المساعد الشخصي الرقمي

مشاهدة النسخة كاملة : يا جماعة أنا صاحب محل فتح الله. محطة مصر. و فرع الدقي نادي الصيد. و للأسف كل الناس بتشتكي من فرع سع


Mohamed Fathallah
11-11-27, 10:57 PM
يا جماعة أنا صاحب محل فتح الله.
محطة مصر.
و فرع الدقي نادي الصيد.

و للأسف كل الناس بتشتكي من فرع سعد زغلول الاسكندرية وفرع رمسيس القاهرة.
وأنا بتأسف لكل الناس عشان للأسف كلنا تحت اسم واحد فتح الله. وأي حاجة تحصل من فرع من الفروع الأخرى بتأثر على اسم فتح الله.
بس مفيش فايدة والشكاوي كتير جدا من الفرعين دول.
ارجو عدم الخلط بين جميع محلات فتح الله.
و أقدم اسفي مرة أخرى للجميع.

محمد فتح الله.
4 ش النبي دانيال محطة مصر.
45 ش قامبيز امام نادي الصيد الدقي.

eng.amg
11-11-27, 10:58 PM
يعني فرع سعد زغلول الاسكندرية وفرع رمسيس القاهرة مش تبع حضرتك؟؟

ramyhekal
11-11-27, 11:00 PM
كلامك يدل على احترامك
ربنا يهدى الناس اللى بتتكبر على شغلها
فى اى مجال سواء
ربنا يوفقك

Mohamed Fathallah
11-11-27, 11:04 PM
للأسف تحت اسم واحد
ععائلة واحدة.

ولكن ادارة مختلفة تماما.

mrjak2003
11-11-28, 12:32 AM
يعم فتح الله انت اسواء محل سلاح فى التاريخ كل اصاحبى بيشكو من معامله المحل والناس اللى فيه معامله زى الزفت انا بسمع بس من اصاحبى وعلى فكره الاسعار عندك اغلى من اى محل تانى بكتير

amin hegazy
11-11-28, 12:33 AM
يا جماعة أنا صاحب محل فتح الله.
محطة مصر.
و فرع الدقي نادي الصيد.

و للأسف كل الناس بتشتكي من فرع سعد زغلول الاسكندرية وفرع رمسيس القاهرة.
وأنا بتأسف لكل الناس عشان للأسف كلنا تحت اسم واحد فتح الله. وأي حاجة تحصل من فرع من الفروع الأخرى بتأثر على اسم فتح الله.
بس مفيش فايدة والشكاوي كتير جدا من الفرعين دول.
ارجو عدم الخلط بين جميع محلات فتح الله.
و أقدم اسفي مرة أخرى للجميع.

محمد فتح الله.
4 ش النبي دانيال محطة مصر.
45 ش قامبيز امام نادي الصيد الدقي.

يعم فتح الله انت اسواء محل سلاح فى التاريخ كل اصاحبى بيشكو من معامله المحل والناس اللى فيه معامله زى الزفت انا بسمع بس من اصاحبى وعلى فكره الاسعار عندك اغلى من اى محل تانى بكتير

الراجل وضح انهم فروع لا تتبع شخص واحد لكن ده اسم عائلة

Mohamed Fathallah
11-11-28, 12:41 AM
شكرا يا mrjack :) بس ارجوك اطلع في الصفحة من فوق واقرى اللي أنا كاتبه :)
و الحمد لله ماحدش اشتكى من فرع محطة مصر...
والحمد لله برده أنا عارف إن احنا أقل اسعار في مصر كلها :)

وفعلا ممكن يكون الفروع الأخرى غير
محطة مصر النبي دانيال و الدقي.
عندهم اسعار اغلى مننا ومعاملة زي ماحضرتك بتقول
عشان فعلا بيجوا يشتكولنا كتيير إن فرعنا في سعد زغلول المعاملة سيئة جدا ....
و أصلا ده مجرد اسم عائلة
والادارة مختلفة تماما

ولو عايز تجرب المعاملة عاملة إزاي
والاسعار عاملة إزاي..
تعالى وشوف الفرق.. وإنت تحكم :)

4 ش النبي دانيال محطة مصر
45 ش كامبيز امام نادي الصيد...

