تطوير ومشاكل بندقيه معادي 2 يريت مساعده

[fesal]

أولا عندي مشكله انا كنت جبت سوسته وجلبه للمعادي
الجلبه مصنوعه من ماده جلد مقوي وكان في قلبها قطعه من البلاستيك الأبيض ومحطوطه في كيس

طيب لما جيت اغير الجلبه لقيت ان الجلبه الأصليه الي في البندقيه مش محطوطلها البلستكه البيضه
انا لما جيت اركب الجلبه ركبت القطعه البيضه البلاستيكيه المدوره دي وركبت الجلبه وقفلتها وركبت السوسته وحطيت شحم وزيت مكن لغوصتها من الاخر
كله تمام لغايت دلوقتي
في التركيب طلع عيني وجبت واحد صحبي واستخدمت المنجله عشان اعرف اكبس السوسته
بس ركبت في الأخر

المشاكل اولا باجي اعمر الندقيه الزناد مبيمسكسش ولاقي الماسوره وانا كاسرها ردت في وشي
او ان الطلقه تضرب اوتوماتيك من غير مضرب علي الزناد مع اني متاكد من عمليه الفك والتركيب ؟

السؤال هنا هل وضع البلاستكه البيضه علي الجلبه هيا المشكله؟ (تكون عملت فرق بسيط في البستم بسبب اني لما حطيت البلاستيكه البيضه الجلبه قبت حوالي 2 ملي لفوق!!)

هل من الممكن اني اخد 6 عقل من السوسته القديمه وازودها للسوسته الجديده من المقدمه لأني محستش بفرق ضخم اوي بصراحه في قوه الطلقه ؟؟


يريت تساعدوني لاني هفكها للمره التانيه ان شاء الله والفك والتركيب مقرف جدا وبحس اني ملغوص في الزيت علي الاخر

[عادل عبده]

اولا يا باشا المشكله ديه مش مشكله جلبه ولا حاجه ومتفكهاش تانى
بص بصه على سوسته الزناد ممكن تلاقيها تعلنه فمش بتعشق الزناد فى التعمير كويس
لو السوسته كويسه ده يبقى عب فى البندقيه نفسها او لسان الزناد ولو عوزت اى حاجه انا تحت امرك
لو عاوز تتصل بيا مافيش مانع
01118739649

[fesal]

انا قلت بردوا سوسته الزناد بس فكيتها ومطيتها بأيدي ورجعتها تاني !!!
يعني ممكن يكون في مشكله في الزناد؟
وهل فكره ان الواحد يزود حجم السوسته ب 6 عقل من السوسته القديمه عملهي ولا ايه نظامها ؟

[عادل عبده]

يا فندم اولا ماينفعش تزود السوسته اصلا
انت ممكن تشوف سوسته كويسه للزناد لان المشكله ديه مشكله زناد ولو مظبتط هتحتاج تظبط الزناد او تغيره او تبس على محبس او الطابه اللى فى اخر الكانون

[سرسور]

اولا الجلبة الموجودة فى كيس بلاستيك و معها وردة بيضاء ليست اصلية
الاصلية لون الجلد بنى و معها وردة جلد و معها وردة معدن و مسمار و سعرها اغلى من الموجودة فى كيس
بالنسبة لضرب البندقية لوحدها ممكن يكون بسبب الزيت و الشحم الزيادة
ممكن تنظف المكان الذى يعشق فيه الزناد
و ممكن تفك الزناد نفسه بدون فك البندقية و تنظفة جيدا من اى زيوت
و ممكن يكون هناك تآكل فى الزناد وفى هذه الحالة اما ان احد المختصين يبرده لك و يضبطة أو تغيره
بالنسبة للسوستة سوستة المعادى هى نفسها سوستة الرمسيس و هى 40 حلقة
يمكن ان تركب مكانها اى سوستة متوافقة من اى نوع مستورد
ارجو ان اكون افدتك

[fesal]

