المساعد الشخصي الرقمي

مشاهدة النسخة كاملة : معا..نوقف المهزله

kiko_2015
11-12-04, 04:09 AM
السلام عليكم و رحمة الله و بركاته

ندخل في الموضوع يا اخواني و بداية استاذن الاداره ترك هذا الموضوع في هذا القسم

طبعا ان الناس كلها مستاءه من ارتفاع اسعار مسدسات الصوت بهذا الشكل الجنوني...و ده يتلخص في احتمالين ملهومش تالت..
1- اما ان التجار فعلا جشعين
2-اما ان الموظفين اللي ف المحلات بيعملوا مصالح لحسابهم الشخصي علي تجار الجمله من ورا اصحاب المحلات ( و مش هقول اسماء) لكنه يبقي احتمال شبه مؤكد

و طبعا اللي بيساعد في المهزله دي..اننا بكل سذاجه بنسحب بضاعه بارقام ضخمه كل شهر رغم ارتفاع الاسعار و طبعا انا كتاجر مش خسران حاجه يعني كده كده ببيع لكن الخاسر الوحيد هو حضرتك يعني انا كتاجر و حضرتك كمستهلك بنشارك في المهزله دي

طيب الحل ..الحل في خطوتين :

1- المستهلك يوقف استهلاك و يعمل مقاطعه و بالتالي احنا كتجار (واغلبنا مشتركين بالمنتدي) هنعمل مقاطعه و بالتالي السحب هيقل و بالتالي هيعيدوا النظر ف الاسعار(حركه عاوزه رجاله بجد و توحيد صف)
2-لازم اصحاب المحلات نفسهم يعرفوا المهزله دي و دي سيبوها علينا

واحد يسالني يقوللي انا بعمل كده ليه مع ان الحركه دي عكس مصلحتي كتاجر

الاجابه : انا مبحبش البزنس اللي بالمنظر ده و العمليه كلها اساسا مش فارقه معايا انا اصلا راجل مهندس و مبخافش و اسمي محمد ابو سيف عضو بالمكتب التنفيذي بائتلاف شباب الثوره و اللي يعرف يعني ايه شباب الثوره يعرف اد ايه احنا بحب البلد دي و بحب اهلها اللي هما انتم وواجبي التنويه و الحفاظ علي المصلحه العامه حتي وان كان هذا عمل ضد المصلحه الخاصه...شكرا
kiko_2015
11-12-04, 04:42 AM
اه نسيت اقول حاجه..محدش هيتحكم فينا تاني..الشعب المصري مبقاش عبيد زي زمان..يارب اللي ف بالي يفهموا
TITODJ
11-12-04, 04:57 AM
واللة يا ابو سيف انت راجل محترم جدا وانت الوحيد اللى بتقول الحقيقة فى المنتددة دة وانا كنت انزل الموضوع دة لااكن انت سبقتنى واحنا الاتنين واحد اكنى انا اللى نزلتو بالظبط وانا واللة مكنتش برد على اى حد فى المنتددى لان كان فى بعض تجاوزات حصلت فى المنتددى وكنت بخش متفرج بس لااكن موضوعك دة شدنى جدا وعاجبنى شجاعتك والثورة تتشرف بواحد زى حضرتك وانا مقاطع الشراء من ساعة الاستغلاال اللى بيحصل دة وخلى بالك يا ابو سيف احننا اللى ادناهم فرصة يعملوا فينا كدة لان فى ناس بتشترى وتكبر دماغها بس بردو بايدينا نخلى الاسعار ترجع زى ما قبل الثورة بس لازم نكون ادينا فى بعض كلنا ولازم التجار الاول اللى فى المنتددى وعلى فكرة انا عضو فى ائتلاف شباب الثورة وانا بقالى 10 ايام فى ميدان التحرير بنام فى الميدان تحت الخيمة فى عز الساقعة لانى بحب وطنى وحالا بكلمك من الاب توب وانا فى الميدان وتحيا مصر رغم انف الحاكم العسكرى
old hunter
11-12-04, 05:06 AM
عندك حق يا ابوسيف والله العمليه بقه بزرميط علي الاخر وهما سايقين فيها كل لما يعلو السعر الناس تكتر يخافو للحاجه تزيد اكتر يقموا هما بزكائهم مزودنها يقوم الي مشتراش من المره الاولي يروح جري يشتري قبل اما تغلي اكتر لا يجماعه لو وقفنا شر جميع محدثات الصوت والبنادق من جميع المحلات وعملنا وقفه مابينا وبين بعض اننا منشتريش حاجه من اي من المحلات الكبيره الي ماسكه السوق واكتفينا اننا نجيب من بعض ازا كان مستعمل اوكسر زيرووحتي لو سعره غالي علي الاقل انت هتبقا عارف انا بيستغلكش انت عارف انه شاريها غالي انما الي بيكسب في الحته بالاف جنيه ده تنفضلوه وش كل غصب عنه هينزل السعر وعلي فكره المقاطعه لو اتعملت علي المنتدي هيبقلها صدي جامد لان اغلبيه التجار الكبار بيدخلو عليه دلوقتي وعملين عروض فيهنجرب 3 اربع شهور لحد لما نشوف وانا متاكد ان من اول اسبوع مش شهر الامر هيختلف بس جربوا وشكرا اوي يا ابوسيف الفكره الجميله وانا بحيك عليها وخاصه انك تاجر برده فا المفروض متبقاش عايز توقف حركه البيع
Zero
11-12-04, 06:06 AM
متضامن معاك يا أبو سيف من زمان أوى و كان نفسى حد يقول البوء دة
ركز فى التوقيع بتاعى أنا من أول ماسجلت فى المنتدى لحد دلوقتى مغيرتوش ولا هغير جمله المقاطعة دى لحد ماحس أننا فعلا مش بيتضحك عليا و على شعبى
bravehro1
11-12-04, 07:19 AM
كلام مضبوط اتمنى انه يحصل ونبدا نتغير (لايغير الله بقوما حتى يغيروا مابانفسهم )
okapi knife
11-12-04, 07:34 AM
+1111111111111111111111111
okapi knife
11-12-04, 07:36 AM
متضامن معاك يا أبو سيف و ربنا يعدي الفترة الي جاية على غير
محمد الشامي
11-12-04, 08:05 AM
بجد ربنا يبارك فيك وجزاك الله كل خير
sayedlabib
11-12-04, 08:06 AM
الفكرة متازة جدا من شاب اكثر من محترم
~__e__~
11-12-04, 08:07 AM
معاك يا باشا وكلنا معاك
وتسلم ايدك علي الموضوع الجامد دا
jhoncarbntr
11-12-04, 08:27 AM
ابو سيف انا عايز أحييك انت راجل محترم بجد... لكن للأسف لو بعض الاخوة وقفوا عملية الشراء هتلاقى الكثير من الناس اللى موش فى دماغهم حاجة بيشتروا وخصوصا بقى لو قلت لهم ان فيه اضراب هيتلاقيهم بالعكس ايديهم بتاكلهم اكتر على الشراء وده عن تجربة فى اكثر من موضوع لو كل الناس وقفوا وقفة راجل واحد واستحملوا شوية تاخير الشراء لأحتياجاتهم كان هيتم التحكم فى الاسعار ووقف الاستغلال بصورة اكيدة انا عن نفسي اتمنى
mido_649
11-12-04, 09:32 AM
والله محترم ...................... يا ريت كل الناس تفهم الكلام ده كويس تحياتى يا ابو سيف
amin hegazy
11-12-04, 09:52 AM
مبادرة رائعة يا ابو سيف بجد الله ينور عليك
وان شاء الله الحركه دي تمت هتظبط الاسعار كويس وبعدين الحاجات دي لا أكل ولا شرب يعنى
ممكن نعمل مقاطعه لمدة اسبوعين تلاته لو لزم الامر
وابو سيف اخواني سلفي من شباب ائتلاف الثورة :)
عربى
11-12-04, 10:02 AM
كلام محترم من شخص قمة فى الاحترام
هو ده الكلام المضبوط اللى لازم الكل يعرفه و انا بحييك على هذا الموضوع
sadaany
11-12-04, 10:10 AM
للاسف الشديد ان كثير من التجار شالوا بضاعه كتير الفتره اللى فاتت بسعر عالى ومحدش هيقدر ينزل الاسعار غير اللى نازله بضاعه جديده بسعر رخيص بعد الهيصه دى وفى الاول والاخر الموضوع كله مش اكثر من سلعه ليست ضروريه الاستغناء عنها امر مش صعب وفعلآ ممكن الناس تركز فى اى هوايه اخرى اكثر افاده مثل الصيد وهوا افيد وافضل واكثر احترافيه
Masterssss
11-12-04, 10:25 AM
راجل في قمه الاحترام مفيش قول بعد قولك
farouk
11-12-04, 10:55 AM
وانا متضامن معاك من الاسكندريه
farouk
11-12-04, 10:56 AM
بس في مقاطعه البيع والشراء مش اءئتلاف الثوره ......هههههههههههه
eagle1
11-12-04, 11:52 AM
كلام حضرتك مضبوط 100 %
احمد قبيصى احمد
11-12-04, 11:56 AM
فعلا الاسعار غاليه بدون مبرر دى مسدسات صوت يا جماعه ولا التجار مفكرينها اسلحه بجد
الريتاى عامل 1500 جنيه
والفيرات ماجنم عامل 1800
والايكول اراس عامل 1800
والروم عامل 2500 8 مللى دى اسعار المحلات التعبانه
tarekvb
11-12-04, 12:10 PM
كلام جميل وحيث اننا فى لحظة صراحة فلى استفسار بدون زعل يا ريا الاقى اجابته عندك

