استفسار عن البام؟

[fesal]

يريت تفيدوني بخصوص البام 21
1-هل يركبلها كل قطع غيار الديانا فعلا سوسته ووجلبه وخلافه؟
2-هل علي المدي الطويل هتعيش؟
3-هل هتكون دقيقه مع الأسكوب؟

يريت تفاصيل لأني محتاج حاجه معمره

[old hunter]

البام بندقيه جميله وقويه تعيش معاك وينفع تركب عليها جلبه وسوسه الديانا وهتبقي كويسه مع الاسكوب ودقيقه وهي علي فكره خامتها كويسه مش وحشه وعامه البنادق الصيني معمره وده عن تجربه

[blow c06]

البام دقتها فى النيشان مش اد كده
سوستة الديانا تركب اه انما الجلبه لا عشان مقاس تانى
مش هتكون دقيقه مغ سكوب او من فيره

[Timo Jean]

معلش عندي استفسار صغير

وانا عارف انه مكانه مش هنا بس مش مستاهل موضوع لوحده

اعرف ازاي ان البندقية بتاعتي نمرة واحد ولا نمرة اتنين

مع العلم انا بندقيتي ديانا 35

[blow c06]

مكتوب على الماسوره 0.17 تبقى نمره واحد 0.22 تبقى نمره 2

[Timo Jean]

هو مكتوب عليها

cal.4.5/.177

[فوزى السيد]

هو مكتوب عليها

cal.4.5/.177

177 تبقا نمرة واحد 4.5 دى عيار الرش يعنى 4.5 ملى

[Timo Jean]

جزاكم الله عني خير الجزاء

[أحمد السويسى]

البام دقتها فى النيشان مش اد كده
سوستة الديانا تركب اه انما الجلبه لا عشان مقاس تانى
مش هتكون دقيقه مغ سكوب او من فيره

كلام البشمهندس مظبوط خاصة إنه كان معاه البام

[fesal]

يعني نخلينا في الكرال احسن ؟

[أحمد السويسى]

انا زيك كنت حيران بين البام والكرال وجبت الكرال

البام رد فعلها أغبى من الكرال والتاس بتفضلها فى صيد البط والطرائد الكبيرة

عشان هى أقوى الهاى بور الموجود حاليا

الكرال كويسة ولما بتتكسر سوستتها بتتغير بجامو وبتبقى حاجة كويسة

تجميع نشانها كويس بنسبة 90 %

[وليد سامى]

جماعة انا عندى الأثنين وفاكتهم وشفت الميكانيزم بتاعهم اولا البام اقوى سرعة من الكرال بحوالى 50 متر ثانيا الميكانيزم من الداخل افضل عمليا والخامات كمان احسن اما بخصوص الدقة الأثنين متسويين تقريبا ولاكن البام ثقيلة بسبب زيادة الخامات فيها وده يتوقف على الصياد لو الثقل يزعجة البام مش هتنسبة وكمان من وجهة نظرى ان الدبشك الخشب فى البام والرد الفعل الشديد لها ممكن يشرخ الدبشك الخشب لأن الخشب مش اوى ومنزلش منها فيبر كان يتحمل اكتر وحتى الكرال الخشب اكيد خشبها مش تمام لسعرها الرخيص وانا افضل فى البنادق الصينى او التركى الدبشك الفيبر لتحملة رد الفعل السستة والجلبة بتاعت الديانا بتركب تمام على البام وسستة وجلبة الجامو بتركب على الكرال عموما انا شايف البام افضل وتستحق ان تكون بضعف سعر الكرال ولولا دبشكها الخشب الرديىء وعدم دقتها مثل الديانا كنت اعتبرها ديانا 52 الصينى

[احمد صابر حسن]

محدش عارف سعر البام 21 جديده بكرتونتها دلوقتى بكام ؟؟؟؟؟؟؟؟؟؟؟

[mishofun79]

البام دلوقتي سعرها من 2600 الي 2800 بس بصراحه هي افضل من الكرال لان انا عندي الاثنين و خاصة دقه نيشان البام افضل بكثير

[وليد سامى]

محدش عارف سعر البام 21 جديده بكرتونتها دلوقتى بكام ؟؟؟؟؟؟؟؟؟؟؟

البام لا تقل عن 2600 جديدة وقليلة والبيونير 2200 الى 2400 وموجودة سهل والتجار بيقولو انهم زى بعض والله اعلم

[fesal]

طيب هل في شيء في نفس المستوي وفي نفس السعر من 1500 ل 2000ج
والبام ازاي افرق مبينها ومبين البيونير

[وليد سامى]

مكتوب عليها بام و22 فى الجنب فقط دى البام الصح وبدون حلقات للحزام الحامل وهى دلوقت نادرة مع الاسف الحق وهات البيونير قبل ما تشح هى كمان

[fesal]

مكتوب عليها بام و22 فى الجنب فقط دى البام الصح وبدون حلقات للحزام الحامل وهى دلوقت نادرة مع الاسف الحق وهات البيونير قبل ما تشح هى كمان

الناس خوفتني من البيونير


أنا عايز اعرف البيونير بقا مكتوب عليها أيه

[camba_3153]

البام مكتوب عليها بام باليزر اما البيونير محفور عليها بايونير فى نص المصورة بتاعت البستم ومن الاخر عاوز تشوف البام عملة معايا شغل اد اية ادخل وشوف على موقع الصيد التانى الى هو بتاع الربطة خش على رحلات الصيد وشوف البندقية بجد تستحق تقدير واجلال لو اعتبرنا انا فيها اى عيون هيكون الثقل فقط لا غير

[fesal]

البام مكتوب عليها بام باليزر اما البيونير محفور عليها بايونير فى نص المصورة بتاعت البستم ومن الاخر عاوز تشوف البام عملة معايا شغل اد اية ادخل وشوف على موقع الصيد التانى الى هو بتاع الربطة خش على رحلات الصيد وشوف البندقية بجد تستحق تقدير واجلال لو اعتبرنا انا فيها اى عيون هيكون الثقل فقط لا غير

كويس أنك قلتلي
هشوف واحد بكرا أن شاء الله