اولا الجلبة الموجودة فى كيس بلاستيك و معها وردة بيضاء ليست اصلية
الاصلية لون الجلد بنى و معها وردة جلد و معها وردة معدن و مسمار و سعرها اغلى من الموجودة فى كيس
بالنسبة لضرب البندقية لوحدها ممكن يكون بسبب الزيت و الشحم الزيادة
ممكن تنظف المكان الذى يعشق فيه الزناد
و ممكن تفك الزناد نفسه بدون فك البندقية و تنظفة جيدا من اى زيوت
و ممكن يكون هناك تآكل فى الزناد وفى هذه الحالة اما ان احد المختصين يبرده لك و يضبطة أو تغيره
بالنسبة للسوستة سوستة المعادى هى نفسها سوستة الرمسيس و هى 40 حلقة
يمكن ان تركب مكانها اى سوستة متوافقة من اى نوع مستورد
ارجو ان اكون افدتك

طيب بالنسبه لموضوع اني اطول حجم السوسته بأني احط 6 عقل واحطهم مع السوسته الأصليه؟
هل تسبب مشاكل؟

[عادل عبده]

طيب بالنسبه لموضوع اني اطول حجم السوسته بأني احط 6 عقل واحطهم مع السوسته الأصليه؟
هل تسبب مشاكل؟

ياعم ابوووووووووووووووووووووس ايدك انا مش عارف مين اللى قالك ان فى سوسته بتتزود
مافيش سوست بتتزود اصلا
والسوسته بتاعه المعادى 38 حلقه والمشكله عندك هتلاقيها فى الزناد غالبا

[fesal]

ياعم ابوووووووووووووووووووووس ايدك انا مش عارف مين اللى قالك ان فى سوسته بتتزود
مافيش سوست بتتزود اصلا
والسوسته بتاعه المعادى 38 حلقه والمشكله عندك هتلاقيها فى الزناد غالبا

هههههههههههههههه
انا بفتكس بخترع يعني هههههههههههه
بصراحه نفسي يبقا عندي بندقيه قويه تخش ف ياليمامه وتطلع من الناحيه التانيه دا حلمي بصراحه

كذا مره اضرب يمامه وتطير شكيت في نفسي وفي نشاني
بس فمره تاكددت مخاوفي ضرب يمامه راقبتها طلعت فوق منشر غسيل ف يالعماره الي جمبي دقيقه ولقتها وقعت عل يالأرض ميته لقيت الطلقه بتاعتي جيه في نص جسمها بالظبط
معني كدا ان الطلق بييجي واليمام ابن اللذينه بيروح بعيد ويموت

[سرسور]

لو نفذت ما تقول فلن يتم تعمير البندقية اصلا
لان طول السوستة سيكون اطول من اللازم عند ضغطها مما يؤدى الى عدم تعشيق الزناد
اذا كنت تريد الصح نظف مكان الزيت بمنطقة الزناد الاول و ان بقيى العيب غير الزناد
و ان كنت تريد زيادة قوة البندقية ركب لها جلبة جيدة و سوستة جيدة بدون اى لحامات

[سرسور]

اليمام يموت بعيدا لانك لا تجيد اصابتة فى مقتل
جرب اضرب فى الراس او فى الصدر و ستجد ان اليمامة ستنزل مقفولة

[فوزى السيد]

انت اصلا لو زودت السوستة الزناد مش هيلقط خالص لان السوستة لها طول معين وهى مضغوطة بناء على الطول دة بيبقا مكان الفتحة اللى بيلقط فيها الزناد وباللتلى لو زودنا الطول دة الزناد مشهيطول الفتحة المخصصة لية والمشكلة اللى عندك دى تقريبا سببها ان الجلبة زودت المسافة دى والزناد مابيلقطش كويس دا اذا كانت سوستة الزناد كويسة وقوية للحد المطلوب

[fesal]

انا افتكست سوسته للزناد قويه جدا ونفس المشكله الزناد نفسه فكيته مفيهوش اي حاجه

أعتقد أن المشكله ياما شحم زياده ياما موضوع تزويد الجلبه
هشوف قصه الزناد الأول وبعدين اشوف الجلبه

