مشاهدة النسخة كاملة : عايز اشترى نوريكا حد يساعدنى مبتدأ
the king angel 10-04-03, 11:40 AM السلام عليكم ورحمه الله وبركاته
الحمد لله ربنا بس يتملى على خير قربت اخلص من البندقيه معادى
اللى اشتريتها بـ 500 جنيه على 450 جنيه ربنا يسهل
ونا عايز احط كمان عليهم 600 جنيه على 450 واشترى بندقيه كويسه
يعنى يجماعه فى المتوسط 1100 جنيه يزيد يقل حاجات بسيطه
وعادى ممكن الواحد يضحى لو حاجه كويسه
انا فى الاولى كنت ضحيه لجهلى واليندقيه المعادى
بس لما شوفت المنتدى الروعه ده وبصراحه ميزه الناس هنا
هواه وفاهمين كويسين اوى ماشاء الله خبره جامده
قولت اكيد حتساعدونى
ممكن الاسعار يالغاليين والنوع المناسب والصور
انا من الشرقيه وكليتى بالمنصوره
لو عاوز نوركا عندى نوركا 56 للبيع جديدة وجميلة جدة وده تيلفونى / 0111052311
محمد يونس 10-04-03, 02:11 PM السلام عليكم ورحمة الله وبركاته
انا من رايى الشخصى انك تستنى شويه لحد لما تجمع مبلغ اعلى شويه وتحاول تجيب بندقيه جامو لانها اقوى واجمد وامتن لان بالرغم من ان النوركا بندقيه جميله الا انى سمعت ان مشاكلها كتير وكمان بندقيه حساسه وصيانتها صعبه
وربنا يكرمك ببندقيه جميله ويرزقك من خيرها ويكفيك شرها
وعلى فكرة انا برده من الشرقيه .....................
the king angel 10-04-03, 07:18 PM ربنا يكرمك يا استاذ محمد متشكر جدا على ردك الجميل والمهذب علي
عن جد انته انسان قمه فى الاحترام ربنا يسعدك
ولكن اخى ممكن مواصفات للجامو
صور
اسعار
وكده
وربنا يكرمك يالطيب
ولكنى اخبرنى من اى مكان بالشرقيه
the king angel 10-04-03, 07:19 PM لو عاوز نوركا عندى نوركا 56 للبيع جديدة وجميلة جدة وده تيلفونى / 0111052311
انا جاد اخى والله
ممكن ترفع ليا الصور
وعايز فيها كام
وكمان منين اخى ساكن
the king angel 10-04-03, 07:22 PM لو عاوز نوركا عندى نوركا 56 للبيع جديدة وجميلة جدة وده تيلفونى / 0111052311
انا جاد اخى والله
ممكن ترفع ليا الصور
وعايز فيها كام
وكمان منين اخى ساكن
انشاء الله هصورها وانزلها
محمد يونس 10-04-04, 02:35 AM اخى فى الله انا من مدينه فاقوس واكيد انت سمعت عنها وانا يشرفنى اننا نكون اصدقاء
والله ولى التوفيق
هشام سمير 10-04-04, 06:38 PM اخى النوريكا من اجمل البنادق الموجوده فى مصر بعد البى اس والديانا ودول طبعاً اسعارهم فووووووووق وهى ايضاً قويه جداً ومتينه من حيث الصناعه واعطلها قليله او شبه معدومه مع المحافظه عليها وفى منها النوريكا جيت خرااااااافه والله ما شاء الله عليها بس بالنسبه للسعر اللى انت قولته ممكن تجيب بيه نوريكا 61 هى بنقيه كويسه ورائعه للضرب من فوق الاشجار وهى سعرها1100 جنيه وفى وحده عند الاستاذ عادل رائعه عرضها على 700 جنيه ممكن تدخل الموضوع الخاص بيه اما لو حبيت تعرف سعر ويكا جيت فهو 1700 لعيار 177 نمره 1 و3000 جنيه لعيار 22 نمره 2 وعلى فكره انا بندقيتى نوريكاجيت نمره واحد ارجو ان اكون قد افدتك بالتوفيق دائماً
the king angel 10-04-04, 08:32 PM اخى فى الله انا من مدينه فاقوس واكيد انت سمعت عنها وانا يشرفنى اننا نكون اصدقاء
والله ولى التوفيق
رد مع اقتباس
الشرف ليا انا والله انا كمان من فاقوس
وتحديدا من الصوالح
ويشرفنى اتعرف بحضرتك