Mohamed Fathallah
11-11-28, 12:43 AM
شكرا بجد يا أستاذ آمين حجازي عالايضاح :)

amin hegazy
11-11-28, 12:46 AM
شكرا بجد يا أستاذ آمين حجازي عالايضاح :)

لا شكر على واجب يا باشا وان شاء الله موفق في الفرع الجديد باذن الله

Muhamed Ismail
11-11-28, 12:48 AM
ياجماعة احب اكد تانى . محل محطة مصر مختلف تماما . الناس ديه محترومة جدا . و انا معايا تجربة شخصية معاهم من غير ما اعرفهم . كان معايا مسدس cz حى و كنت باسأل على تمنه فى التليفون بعد وصف حالته . و قالولى السعر بالظبط بدون لف و دوران او تكسير فى السعر واى شىء من هذا القبيل لانى كنت عارف سعره بس كنت بتأكد من حد خبير . و اللى دلنى عليهم شخصية محترمة جدا من المنتدى

شهاده لله انهم ناس محترمين جدا و تانى انا باتكلم على فرع محطة مصر اللى هو الاستاذ محمد فتح الله

Mohamed Fathallah
11-11-28, 12:58 AM
أستاذ محمد إسماعيل ربنا يخليك بجد..


بجد منهم لله اللي سوء سمعة اسم فتح الله

ليهم حق الناس تكره فتح الله من الحاجات اللي بسمعها دي
بجد اسف مرة أخرى لأي شخص تعرض لاهانة من هذه الفروع ....

ومرة أخرى فرع محطة مصر وفرع القاهرة الدقي وقريبا فرع لوران ....

ولا يوجد لدينا فروع أخرى ....
الفروع الأخرى اسم تحت عائلة واحدة....

والادارات مختلفة تماما ....

doddoddod
11-11-28, 01:29 AM
شكرا يا mrjack :) بس ارجوك اطلع في الصفحة من فوق واقرى اللي أنا كاتبه :)
و الحمد لله ماحدش اشتكى من فرع محطة مصر...
والحمد لله برده أنا عارف إن احنا أقل اسعار في مصر كلها :)

وفعلا ممكن يكون الفروع الأخرى غير
محطة مصر النبي دانيال و الدقي.
عندهم اسعار اغلى مننا ومعاملة زي ماحضرتك بتقول
عشان فعلا بيجوا يشتكولنا كتيير إن فرعنا في سعد زغلول المعاملة سيئة جدا ....
و أصلا ده مجرد اسم عائلة
والادارة مختلفة تماما

ولو عايز تجرب المعاملة عاملة إزاي
والاسعار عاملة إزاي..
تعالى وشوف الفرق.. وإنت تحكم :)

4 ش النبي دانيال محطة مصر
45 ش كامبيز امام نادي الصيد...

انا هجيلك ان شاء الله فرع نادي الصيد بس ياريت تقولي لو عندك فولجا وسعرها كام

ahmedragab
11-11-28, 02:09 AM
لك كل احترام وتقدير من اعضاء المنتدى على الايضاح وبالمناسبة دية مفيش عرض حلو منك لاعضاء المنتدى ذى مابيعمل الاستاذ شريف ابوضيف ويكون فاتحةخير للجميع

bravehro1
11-11-28, 02:20 AM
شرف لينا انضمامك لمنتدانا وننتظر العروض الخاصه بكم وتحياتي لشخصكم الكريم وارجو وضع رقم موبيل ورقم تيلفون المحل

