الصيد في الاسكندره

[castelo]

السلام عليكم
ارجوكم يا جماعه حد يقوللي علي اماكن صيد في اسكندريه او اي مكان قريب منها صحراوي او زراعي لأني بجد نفسي اطلع اصتاد يمام وحمام بس مش عارف اماكن كويسه
ده اول طلب ليا يا جماعه وارجوكم متكسفونيش
اخوكم الصغير احمد الطرابلسي

[smsmn8888]

بس انا سمعت انا في زى ترعة كدا بعد الكرتة القاهرة علي اليمين لجو كدااا فين بالضبط لا اعلم بس هناك بيقولو في خير كويس

[castelo]

شكرا يا باشا علي ردك
انا روحت امبارح مكان مابين قريه الاسد وتافرنا علي الصحراوي علي اليمين كان فيه كميه حمام كبيره بس مع اول رشه للأسف طاروا ومعرفناش نجيب ولا واحده منهم
ورجعنا من غير صيد
المشكله اننا ان شاء الله ناويين بكرا او بعده نطلع بس مش عارفين اي مكان

[castelo]

بجد يا جماعه انا عارف ان المنتدي فيه اسكندرانيه كتير ومتقلقوش اكيد الصيد مش حيخلص من الاماكن اللي حتقولولي عليها لأني قريت المواضيع كلها في المنتدي وملاحظ ان محدش بيقول علي اماكن الصيد لحد خالص

[Eng.Eltomaily]

انا مش بحسد ... بس تلاقيهم ما شاء الله كل واحد اللي جايب 20 و اللي 30 يمامه مش عارف ازاي لا و ده كل كام يوم مش مثلا مره .. انا اعرف انه رزق بس قولولنا نسعي فين :)

[Eng.Eltomaily]

و البندقيه بتاعتك دي جبتها بكام .... و لا مش هتقول ... هههههههههههههه

[castelo]

وليه يا باشمهندس مقولش هوا سر يعني
بص انا هي سعرها في السوق ما بين 3500 و3400 طبعا جديده
انا خدتها ب 3200 بس متقولش لحد هههههههههه

[castelo]

بجد شكرا يا اعضاء منتدي الصيد في مصر كان اول طلب وبأذن الله حيبقي اخر طلب
مش ممكن يعني 47 واحد دخل وشاف ومحدش ادي اي كومنت خالص
ده مع احترامي الواحد يوم ما بيطلب اي طلب في اي منتدي خليجي متخصص في الصيد مليون واحد بيساعده بجد شكرا يا اهل بلدي

[BooGY]

ايه يا عم كاستيلو مغمقها ليه الاماكن اللى فيها صيد ليها مواصفات مش احداثيات بمعنى.. ان اى مكان فيه اراضى زراعية او مجرى مائى عذب وحواليه اشجار عالية وكتيرة هتلاقى فيه يمام او شجر فيقس لو تعرفه وهوه منتشر بكثرة فى ككككككل انحاء مصر ( اللى هو شجر الزينة اللى بيبقى فى الشوارع ) وعموما انا من المنوفية مش اسكندرانى ومتقفش ممكن يكون ال47 مشاهدة مش من اسكندرانية المنتدى فيه اكتر من 1550 عضو وتقبل تحياتى
اخوك محمود برعى

[Oonyx]

بص يا سيدي, أولا متخبطش و براحة شويا علينا..
ثانيا عندك الشلالات-بحيرة ادكو-برج العرب-ابو تلات و الساحل الشمالي كله-الطريق الزراعي أبيس
و غيرها كتير و ربنا يرزقك.. و سامحني بس انا مكنتش متواجد الفترة اللي فاتت

[castelo]

والله يا باشا لا بخبط ولا حاجه بس برضه الواحد ادايق
ده انا اكني كتبت سؤال في ورقه وسيبته في الصحرا
تخيل بقي
والله كله بس من العشم ف اعضاء المنتدي المحترمين مش اكتر وعموما حصل خير
والف الف الف شكر علي المعلومات الحلوه دي
كويس اني لقيت مكان قريب مني الل هوا الشلالات

[Oonyx]

تحت أمرك إنت بس اطلب

[glock800]

خلى بالك من جنينة الشلالات ياعم كاستيلو لانى حصلى فيها مشكلة قبل كده ونصيحه من اخ حاول تطلع برة المربعات السكنية قد ماتقدر وطبعا اضم صوتى لصوت حبيبى عامر ( اونيكس ) واضيف ان فى منطقة اسمها العشر تلاف بعد بوابة الكارتة بتاعة اسكندرية الصحراوى بحوالى 8 او 10 كيلو منطقة كويسة وفيها صيد بأذن الله وعموماً التمس العذر لاخوانك بالنسبة للرد ومتنساش ترفع صور الصيد يامعلم وموفق ان شاء الله .

تقبل مرورى ،،،،،

[castelo]

شكرا يا باشا علي تحذيرك بس هس ايه المشكله اللي حصلتلك في الشلالات
انا روحت كام مره انطونيادس اصتدت من هناك بس للأسف عصافير فقط
عايز اصتاد يمام وحمام بقي
علي كل حال شكرا علي نصايحك وافادتك يا باشا

[glock800]

اقولك ياسيدى اولا جنينة الشلالات واقعة فى منطقة حيوية جدا كلها بنوك وسفارات دول وكمان قريبة جدا من قسم باب شرقى وكلها اطفال وزوار فا متضمنش عيار يخيب كده ولا كده اما بالنسبة للى حصلى هيا كانت مشكلة مع الشرطة بس الحمد لله عدت على خير بس يعنى فا وجب التحذير مش عشان نصتاد نروح فى ..... ولا انتا ايه رأيك ؟

تقبل مرورى ،،،،،

[castelo]

شكرا علي التحذير يا باشا وعموما انا بصراحع مش حابب اصلا ان الواحد يصتاد من المربعات السكنيه عشان الناس بقي وانتا فاهم
بس قوللي صحيح العشر الاف دي علي الشمال ولا علي اليمين وانتا رايح القاهره
شكرا علي تعبك معايا معلش

[glock800]

ياباشا اى خدمة بص منطقة العشرتلاف دى ادى ضهرك للبوابات وانتا رايح على القاهرة هيا على اليمين بعد اعلان موبينيل التانى .