اول تجربة مع فتح الله محطة مصر [الأرشيف]

مشاهدة النسخة كاملة : اول تجربة مع فتح الله محطة مصر

Mr_mody

11-12-09, 02:13 AM

السلام عليكم الاخوة الاعضاء الكرام...تحية طيبة عليكم جميعا...احب اشارك معاكم اول تجربة مع محل فتح الله محطة مصر..كان الاسبوع الي فات الاستاذ محمد شعبان فتح الله عمل عرض علي الايكول تنوا ب 450..المهم انا الايام الي فاتت بعت رسالة للاستاذ محمد و بجد هو رجل ذوق و محترم جدا المهم قال لي تشرف المحل و انا حظبطك انشاء الله و حتلاقي والدي و اخويا...المهم رحت امبارح و لقيت اخو الاستاذ محمد فقلت لة علي التونا عايز اشوفة المهم المحل كان زحمة و فية تقريبان 7 ولا 8 و كان اخو الاستاذ محمد بيتكلم في التليفون و من لخمتي اخدت المسدس و دفعت و مشيت و نسيت اخد كشف حساب او حتي ابص كويس في المسدس..المهم انا روحت و افتكرت اني نسيت كشف الحساب..فاتصلت بالاستاذ محمد و قال لي شرفني بكرة و تحت امرك...المهم و انا بتفرج علي المسدس تحت الضوء العالي النيون لقيت حتة زي ما تكون رصاصي غامق و حسيت اكنها متقشرة..فبعت رسالة للاستاذ محمد علي الموبايل الساعة واحدة وبكل ذوق رد عليا و قال لي المحل تحت امرك و تشرفنا...رحت النهاردة الساعة 10 و نصف لقيت اخو الاستاذ محمد و والده..المهم قلت له اني نسيت كشف الحساب...و علي موضوع المسدس نسيت اقولكم انة لما اول مرة جابهولي جابهولي في كيسته بس العلبة مكانتش لايقة تماما علي مسدس جديد و انا استغرب ازاي المسدس مش في علبة مقفولة و متبرشمة...المهم انا قلت لة علي موضوع الحتة الفاتحة دي الي علي رصاصي غامق و هو المسدس اسود ..فقلت لة بعد ازنك ممكن اغيرة و اخد واحد بعلبة جديدة ..فقال لي هو جديد ...المهم والد الاستاذ محمد شعبان كان موجود و اول ما انا قلت عايز اغيره قعد يزعق و يقول يا استاذ انا مش حابيع لك حاجة مستعملة و انا اصلا لم اقصد كدة و كان من حقي اني اطلب واحد جديد لان مكنش مر علية 24 ساعة اصلا..و فضل يزعق و كان متضايق و قلت لة الاستاذ محمد شعبان قال لي تشرف اي وقت و تغيرة قال لي خلاص هو محمد بقي يغيره بقي ..فقال لي اصبر ساعة و انا اصلا ساكن بعيد قام قال معنديش جديد و كتب لي كارت و قال لي روح فرع سعد زغلول و خد واحد جديد...المهم انا طلعت من المحل متضايق جدا لان حقي كزبون و مشتري اني استبدل سلعة طالما هي بعلبتها و مفهاش حاجة غلط لكن انا فوجئت بالمعاملة دية..و هو بس والده هو الي كان بيزعق و اخو الاستاذ محمد ماكنش بيقول حاجة...المهم انا رحت سعد زغلول و جاب لي المسدس في كيسة و بردو مش في علبة و بردو تاني استغربت..المهم طلبت علبة و جاب لي علبة افضل بكتير عن الي اخدتها من فرع محطة مصر و لما انا كنت اول يوم بشتري مكنش موجود في العلبة بتاعت الخرطوش و لما انا طلبتها جابها لي ...المهم انا اخدت المسدس و روحت و الصراحة و بحق الله انا كنت متضايق جدا ازاي حصل كده مع اني ليا الحق اني اطلب الي انا طلبتة..و انا بجد شاركت الي حصل بدون مبالغة و يعلم الله اني بقول الحق و شهادة حق ان الاستاذ محمد شعبان بجد رجل محترم و ذوق و انا مستعد اني اتعامل معاة بس انا الي حصل في المحل ضايقني جدا و انشاء الله مش حشتري حاجة من فتح الله محطة مصر الا في وجود الاستاذ محمد شعبان غير كده مش حدخل المحل ..لان اول تجربة و اسمع زعيق ..مش طالبه و انا طالب في الاكادمية العربية و لما طلبت اني اغير المسدس طلبتة بكل احترام و بطريقة متحضرة و الرد كان زعيق...علي العموم الحمد لله علي كل شيء و الواحد عايش علشان يتعامل و يتعلم و ربنا يجعل انشاء الله حياتنا افضل مفيهاش نرفزة و زعيق و الدنيا تبقي بخير انشاء الله