moh_goher
11-11-28, 02:24 AM
شكرا للاحترام والتقدير من حضرتك

masmm001
11-11-28, 02:32 AM
يا سيد محمد فتح الله
أنا أبدا لن أنسى ما حييت المعاملة التى تلقيتها فى محل حضرتك اللي في محطة مصر إسكندريه جنب مسرح الحبايب منذ 16 سنه... و ربما هذه أول مرة في حياتى أشارك هذه القصة مع اى مخلوق ... سنه 1995 كنت أنا لسه مخلص إعدادية و كانت هديتي البندقية ال bsa اللى لسه عندى لحد النهارده و كنت شاريها ب 660 جنيه من السجلابي ... المهم متتصورش فرحتي بيها وقتها قد إيه و كنت بحافظ عليها زي عينايا لأنها وقتها كانت غاليه جدا جدا و كنت امنيه غاليه عندي جدا.... و في أول طلعة ليا بالبندقية و مع أول يمامة أضربها و تقع سيبت البندقية على الأرض و جريت على اليمامة أمسكها و من كتر فرحتى مخدتش بالى إنى وقعت الحافظه بتاعت النشان الأمامي بتاع البندقية لما سيبتها على الأرض طبعا أنا معرفش أنه ممكن يتحرك و إنه فيه مجرى فكنت متخيل إنى كسرت النشان!!!... طبعا إدمرت فرحتى باليمامة و حزنت حزن شديد على البندقية و تخيلت إنها كدة بازط ... فرجعت على طول للسجلابي يصلحهالى ... فقالى روح فتحالله محطة مصر عنده و رشه و قطع غيار و بالفعل مشيت لمحل سيادتك العظيم و ٍسألت هل ممكن إصلاحها فقالوا لي أيوه ممكن و طلعلي حافظه جديدة و قالى هتكلفك 5 جنيه !!!
فطرت من السعادة و إطمئن قلبي انه يمكن إصلاح البندقية و كانت مشكلتى الوحيدة اني معييش خمسه جنيه !! و المصرووف وقتها كان نص جنيه بس !!! يعنى مستحيل اعرف أجيب خمسه جنيه ... المهم فضلت أحووش فلوس لحد ما كملت الخمسه جنيه يمكن بعد شهر و رحت من بدرى جدا للمحل بتاع سيادتك و ماكانش حتى لسه فاتح و فضلت مستنى لحد ما حضراتكم فتحتم و لما دخلت و طبعا معايا البندقية و طلبت الحافظة و طلعت الخمسة جنيه... المهم السيد المحترم اللي كان موجود أمرنى إنى انتظر .. و بالفعل إنتظرت .... و بعد شويه راح مطلع لى حافظة قديمة و معووجه جدا شبه مطبقة و مجرحه جدا و حشرها بالعافيه فى النشان و خد الخمسة جنيه !!!!
طبعا أنا إتصدمت و معرفتش أعمل إيه !!! فطلبت منه ممكن واحدة جديدة زى اللى شفتها قبل كدة؟؟ قالي مفيش غير هى دي وسابنى و راح معرفش يعمل ايه !!! انا طلعت برة المحل و وقفت قدام الباب أفكر مش عارف أعمل أيه!!! و بعد شويه دخلت مرة تانيه و طلبت بمنتهى أدب الأطفال ولاد الناس من فضلك ياعمو انا عاوز واحده جديدة عشان ديه معووجه!!! راح السيد المحترم صرخ فى واجهى و قال لي " إمشيي يا ولااا من هنا بقى متصدعناش!!! " فطبعا مشيت من قدام باب المحل و فضلت راكن على عربية مصدوم من طريقة المعامله و عمرى ما إتعرضت لموقف مشابهه و حزين على البندقية و على الخمسة جنيه تحوييشه العمر و حاسس بالظلم و الإهانه...
المهم فضلت واقف قريب من المحل شايل بندقيتى على كتفى و الجو بقى حر شديد و محطة الرمل بقيت زحمة جدا و حسيت ان كل الناس بتبص عليا و شاعر بالضعف و قله الحيله و مش عارف أعمل إيه   فضلت كدا حوالى ساعتين إلى ان استجمعت جميع شجاعتى و دخلت المحل مرة أخرى و طلبت بمنتهى الأمل و الرجاء الخمسة جنيه بتاعتى و قلت أنا خلاص مش عاوز النشان... راح السيد المحترم نظر لى نظرة حنق و بكل حنق راح ساحب رف من عنده و مد إيده و طلع حافظة جديدة و ركبها فى البندقية !!!!!!
وقتها فرحت بالنشان الجديد و تناسيت عملية النصب و الإذلال اللي تعرضت لها ... و لكنى مع مرور الزمن لم انساها و عرفت انى كنت فريسه نصب و جشع و طمع تاجر قال ده عيل و نضحك عليه في اى حاجة...فيبدوا ان الأساس عندكم هو عدم الأمانه و الغش من أجل المكسب السريع و غير مهم مصلحة الزبون.
فربما يرى البعض رسالتك على إنها دلاله على إحترامك .... و لكن أيضا سيرى الكثير من الناس الغرض الحقيقي من الرساله الواضح من بين السطور و هو محاولة الحفاظ على البقية الباقية من الزبائن و تحسين سمعتكم لتحقيق مكسب شخصى ليك و لمحلك حتى لو على حساب أبناء عائلتك و تبرئك منهم بقولك " للأسف تحت اسم واحد عائلة واحدة."
على فكرة المنتدى هنا أغلبه ناس بتنصح بعضها و تفيد بعضها من أجل تبادل الخبرات و المعلومات و تبادل القصص و المغامرات عن هوايه الصيد أو رياضه الرمايه التى يعشقها الجميع في المنتدى كما يوجد أيضا العديد من التجار المحترمين الملتزمين بهذا العقد الإجتماعي بين الاعضاء و أصبحوا أصدقاء و مصدر ثقة و خبرات... ولا مجال لمن يحاول الإستخفاف بعقول و خبرات الأعضاء من أجل تحقيق مكاسب شخصية... بصراحة انت اول واحد أشوفه يدخل و يقول انا فلان الفلانى و مليش دعوة بكل أبناء عائلتى الفلانيين ... ايه الغرض من هذة الرسالة و ايه الفايدة اللي هتعود على اى من الاعضاء بمعرفتنا انك من عيله فتح الله و ملكش دعوة بيهم.. غير ان الفايدة تعود عليك و على محلك؟؟!!!
خد منى انت بقى النصيحة " عاوز تستفيد؟؟.... فكر الأول إزاى تفيد و انت هتستفيد