الاسعار زادت بمعنى انك كتاجر لما بتجيب من التاجر الاكبر بيزود عليك فى السعر فبتضطر انك تزود بالتبعية
طيب هل انت وكلكم كتجار ليس لديكم رصيد نهائيا ؟؟ بمعنى لو كان عندك رصيد مثلا 3 قطع ريتاى المفروض تبيعهم على سعرهم القديم لانك شريهم بالسعر القديم (وطبعا ده مش بيحصل) والمرة دى بنتكلم على تجار المنتدى مش الخارجين اللى بيزودوا الاسعار يعنى مشوفناش تاجر نزل اعلان وعارض فيه كل الستوك اللى عنده ويكتب ببعها بالسعر القديم برغم زيادة الاسعار الحالية عشان كنت مشتريها على السعر القديم .. ولو اتكلمنا عليك بشكل خاص وكلنا عارفين وطنيتك معندش ولا قطعة من الستوك كنت شاريها قبل غلاء الاسعار وتنزلها بنفس سعرها القديم ؟؟؟
(الاجابة اختيارى لو فيها احراج)
kiko_2015
11-12-04, 12:18 PM
كلام جميل وحيث اننا فى لحظة صراحة فلى استفسار بدون زعل يا ريا الاقى اجابته عندك

الاسعار زادت بمعنى انك كتاجر لما بتجيب من التاجر الاكبر بيزود عليك فى السعر فبتضطر انك تزود بالتبعية
طيب هل انت وكلكم كتجار ليس لديكم رصيد نهائيا ؟؟ بمعنى لو كان عندك رصيد مثلا 3 قطع ريتاى المفروض تبيعهم على سعرهم القديم لانك شريهم بالسعر القديم (وطبعا ده مش بيحصل) والمرة دى بنتكلم على تجار المنتدى مش الخارجين اللى بيزودوا الاسعار يعنى مشوفناش تاجر نزل اعلان وعارض فيه كل الستوك اللى عنده ويكتب ببعها بالسعر القديم برغم زيادة الاسعار الحالية عشان كنت مشتريها على السعر القديم .. ولو اتكلمنا عليك بشكل خاص وكلنا عارفين وطنيتك معندش ولا قطعة من الستوك كنت شاريها قبل غلاء الاسعار وتنزلها بنفس سعرها القديم ؟؟؟
(الاجابة اختيارى لو فيها احراج)

طبعا في اجابه..الجاكال مثلا في عز ما كان ب 1200 كنت انا عارضه ب 950 جنيه و تقدر تراجع اعلاني من شهر و نص بالظبط
تاني حاجه احنا مش من النوع اللي بيخزن شغل..الشغل بيتطلب كل اسبوع او اتنين حسب كل تاجر و حجم شغله
و النقطه التالته ان طبعا المتحكم في السعر هو المستورد و بالتالي احنا ملناش دعوه بارتفاع الاسعار لكن المستهلك هو اللي بيشجع المستورد علي الغلاء طالما مفيش وقفه او رد فعل..و علي فكره الحكايه دي مش ف التجاره بس..الموضوع ده في الحياه كلها..لو حد لمؤاخذه شتم حد مثلا و التاني سابه من غير عقاب..بكره هييجي اللي شتم و يرزعو بالقفا علي قفاه في نص الشارع..طالما مفيش رد فعل بقي
Biso007
11-12-04, 12:40 PM
بداية ممتازة من شخص محترم و أرجو المساندة و التوفيق من عند الله ... كما أرجو ايضا مراقبة المشاركات المغرضة التى تتحدث عن اخبار ملفقة مثل منع الاستيراد و نفاذ المعروض و ايضا المشاركات التى تتحدث عن حوادث بلطجة غير صحيحة لبث الخوف فى النفوس و بالتالى التسارع فى الشراء بدون داعى.
kiko_2015
11-12-04, 12:46 PM
بداية ممتازة من شخص محترم و أرجو المساندة و التوفيق من عند الله ... كما أرجو ايضا مراقبة المشاركات المغرضة التى تتحدث عن اخبار ملفقة مثل منع الاستيراد و نفاذ المعروض و ايضا المشاركات التى تتحدث عن حوادث بلطجة غير صحيحة لبث الخوف فى النفوس و بالتالى التسارع فى الشراء بدون داعى.

كلامك في الجزء بتاع الاخبار الملفقه و الحوادث صحيح 100 %
الجباروت
11-12-04, 12:58 PM
اه نسيت اقول حاجه..محدش هيتحكم فينا تاني..الشعب المصري مبقاش عبيد زي زمان..يارب اللي ف بالي يفهموا

واللة كلامك بيقول ان حصرتك راجل محترم والكلام اللى انت بتقولة صح
وبعدين احنا عمرنا مهنكون عبيد ولاكنا احنا كنا خيفين كان الواحد منا ميقدرسى يفتح بقة بكمة على السرقة والاستغلال اللى كنا من النظام السابق
وكفاية اوى اللى بلدنا بتتسرق بقلها 7000سنة وعيسن فيها ومبسطين
بس هنقول اية غير
حسبى اللة ونعم الوكيل
هشام سمير
11-12-04, 01:05 PM
حبيبى واخويا الغالى ابو سيف
هسألك سؤال بس جوابنى عليه بصراحه انتا مقتنع اننا ممكن نسيطر على الحيتان دول مقتنع ان مقاطعتنا ليهم ممكن تخليهم يعيدو نظر فى الاسعار اكيد انتا عارف مين هو السبب الاول والاخير فى الزياده دى يا ابو سيف الراجل دا عمل كمية اصفار تكفيه لمدة قرون ولا فارقه معاه
هو فيه احتملين
ان المعروض قل فعلاً
الثانى ان السلطه فشلت فى تحجيم تداول محدثات الصوت فألزموه برفع السعر (ودى وجهة نظرى الشخصيه )
لنا الله يا ابو سيف
أبو زياد
11-12-04, 01:19 PM
مبادرة رائعة يا ابو سيف بجد الله ينور عليك كلنا معاك
ahmedmh_ali
11-12-04, 01:39 PM
الله ينور أنا قلت يا أبو سيف يا بلاش .. أنا معاك يا باشا و حعمل أى محاولة و أى حاجة أنت تطلبها ، بس خلى بالك لو المنتدى كلة وقف معاك فى واحد بس أنت عارفة حيستغل الموضوع دة شمال بس عموما ربنا معاك ..
kiko_2015
11-12-04, 01:52 PM
الله ينور أنا قلت يا أبو سيف يا بلاش .. أنا معاك يا باشا و حعمل أى محاولة و أى حاجة أنت تطلبها ، بس خلى بالك لو المنتدى كلة وقف معاك فى واحد بس أنت عارفة حيستغل الموضوع دة شمال بس عموما ربنا معاك ..