[عادل عبده]

الجلبه ملهاش اى دعوه خاااااااااااااااااااااااااااااالص بس على الزناد والشحم بتاعه

[Qoldus]

يا حبيب قلبي ما تحيرش نفسك...إنت من الأول ركبت الجلبة غلط...أولا الجلبة دي زفرة...المفروض كنت نقعتها في زيت الماكينة قبلها بيوم علشان تتشرب زيت وتلين وتبقي محكمة في كبس وضغط الهواء...ثانيا إنت بتركب الجلبة أولا وتحط داخلها قطعة البلاستيك البيضاء ( حتى لا تنثني الجلبة للداخل ) وتربط عليهم بمسمار الربط والوردة...لما إنت حطيت القطعة البلاستيك البيضاء أولا ثم وضعت الجلبة طولت السوستة بمقدار حلقة أو حلقتين وبالتالي البستم لا يعشق في مجموعة الزناد بصورة جيدة ما يتسبب عنه عدم تعشيق البندقية في التعمير...أو أنها بعد التعمير تضرب لوحدها لأنها غير معشقة جيدا مع مجموعة الزناد ( الظفر الذي يمسك البستم غير معشق بالكامل )...ما تلعبش في البندقية بالذات مجموعة الزناد ولا تزود فيها حاجة علشان ما تبوظهاش...أعد تركيب الجلبة كما أوضحت لك...ولا تنساني بالدعاء...خالص تحياتي...

[adel152]

يا حبيب قلبي ما تحيرش نفسك...إنت من الأول ركبت الجلبة غلط...أولا الجلبة دي زفرة...المفروض كنت نقعتها في زيت الماكينة قبلها بيوم علشان تتشرب زيت وتلين وتبقي محكمة في كبس وضغط الهواء...ثانيا إنت بتركب الجلبة أولا وتحط داخلها قطعة البلاستيك البيضاء ( حتى لا تنثني الجلبة للداخل ) وتربط عليهم بمسمار الربط والوردة...لما إنت حطيت القطعة البلاستيك البيضاء أولا ثم وضعت الجلبة طولت السوستة بمقدار حلقة أو حلقتين وبالتالي البستم لا يعشق في مجموعة الزناد بصورة جيدة ما يتسبب عنه عدم تعشيق البندقية في التعمير...أو أنها بعد التعمير تضرب لوحدها لأنها غير معشقة جيدا مع مجموعة الزناد ( الظفر الذي يمسك البستم غير معشق بالكامل )...ما تلعبش في البندقية بالذات مجموعة الزناد ولا تزود فيها حاجة علشان ما تبوظهاش...أعد تركيب الجلبة كما أوضحت لك...ولا تنساني بالدعاء...خالص تحياتي...

استاذى العزيز بعد التحية
ازاى تركيب الجلبة غلط يطول السوستة بمقدار حلقة او حلقتين؟
الجلبة موجودة على وش البستم والسوستة موجودة داخل البستم حتى قاعدة الدليل يعنى فى اى حال من الاحوال سواء الجلبة متركبة صح او غلط ده مش حيفرق فى مرحلة التعمير.
ياريت حضرتك تفسر لى الموضوع ده لانى بتابع كل مشاركاتك وباستفاد منها جدا.
تحياتى.

[سرسور]

لو الجلبة تم تركيبها خطأ سيؤثر هذا على ضغط البندقية وليس على التعمير
مشكلة التعمير بين الزناد و قاعدة البستم التى يعشق بها
و ليس للجلبة اى دخل
لو لم يكن من كثرة الزيت و الشحم ممكن يكون الزناد به تآكل
لأن البندقية بتعمر و تضرب وحدها او عند اصتدامها باى شيئ
و هذا دليل على انه يوجد ما يجعل الزناد حساس جدا
لذلك قلت له فى الاول ينظف مكان الزيت و الشحم عند منطقة الزناد ثم يجرب بدون رش

[Qoldus]

استاذى العزيز بعد التحية
ازاى تركيب الجلبة غلط يطول السوستة بمقدار حلقة او حلقتين؟
الجلبة موجودة على وش البستم والسوستة موجودة داخل البستم حتى قاعدة الدليل يعنى فى اى حال من الاحوال سواء الجلبة متركبة صح او غلط ده مش حيفرق فى مرحلة التعمير.
ياريت حضرتك تفسر لى الموضوع ده لانى بتابع كل مشاركاتك وباستفاد منها جدا.
تحياتى.

