السلام عليكم ورحمة الله وبركاته
بعد إذنكم يا جماعه أنا عايز أستفسر عن أقصي مدي للخرطوش وعن المدي المؤثر ؟!! ، وكنت عايز أعرف يعني ايه قوة التفجير في أنواع الخرطوش المختلفه والفرق في الإستعمال من بندقيه لأخري ! ، شكرا لكم مقدما ، وتحياتي للجميع

بضم صوتي لصوتك ويارييييت حد يرض علينا

فين الخبراء في المنتدي بنسال عن مدي الخرطوش وخاصه12 م علي بعد 30متر ولو هضرب علي الطاير اعمل ايه وهل هناك طريقه لزياده مدي البندقيه الخرطوش رجا الرد من الخبراء وهم كثر

دة بيتوقف على التشوك
لو فول تشوك ممكن يوصل المدى الى 50 متر

دة بيتوقف على التشوك
لو فول تشوك ممكن يوصل المدى الى 50 متر
الف شكر علي ردك بس ممكن توضيح اكتر ايه فكره عمل التشوك هذا وكمان هل هو منا سب لجميع البنادق الخرطوش ولا ايه ومنين اجيب التشوك وبكام ياريت الافاده بقدر المتاح

[بناق الخرطوش تكون مدياتها القاتله بحدود 50-70متر وتعتمد على نوع الخرطوش من ناحية عادي او مكنم او سوبر مكنم وكذلك نوع التشوك والتشوك هو اسطوانه تعمل تضييق في فوهة الماسوره لغرض ايصال الى ابعد مدى والبعض يعطي اهميه لطول الماسوره في زيادة المدى المؤثر والبنادق المفرده غالبا ماتحوي تشوك لكن الاتومتيك والاوفر فيها وطبعا كل بندقيه لها تشوكات خاصه بها والتشوك تجي من chockاي خنق او تضييق وهذه صور التشوكات
http://www.iraqup.com/up/20110319/60ffE-Qw1W_96153066.jpg (http://www.iraqup.com/)

ممكن بعد اذنك معلومات عن البدقية البامب اكشن

اخي البمب اكشن هي بنادق مش اتومتيكيه لكن تعمل بفعل سحب الحاضن الى الخلف والامام(مثل المنفاخ او الpump( الذي يرتبط بمجموعة الترباس والابره لغرض اخراج الضرف الفارغ وتعبئة اطلاقه جديده وهي مرغوبه خصوصا باسلحة الدفاع المنزلي والشخصي لانها بدون توقفات تقريبا عكس الاتومتيك وتستخدم كذلك بالصيد

شكرا يا باشا على هذا الرد الوافى وجزاك اللة خيرا

thanks essam
how can i contact u if u dont mind?

الف شكر لاخي من العراق دايما تبهرنا بردودك العطره بس الجزء الاهم لو هضرب علي الطاير اعمل ايه اسبق للطيره ولا انشن فيها علي طول ولا ايه اكيد انت خبره وهتفيدني لاني مش عارف بالضبط الكيفيه واصول اللعبه

تحيه لمحبي الخرطوش وياريت التفاعل والرد علي الاسئله دي شكرا

اخي العزيز عمليه الصيد على الطاير يحتاج تدريب وهناك عدة طرق
الاولى :وهي انه ترمي على الطير بشكل عشوائي ومباشروقد تصيب وقد تخطيء وهذا يستخدمه المستجدين ونسبة الخطا كبيره وتنفع اذا كان الطير مقبل اومدبر.

الطريقه الثانيه :انه تتحرك مع الطير وتسبقه بمسافه ثم توقف حركة ايديك وتطلق النار وطبعا تعتمد هذة الطريقه على التدريب وتقدير المسافه ونسبه الخطا فيها موجوده واقل من السابقه وقلت تعتمد على الممارسه وتصحيح الخطا طبعا السرع مختلفه عند الحيوانات لذا اقول بالتجربه .

الطريقه الثالثه: تسمى سوينج و هناتحرك ايديك بمسافات معلومه لكل نوع من الطيور تسبق بها الطير وانته مستمر بالحركه تطلق النار
المسافات التي تسبق بيها الطائر حسب النوع
أ/البط 3متر لبعد 30 متر.
ب/الفيزنت 2,20 مترلبعد 30 متر.
ج/الحمام 4متر لبعد 30 متر.
استاذنا في جمعيه الصيد يقول ان الطريقه الثالثه اظبط لكن تحتاج الى تدريب
انا استخدم الثانيه اسهل لكن نسبة الخطا اكبر

اخى العزيز الرماية بالخرطوش على الطاير تحتاج ممارسة كبيرة وكل نوع من الطيور لية طريقة معينة فى ضربة حسب سرعة طيرانة وبعدة واتجاة الرياح _عايزة ممارسة جامدة البط يختلف عن الحمام يعنى البط لو جاى فى مجموعة مواجهة ليك(رف) ما تضربش الا فى مدى مؤثر من 40 متر وانتة نازل لو السلاح روحين يعنى فية خرطوشتين ممكن توقع اتنين اما لو السلاح اتوماتيك ممكن توقع اكتر_ولو الطير معدى من قدامك من الشمال لليمين مثلا او بالعكس تضرب قبل الطير بحوالى شبر كدة دة لو بط اما لو كان حمام يفضل ضربة وهو فى مجموعات على الارض ترمى طوبة علية وساعة طيرانة من على الارض بحوالى مترين تضرب ممكن توقع عشرين تلاتين واحدة_وممكن تلبد وساعم ما ينزل الحمام يا كل او يشرب ممكن تضرب فى منتصف السرب من مسافة 50 او 60 متر هى مسالة ممارسة

