... ولا تحزن على ما فاتك من الدنيا

[صياد كبير]

الف مبروك علي البندقيه ربنا يديك خيرها انشاء الله بس لو انت مصمم تبيعها وكام المبلغ المطلوب فيها وهي في امكانية البدل بجامو هنتر 440 مستعمله بس زي الجديده . ولو اني اتمني ان حضرتك تحتفظ بالماجنوم الجميله عموما مستني ردك . وتقبل مروري

[old hunter]

يباشا ديه موصفات خليجي حد يبيعي الخليجي ويدور علي مصري هعملك مقارنه بسيطه بين المستورد السعودي والمستورد المصري السعودي بيروح يقول انا عايز اغلي حاجه المصري طبعا يقول ارخص حاجه ويارت اخد الفرز المعيوب عشان يبقا ارخص المصري يرجع يسنجف البندقيه ويلمعها ويزود تمنها عشان التلميع 2000 جنيه وعشان مكالمه التليفون والشحن والجمرك كمان 2000 يعني لو بندقسه ب 1000 هيبعها ب5000 لو محترم اوي والناس كلها بتشكر فيه يبقا 4000 السعودي جايب حاجه مكيسه فطبعا مفيش تلميع فبيوفرلك 2000 جنيه وطبعا معندهمش جمارك يعني هيوفرلك كمان 1500 ويحط عليها 500 او الف علي حسب مزاج انه ويبيع علي كده اتباعت اتباعت متبعتش مش مهم يبقا يديها هدايا للورعان يلعبوا بيها فانت هتشتري البندقيه هنا ب7000 جنيه من المعيوبه الي الناس كانت بتقول عليالماجنو ماسورتها بتكسر طبعا بتبقي بندقيه فيها غلطه من المصنع يعني المعيوبه الي عندنا انت معاك بندقيه زي الهنتر واحسن فمتبعهاش الا لما تلاقي وحده هنتر خليجي هيه ديه نقطه الموضوع يعني كل العجن ده عشان اوصل لكده من الاول هنتر خليجي معلشبقا انا طولت عليكم علي الفاضي كنت بهيس عيكوا مش شارب حاجه انا بس بقالي يومين منمتش اشكركم علي حسن استماعكم والي القاء فحلقه قادمه من برنامج (البندقيه ديه مش بتاعي حسن يوسف هو الي بتاعي ) معلش يا استاذ شراكي كنت بهزر شويه من زهقي والله بس انا طبعا بحب الهنتر عن الديانا الهنتر ادق من الديانا بكتير ونفس القوه تبقي هيا افضل بس زي مقلت لحضرتك موصفات هنا مش زي السعوديه وربنا يوفقك لما فيه الخير

[SHARKY]

السلام عليكم و رحمة الله و بركاته

شكرا جزيلا لجميع الأعضاء على الردود الجميلة و المشجعة على عدم بيع البندقية و أنا واثق من إنها

بندقية ممتازة من جميع النواحى و لكن اللى مزعلنى منها هو التصرف الغير متوقع من اللى كنت أظنه

صديقى و على فكرة لو كان طلب أكثر من ذلك كنت دفعت لأننى لم أكن أستطيع الرجوع فى الإتفاق

و بعدين بالنسبة لموضوع الجمارك و الإيصالات مينفعش أقول له أين إيصالات السداد علشان هو إيه ..

كان صديقى .

و لو أى زميل عنده الرغبة فى الشراء أنا ممكن أنزل مبلغ 500 من ثمنها.


و شكرا جزيلا للجميع.

[SHARKY]

استاذ احمد ازييييييييييييك ؟؟؟
يا باشا البندقيه في السعوديه او الامارات سعرها لا يتعدى 3000 جنيه مصري و اسأل مجرب اساسا هي في الامارات 1600 درهم ولو قولنا في السعوديه 2000 ريال يبقى ازاي 5500 جنيه ....

السلام عليكم و رحمة الله و بركاته

الله يسلم حضرتك فينك من أخر مرة شوفت حضرتك فيها و بعد كده ماسألتش عليا خالص .


طبعا حضرتك أكثر شخص ممكن تقولى كل حاجة عن ال 350 علشان حضرتك مدمنها صح.

لو حضرتك حابب ذلك ممكن يكون بيننا تليفون.

موبايل 01112777701

مع تحياتى لحضرتك

[SHARKY]

استاذ احمد معلش تعيش وتاخد غيرها مش كان نفسك تستورد بنقدية من الخارج انت كده حققت امنيتك

أستاذ / محمد

هو حضرتك فرحان فيا و إيه ؟ هههههههههه

[SHARKY]

أ/محمود معلش الانسان لايتعلم ببلاش وربنا يعوض علي حضرتك...........وحط صور للبندقية والسعر ال انت طالبه وان شاء الله موفق في بيعها ان شاء الله

و الله يا أستاذ / وليد أنا ممكن أتنازل عن 500 من سعرها إن شاء الله

مع تحياتى

[أبو شمس]

استاذ / احمد
حضرتك عارف وجهة نظري
راجع نفسك

[bekhet]

ربنا يرزقك خير منها وياريت صور البندقية

[SHARKY]

ربنا يرزقك خير منها وياريت صور البندقية

والله حضرتك كل ماأجى أرفع الصور تظهر رسالة تقول ... خطأ فى رفع الملف

[عادل عبده]

ممكن يكون اللينك فيه مشكله يا استاذ احمد
على العموم
بالتوفيق يا ابى العزيز

[SHARKY]

استاذ / احمد
حضرتك عارف وجهة نظري
راجع نفسك


حضرتك ماكلمتنيش النهاردة . صح

فى إحتمال كبير إن شاء الله يكون فى حتة 54 زيرو .

علشان كدة قلت نغير ال 350.

والا إيه رأى حضرتك ؟