سرسور

11-12-09, 06:08 PM

Mr_mody

11-12-09, 06:29 PM

الحمد لله قدر الله و ما شاء فعل
المهم الف مبروك على المسدس
و لا تحزن فهذا ليس الطبيعى مع الحاج نبيل
فانا تعاملت معه كثيرًا و كان هادئ
لكن قد يكون هناك ما يغضبة لذلك فعل ما فعل
فارجو ان تلتمس له العذر
و جزاك الله خيرًا

استاذ سرسور مشكووور يا سيدي الفاضل علي ردك الجميل و طبعا اكيد التمس لة العذر ولكن انا لم اري في حياتي موقف كهذا ..انا 21 سنة و عادة مش بشتري حاجات كتير فده اول موقف يحصل معيا اني اسمع حد بيزعق في وجهي لمجرد طلبت حق ليا..و الحمد لله علي كل شيء...حقيقة ان الحياة مدرسة و لكنها مدرسة ذو نظام قاسي

سرسور

11-12-10, 07:52 PM

لن تبلغ المجد حتى تلعق الصبر

Mr_mody

11-12-10, 10:54 PM

[quote=سرسور;255207]لن تبلغ المجد حتى تلعق الصبر[/quot

كلام جميل

adel152

11-12-11, 01:32 AM

فعلا الحاج نبيل معاملته جافة جدا وللأسف بيضيع مجهود ابنه الاستاذ محمد فى الحفاظ على عملاء المحل.

Mohamed Fathallah

11-12-11, 05:44 AM

Mr Modyy
أنا مبسوط جدا من مشاركتك
زي مافهمتك فعلا
إن والدي فعلا مش ده أسلوبه مع الناس نهائي :)
بس هو كان متعصب و فهمك غلط إن كان فاكرك بتقول إن المسدس متخربش ومستعمل :)
وبجد بقدم اسفي ليك مرة أخرى يا باشا :)
واهم حاجة إن معندكش أي مشكلة :)

سرسور باشا
شكرا بجد على ردك الجميل :)

ده الحاج نبيل سكره :D
عمر مكان معاملته جافة يا عادل :-(
بس زي أي إنسان ممكن اعصابه تفلت منه من اللي بيشوفوا كل يوم
وضغط الشغل :).

بس احترم رأيك برده :) ومن حقك تقول أي حاجة إنت مش عجبك يا باشا
وبجد أنا مبسوط إني في منتدى زي ده
عشان اتعرف بـكل الناس اللي زي العسل اللي زيكم :)

ramyhekal

11-12-11, 05:52 AM

SHAWKYGHAZY

11-12-11, 08:46 AM

هي دي الروح الطيبة اللى الواحد يحب يشوفها فى المنتدي

adel152

11-12-11, 12:12 PM

mr modyy
أنا مبسوط جدا من مشاركتك
زي مافهمتك فعلا
إن والدي فعلا مش ده أسلوبه مع الناس نهائي :)
بس هو كان متعصب و فهمك غلط إن كان فاكرك بتقول إن المسدس متخربش ومستعمل :)
وبجد بقدم اسفي ليك مرة أخرى يا باشا :)
واهم حاجة إن معندكش أي مشكلة :)

سرسور باشا
شكرا بجد على ردك الجميل :)

ده الحاج نبيل سكره :d
عمر مكان معاملته جافة يا عادل :-(
بس زي أي إنسان ممكن اعصابه تفلت منه من اللي بيشوفوا كل يوم
وضغط الشغل :).

بس احترم رأيك برده :) ومن حقك تقول أي حاجة إنت مش عجبك يا باشا
وبجد أنا مبسوط إني في منتدى زي ده
عشان اتعرف بـكل الناس اللي زي العسل اللي زيكم :)

استاذ محمد بعد التحية
اشكر حضرتك على ردك واعتذر لو كلمة (معاملته جافة) كانت قوية فى التعبير عن رأيى واحترم سعة صدرك فى هذا الموضوع خاصة اننا نتكلم عن والد حضرتك.
بعد اذن حضرتك عندى اقتراح يمكن ان يريح جميع الاطراف:
لو امكن تحديد مواعيد معينة (ولو ساعتين فقط فى اليوم) ومش لازم يكون فى جميع ايام الاسبوع يكفى 3 ايام فقط فى الاسبوع وحضرتك اللى تحدد الايام والموعد تكون حضرتك متواجد فى المحل للتعامل مع اعضاء المنتدايات.
اولا ده حيشيل حمل عن الحاج نبيل وفى نفس الوقت حيريح جميع الاعضاء سواء فى منتدانا هذا او فى المنتدايات الاخرى.
ولو حضرتك شايف صعوبة فى التواجد فى المحل 3 ايام فى الاسبوع لمدة ساعتين فى اليوم يمكنك التنسيق مع الاستاذ محمد انور (على حد علمى انه بيكون متواجد فى بعض الاوقات فى المحل) بحيث يكون حد منكم متواجد فى المواعيد المحددة للتعامل مع الاعضاء.
أسف للأطالة.
مع خالص تحياتى