و ده مين ان شاء الله يا احمد؟؟ انا والله ما فاهم
ahmedmh_ali
11-12-04, 01:53 PM
و ده مين ان شاء الله يا احمد؟؟ انا والله ما فاهم

ح أقولك على الخاص يا حبى ..
owkean
11-12-04, 01:56 PM
يا جماعه في موقع اعلانات مصراوي في عروض للطبنجات الصوت بس انا شايف اني الاسعار اللي بنسمعها هنا في الموقع بتاعنا افضل بكتير فا انا عملت دعوه لصاحب الاعلان عشان يجي للمنتدي والموقع بتاعنا سامحوني لو كنت اتسرعت بس انا عايزه يعرف الناس الحلوه اللي عندنا ويمكن نستفيد منه
TITODJ
11-12-05, 12:20 AM
الله ينور أنا قلت يا أبو سيف يا بلاش .. أنا معاك يا باشا و حعمل أى محاولة و أى حاجة أنت تطلبها ، بس خلى بالك لو المنتدى كلة وقف معاك فى واحد بس أنت عارفة حيستغل الموضوع دة شمال بس عموما ربنا معاك ..

يا استاز احمد احنا خلاص تلؤدى بقينا فى وقت مينفعشى نخاف فية وياريت تقول مين العضو دة علشان ميضحكشى على حد من الاعضاء باستغلالو البزىئ دة بجد لو انت خايف على المنتددى واللى فية وبالامانة فية شوية تجار هنا فى المنتددى بيسيئو جدا للمنتددى والمفروض نخلى بالنا منهم ونعزلهم خالصص عننا والعملية دى مش اتم الا لما يكون فية ادارة قوية متعملشى محسوبية لحد ولا صحوبية بس متهيئلى دى صعب شوية يحصل
rahmed2000
11-12-05, 12:53 AM
الله ينور عليك يا أبوسيف و أنا كمان معاك يا ريس
eido2000
11-12-05, 12:56 AM
جزاك الله خيرا نعم أنا متضامن معك حدد المطلوب مننا كأعضاء ونحن معك بعون الله وتعاونوا على البر والتقوى بارك الله فيك أبو يوسف
saskon
11-12-05, 01:14 AM
للأسف الاقتراح ده مضر جدا وليس مفيدا بالمرة! ليه ؟ لأن اذا كان تجار المنتدى هيلتزموا فالتجار خارج المنتدى وهم اكثر واقوى لن يلتزموا نهائيا ومنهم مستوردين مش ديلرز زى تجار المنتدى و اللى هيحصل بالمقاطعة ان المعروض هيقل فالكل هيلجأ الى المحلات الكبرى ودى هتلاقى فرصة كبيرة انه بدل مابيبيع لديلر بسعر مخفض لأ هيبيع مباشرة للمشترى وبالسعر العادى ويزود مكسبه والزبون هايروحلو لحد باب المحل ويقف طابور كمان. الديلر يقدر يضغط على المستورد اللى بيشتغل فى الخفاء أو معندوش محل أو سلسلة محلات وبيعتمد على الديلر فى توزيع بضاعته انما محلات زى فتح الله أو غيرهم هيحققوا مكاسب رهيبة وهيرفعوا السعر بشكل كبير لأن اللى بيخليهم يقللوا اسعارهم وجود بضاعة فى السوق بأسعار أقل فلما تختفى البضاعة دى هيبقوا هما اللى محتكرين السوق ويشتغلوا براحتهم ...... فى ناس كتير جدا جدا غير مشتركين فى المنتدى ولما بيشتروا بيروحوا محل السلاح اللى قريب منه ولو ملقاش هيروح للمحل الكبير ويشترى منه لأن فى اعتقاده ان فى نقص فى البضاعة او وقف للاستيراد مش ان التاجر اللى جنبه مقاطع المستورد.
fidodido
11-12-05, 01:35 AM
معاك يا ابو سيف باذن المولي
ahmedmh_ali
11-12-05, 01:43 AM
يا استاز احمد احنا خلاص تلؤدى بقينا فى وقت مينفعشى نخاف فية وياريت تقول مين العضو دة علشان ميضحكشى على حد من الاعضاء باستغلالو البزىئ دة بجد لو انت خايف على المنتددى واللى فية وبالامانة فية شوية تجار هنا فى المنتددى بيسيئو جدا للمنتددى والمفروض نخلى بالنا منهم ونعزلهم خالصص عننا والعملية دى مش اتم الا لما يكون فية ادارة قوية متعملشى محسوبية لحد ولا صحوبية بس متهيئلى دى صعب شوية يحصل

كلام سليم 100 %
TITODJ
11-12-05, 03:56 AM
كلام سليم 100 %

وانا اسف يا استاز احمد ان كان كلامى حاد شوية بس اعزرنى انا بقول كدة من خوفى وغيرتى على المنتددة الجميل دة اللى كلنا اتعلمنا فية وتحياتى لك لتفاهم كلامى من غير زعل واحييك على روحك الجميلة وعثبال بقيت الناس اللى بتاخد الكلام دة على صدرها ربنا يهدى يارب
خالدحامد
11-12-05, 06:49 AM
* بعد اضطهاد النادي الأهلي الواضح لنادي الزمالك والمتمثل في التنكيل به ذهابًا وإيابًا.. ماذا تتوقع لجماهير الأخير؟

** أتوقع أن نقرأ قريبًا أخبارًا عن زملكاوية المهجر
old hunter
11-12-05, 10:30 AM
للأسف الاقتراح ده مضر جدا وليس مفيدا بالمرة! ليه ؟ لأن اذا كان تجار المنتدى هيلتزموا فالتجار خارج المنتدى وهم اكثر واقوى لن يلتزموا نهائيا ومنهم مستوردين مش ديلرز زى تجار المنتدى و اللى هيحصل بالمقاطعة ان المعروض هيقل فالكل هيلجأ الى المحلات الكبرى ودى هتلاقى فرصة كبيرة انه بدل مابيبيع لديلر بسعر مخفض لأ هيبيع مباشرة للمشترى وبالسعر العادى ويزود مكسبه والزبون هايروحلو لحد باب المحل ويقف طابور كمان. الديلر يقدر يضغط على المستورد اللى بيشتغل فى الخفاء أو معندوش محل أو سلسلة محلات وبيعتمد على الديلر فى توزيع بضاعته انما محلات زى فتح الله أو غيرهم هيحققوا مكاسب رهيبة وهيرفعوا السعر بشكل كبير لأن اللى بيخليهم يقللوا اسعارهم وجود بضاعة فى السوق بأسعار أقل فلما تختفى البضاعة دى هيبقوا هما اللى محتكرين السوق ويشتغلوا براحتهم ...... فى ناس كتير جدا جدا غير مشتركين فى المنتدى ولما بيشتروا بيروحوا محل السلاح اللى قريب منه ولو ملقاش هيروح للمحل الكبير ويشترى منه لأن فى اعتقاده ان فى نقص فى البضاعة او وقف للاستيراد مش ان التاجر اللى جنبه مقاطع المستورد.