صباح الفل حبيب قلبي...والله إنت أستاذنا وكلنا بنتعلم منك...أنا متأكد إنك عارف بس عايز توضح للشباب...طبعا السوستة نفسها مش ها تطول لكن المسافة إللي هاتطول كأنك جايب سوستة أطول بحلقة أو حلقتين...وبالتالي لن يتم تعشيق البستم مع مجموعة الزناد بشكل كامل ( علشان كده البندقية بتضرب لوحدها بعد التعمير أو مش بتعشق )...لما نركب القطعة البلاستيك البيضاء وبعدين نركب الجلبة فوقها المسافة ستزيد بمقدار قطعة البلاستيك والجلبة...لكن عندما نركب الجلبة وبداخلها قطعة البلاستيك ونثبتهم بالمسمار والوردة ستزيد المسافة فقط بمقدار حجم الجلبة فقط...يعني للتقريب نفرض أن طول قطعة البلاستيك 2 سم وطول الجلبة 2 سم...لما نركب قطعة البلاستيك وبعدين الجلبة ستزيد المسافة بمقدار 4 سم...في حين لو ركبنا الجلبة وبداخلها قطعة البلاستيك وثبتناهم في البستم بالمسمار والوردة ستزيد المسافة بمقدار 2 سم فقط...يا رب تكون وصلتك الفكرة ووضحت...خالص تحياتي...

[adel152]

صباح الفل حبيب قلبي...والله إنت أستاذنا وكلنا بنتعلم منك...أنا متأكد إنك عارف بس عايز توضح للشباب...طبعا السوستة نفسها مش ها تطول لكن المسافة إللي هاتطول كأنك جايب سوستة أطول بحلقة أو حلقتين...وبالتالي لن يتم تعشيق البستم مع مجموعة الزناد بشكل كامل ( علشان كده البندقية بتضرب لوحدها بعد التعمير أو مش بتعشق )...لما نركب القطعة البلاستيك البيضاء وبعدين نركب الجلبة فوقها المسافة ستزيد بمقدار قطعة البلاستيك والجلبة...لكن عندما نركب الجلبة وبداخلها قطعة البلاستيك ونثبتهم بالمسمار والوردة ستزيد المسافة فقط بمقدار حجم الجلبة فقط...يعني للتقريب نفرض أن طول قطعة البلاستيك 2 سم وطول الجلبة 2 سم...لما نركب قطعة البلاستيك وبعدين الجلبة ستزيد المسافة بمقدار 4 سم...في حين لو ركبنا الجلبة وبداخلها قطعة البلاستيك وثبتناهم في البستم بالمسمار والوردة ستزيد المسافة بمقدار 2 سم فقط...يا رب تكون وصلتك الفكرة ووضحت...خالص تحياتي...

اشكر حضرتك جدا على هذا الشرح الوافى.
لكن لا أعتقد ان ده حيفرق على تعشيق البستم مع مجموعة الزناد فى التعمير نهائيا لأن ال2 سم دول على وش البستم مش بداخله لأحداث اى تغيير على السوستة اثناء التعمير.
مرة اخرى اشكر حضرتك على الرد.
تحياتى

[سرسور]

اخى الجلبة تكون فى المسافة بين راس البستم و نهاية القميص من اعلى و ليس لها دخل فى زيادة طول السوستة
لان السوستة تكون فى داخل البستم و بداية القميص من اسفل
بمعنى انه لو اراد زيادة طول السوستة مثلا يمكنه وضع صامولة داخل البستم
و الجلبة خارج البستم وليست داخله
لكن اذا كانت الجلبة مركبة فوق الورده معنى ذلك انها يمكن ان تصتدم بالقميص من الداخل لبروزها عن موضعها
و يمكن ايضا ان تنقلب الجلبة و لا يصبح هناك ضغط للبندقية

[hema777h]

متابع بصمت .............