the king angel 10-04-04, 08:35 PM اخى النوريكا من اجمل البنادق الموجوده فى مصر بعد البى اس والديانا ودول طبعاً اسعارهم فووووووووق وهى ايضاً قويه جداً ومتينه من حيث الصناعه واعطلها قليله او شبه معدومه مع المحافظه عليها وفى منها النوريكا جيت خرااااااافه والله ما شاء الله عليها بس بالنسبه للسعر اللى انت قولته ممكن تجيب بيه نوريكا 61 هى بنقيه كويسه ورائعه للضرب من فوق الاشجار وهى سعرها1100 جنيه وفى وحده عند الاستاذ عادل رائعه عرضها على 700 جنيه ممكن تدخل الموضوع الخاص بيه اما لو حبيت تعرف سعر ويكا جيت فهو 1700 لعيار 177 نمره 1 و3000 جنيه لعيار 22 نمره 2 وعلى فكره انا بندقيتى نوريكاجيت نمره واحد ارجو ان اكون قد افدتك بالتوفيق دائماً
بسم الله ماشاء الله استاذ هشام على حضرتك
بما ان حضرتك فاهم فى النوريكا ان مش حسيبك الا لما تذكرلى لو سمحت
انواعهم واسعارهم يعنى انا معاك لعند 1250 جنيه
والافضل الواحد ممكن يضحى يعنى لو فى حاجه كويسه
هشام سمير 10-04-04, 09:45 PM مبدأياًسيبك من موضوع حضرتك ده احنا تقريباً فى سن بعض انا فى حقوق طنطا
ثانياً صعب ان احصر كل موديلات نوريكا بس ممكن اديلك نماذج لغاية السعر اللى انتا طرحه اولاً نوريكا 56 هى بندقيه وزنها خفيف رائعة للمبتدأين واصحاب البنيه الضعيفه ودى بعض المعلومات عنها
Norica 56
Norica 56 4.5 length 954 weight 2.3kg speed 180m/s
الطول 954 مم
طول الماسورة 404 مم
الوزن 2.3 كيلو جرام
السرعة 180 متر فى الثانية
وقطع غيرها موجوده بإستسناء النشنكاه الخلفى والزناد
وسعرها 1000
ثانياً نوريكا 61
الطول 1030
الوزن 2.5kg
السرعة
180m/s - 590f/s
وهى رائعه وقوتها معقوله
اللى بعد كده بقا اغلى من السعر اللى انتا طرحه
ابتدأ من نوريكا سبورت
والنوريكا جيت انا كلمتك عليها بس نصيحه عليك بالجيت والله هى تساوى اكتر من سعرها
بالتوفيق
هشام سمير 10-04-04, 09:47 PM اه نوريكا 61 سعرها 1200 ونوريكا سبورت 1350 ونوريكا جيت 1700 عيار 177
هشام سمير 10-04-04, 09:58 PM مبدأياًسيبك من موضوع حضرتك ده احنا تقريباً فى سن بعض انا فى حقوق طنطا
ثانياً صعب ان احصر كل موديلات نوريكا بس ممكن اديلك نماذج لغاية السعر اللى انتا طرحه اولاً نوريكا 56 هى بندقيه وزنها خفيف رائعة للمبتدأين واصحاب البنيه الضعيفه ودى بعض المعلومات عنها
Norica 56
Norica 56 4.5 length 954 weight 2.3kg speed 180m/s
الطول 954 مم
طول الماسورة 404 مم
الوزن 2.3 كيلو جرام
السرعة 180 متر فى الثانية
وقطع غيرها موجوده بإستسناء النشنكاه الخلفى والزناد
وسعرها 1000
ثانياً نوريكا 61
الطول 1030
الوزن 2.5kg
السرعة
180m/s - 590f/s
وهى رائعه وقوتها معقوله
اللى بعد كده بقا اغلى من السعر اللى انتا طرحه
ابتدأ من نوريكا سبورت
والنوريكا جيت انا كلمتك عليها بس نصيحه عليك بالجيت والله هى تساوى اكتر من سعرها
بالتوفيق
the king angel 10-04-04, 10:03 PM ماشى يعم هشام اخوك احمد هندسه المنصوره
ممكن ايميلم لو سمحت تضيفنى
faris_elromansia54@yahoo.com
لو معندكش مانع
هشام سمير 10-04-04, 10:27 PM يا احمد باشا ان اتشرف بأنى اضيف سيدتك
إيملى
hesham_h30@yahoo.com
اخى كينج انجل انا عندى نوركا جيت نمرة واحد ممكن ابيعهالك ب 1500 بس حاخد منك 1250 اللى معاك واصبر عليك لحد ما تكمل ال250 الباقيين
the king angel 10-04-05, 09:31 AM تمت الاضافه يكبير
اسف هشام باشا
هل هناك فرق كبير بين
نوريكا 61 سعرها 1200 ونوريكا سبورت 1350
ارجو التوضيح
the king angel 10-04-05, 09:32 AM اخى كينج انجل انا عندى نوركا جيت نمرة واحد ممكن ابيعهالك ب 1500 بس حاخد منك 1250 اللى معاك واصبر عليك لحد ما تكمل ال250 الباقيين