متبقاش تخش في المقاطعه وابقي اشتري اه يا عم الحج خش قسم محلات السلاح علي المنتدي هتلاقي كبار محلات مصر علي المنتدي عاملين عروض انا نفسي الي ملوش في حاجه ومش فاهم ميكلمش لان ده الي جايبنا ورا كله بيفتي وللاسف في ناس بتمشي ورا الفتي التعبان ده اسكت ربنا يكرمك
old hunter
11-12-05, 10:36 AM
حاجه تحرق الدم علي الصبح كله متضامن مع الموضوع ده الوحيد الي طالع يقولك لا الكلام ده غلط لازم نشجعهم وكل ميزودو السعر اهنا نشتري اكتر يعني احنا كلنا مبنفهمش وانت يا ساسكون الي بتفهم يسلام الحمدلله لاقينا واحد يلحقنا قبل ما نغرق شكرا يا ساسكون علي نصياحك الجمده موله والفيل بيشرب من القله
kefafy
11-12-05, 10:44 AM
اه نسيت اقول حاجه..محدش هيتحكم فينا تاني..الشعب المصري مبقاش عبيد زي زمان..يارب اللي ف بالي يفهموا

الله ينور عليك وعلى كلامك
ويخليلك ابنك يارب وتفرح بيه
sahbany
11-12-05, 10:54 AM
+1111111111111111
amin hegazy
11-12-05, 11:01 AM
حاجه تحرق الدم علي الصبح كله متضامن مع الموضوع ده الوحيد الي طالع يقولك لا الكلام ده غلط لازم نشجعهم وكل ميزودو السعر اهنا نشتري اكتر يعني احنا كلنا مبنفهمش وانت يا ساسكون الي بتفهم يسلام الحمدلله لاقينا واحد يلحقنا قبل ما نغرق شكرا يا ساسكون علي نصياحك الجمده موله والفيل بيشرب من القله

يا باشا هتلاقي الناس كلها متضامنه مع الموضوع ومشاركة الزميل معناها انه متضامن مع الفكرة من الاساس وخايف من استمرار ارتفاع الاسعار.
ومش مشكله ان الواحد يقول راي مخالف يمكن نقدر نطلع منه بمعلومه أو يوضح لينا حاجه محدش واخد باله منه
ياريت يكون عندنا صدر رحب للاستماع للآراء الاخرين
وصباح الفل وبلاش تحرق دمك على الصبح روق
وليد سامى
11-12-05, 11:33 AM
معاك واضح انك تاجر محترم وفضلت المصلحة العامة على الخاصة وفعلا الأتحاد قوة وهيشكل ضغط على التجار وهترجع الأسعار ان شاء الله بس نتفق على ميعاد الشراء زى ما اتفقنا على ميعاد المقاطعة يعنى محدش يشترى الا لما نقول فى المنتدى او احتراما لابو سيف لما ابو سيف يقول نظرا لانها فكرتة ولما الأسعار تبقى معقولة
kiko_2015
11-12-05, 11:52 AM
حبيبى واخويا الغالى ابو سيف
هسألك سؤال بس جوابنى عليه بصراحه انتا مقتنع اننا ممكن نسيطر على الحيتان دول مقتنع ان مقاطعتنا ليهم ممكن تخليهم يعيدو نظر فى الاسعار اكيد انتا عارف مين هو السبب الاول والاخير فى الزياده دى يا ابو سيف الراجل دا عمل كمية اصفار تكفيه لمدة قرون ولا فارقه معاه
هو فيه احتملين
ان المعروض قل فعلاً
الثانى ان السلطه فشلت فى تحجيم تداول محدثات الصوت فألزموه برفع السعر (ودى وجهة نظرى الشخصيه )
لنا الله يا ابو سيف

اولا احب اشكر كل الردود اللي بتزيدني حماس و اصرار علي الفكره
ثانيه..استاذ هشام طبعا انا معاك انهم حيتان و معاهم اصفار كتير..لكن كل دا مسيواش عندي مليم..و حضرتك تاجر و عارف اصل الاسعار كام

و بالنسبه للاخ الفاضل اللي قال ان التجار بره المنتدي مش هتبطل شراء..احب اقولو ان اكبر تجار سلاح فيكي يا مصر بيعملوا عروض هنا ع المنتدي..واللي مكانش بيعمل قبل كده بيعمل دلوقتي..ده معناه ان المنتدي ده ليه شنه و رنه وانه فعلا اكبر سوق الكتروني للسلاح في مصر..و ان التجار الكبار عارفين كده كويس بدليل عروضهم هنا..وده معناه ان الحركه التجاريه هنا في المنتدي مؤثره..

اخر حاجه هقولها..احنا بنعلق الشراء و البيع من يوم 5 ديسمبر الي يوم 12 ديسمبر حتي رجوع الاسعار كما كانت و ده اعلان من هنا اخواني بالمنتدي وانا نلتزم به عهد بيننا
eido2000
11-12-05, 12:22 PM
اولا احب اشكر كل الردود اللي بتزيدني حماس و اصرار علي الفكره
ثانيه..استاذ هشام طبعا انا معاك انهم حيتان و معاهم اصفار كتير..لكن كل دا مسيواش عندي مليم..و حضرتك تاجر و عارف اصل الاسعار كام

و بالنسبه للاخ الفاضل اللي قال ان التجار بره المنتدي مش هتبطل شراء..احب اقولو ان اكبر تجار سلاح فيكي يا مصر بيعملوا عروض هنا ع المنتدي..واللي مكانش بيعمل قبل كده بيعمل دلوقتي..ده معناه ان المنتدي ده ليه شنه و رنه وانه فعلا اكبر سوق الكتروني للسلاح في مصر..و ان التجار الكبار عارفين كده كويس بدليل عروضهم هنا..وده معناه ان الحركه التجاريه هنا في المنتدي مؤثره..

اخر حاجه هقولها..احنا بنعلق الشراء و البيع من يوم 5 ديسمبر الي يوم 12 ديسمبر حتي رجوع الاسعار كما كانت و ده اعلان من هنا اخواني بالمنتدي وانا نلتزم به عهد بيننا

أنا أول الملتزمين
teto
11-12-05, 12:54 PM
+++++++++++++++++++++++++++1
Biso007
11-12-05, 01:58 PM
ياريت يا أبو سيف تتابع تأثير المقاطعة دى على الاسعار أول بأول و تقولنا الاخبار هنا فى نفس الموضوع و لكن فى المشاركة الاولى .. تحياتى.
ahmedmh_ali
11-12-05, 04:04 PM
يااااااااااااااااااااااااااااا رب ..
محمد حافظ بك
11-12-05, 11:35 PM
معاك حق فعلا و لازم يكون في حل للمهزلة دي
Mr_mody
11-12-06, 12:09 AM
كلام جميل جدا بجد و فعلا احنا خلاص مبقناش نسكت!
saskon
11-12-06, 02:17 AM
متبقاش تخش في المقاطعه وابقي اشتري اه يا عم الحج خش قسم محلات السلاح علي المنتدي هتلاقي كبار محلات مصر علي المنتدي عاملين عروض انا نفسي الي ملوش في حاجه ومش فاهم ميكلمش لان ده الي جايبنا ورا كله بيفتي وللاسف في ناس بتمشي ورا الفتي التعبان ده اسكت ربنا يكرمك

حاجه تحرق الدم علي الصبح كله متضامن مع الموضوع ده الوحيد الي طالع يقولك لا الكلام ده غلط لازم نشجعهم وكل ميزودو السعر اهنا نشتري اكتر يعني احنا كلنا مبنفهمش وانت يا ساسكون الي بتفهم يسلام الحمدلله لاقينا واحد يلحقنا قبل ما نغرق شكرا يا ساسكون علي نصياحك الجمده موله والفيل بيشرب من القله


أخى العزيز ياريت اسلوبك فى الحوار يبقى افضل من كده بكتير احنا كلنا ناس محترمة ولازم نتكلم مع بعض باسلوب محترم. ولو حضرتك متعرفش تتكلم بأسلوب محترم يبقى متتكلمش افضل وتحتفظ برأيك لنفسك علشان الحوار ليه أداب لازم كلنا نتبعها. و مينفعش حد يصادر على رأى حد و النقاش والحوار مفتوح للجميع وانا ابديت رأيى بشكل محترم وكنت اتوقع الرد والتعليق يكون بنفس الشكل المهذب والمحترم. والخلاف فى الرأى دائما يثرى الحوار و لا يشينه بس لازم يكون بين ناس لها القدرة على الحوار وعلى نفس درجة الوعى وشكرا