شكرا لاخي من العراق واشكر الاخ ابو مروان بس انا اعتقد ان 3متر والمسافات الكبيره دي مبالغ فيها وصعب جدا انا جدي الله يرحمه كان بيضرب بيد واحده وبسهوله جدا كمان وانا لسه صغير وكنتا بساله ازاي يقلي عادي نشن قدام راس الفريسه بالضبط واضرب

وعندي استفسار بندقيتي ليس بها مكان في اخر الماسوره للتشوكس ماذا افعل وسالت قلو ان البنادق القديمه ام روحين من الامام مضمومه بطبيعتها ولذلك لا تحتاج للتشوكس ارجو الافاده وشكرا للمهتمين بجد

يااخي انا يمكن بينت الموضوع في جواب اخر انه بعض البنادق فيها الماسوره تكون مختنقه او 1/2مختنقه او3/4مختنقه والخنق يكون ثابت ومش ممكن تغييره وهذا في معظم البنادق المفرده و السايد باي سايد انا جربت افضل انواع الخنق(التشوك) الثابت هو3/4 للصيد المتوسط المسافه والطرائد المتوسطه كالدراج والارانب
اما بالنسبه للرمي على الطاير فيحتاج تمرين والارقام التي ذكرتها جت من تجارب لانواع مختلفه من الحيوانات واعتقد راجل اسمه warnerعمل التجارب وسجلها
وتدلل انته

اخى الفاضل
التشوك عبارة عن مدى الخنقه فى الماسورة وهويقاس بالمللى
ومعظم الاسلحه تكون ذات تشوك ثابت لايتغير ام التشوك المتغير فهو يستخدم فى الماسورة الواحدة فقط ولايصلح للروحين ولايركب الا على انواع قليله مشهورة بغرض الصيد المتنوع وهو يستخدم فى امريكا واوروبا اما عن طريقه الصيد فطبعا دى محتاجه خبرة شويه ولازم يكون معاك شخص قديم شويه ليشرح لك وتشاهدة اثناء الصيد على الطائر
اما المسافات فهى تعتمد على نوع السلاح والخرطوش والطيرة
واسرع واصعب طيرة هى البط ويليه الحمام واليمام واسهل حاجه الواق وابو قردان للتدريب عليها واسهل طريقه للتنشين ان تسبق الطير بطولين او طول حسب المسافه وطريقه الاطوال اسهل للتعليم لانها تعتمد على حجم الطائر بصرف النظر عن المسافه ولن كلما زادت المسافه عدد الاطوال يزيد وقد صل الى 6او 7 طول فى حالع وجود رياح لان الطير بيكون سرعته عاليه مع الهواء
وانصح ان تبدا بالضرب على الارض او على سطح الماء لاكى تعرف مكان الاصابه وشكل الرش حتى تتعود على السلاح لان التنشين بيكون نظامه مختلف عن الرش والمششخن لان جهاز التنشين بسيط ويعتمد على التوجيه اساسا وبالنسبه للمبتدىء المسافه تون من 30 الى40متر
ارجو ان اكون قد افدتك وانا تحت امرك فى استفسار مع ملاحظه ان الموضوع صعب شرحه بدون بيان عملى او بالكتابه فقط

اخ صلاح بالعكس معظم الاسلحه حاليا تعمل بتشوكات حتى المفرده (بماسوره) وذلك لامكان اسخدامها لعدة اغراض ومديات وحتى الاوفر فيها تشوكات انا اقلك البنادق القديمه جدا السايد باي سايد واعتقد عندكم كثيره بالارياف مابيها والبنادق المستخدمه للدفاع الشخصي ..وممكن تطلع على مواقع الاسلحه وتتاكد

يا سيدى الفاضل
انااعرف طبعا ان معظم البنادق الجديدة فيها تشوك ولكن ثابت اى مصنوع مع الماسورة
اما المتحرك اى القابل للفك والتركيب فهو قليل الاستخدام ولايستعمل الا مع انواع قليله محددة

الف شكر للجميع وربنا يبارك فيكم جميعا

على كيفك ياصلاح انت يمكن شايف البنادق القديمه عندكم ام ماسورتين وبسبب شحه الاسلحه الناريه لكن اقول لك ان معلومتك خطا بالعكس معظم البنادق الاتومتيك او الاوفر فيهاتشوكات تتغير حسب المسافه ونوع الصيد وممكن تراجع مواقع الاسلحه وتشوف كلامي انا من الثمانينات عندي بندقيه خرطوش قديمه فرده كانت بتشوك ثابت لكن الحاليه وبالذات الاتومتيك كلها بالتشوكات المتحركه

الف شكر لكل من ساهم بمعلومه مفيده جزاكم الله خيرا

لا اله الا الله