[fesal]

أعتقد المشكله في الزناد لأن في حته متاكله انا هعمله انهردا بديل الفار وأحاول اظبط السن بتاعه بمبرد حدادي
المشكله اني كل منضف مطرح الشحم اعمر وأضرب الاقي الزناد وكل حاجه اتملت شحم تاني وحتي وشي بييجي عليه الشحم واضح اني اتوصيت في الشحم اوي وبيطلع كميه دخان لما بضرب علي الفاضي


سؤال حد قري عن موضوع الجاز رام بما اني هفك وأركب فبالمره بقا ؟

[fesal]

تم حل المشلكه ببرد الزناد والموضوع تحت التجربه هيه شغاله تمام لغايت دلوقتي هضرب بيها يوم ولا أتنين وقلكم النتيجه النهائيه
بس لغايت دلوقتي مش ملاحظ فرق في القوه يعني كان عدم تغيير السوسته اجدع محستش بفرق

[سرسور]

عمر البندقية بدون رش و اخبطها على الارض
يعنى تمسك البندقية من الماسورة مثلا و تخبط الدبشك على الارض
و لو ضربت تكون محتاجة ضبط آخر و لو لم تضرب تكون تمام
بالنسبة لتغيير السوستة و الجلبة فى بداية تليين الجلبة الزفرة يكون لها مقاومة
لكن مع الاستعمال ستكون افضل

[محمد حافظ بك]

عمر البندقية بدون رش و اخبطها على الارض
يعنى تمسك البندقية من الماسورة مثلا و تخبط الدبشك على الارض
و لو ضربت تكون محتاجة ضبط آخر و لو لم تضرب تكون تمام
بالنسبة لتغيير السوستة و الجلبة فى بداية تليين الجلبة الزفرة يكون لها مقاومة
لكن مع الاستعمال ستكون افضل

كلام سليم .. تسلم يا ريس

[LionHeart]

موضوع رائع يا جماعه
بس انا سامع اننا هنتحرم من البنادق لانها دغلت بند الاسلحه
يا تره ده صح ولا اشاعه

[fesal]

موضوع رائع يا جماعه
بس انا سامع اننا هنتحرم من البنادق لانها دغلت بند الاسلحه
يا تره ده صح ولا اشاعه

أنا بالنسبالي الهوايه بتاعتي لا تتعدي البيت لاني بصطاض من البلكونه فمش هتفرق بقا ممنوعه ولا مش ممنوعه :)))

بالمناسبه جبت شويه بنزين وحطيتهم عل يالسوسته واعدي اهزها كويس لمده 3 دقايق كدا ونزلت الشحم الزياده
بقت زي الفل وعمرها متضرب لوحدها واضح ان زياده الشحم أكثر من الازم بيعمل مشاكل
البندقيه باقت ممتازه

[Qoldus]

أنا بالنسبالي الهوايه بتاعتي لا تتعدي البيت لاني بصطاض من البلكونه فمش هتفرق بقا ممنوعه ولا مش ممنوعه :)))

بالمناسبه جبت شويه بنزين وحطيتهم عل يالسوسته واعدي اهزها كويس لمده 3 دقايق كدا ونزلت الشحم الزياده
بقت زي الفل وعمرها متضرب لوحدها واضح ان زياده الشحم أكثر من الازم بيعمل مشاكل
البندقيه باقت ممتازه

ما تقربش البنزين من البندقية...يبوظلك الجلبة الداخلية وجلبة بيت الرش...وأي أجزاء في البندقية من الفايبر...لو عايز تنظف البندقية عموما أو السوستة مافيش أحسن من الجاز وبياكل الصدأ كمان...وبعدين تنشف البندقية وتمسحها كويس وتشحمها وتزيتها...اللهم بلغت...اللهم فاشهد...أنت صاحب القرار...