يا باشا هتلاقي الناس كلها متضامنه مع الموضوع ومشاركة الزميل معناها انه متضامن مع الفكرة من الاساس وخايف من استمرار ارتفاع الاسعار.
ومش مشكله ان الواحد يقول راي مخالف يمكن نقدر نطلع منه بمعلومه أو يوضح لينا حاجه محدش واخد باله منه
ياريت يكون عندنا صدر رحب للاستماع للآراء الاخرين
وصباح الفل وبلاش تحرق دمك على الصبح روق


أشكرك لأنك الوحيد اللى فهم قصدى انا طبعا مش مع ارتفاع الاسعار لانى مش مستورد انا مهندس وشغال مدير عمليات باحد مصانع احدى الشركات الكبرى فى مجال الكهرباء يعنى ليس لى اى صلة بتجارة السلاح.
ثانيا بالنسبة لرأى الاستاذ محمد صاحب الموضوع اننا منتدى كبير طبعا عندك حق لكن فى مثلا منتدى كبير للسيارات اسمه نايل موتورز وواخد تصنيف على مستوى المنتديات المصرية ولكن هل كل الناس اللى عندها عربيات اعضاء هناك ؟؟ لا طبعا فى ناس كتير مسمعتش اسم المنتدى ده اصلا! واتذكر اننا فى منتدى السيارات كان فى دعوة كبيرة للمقاطعة لتخفيض سعر السيارات ولكن للأسف فشلت فشل ذريع.
ثالثا انا فى ردى لم اقصد اننى ضد المقاطعة من حيث المبدأ ولكن انا شايف ان المقاطعة من تجار المنتدى تأثيرها هيكون سلبى عليهم هما بس وبالعكس المحلات الكبرى هتستفاد من هذه المقاطعة كما ان فى ناس اكل عيشها الاساسى من بيع السلاح فمستحيل انهم هيقاطعوا حتى لو تظاهروا بتضامنهم مع المقاطعة. وفى ناس تانية عندها مخزون سلاح شارياه بالاسعار العالية فمش من مصلحته ان السعر ينزل لان خسارته هتبقى كبيرة .

ومن جهة اخرى فى ناس من التجار دول و بطبيعة الحال اللى ماشى فى البلد وسياسة التخوين ممكن يقولك "ما هو اصلك يا استاذ محمد معندكش مخزون وعايز تجمد البيع والشرا على المنتدى لحد ماتملى مخزنك تانى" طبعا كل اللى يعرفوك هيعرفوا ان ده كلام فارغ ولكن اللى ميعرفوكش او اللى بيتنافسوا معاك ممكن يشعلوا نار التخوين ويروجوا لذلك ويبقى "ماينوب المخلص الا تقطيع هدومه" زى بالضبط لما بعض التجار المحترمين نزلوا فى فترة سابقة اسعار السلاح وحضرتك منهم طلع بعض التجار يقولوا اصلكم بتبيعوا فرز تانى واحنا بنبيع فرز اول وكان السلاح ده زى السيراميك. "وطبعا هما يقصدوا ان السلاح الاقل سعرا معيوب وبكده يخوفوا ويقلقوا الناس من الشراء منكم"

اى قرار او اجراء يا جماعة لازم يدرس جيدا جدا مش يتاخد بحماس ومشاعر طيبة ولكن يؤدى فى النهاية الى نتائج عكسية. ارجو ان فكرتى تكون وصلت للجميع مع الشكر
goodzila
11-12-06, 09:30 AM
بص يا بشمهندس القصد من المقاطعه هو مقاطعه كبار التجار واهو علي الاقل يبقا عملنا الي علينا مش نقول لا ده هيئثر بالسلب ليه منحاولش احنا خسرنين اه منجرب يمكن تنفع وبعدين الاستاذ اولد هنتر اتنرفز لان كل الناس موافقه علي المعارضه وحضرتك رفضت الحاجه الوحيده الي تتفهم من كده انك ليك مصلحه مش عايزها تقف انا بقول الكلام الي ممكن يتفهم بس احنا المفروض نجرب نقاطه السجلابي فتح الله الاهليه المركز الدولي الصياد المصري المحلات الكبيره ديه واحنا هنا في المنتدي عددنا كبير جدا ومعظم هواه السلاح في مصر ليهم اكونت لو المقاطعه جت من نحيتنا والباقي الي ميعرفش يروح يشتري اكيد هيبقا فيه فرق لاننا علي الاقل وقفنا وقفه رجل واحد ضد الجشع والغلاء انا شايف مع احترامي لحضرتك انك رائي سلبي يعني ميفيدش بحاجه يعني يبقي الحال علي ما هو عليه لا احنا نجرب ويمكن المقاطعه صوتها يتسمع وتجيب نتيجه ولو منفعتش يبقا حولنا
goodzila
11-12-06, 09:32 AM
نعم للمقاطعه نعم للمقاطعه
saskon
11-12-06, 11:50 AM
بص يا بشمهندس القصد من المقاطعه هو مقاطعه كبار التجار واهو علي الاقل يبقا عملنا الي علينا مش نقول لا ده هيئثر بالسلب ليه منحاولش احنا خسرنين اه منجرب يمكن تنفع وبعدين الاستاذ اولد هنتر اتنرفز لان كل الناس موافقه علي المعارضه وحضرتك رفضت الحاجه الوحيده الي تتفهم من كده انك ليك مصلحه مش عايزها تقف انا بقول الكلام الي ممكن يتفهم بس احنا المفروض نجرب نقاطه السجلابي فتح الله الاهليه المركز الدولي الصياد المصري المحلات الكبيره ديه واحنا هنا في المنتدي عددنا كبير جدا ومعظم هواه السلاح في مصر ليهم اكونت لو المقاطعه جت من نحيتنا والباقي الي ميعرفش يروح يشتري اكيد هيبقا فيه فرق لاننا علي الاقل وقفنا وقفه رجل واحد ضد الجشع والغلاء انا شايف مع احترامي لحضرتك انك رائي سلبي يعني ميفيدش بحاجه يعني يبقي الحال علي ما هو عليه لا احنا نجرب ويمكن المقاطعه صوتها يتسمع وتجيب نتيجه ولو منفعتش يبقا حولنا

يا أخى انت بتتكلم صح فى موضوع المقاطعة ولكن ده غير اللى طالبه صاحب الموضوع كما فهمت وربما فهمت غلط . اللى انا فهمته ان الاستاذ محمد بيطالب تجار التجزئة اللى فى المنتدى بمقاطعة المستوردين وانا مازلت على رأيى ان ده هيضره هوا كتاجر محترم ولكن غيره من التجار مش هينضروا أما لو حضرتك بتقول انك تعمل دعوة للأعضاء بمقاطعة الشراء بوجه عام فده شيئ فى الاتجاه الصحيح وان كنت برده بشك فى مدى تأثيره ومدى التزام الاعضاء به ........ طيب ماتيجى نقولها بشكل افضل واكثر فاعلية ايه رأيك اننا نطلب من الادارة هنا وفى رابطة الصيد باغلاق منتدى السوق لمدة شهر ونكتب مغلق لمدة شهر للمقاطعة ايه رأيك ؟! اولا نشوف الاراء الحقيقية للأعضاء والتجار ثانيا نشوف مدى تغير سعر السلاح نتيجة لذلك وثالثا نضمن ان مفيش تاجر هيقاطع وتاجر تانى هيستغل الموقف ... كده رأيى ايجابى ولا لسة سلبى ؟؟؟

