عصفور وعصفورة نفسى اعرف نوعهم ايه

[monte]

انا اشترتهم وراجل بعلى الجوز على100 جنيه وهما مش استرالى بس مش عارف نوعهم

[monte]

ياريت حد يفدنى

[monte]

اكون شاكر

[monte]

وبعدين مدينى القفص والمبيضة دى على 60 فهل هوا خمنى ولا

[الرحاله]

العصفور ده ... عصفور ضعيف الجناح والدنيا غدرت بيه

[monte]

هههههههههههههههههه

[monte]

دا حضرتك من دمياط بلد الحجات الحلوة فلازم تقول افيه حلو

[الرحاله]

دا حضرتك من دمياط بلد الحجات الحلوة فلازم تقول افيه حلو

ربنا يخليك يا باشا ومنتحرمش من زوقك ..... تقبل مرورى

[monte]

مرسى يباشا

[دراغون بور]

يا باشا دول بادجى استرالى ان معايا زيهم بس القفص والمبيضة 60 جنيه كتير عليهم اوى

[monte]

انا حسيت كدة من الاول بس انا مش بفهم فيهم اوى انا جايبهم لا نهم كانو شكلهم حلو وشكرا على ردك

[monte]

معلش انا اسألتى كتير هوا فى فعلا عصافير اسمها زبرا

[monte]

هوا شكلو صغير اوى

[monte]

بس غالى اوى

[monte]

ايه مفيش حد عرفو

[monte]

++++++++++++2

[kefafy]

بسم الله مشاء الله
ربنا يبارك لك فيهم
على فكره هما استرالى
كان عندى اخواتهم بظبط ومحمود ابنى شفنى وانا باكلهم
راح مقلدنى وفتح باب القفص والعصافير طارت من البلكونه جيت من الشغل لقيت القفص مفتوح
وهو بيقولى العو خدهم
هههههههههههههههههههههههههههههههههههههههههههههههه

[monte]

ههههههههههههههههههههه ربنا يخلهولك

[kefafy]

ربنا يعزك يفندم

[دراغون بور]

معلش انا اسألتى كتير هوا فى فعلا عصافير اسمها زبرا

ايوا فى عصافير اسمها زيبرا هى صغيرة وصوته وحش و بتحتاج عناية اما البادجى انتاجه كتير وصوته جميل

ودى صورة للزيبرا

[الرحاله]

دى فعلا من اجمل الاصوات فى العصافير

[monte]

شكرا على ردك

[monte]

بس هوا فيه منو الوان تانى عشان انا عندى سلاكة عصافير كبيرة بدال انتو بتشكرو فيه اوى كدة يبقا اجيب منو تانى

[monte]

وبعدين قالى الرجل انو بيبيض بسرعة الكلام دة مظبوط

[monte]

والجوز ب100 ج فعلا

[elnawawy]

الجوز ب 100 دا كلام كبيييييييييييييييييير جدا ، انا من فترة مبشتريش بادجي ( استرالي ) ومعتمد علي انتاجي وانتاج زمايلي بس انا شاري جوز ب45 جنية شغال ( يعني في سن التزاوج ) من حوالي 6 اشهر او اقل لصديق وكانو انقي من الموجودين بالصوره ومن الممكن ان تسأل في سوق السيدة عائشه ايام الجمعه والاحد وستجد ارخص او بسعر قريب والاقفاص لا اعلم اسعارها من سنين لاكن القفص في السيده عائشه ( اغلبهم ذو جوده منخفضه رغم شكله الجميل ) يكون في حدود 30 تقريبا اما المسقه الخاصه الماء فهي من جنية الي 1.5 لا اكثر .
لاكني اختلف مع الاخ دراغون بور في ان العصفور الزيبرا في ان الزيبرا صوتها وحش انا اعتقد انها زات صوت اجمل من الاسترالي رغم انها اقل في الشكل من البادجي وحسب تربيتي لها فهي اسهل في الفريخ من الاسترالي بأنواعه وفي النهايه المسئله اذواق في الصوت .
الملخص انا شايف ان معاك فرات ماجنوم و رووم حط واحد في ودن البياع اليمين والتاني في الشمال واضرب وانت مرتاح الضمير .

