المساعد الشخصي الرقمي

مشاهدة النسخة كاملة : جوبا 6 اكتوبر

gamal abdelhak
10-04-04, 06:11 PM
جوبا هو قناص العراق
واليوم جوبا اليمام فى 6 اكتوبر اتيت زيارة الى اختى واخدت معىhunter real tree ونزلت اصيد اليمام
فى جناين اكتوبر اعذرونى ياجماعة اليمام عندكم فى القاهرة كتير اوى اكثر من الاسكندرية سامحونى لهذا الاعتداء السافر ولكم الصور . جمال عبد الحق .

http://img220.imageshack.us/img220/7686/hg006.jpg
http://img69.imageshack.us/img69/3071/hg001.jpg
http://img69.imageshack.us/img69/285/hg004.jpg
http://img693.imageshack.us/img693/1684/hg005a.jpg
البورسعيدي
10-04-04, 06:54 PM
السلام عليكم ورحمة الله وبركاته
بسم الله ما شاء الله ، ايه الجمال ده يا أستاذ جمال ؟ ، بجد صور تحفز الواحد إنه يطلع يصطاد حالا ، سلمت يداك ، بس كنت عايز أقول لحضرتك خلي بالك علشان المنظار ممكن يعمل مشكله علشان حضرتك في قلب البلد مش في مناطق زراعيه أو صحراويه ، وبالتوفيق في كل طلعاتك إن شاء الله وصيد وفير في كل مره .
gamal abdelhak
10-04-04, 08:24 PM
حبيب قلبى
بور سعيدى :- اشكرك على التعليق و النصيحة .
أسامه خطاب
10-04-04, 09:01 PM
الله ينور يا جمال بيه
صيد موفق ان شاء الله وجميل وربنا يزيدك
فيه شقة على شمالك كده في الخامس مكتوب عليها للبيع ممكن لو تعرف التفاصيل ياريت تقول لي
هشام سمير
10-04-04, 09:15 PM
ما شاء الله ربنا يبركلك فى صيدى يا استاذ جمال بس زى ما قالك الاستاذ البورسعيدى المنظار من القضايا الحساسه جداً فى جهاز امن الدوله يعنى خلى بالك وربالهنا والشفا
gamal abdelhak
10-04-05, 12:26 AM
سمسم باشا
اشكرك وعلى فكرة انا سالتلك على الشقة خلو ورجل عنزتين والمقدم صدر حمامتين وقسط يمامتين كل شهر ...

مع تحيات :- جمال عبد الحق
gamal abdelhak
10-04-05, 12:32 AM
هشام باشا
اشكرك بس ياريت تغير توقيعك علشان انت ما تعرفش انا لابس الكاب ليه .
BooGY
10-04-05, 01:11 AM
هههههههههههههههه انا بقى عرفت يا استاذ جمال وربنا يديك الصحة وطولة العمر ويرزقك من وسع بالحلال احنا وانت .. امين
noricawy isa
10-04-05, 07:02 AM
الله ينور يااستاز جلال والله حاجه تفتح النفس فعلا وبارك الله لك في صيدك وماشاء الله حضرتك فنان اصابات في الراس ودي حاجه ان دلت فتدل علي براعة الصياد المحترف - تقبل تحياتي - ن و ر ي ك ا و ي
noricawy isa
10-04-05, 07:03 AM
عفوا الاستاز جمال مش جلال هههههههه - ياصباح الزهايمر
the king angel
10-04-05, 11:00 AM
بيـان اداراى

بعدما تعرض يمام القاهره لهجوم عنيف من قبل الاستاذ جمال

والذي يحمل hunter real tree قررنا الاتى

العين بالعين واليمام باليمام والبيقه للقناص الافضل

وعليه قررنا الاتى

حملات قنص جباره تستهدف كل اليمام بأراضى عروس البحر المتوسط
واستخدام كافه الاسحله والوسائل المتاحه

والزام الاستاذ جمال بتعويض اهالى الضحايا ودفع اللازم

امضاء

لواء مهندس احمد
مديريه امن اليمام

الشـــرقيه
body77
10-04-05, 05:40 PM
أ / جمال ايه الحلاوه والجمال ده الله ينور
بس اعذرنى ......انا من اهالى القاهره دلوقت ومضطر اساند اللواء احمد مدير امن اليمام من اجل الامن القومى القاهرى .... ولكن نتيجه الجذور العائليه حتواجد فى الاسكندريه الاسبوع القادم باذن الله فاذا كانت هناك عزومه؟؟؟؟؟
ممكن ساعتها انضم الى اهل المقاومه هناك مع حضرتك؟؟؟؟؟؟؟؟؟؟؟ وفكر وبالهنا والشفا
glock800
10-04-06, 03:37 AM
ما شاء الله تبارك الله بالهناء والشفاء يا استاذ جمال .
galal khalifa
10-04-06, 10:33 AM
ماشي يا باشا تنزل القاهرة من غير ولا حس ولا خبر عندك حق كبير يا جمال بس كلة علشان خاطر عيونك نورت مصر
mohamed th15
10-04-08, 09:38 PM
ايه الجمل ده يا باشا