اما بالنسبة لرأى حضرتك فى اللى كتبه الاخ اولد هانتر فاعذرنى تبريرك خاطئ لأن حتى لو انا الوحيد المعارض ده لا يبرر ولا يسمح لأى عضو انه يتكلم بالطريقة دى ويستخدم الالفاظ والتعبيرات اللى استخدمها مفيش حاجة اسمها اتنرفز والا يبقى اى حد يتنرفز من رأى حد مختلف معاه يقوم ياخده قلمين او يسحب طبنجته ويديله رصاصتين و بعدين تقول معلهش اصلو كان متنرفز؟! فى حاجة اسمها ثقافة الاختلاف وتقبل الرأى الأخر وفى حاجة اسمها المناقشة والحوار والاقناع بالحسنى وبالاسلوب الذى يليق بالمركز الاجتماعى والعلمى والثقافى والأخلاقى للاعضاء! النقد والاختلاف والاعتراض مباح ومطلوب ولكن بالاسلوب المهذب واللائق !! كمان يا أخى انا عضو من 10 اشهر مابعتش على المنتدى علبة رش مش سلاح يبقى ازاى عندى مصلحة بالعقل كده ؟؟؟؟؟؟؟؟!!!!!!!!!!!!!
owkean
11-12-06, 12:07 PM
بجد يا باشمهندس محمد ابو سيف انت كل يوم بتزيد في نظري اكتر واكتر ربنا يعوضك علي اللي انت بتعمله ويديك علي حسب نيتك والله يجازيك كل خير
goodzila
11-12-06, 05:01 PM
يا أخى انت بتتكلم صح فى موضوع المقاطعة ولكن ده غير اللى طالبه صاحب الموضوع كما فهمت وربما فهمت غلط . اللى انا فهمته ان الاستاذ محمد بيطالب تجار التجزئة اللى فى المنتدى بمقاطعة المستوردين وانا مازلت على رأيى ان ده هيضره هوا كتاجر محترم ولكن غيره من التجار مش هينضروا أما لو حضرتك بتقول انك تعمل دعوة للأعضاء بمقاطعة الشراء بوجه عام فده شيئ فى الاتجاه الصحيح وان كنت برده بشك فى مدى تأثيره ومدى التزام الاعضاء به ........ طيب ماتيجى نقولها بشكل افضل واكثر فاعلية ايه رأيك اننا نطلب من الادارة هنا وفى رابطة الصيد باغلاق منتدى السوق لمدة شهر ونكتب مغلق لمدة شهر للمقاطعة ايه رأيك ؟! اولا نشوف الاراء الحقيقية للأعضاء والتجار ثانيا نشوف مدى تغير سعر السلاح نتيجة لذلك وثالثا نضمن ان مفيش تاجر هيقاطع وتاجر تانى هيستغل الموقف ... كده رأيى ايجابى ولا لسة سلبى ؟؟؟

اما بالنسبة لرأى حضرتك فى اللى كتبه الاخ اولد هانتر فاعذرنى تبريرك خاطئ لأن حتى لو انا الوحيد المعارض ده لا يبرر ولا يسمح لأى عضو انه يتكلم بالطريقة دى ويستخدم الالفاظ والتعبيرات اللى استخدمها مفيش حاجة اسمها اتنرفز والا يبقى اى حد يتنرفز من رأى حد مختلف معاه يقوم ياخده قلمين او يسحب طبنجته ويديله رصاصتين و بعدين تقول معلهش اصلو كان متنرفز؟! فى حاجة اسمها ثقافة الاختلاف وتقبل الرأى الأخر وفى حاجة اسمها المناقشة والحوار والاقناع بالحسنى وبالاسلوب الذى يليق بالمركز الاجتماعى والعلمى والثقافى والأخلاقى للاعضاء! النقد والاختلاف والاعتراض مباح ومطلوب ولكن بالاسلوب المهذب واللائق !! كمان يا أخى انا عضو من 10 اشهر مابعتش على المنتدى علبة رش مش سلاح يبقى ازاى عندى مصلحة بالعقل كده ؟؟؟؟؟؟؟؟!!!!!!!!!!!!!

يباشا انت فهمتني غلط ان مش بقول انك عندك مصلحه انا بقول هيا ممكن تتفهم كده وانا عارف ان قصد حضرتك خير طبعا وانا مش بابرر كلام العضو الفاضل اولد هنتر انا بقول ممكن يكون سبب من الي خلاه يكتب كده انه شك ان حضرتك تاجر لكن طبعا لا يليق الاسلوب الي بيكلم بيه لان فعلا احنا بنتحاور واختلاف الرئي لايفسد للود قضيه وهو خرج عن اصول المحاوه وبداء بالهجوم وده غلط طبعا بس انا كان قصدي يعني اصالح بينكم عشان احنا هنا كلانا اخوه متحابين مينفعش يبقي في اتنين زعلانين من بعض ومندخلش لحل المشكله وانا طبعا بشكر حضرتك علي اسلوبك المهذب في الرد عليه وده ان كان يدل فهو يدل علي كرم اخلاقك واحترامك الشديد وربنا يديم المعروف بنسبه لموضوع غلق السوق ديه فكره جميله جدا وهيبقي ليها صدي جامد جدا لان المنتدي اعضاء كتير وزواره اكتر لما يلاقو ان في مقاطعه لشراء بسبب غلو الاسعار يبقا ممكن يتضامنوا لان من مصلحتهم نزول الاسعار بس انا رئي منقفلش قسم السوق كله نقفل قسم عروض المحلات لان دول هما الي مقصدوين اننا نوصلهم هذه الرساله وشكرا علي افكارك الجيده واسف ان كان بدر مني تعليق غير لاءق
saskon
11-12-06, 10:19 PM
يباشا انت فهمتني غلط ان مش بقول انك عندك مصلحه انا بقول هيا ممكن تتفهم كده وانا عارف ان قصد حضرتك خير طبعا وانا مش بابرر كلام العضو الفاضل اولد هنتر انا بقول ممكن يكون سبب من الي خلاه يكتب كده انه شك ان حضرتك تاجر لكن طبعا لا يليق الاسلوب الي بيكلم بيه لان فعلا احنا بنتحاور واختلاف الرئي لايفسد للود قضيه وهو خرج عن اصول المحاوه وبداء بالهجوم وده غلط طبعا بس انا كان قصدي يعني اصالح بينكم عشان احنا هنا كلانا اخوه متحابين مينفعش يبقي في اتنين زعلانين من بعض ومندخلش لحل المشكله وانا طبعا بشكر حضرتك علي اسلوبك المهذب في الرد عليه وده ان كان يدل فهو يدل علي كرم اخلاقك واحترامك الشديد وربنا يديم المعروف بنسبه لموضوع غلق السوق ديه فكره جميله جدا وهيبقي ليها صدي جامد جدا لان المنتدي اعضاء كتير وزواره اكتر لما يلاقو ان في مقاطعه لشراء بسبب غلو الاسعار يبقا ممكن يتضامنوا لان من مصلحتهم نزول الاسعار بس انا رئي منقفلش قسم السوق كله نقفل قسم عروض المحلات لان دول هما الي مقصدوين اننا نوصلهم هذه الرساله وشكرا علي افكارك الجيده واسف ان كان بدر مني تعليق غير لاءق

اشكرك على ردك المحترم واخلاقك العالية التى تدل على اصلك الطيب والمحترم. وصدقنى لو الحوار محترم زى حوارك كده هنوصل دائما لحلول افضل واكثر تأثيرا وقوة وانا ادعو صاحب الموضوع الاستاذ محمد انه يستكمل فكرته اللى هوا بدأها وذلك بطلب اغلاق السوق لمدة شهر من الادارة لتفعيل فكرته وبقوة وحتى لا يكون هوا وامثاله من التجار المحترمين الخاسر الوحيد من المقاطعة وطبعا الموضوع متروك للادارة واقتناعها بجدوى الموضوع واستعدادها للمساهمة فيه وهى ادارة واعية وعلى قدر المسئولية. وشكرا مرة اخرى
وليد سامى
11-12-07, 01:22 AM
يا ابو سيف اسبوع مش كفاية خليها حتى شهر لأخر السنة مش ليوم 12 علشان يحسوا بالضغط المطلوب لأنزال السعر انما اسبوع قليل ونقول كمان قابل للتجديد فى حالة عدم نزول الأسعار
kiko_2015
11-12-07, 08:47 AM
اشكرك على ردك المحترم واخلاقك العالية التى تدل على اصلك الطيب والمحترم. وصدقنى لو الحوار محترم زى حوارك كده هنوصل دائما لحلول افضل واكثر تأثيرا وقوة وانا ادعو صاحب الموضوع الاستاذ محمد انه يستكمل فكرته اللى هوا بدأها وذلك بطلب اغلاق السوق لمدة شهر من الادارة لتفعيل فكرته وبقوة وحتى لا يكون هوا وامثاله من التجار المحترمين الخاسر الوحيد من المقاطعة وطبعا الموضوع متروك للادارة واقتناعها بجدوى الموضوع واستعدادها للمساهمة فيه وهى ادارة واعية وعلى قدر المسئولية. وشكرا مرة اخرى