رد مع اقتباس
على بركه الله استاذ حسام ولكنى ممكن تقولى مواصفاتها
يعنى شغاله كام عندك
صور ليها ترفعها نشوفها
مغيره حاجه ولا لا
لو معاها تلسكوب
وسكن حضرتك للتواصل
هشام سمير 10-04-05, 10:00 AM النوريكا سبورت افضل توحى لك با لفخامه وعمليه اكتر شويه بس ممكن تلقيها اغلى من السعر اللى قولتلك عليه فى حدود 100 جيه مع ان سعرها دلوقتى عن الشيخ مجدى 1350 جنيه
بص يا احمد عدى الترم ده لغايه ما تجمع كمان 400 جنيه على المبلغ اللى معاك ونجبولك الجيت لانها بجد من تحف شركه نوريكا
وهى بالمقارنه بين البنادق الاخرى من نوريكا من حيث القوه والكفاءه والعمليه تساوى ضعف ثمنها
the king angel 10-04-05, 10:58 AM والله عيبى يعم هشام انى لما بحط حاجه فى دماغى بتعجل فيها ولازم بعملها
وده بيكلفنى كتير فى حياتى
بس بإذن الله اخد كلامك بعين الاهميه
هشام سمير 10-04-05, 11:18 AM يا سيدى عادى انتا ممكن تجيب نوريكا 61 او 73 هم كويسين والله وعلى فكره انا كمان مبعرفش استحمل لما بكون عايز اشترى حاجه بكون عامل زى المسروع
بالنسبة لحالتها دلوقتى فهى كويسة أما مغيرة حاجة ولا لأ فأنا معرفش لأنى يد تانبة مش صاحبها الأصلى فانا شاريها مستعملة والصور حرفعهالك كمان كام يوم ان شاء الله وانبهك ان الدبشك (الجزء الخشبى بحالة 75% تقريبا) وسيب رقم تليفونك وانا ان شاء الله اتصل بيك لأن انا من طنطا فحنحتاج نضبط مكان نتقابل فيه وطبعا معهاش تلسكوب كل كلام الأعضاء فى موضوعك ده عن سعر البندقية فقط وانا اساسا معنديش تلسكوبات
احمدمرسى 10-04-05, 05:28 PM متشكر جدا ياجماعه انا خلاص جاتلى بندقيه من دبى جامو هانتر 440 بس عاوز اعرف رايكم فيه افيدونى ايها القاده
هشام سمير 10-04-16, 09:55 AM متشكر جدا ياجماعه انا خلاص جاتلى بندقيه من دبى جامو هانتر 440 بس عاوز اعرف رايكم فيه افيدونى ايها القاده
جامو 440 ترفع لها القبعه اقل وصف رائعه
salembeshir 10-04-25, 12:47 AM اخى العزيزانامن هواةالصيدولدى خبرةطويلةفى اقتناء الاسلحةوافضلها هو الديانا الالمانى والبى اس الانجلىزى ولكنها غاليةالثمن ولكن انصحك بشراء نوريكاجيت اوالتشيىكى وثمنهما فى حدود 1500
Gamohunter 10-04-25, 09:39 AM انا كان عندى نوريكا مارفيك جولد وجربت نوريكا جيت ونوريكا ويست
التلاته زى بعض من حيث طول البلف اللى هوه مسؤول عن قو البندقيه وانا رايى تشتر اى نوع من التلاته دول لان باقى انواع النوريكا بيكون البلف قصير ولما السوسته الاصليه بتضعف ما بترجعش البندقيه قويه تانى لان اغلب السوست اللى فى السوق مش مضمونه والبندقيه ما ترجعش زى ما كانت
فنصيحتى انك تجيب اى نوع من التلاته دول لانك حتى لو حطيت لها اى سوسته هاترجع قويه ومش مشكله تشتريها مستعمله بشرط تكون حالتها معقوله
اما بالنسبه للجيت نمره واحد انا شايفها زيرو لم تستعمل ب 1600 عند فتح الله فى محطه مصر من حوالى تلات شهور لكن نمره اتنين افضل بكتير لانها ما بتسرقش اليمام
شىء مهم كمان ان الجيت الجلبه بتاعتها جلد مش بلاستيك ولو اتركنت فتره طويله جدا ممكن الجلد يبوظ وتيجى تضرب تلقاها ضعيفه فى الحاله دى هاتستبدلها بجلبه بلاستيك وترجع البندقيه زى ما كانت وده حل مع واحد صاحبى اشتراها جديده وبعد يومين ضعفت جدا واكتشف ان الجلبه مهريه وبايظه ولما ركبت الجلبه البلاستيك رجعت قويه تانى
لعلى اكون افدتك وتقبل مرورى
|