مساعدة فى تغيير سوستة وجلبة للبندقية

[الطيار]

السلام عليكم

اعرف ازاى ان السوستة او الجلبة عايزة تتغير او لا

انا معايا شنجهاى b3-2
معايا من 2002 تقريبا ومغيرتلهاش حاجة خالص كل الموضوع انى بشحمها بس

وبما انى ممسكتش غيرها فطبعا مش هقدر اقارن حالتها عاملة ازاى

السوستة الحمد لله متكسرتش قبل كده ولا حاجة بس اعرف ازاى انها ضعيفة ولا دا الطبيعى بتاعها

والجلبة كمان اعرف ازاى انها كويسة ولا عايزة تتغير

[قناص الظلم]

هى بتضرب بقوه زى الاول ولا تحس انها ضعيفه وتشوف الرشه وهى خارجه مثلا

[الطيار]

مش عارف بالظبط بس متهيألى انها فالمسافات البعيدة ضعيفة يعنى لو بضرب على برميل حديد على مسافة 100 متر

بسمع صوت الرشة متأخر

لكن هى فالمسافات القريبة كويسة

بس انا اللى مشككنى فالموضوع حاجتين

اولهم انها بقالها معايا من 2002 يعنى عشر سنين من غير مغير سوستة ولا جلبة

وتانى حاجة ان صوتها واطى جدا فالضرب زى متكون سيلنت ههههههه

يعنى ملهاش صوت خالص فأنا مش عارف ده ضعف سوستة ولا هى البندقية دى كده اصلا

نيسيت كمان اوضح حاجة انى ضربت بيها غربان على مسافات قريبة وبتيجى فالغراب وبسمع صوتها فيه
ولا الهوا ولا كأنى عملت حاجة بيروح طاير عادى جدا فمش عارف برضو هى كده ضعيفة ولا الغربان اصلا محتاجة بندقية قوية من الاساس

او نوع الرش المارسمان وحش
طبعا مارسمان علشان مفيش غيرو فالصعيد يعتبر اجبارى هنا هههههه

[قناص الظلم]

الشنجهاى نمره 2 كله صوته عالى ممكن تكون الجلبه بس السوسته وانت بتعمر تحس انها ضعفت شويه ولا لاء

[mohd_wafik]

السلام عليكم ..
عشان تتأكد ان الجلبه سليمه و مفهاش تنفيس هتعمل الاتي ..
بس بدون دحك ههههههههههه هتشفط الهواء من فوهة البندقيه ببقك عادي و بعدين حط لسانك على طول على فوهة البندقيه لو حسيت ان لسانك بيتشفط لجوه يبقى الجلبه سليمه ولو محستيش بكده يبقى الجلبه فيها تنفيس ...
بالنسبه لضعف السوسته دي تبقى حاحه تقديريه ليك ...
تقبل تحياتي

[الطيار]

اه هى تعميرها سهل بالنسبة للعتلة

فهل ده ضعف سوستة ولا دا علشان العتلة سهلة فالتعمير

وبالنسبة للصوت ممكن يكون واطى علشان لسة مشحمها وماليها شحم علشان تبقى خفيفة فالتعمير ويوطى صوتها

لدرجة انو اختفى ههههههه

[عادل عبده]

السلام عليكم ..
عشان تتأكد ان الجلبه سليمه و مفهاش تنفيس هتعمل الاتي ..
بس بدون دحك ههههههههههه هتشفط الهواء من فوهة البندقيه ببقك عادي و بعدين حط لسانك على طول على فوهة البندقيه لو حسيت ان لسانك بيتشفط لجوه يبقى الجلبه سليمه ولو محستيش بكده يبقى الجلبه فيها تنفيس ...
بالنسبه لضعف السوسته دي تبقى حاحه تقديريه ليك ...
تقبل تحياتي

معلم كبير جدا يا ميدو وعديت خلاص
كلامك صح
بس انا هزود عليك شويه حاجات بعد ازنك طبعا
الشنغهاى ديه جلبه زفره وهى اساسا سرعتها بطيئه وانت بتقول بتضرب برميل حديد من 100 متر
يعنى تبوس ايدك وش وضهر
بس يا اخى انت ممكن تعمل حاجه كويسه هتعمر البندقيه فالجزره هتتفتح حط سرنجتين او تلاته زيت وسيبهوم شويه طبعا بعد ما تعمل زى ما ميدو قالك
بعد كده لما تيجى تشفط تانى هتلاقى مافيش تنفيس او قل يبقى انت محتاج جلبه
وبدل تعميرها سهل بالنسبه للعتله يبقى غالبا السوسته ممكن تكون ريحت
شوف كده ولو عوزت حاجه تحت امرك فى اى وقت