من قراءتي لتعليقاتك..انت راجل مهذب و محترم..
owkean
11-12-07, 12:22 PM
المشاركة الأصلية كتبت بواسطة ahmedmh_ali مشاهدة المشاركة
الله ينور أنا قلت يا أبو سيف يا بلاش .. أنا معاك يا باشا و حعمل أى محاولة و أى حاجة أنت تطلبها ، بس خلى بالك لو المنتدى كلة وقف معاك فى واحد بس أنت عارفة حيستغل الموضوع دة شمال بس عموما ربنا معاك ..
saskon
11-12-07, 04:52 PM
من قراءتي لتعليقاتك..انت راجل مهذب و محترم..

اشكرك وشهادة اعتز بها لانها من رجل يشهد له الجميع بالأمانة وحسن الخلق والاحترام. واتمنى ان فكرتك تنجح مش بس فى السلاح لا فى السلع الحياتية اللى اسعارها بتقفز قفزات تزيد من اعباء الناس وتصعب معيشتهم بشكل غير مسبوق وشكرا
bedro_ak
11-12-07, 05:49 PM
جزاك الله خير يا ابو سيف و ربنا يكرمك يت رب و يوسع عليك و يديك على اد نيتك
bedro_ak
11-12-07, 05:51 PM
واللة يا ابو سيف انت راجل محترم جدا وانت الوحيد اللى بتقول الحقيقة فى المنتددة دة وانا كنت انزل الموضوع دة لااكن انت سبقتنى واحنا الاتنين واحد اكنى انا اللى نزلتو بالظبط وانا واللة مكنتش برد على اى حد فى المنتددى لان كان فى بعض تجاوزات حصلت فى المنتددى وكنت بخش متفرج بس لااكن موضوعك دة شدنى جدا وعاجبنى شجاعتك والثورة تتشرف بواحد زى حضرتك وانا مقاطع الشراء من ساعة الاستغلاال اللى بيحصل دة وخلى بالك يا ابو سيف احننا اللى ادناهم فرصة يعملوا فينا كدة لان فى ناس بتشترى وتكبر دماغها بس بردو بايدينا نخلى الاسعار ترجع زى ما قبل الثورة بس لازم نكون ادينا فى بعض كلنا ولازم التجار الاول اللى فى المنتددى وعلى فكرة انا عضو فى ائتلاف شباب الثورة وانا بقالى 10 ايام فى ميدان التحرير بنام فى الميدان تحت الخيمة فى عز الساقعة لانى بحب وطنى وحالا بكلمك من الاب توب وانا فى الميدان وتحيا مصر رغم انف الحاكم العسكرى

اسمحلى اختلف معاك يا باشا فجملة واحدة مع احترامى الشديد جدا لابو سيف و لكن الثورة لا تتشرف بنتماء اى شخص لها للمرة الثانية مع احترامى الشديد جدا لابو سيف و لكل من شارك بها و لكننا كلنا نتشرف بنتمائنا لها
TITODJ
11-12-07, 11:46 PM
اسمحلى اختلف معاك يا باشا فجملة واحدة مع احترامى الشديد جدا لابو سيف و لكن الثورة لا تتشرف بنتماء اى شخص لها للمرة الثانية مع احترامى الشديد جدا لابو سيف و لكل من شارك بها و لكننا كلنا نتشرف بنتمائنا لها




تختلف معايا براحتك مفيش اى مشكلة بس انا اختلف معاك فى انك تقول الثورة متتشرفشى بانسان مصرى للمرة التانية لان المصريين هما اصحاب الثورة وطلاما البلد بايظة ولسة حرامية مبارك المخلوغ لسة موجودة والبلد بتتاخر مش بتتقدم من حقنا نعمل ثورة تانية وتالتة وانا عزرك لانك مش بتنزل ميدان التحرير وتشوف الدنيا ماشية هناك ازاى لما تنزل اتعرف قيمة كلامى دة وربنا لا يضيع اجر من احسن عملا وانشاء اللة تعبنا مش ايروح للفاضى وانفضضل نداف عن بلدنا حتى الموت وتحيا مصر ويسقط عملاء المخلوع فلول النظام
القناص العالمي
11-12-07, 11:56 PM
+11111111111111111
bedro_ak
11-12-09, 11:11 AM
تختلف معايا براحتك مفيش اى مشكلة بس انا اختلف معاك فى انك تقول الثورة متتشرفشى بانسان مصرى للمرة التانية لان المصريين هما اصحاب الثورة وطلاما البلد بايظة ولسة حرامية مبارك المخلوغ لسة موجودة والبلد بتتاخر مش بتتقدم من حقنا نعمل ثورة تانية وتالتة وانا عزرك لانك مش بتنزل ميدان التحرير وتشوف الدنيا ماشية هناك ازاى لما تنزل اتعرف قيمة كلامى دة وربنا لا يضيع اجر من احسن عملا وانشاء اللة تعبنا مش ايروح للفاضى وانفضضل نداف عن بلدنا حتى الموت وتحيا مصر ويسقط عملاء المخلوع فلول النظام

معلش يا باشا انت ممكن فهمت قصدى غلط انا اقصد اننا كلنا اللى بنتشرف بيها و على فكرة انا بنزل الميدان و لاحظت فرق كبييييييير بين ايام يناير و دلوقتى ايام يناير كان الميدان كلة حاجة واحدة دلوقتى الميدان عبارة عن شلل غريبة تهت فيها
TITODJ
11-12-10, 03:50 AM
معلش يا باشا انت ممكن فهمت قصدى غلط انا اقصد اننا كلنا اللى بنتشرف بيها و على فكرة انا بنزل الميدان و لاحظت فرق كبييييييير بين ايام يناير و دلوقتى ايام يناير كان الميدان كلة حاجة واحدة دلوقتى الميدان عبارة عن شلل غريبة تهت فيها



ولا معلشى ولا حاجة يا باشا احنا هنا كلنا اخوات ومفيش اسف بينا ولا اى حاجة والاختلاف فى الشىء لا يفسد فى الود قضية وانا تحت امرك فى اى تعليق ويارب مصر تكون احلى بلد فى العالم كلو واهم حاجة نكون كلنا ايد واحدة
forexawy
11-12-10, 05:38 AM
أنا مقاطع محلات السلاح بقالي 6 شهور لأنهم ببساطة بيستهبلوا...عارف ان الموضوع عرض و طلب بس طالما عندي اللي مكفيني أشتري زيادة ليه...لو كل واحد عنده طبنجة أو اتنين و عاوز يشتري تاني أو يغير يا ريت يفكر ألف مرة قبل ما يشتري....يعني أنا مثلا بقالي فترة طويلة عاوز أجيب فيرات ماجنم بس الأسعار مش عاجباني فالنتيجة ان مشتريتش....
sadaany
11-12-10, 06:07 AM
هيا المهزله دى مش هتقف ياابو سيف ولا ايه شكلى هجبلك الرجاله واجى نوقفها هههااااااااااااااااااااااااااا
أحمد عطاالله إبراهيم
11-12-10, 12:23 PM
متضامن معاكوا ,,, انا والله نفسى اجيب الجاكال ديول بس الاسعار مش عاجبانى
أحمد عطاالله إبراهيم
11-12-10, 12:23 PM
ويا ريت كلنا ما نشتريش الا لما الاسعار تنزل :(
owkean
11-12-10, 01:17 PM
يا جماعه انتم عايزين تشتروا انواع معينا بس احنا في الصعيد مفيش عندنا غير التركي الجاكال بس وب 1350 وده سعر نهائي ومش تجار اللي بيبيعوها لا المكتبات العاديه والكلمه المعتاده عند الفصال هو ده السعر وان كان عاجبك
وشكررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر ررررا
ahmedragab
11-12-10, 01:51 PM
اخى owkeanانتى من فين فى الصعيد
owkean
11-12-11, 02:26 PM
انا من سوهاج مركز طما
bedro_ak
11-12-11, 05:36 PM
ولا معلشى ولا حاجة يا باشا احنا هنا كلنا اخوات ومفيش اسف بينا ولا اى حاجة والاختلاف فى الشىء لا يفسد فى الود قضية وانا تحت امرك فى اى تعليق ويارب مصر تكون احلى بلد فى العالم كلو واهم حاجة نكون كلنا ايد واحدة