ĴΘĶЄЯ

11-12-11, 12:52 PM

الف مبروك يا باشا
واحنا كلنا اخوة فى المنتدى
وربنا ما يجيب زعل باذن الله

Mr_mody

11-12-11, 06:16 PM

حصل خير ياباشا والحمد لله غيرت المسدس وكله تمام
وبالنسبه لزعلك من الوالد الكريم كلنا عندنا كده
انا بردو عندى معرض ووالدى ساعات يكلم زبون ويزعل منه
وده طبعا بيبقى نتيجه للسن والضغط والالتزامات

مشكور يا باشا علي الكلام الجميل و عادي لا الحمد لله مافيش مشاكل و الدنيا حلوة و الحمد لله علي كل شيء

Mr_mody

11-12-11, 06:18 PM

الف مبروك يا باشا
واحنا كلنا اخوة فى المنتدى
وربنا ما يجيب زعل باذن الله

لا يخليك يا باشا و الحمد لله لا انا مش زعلان انا اقدر ان كل ما نقابله في الحياة دروس و يجب ان تعلمها لكي نعيش

Mr_mody

11-12-11, 06:21 PM

Mohamed Fathallah

11-12-14, 04:04 PM

لا يخليك يا باشا و الحمد لله لا انا مش زعلان انا اقدر ان كل ما نقابله في الحياة دروس و يجب ان تعلمها لكي نعيش

Mody Basha Ma7elak f ay wa2t

Adel Basha

ana lel 2asaf sa3at kteeer msh bab2a mawgood fel ma7eL
3ashan mashGhoul f 2egra2at el tagneed :-)

w isa awel mafar3 LORAN yefta7 7ab2a motawagod feeh 3alatoooL

Mr_mody

11-12-14, 07:23 PM

أحمد عطاالله إبراهيم

11-12-14, 10:17 PM

mody basha ma7elak f ay wa2t

adel basha

ana lel 2asaf sa3at kteeer msh bab2a mawgood fel ma7el
3ashan mashghoul f 2egra2at el tagneed :-)

w isa awel mafar3 loran yefta7 7ab2a motawagod feeh 3alatoool

وانا اول واحد باذن الله هيزور المحل عشان ناوى اشترى مسدس صوت .. وفرع لوران هيكون اقرب ليا كتير من محطة مصر .. وربنا ما يجيب زعل ابدا يا رب

Mr_mody

11-12-22, 01:26 PM

وانا اول واحد باذن الله هيزور المحل عشان ناوى اشترى مسدس صوت .. وفرع لوران هيكون اقرب ليا كتير من محطة مصر .. وربنا ما يجيب زعل ابدا يا رب

مشكوور يا باشا علي مرورك و لا زعل ولا حاجة و كلة خير انشاء الله

farouk

11-12-22, 06:59 PM

Mr_mody

11-12-23, 04:57 AM

والله انا اتعاملت مع المحل ده وكل الناس اللي فيه محترمه ومشفتش منهم اي حاجه وحشه
فعلا لما اشتريت المسدس ال بيى 99 ادهولي من غير علبه لكن لما طلبت علبه الراجل متاخرش وفضالي علبه بصراحه قمه الاحترام

تمام الكلام يا باشا بس انا لسة اول مرة كنت اشتري مسدس صوت تركي ف انا ماكنتش اعرف ان المسدسات بتبقي في كيسة لوحدها كدة بعيد عن العلبة ف انا كا زبون عامة اي زبون يحب ياخد الحاجة مقفولة بس و الله انا ماتضايقتش اوي و فعلا الناس محترمة جدا بس فوجئت من الطريقة انها كانت ناشفة و هو الاستاذ والد محمد شعبان فهمني غلط و افتكر اني اقصد ان المسدس مستعمل لكن انا ماكنش قصدي كدة

sly_111

12-01-21, 12:10 AM

على فكرة يا جماعة محمد شعبان ومصطفى والحاج نبيل دول أصلاً قرايبي والله مش دفاعا عنهم بس بصراحة هما ناس محترمة جداً والحاج نبيل راجل ذوق جداً وأكيد ما كنش يقصد

Egyptian_Destroyer

12-01-21, 12:17 AM

اولا حصل خير و اكيد اللي حصل ده كان بسبب ضغط الشغل مش اكتر ثانيا كان عندي طلب عايز اعرف اذا كان مسدس p29 متوفر ولا ايه و سعره و مفتوح ولا مقفول و شكراا

hema777h

12-01-21, 12:24 AM

على فكرة يا جماعة محمد شعبان ومصطفى والحاج نبيل دول أصلاً قرايبي والله مش دفاعا عنهم بس بصراحة هما ناس محترمة جداً والحاج نبيل راجل ذوق جداً وأكيد ما كنش يقصد

++++++++++++++++++++++++1

aboammar

12-01-21, 04:26 PM

Max.1

12-01-22, 01:10 AM

الحمد لله حصل خير

عبد.الرحمن

12-01-22, 12:14 PM

الحمد لله قدر الله و ما شاء فعل