تسجيل الدخول

مشاهدة النسخة كاملة : عندي مشكلة غريبة في ضبط التليسكوب

sniperff
11-12-24, 09:12 PM
جبت تليسكوب bsa3-9*32 علي الكرال الكسر الي عندي مع العلم اني بعرف اضبط التليسكوب بس للأسف التليسكوب بيطظبط مع البندقية الصيني العتلة و مع الكرال الكسر بيديني مرة يمين و مرة شما و مرة فوق و مرة تحت من غير تحريك البكرة و لو كان السبب في ان الرد فعل عالي طيب ماهيا مضبوطة ميه ميه مع الناشنكاهات يبقي العيب منين حد يفيدني من الي عندهم كرال
عادل عبده
11-12-24, 09:20 PM
بس يا باشا كلنا اتفاقنا قبل كده انك لو جبت تلسكوب اكبر من ال28 على الكرال هتلاقى صعوبه فى تثبيته
واللى بيعمله معاك ده نتيجه رد الفعل
ورد الفعل مالوش دعوه بالنشنكانات
sniperff
11-12-24, 09:24 PM
طيب انا عندي تليسكوب بردو 28 و نفس الحوار بردو بس انا شفت ناس كتير مركبة علي الكرال بتاعتهم و مافيش مشاكل طب انا كده جبتو علي الفاضي ؟؟؟؟ ههههههه
عادل عبده
11-12-24, 09:26 PM
يا باشا ولا على الفاضى ولا على المليان
انا كنت مثبت الصغنن ده على البام فأكيد هيثبت على الكرال انا اسف حاسس انى مش عارف افيدك بس ده لظروف مرضى والله

اروق بس وبأذن الله قبل ما اروق هتكون حلتها
mohamed2010habib
11-12-24, 11:59 PM
اكيد عايز قاعده قطعه واحده لمزيد من التثبيت,,,,,,,,,,,,,,,,,,تحياتى
tarekvb
11-12-25, 03:30 PM
هل عند تجاربك بتكون مثبت البدقية ام حاملها على اليد ؟؟؟ تفرق كتير
Masterssss
11-12-25, 03:47 PM
1- حضرتك لازم تبقي واخد علي رد فعل البندقيه دي 100% قبل الاسكوب .
2- ثبت الاسكوب تثبيت حديدي يعني ميتحركش ابدا اثناء الضرب.
3- اي خلف في الاسكوب غالبا هيكوب بسبب هزه اليد لو حضرتك مش مثبت البندقيه.
4- لو تاكدت من الخطوات السابقه ومفيش تغيير برده هات قاعده قطعه واحده واستخدمها لتزيد من تثبيت الاسكوب.
5- بالتوفيق ومنتظرين ردك . وشكرا
sniperff
11-12-25, 05:33 PM
يا جماعة العيب مش فيا خالص انا الحمد لله رمايتي ممتازة و بقدر اجمع 10 رشات في مكان واحد بس التليسكوب ده خنقني اوي ......... طب في سؤال هل لما بتركب التليسكوب بتعملو ب ميزان مياه ولا مش شرط ....غير كده انا مثبت التليسكوب فوق ما تتخيل و مش بيتهز خالص.....و بجد خلاص انا جالي شلل اطفال منه....يعني مافيش حد من تجاربه مع التليسكوب حصله كده؟؟؟؟؟؟؟؟؟؟؟
dr_mohasan
11-12-25, 05:45 PM
سؤال : انت بتظبط scope و open sight على نفس المسافة و لا المسافة مختلفة ؟ وبتظبط على كام متر تقريباً ؟
sniperff
11-12-25, 06:04 PM
انا بظبطه علي 15 متر غير كده انا بقول لما بضرب من مسافات بعيدة طبعا مع تثبيت البندقية بلاقي الاتي:الرشة ممكن تيجي مرة او مرتين في الصليبة بالظبط و ببقا مبسوط اوي لكن ممكن تلاقي الضربة ال3 راحت فووووق اوي يا تحت اوي و ممكن تلاقي رشتين مجمعين فوق مع بعضيهوم و مرة تانية تضرب تحت اوي بحوالي 20 سم ده كتير محيراني عارف لو البندقية مجمعة حتي لو في حته غير الي بنشن فيها يبقا كويس المشكلة انها مش بتجمع
dr_mohasan
11-12-25, 06:13 PM
كدة البندقية " بتشَكِل "

والكلام ده ماكانش بيحصل خالص بالنشانات؟

أرجو التأكد من النقطة دى , فك السكوب و جرب بالنشانات مرة تانية , ممكن يكون العيب فى البندقية مش السكوب , لأن العيب ده موجود فى الكرال بسبب قلة جودة السوستة

سؤال تانى , دى أول مرة تضرب بسكوب ؟
beboo
11-12-25, 06:38 PM
معلومات مفيدة والله
sniperff
11-12-25, 07:05 PM
لأ انا مغير السوستة ......... و مش أول مرة بس مش عارف بيحصل معايا كده ليه و ياريت تفهمني يعني ايه البندقية بتشيل؟؟؟؟؟؟؟؟؟
eng.amg
11-12-25, 07:41 PM
1- حضرتك لازم تبقي واخد علي رد فعل البندقيه دي 100% قبل الاسكوب .
2- ثبت الاسكوب تثبيت حديدي يعني ميتحركش ابدا اثناء الضرب.
3- اي خلف في الاسكوب غالبا هيكوب بسبب هزه اليد لو حضرتك مش مثبت البندقيه.
4- لو تاكدت من الخطوات السابقه ومفيش تغيير برده هات قاعده قطعه واحده واستخدمها لتزيد من تثبيت الاسكوب.
5- بالتوفيق ومنتظرين ردك . وشكرا

الكلام دا سليم 100 % يريت حضرتك تتبع الخطوات دي ولازم يظبط معاك

أهم حاجة... تحط في إعتبارك هزة إيدك... لأن يمين وشمال يبقى هزة إيد
sniperff
11-12-25, 07:55 PM
يعني هو لازم يكون متثبت علي منجلة مثلا؟
eng.amg
11-12-25, 07:58 PM
يعني هو لازم يكون متثبت علي منجلة مثلا؟

مش شرط... أنا يجيب شنطة زي سامسونايت بحطها علي طرابيزة وبحط البندقية عليها بحث تكون ثابته و بضرب مع مراعاه إن ضباعي ميدوس دوسة شديدة علي التتك.. يعني لمسة