[monte]

هههههههه شكرا على المعلومات

[monte]

+++++++++++++++++++++++++++++1

[monte]

++++++++++++++++++++++++++++2

[أحمد عطاالله إبراهيم]

بص يا باشا على حد علمى لو ده استرالى ف هوا بيبيض بسرعة جدا و لما بيبيض بينتج بيض كتير والحاجة التانية لو هوا برضه طلع استرالى والواحد ب 100 جنيه ف هوا كتير جدا لان الجوز منه ب حوالى 60 جنيه وبالنسبه للقفص ف 60 جنيه كتير اوى عليه لانه تمنه على ما اعتقد بيبقى عامل 25 الى 30 جنيه

عموما ربنا يعوض عليك يا باشا ويرزقك باكتر من اللى راح

[اسلام البحراوى]

بص ياكبير عندك الفرد الي فيه اسمر ده اسمة هركل وده بيطلع من تهجين الاسترالى والانجليزى والفرد التانى مش واضح او بس هوا لتينى وحتلائي عنيه حمرا اما بلنسبه للسعر فمتقرنش سعر سوء الجمعة وسعر المحل لان صاحب المحل بيشتري من هناك ولازم ياكل فيهم عيش وعموما لو عاوز تسال علي اي حاجة انا تحت امرك لائنى عندى محل

[Masterssss]

استرالي...

[amin hegazy]

هما غاليين قوى طبعا السعر ده مبالغ فيه جدا الجواز الكبير اللى شغال يعمل 40 - 45 جنية بالكتير
لاكن دول لسه صغيرين ومش من الالوان النادرة كمان والقفص برده سعره غالى قوى
وفيه فعلا عصافير اسمها الزيبرا وهيا صغيره جدا في الحجم وشكلها جميل ومش غاليه ولا حاجه
عليك وعلى سوق الجمعة اللى في السيدة زينب هتلاقي الحاجات دي بالعبيط واسعارها كويسه والوان مميزة

[amrmaged829889888]

واحد بادجى انجليزى (وليس استرالى) والتانى ابو عين حمرا ده لاتينو .. بس سعرهم غالى شويه.. عصافير جميله جدا ربنا يباركلك فيهم.. بس انا شاكك انهم ولدان ومفيهومش بنات

[mohamed1010]

العصفورتين دوول استرالي بندض سعرهم 60 جنية

[القناص1]

دول استرالى وواضح انهم كويسين والسعر لو بالقفص والمبيضه وفقا للاسعار عندنا فى اسكندريه يبقى جميل جدا


لان عندنا الفرد دلوقتى بيعمل حوالى 25 يبقى كده انت تمام والدكر اللى معاك كويس وينفع يكسر لو اللى معاه منقارها بان البنى اللى فوق المنخار وربنا يباركلك فيهم بس اوعى تحطهم فى البلكون لحسن انشهملك

[sergo]

السلام عليكم اخواني الأعزاء
تسمحوا لي بالاشتراك معاكم في الحديث
أولا : الزوج في الصور العصفور الأول المنقط ده عصفور باندد و هوه اكبر من الاسترالي و اصغر من الانجليزي و منه الدبل فاكتور و سينجل فاكتور و هو يقبل التزاوج مع الانجليزي و الاسترالي و العصفور الأخر اصفر اللون هو استرالي لاتيني و على العموم سعر زوج الباندد الشغال او في سن التزاوج من60 الى 70 جنيه حسب مستواه اما الاسترالي العادي سعره من 40 الى 60 جنيه حسب مستواه
ثانيا : القفص في الصورة سعره حوالي 15 جنيه لأنه مصري لكن سلكه محمل شوية لكنه يختلف عن المستورد في تصميمه و طريقة تنظيفه التي تجعل المستور افضل و كذلك درجة امانه التي لا تجعل الطائر يهرب بسهولة فالمستورد سعره من 20 إلى 25 جنيه في المحلات و سوق السيدة عائشة
اما البياضة فهي سعرها لا يتجاوز 3.5 جنيه في السوق و بعض المحلا تبيعها غاليه بحوالي 5 جنيه و احيانا يتوافر انواع من العشوش مخصصة للانجليزي و الباندد بسبب كبر حجمهم عن الاسترالي بتكون بحوالي 10 جنيهات اما المسقاة فسعرها من 50 قرش و الكبيرة 1.5 جنيه و الآكالة بتبقى بحوالي 1 جنيه لو كبيرة و الصغيرة 50 قرش
و بس
و يارب اكون قدرت افيدك ولو اي استفسار انا تحت امرك