ربنا يخليك يا باشا و ربنا يديم المعروف


و معلش انا مخدتش بالى من التوقيع بتاعك غير دلوقتى البقاء لله و ربنا يا رب يرحمها و يدخلها فسيح جناتة و يصبركم
owkean
11-12-12, 01:51 PM
ربنا يعزي الجميع
أبو يوسف المصري
11-12-13, 12:26 AM
أنا جديد هنا وكنت أبحث عن مسدس صوت بلي للدفاع عن النفس
وأنا مهندس حاسب آلي وعملت بحث مفصل عن الاسعار علي الإنترنت خلال فترات زمنية مختلفة علي مدار الأشهر الماضية ، رغم أن علاقتي مع الأسلحه حديثة جداً لا تتعدي يومين لأننا نتعرض لتهددات مستمرة لطبيعة سكني في منطقة نائيه
ولاحظت ان الأسعار تضاعفت في آخر شهرين بطريقة جنونية وأنا متضامن معاكم وهاقاطع الشراء رغم حاجتي إليه
لأن شهرين ليس فتره مقنعة اقتصادياً لإيجاد مبرر أن زيادة الأسعار بناء علي الطلب وأن الناس بتشتري كتير
بالعكس اللي اشترى اشتري من أول الثورة
الزيادة الحالية بدون شك مفتعلة بل أعتقد أن سببها أن بعض المستوردين انخفض معدل بيع التجزئه بالنسبه له فقام برفع سعر الجملة ليجبر الناس علي الشراء منه كتجزئه وبالتالي حرق تجار التجزئه وإخراجهم من اللعبه وفي نفس الوقت تعويض الربح الضائع من انخفاض الطلب بزيادة السعر
هذا رأيي مع احترامي للجميع
وأنا متضامن مع المقاطعه ومع الأستاذ المحترم محمد أبو سيف وأحسبه من الصادقين
وأبشره بقول النبي صلي الله عليه وسلم " التاجر الصدوق مع النبيين والصدقيين والشهداء يوم القيامة"
بارك الله فيكم
owkean
11-12-13, 02:11 PM
اهلا وسلا بيك وانتي بجد شرفتنا ونورت المنتدي معانا
owkean
11-12-13, 02:14 PM
حضرتك ابحس عن موضوعات اسمها ( لعرض العالمي من ابو سيف او عرض المدمر للمسدسات الصوت مع ضمان ضد عيوب الصناعه ‏ ) او دور علي الاستاذ محمد صابر وكل اللي في المنتدي ناس زي الفل وجدعان جداااااااااااااااااااا
bedro_ak
11-12-13, 10:25 PM
يا ريت يا باشا تقولنا نتيجة المقاطعة اية و الاسعار اتغيرت ولا لا
Tito100
11-12-13, 11:34 PM
هيا المهزله دى مش هتقف ياابو سيف ولا ايه شكلى هجبلك الرجاله واجى نوقفها هههااااااااااااااااااااااااااا

هههههههههههههههه قلبك أبيض يا دكتره .... أبو السيوف لوحده كفايه و قدها وقدود :)
sadaany
11-12-13, 11:47 PM
هههههههههههههههه قلب أبيض يا دكتره .... أبو السيوف لوحده كفايه و قدها وقدود :)

عجبك يعنى ياعم محمد المهزله اللى حاصله دى امال لو مكنش تاجر سلاح كان عمل ايه كده هيخلى تجار النبابييت يكله وشنا ومش هنعرف نتكلم تانى لازم المهزله دى تقف وفورآ ههههههههههاااااااااااااااااا
حبيبى ياابو سيف والله شكلك بيبقى زى العسل وانتا متنرفز وعامل موضيع جامده اول متتزنق كلمنا وحنا نجيلك جرى هههههااااااااااااااا
bedro_ak
11-12-14, 12:01 AM
عجبك يعنى ياعم محمد المهزله اللى حاصله دى امال لو مكنش تاجر سلاح كان عمل ايه كده هيخلى تجار النبابييت يكله وشنا ومش هنعرف نتكلم تانى لازم المهزله دى تقف وفورآ ههههههههههاااااااااااااااااا
حبيبى ياابو سيف والله شكلك بيبقى زى العسل وانتا متنرفز وعامل موضيع جامده اول متتزنق كلمنا وحنا نجيلك جرى هههههااااااااااااااا

تصدق يا باشا فكرة بلا مسدسات بلا وجع قلب هو النبوت بكام اليومين دول
owkean
11-12-14, 11:23 AM
تصدق يا باشا فكرة بلا مسدسات بلا وجع قلب هو النبوت بكام اليومين دول

طبعا هو والنبله عشان من غير ترخيص ولا وقفه قدام ظابط و (س) و( ج)
sadaany
11-12-14, 07:50 PM
http://www.youtube.com/watch?v=vmlVApq70pM&feature=share
حبيبى ياابو سيف علشان تعرف ان وراك رجاله
Tito100
11-12-14, 08:07 PM
عجبك يعنى ياعم محمد المهزله اللى حاصله دى امال لو مكنش تاجر سلاح كان عمل ايه كده هيخلى تجار النبابييت يكله وشنا ومش هنعرف نتكلم تانى لازم المهزله دى تقف وفورآ ههههههههههاااااااااااااااااا
حبيبى ياابو سيف والله شكلك بيبقى زى العسل وانتا متنرفز وعامل موضيع جامده اول متتزنق كلمنا وحنا نجيلك جرى هههههااااااااااااااا

هههههههههههههههههههههه وبمناسبة المهزلة دى يا أبو السيوف هى التونا بكام دلوقتى :) وفى منها دايت ولا لأه :rolleyes:
owkean
11-12-14, 08:08 PM
http://www.youtube.com/watch?v=vmlvapq70pm&feature=share
حبيبى ياابو سيف علشان تعرف ان وراك رجاله
عايز منه 3 بس علي وجه السرعه
bedro_ak
11-12-15, 03:15 PM
طبعا هو والنبله عشان من غير ترخيص ولا وقفه قدام ظابط و (س) و( ج)

اة منغير وجع دماغ و النبلة كمان جامدة نعمل زى الطفشان (فيلم شمس الزناتى)
Compact
11-12-15, 06:23 PM
بالاسعار دى تبقى تى سى بوى هيا التونه :)

هى ازاى الاسعار تعلى و الناس كلها اشترت و اكيد الطلب قل و مش زى الاول !!؟؟

ده الحى سعروا نزل كتير فى المستعمل

دى مش تجارة , ده احتكار و افترا كمان

ربنا معاك يا ابو سيف انته و التجار المحترمين اللى زيك , ربنا معاكوا على البيج بوس :)
owkean
11-12-16, 03:23 PM
علي راي الاستاذ محمد صابر بيقولك الناس من خوفها اني الاسعار تعلي تاني فابتشتري علي الغالي وكل ما تغلا يشتروا