[mohd_wafik]

معلم كبير جدا يا ميدو وعديت خلاص
كلامك صح
بس انا هزود عليك شويه حاجات بعد ازنك طبعا
الشنغهاى ديه جلبه زفره وهى اساسا سرعتها بطيئه وانت بتقول بتضرب برميل حديد من 100 متر
يعنى تبوس ايدك وش وضهر
بس يا اخى انت ممكن تعمل حاجه كويسه هتعمر البندقيه فالجزره هتتفتح حط سرنجتين او تلاته زيت وسيبهوم شويه طبعا بعد ما تعمل زى ما ميدو قالك
بعد كده لما تيجى تشفط تانى هتلاقى مافيش تنفيس او قل يبقى انت محتاج جلبه
وبدل تعميرها سهل بالنسبه للعتله يبقى غالبا السوسته ممكن تكون ريحت
شوف كده ولو عوزت حاجه تحت امرك فى اى وقت

تمام كده يا عدوله تسلم ايدك

[eng.amg]

يا باشا الشنغهاي العتلة صوتها واطي جدا ودي ميزتها
أنا معايا بي 03-01 وبرضو بي 03-02 نفس الصوت
بالنسبة للجلبة زي ما الأعضاء قالولك طريقة إختبارها
وعموما هيا جلبة زيت
يعني حتى لو مفهاش تنفيس إديها شوية زيت في فتحة البستم.. أو فكها وحطها في زيت مدة.. إنقعها يعني

أما السوسته.. فدي نسبية فعلا .. وعلشان السوسته مش قوية جدا والجلبة زيت فصوتها واطي
لأنها مفهاش كاتم صوت
لو ركبتلها سوسته قوية طويلة حتكون أقوي طبعا لكن حتفقد ميزتين في البندقية دي

1) صوتها الواطي
2) دقتها المتناهية

وخلي بالك وإنت بتفكها من:

1) صباع الأمان تحت ذراع التعمير.. ممكن يتنطر البرشام بتاعه
2) السوسته (الياي الألومنيوم) تحت صباع الأمان مش متثبته.. بمجرد فك الدبشك بتكون حرة وممكن تتنطر منك ومش حتعرف تجيب زيها

[الطيار]

يا باشا الشنغهاي العتلة صوتها واطي جدا ودي ميزتها
أنا معايا بي 03-01 وبرضو بي 03-02 نفس الصوت
بالنسبة للجلبة زي ما الأعضاء قالولك طريقة إختبارها
وعموما هيا جلبة زيت
يعني حتى لو مفهاش تنفيس إديها شوية زيت في فتحة البستم.. أو فكها وحطها في زيت مدة.. إنقعها يعني

أما السوسته.. فدي نسبية فعلا .. وعلشان السوسته مش قوية جدا والجلبة زيت فصوتها واطي
لأنها مفهاش كاتم صوت
لو ركبتلها سوسته قوية طويلة حتكون أقوي طبعا لكن حتفقد ميزتين في البندقية دي

1) صوتها الواطي
2) دقتها المتناهية

وخلي بالك وإنت بتفكها من:

1) صباع الأمان تحت ذراع التعمير.. ممكن يتنطر البرشام بتاعه
2) السوسته (الياي الألومنيوم) تحت صباع الأمان مش متثبته.. بمجرد فك الدبشك بتكون حرة وممكن تتنطر منك ومش حتعرف تجيب زيها




ياريت لو فى صورة توضح صباع الامان والسوستة اللى تحت صباع الامان دى علشان انا مش عارف انت تقصد ايه

[samraghost]

يا جماعه حد يعرف انهى سوسته تتركب لل b3-2 يعنى سوسته تكون نضيفه وتفرق مع البندقيه ولا اركب لها سوسته عاديه من ام عشرين جنيه وخلاص

[samraghost]

ياريت حد يقول لنا سوسته بندقيه اسبانى تكون عدد حلقاتها 36 او 35 حلقه لانى عايز اركبها لل b3-2