[monte]

كلام حضرتك مقتع %/%

[saskon]

السلام عليكم اخواني الأعزاء
تسمحوا لي بالاشتراك معاكم في الحديث
أولا : الزوج في الصور العصفور الأول المنقط ده عصفور باندد و هوه اكبر من الاسترالي و اصغر من الانجليزي و منه الدبل فاكتور و سينجل فاكتور و هو يقبل التزاوج مع الانجليزي و الاسترالي و العصفور الأخر اصفر اللون هو استرالي لاتيني و على العموم سعر زوج الباندد الشغال او في سن التزاوج من60 الى 70 جنيه حسب مستواه اما الاسترالي العادي سعره من 40 الى 60 جنيه حسب مستواه
ثانيا : القفص في الصورة سعره حوالي 15 جنيه لأنه مصري لكن سلكه محمل شوية لكنه يختلف عن المستورد في تصميمه و طريقة تنظيفه التي تجعل المستور افضل و كذلك درجة امانه التي لا تجعل الطائر يهرب بسهولة فالمستورد سعره من 20 إلى 25 جنيه في المحلات و سوق السيدة عائشة
اما البياضة فهي سعرها لا يتجاوز 3.5 جنيه في السوق و بعض المحلا تبيعها غاليه بحوالي 5 جنيه و احيانا يتوافر انواع من العشوش مخصصة للانجليزي و الباندد بسبب كبر حجمهم عن الاسترالي بتكون بحوالي 10 جنيهات اما المسقاة فسعرها من 50 قرش و الكبيرة 1.5 جنيه و الآكالة بتبقى بحوالي 1 جنيه لو كبيرة و الصغيرة 50 قرش
و بس
و يارب اكون قدرت افيدك ولو اي استفسار انا تحت امرك

كلام مظبوط ولكن المشكلة ان الباندل واللاتينو مخلطين مع استرالى فى الآباء او الجدود وبالتالى تقليبهم مش عالى وسعرهم ميبقاش عالى والله اعلم

[Ishak105]

انا اشترتهم وراجل بعلى الجوز على100 جنيه وهما مش استرالى بس مش عارف نوعهم

عزيزي صاحب العصافير
اولاً مبروك عليك العصافير .
ثانين نوع العصافير هو ( هراكل ) بمعنا اخر ( هوريكل ) ينطبق عليها هذا الاسم لنها يخص بالرسم الذي علي الرقبة والجناح.
وشـــــــــكراً

[monte]

الله يبارك فيك اسمها هراكل ههههههه اسمها حلو

[عبــ الله ــد @]

درة استرالي

كان عندي 6

[الشيخ ابو على]

ما شاء الله لا قوة الا بالله
مشكووووووووووووووووور
وبارك الله فيك.

[أبو شوشة]

دا استرالى باندد بمعنى انه خليط انجليزى على استرالى وبيكون حاجمة اكبر شوية من الاسترالى وربنا يبارك لك فيهم

[عبد.الرحمن]

شكلهم حلو ماشاء الله ربنا يباركلك فيهم

[ashraf_f]

مونتى الاول مبروك على العصافير و طبعا الاخوة الخبراء كلهم افادوك بس انا هجيبلك من الاخر و قولك نوعهم ايه العصفور دة دكر و العصفورة دى نتاية و القفص لو تمليك يبقى سعره كويس لكن لو ايجار قانون جديد يبقى غالى
يا عم فداك ميت عصفورة و قفص