masmm001
11-11-28, 02:42 AM
على الفكرة القصة الطويله دى كلها عشان أقولك انك ممكن تخسر كتير من إهمالك و سوء معاملتك لمشتري واحد انت معتقد انه مش جاى يشترى حاجه مهمة بس بالنسبه له دى اهم حاجه في حياته. و دلوقتى دار الزمن و اللى كان عاوز يشترى حافظة بخمسة جنيه دلوقتى ممكن يشترى أسلحه و ذخائر بألوف .. عمل إسم في السوق مش بالساهل و إسترجاع الإسم و السمعة مستحيل.. أحسنلك إفتح بإسم جديد و إبدأ و سيبك من الإسم اللى انت عمال بنفسك تتدعى عيلهم!!!

mody_hakam
11-11-28, 03:45 AM
بصراحه فتح الله محطة مصر احسن محل في الاسكندريه وناس محطرمه خصوصا أ/نبيل و المعامله فوق الممتازه انا يعني من ضمن انا لسه واخد منه ضهر طبنجه سي زد كمار اقل ب100 جنيه عن ثمنها في اي حته و الورشه بتعتهم محترمه جدا بس لسه مجبوليش رش نمره 2 الماتش لغاية دلوقتي تحياتي ليهم جميعا و لاعضاء المنتدي الكرام

Mr_mody
11-11-28, 05:53 AM
محل فتح الله فرع محطة الرمل معاملة غير لطيفة ولا فيها تقدير للي جي يسأل حتي..انا من اسبوع رحت اسأل علي الرمسيس و الراجل الي بسألة ماسك السجارة و بيتكلم بطريقة مش عارف اية دة و باصص في حتي تانية خالص ولا اكن فية شخص دخل المحل يسأل ولا اي حاجة ! بجد محل مش باصص غير المصلحة و خلاص و طز في الزبائن و السمعة و دة الي استنتجتة من المعاملة

سرسور
11-11-28, 06:50 AM
ياحاج محمد حمدًا لله على سلامة الحاج نبيل
و لا تحزن والقاعدة ان السيئة تعم
ولكن انا اتعامل مع محل فتح الله فرع محطة مصر منذ فترة كبيرة
ولا انسى اول مرة دخلت المحل مع والدى
مقابلة محترمة و نصيحة و اقل سعر في السوق
وما زالت هذه المميزات يتمتع بها المحل
و الحاج نبيل ما شاء الله عليه راجل محترم جدا
و أيضا كل العاملين بالمحل
ادعو الله ان يبارك لهم
وكثيرا انصح الناس بالشراء منهم و كثير من الاخوة فى المنتدى يعلمون ذلك
و جزاك الله خيرًا على هذا التوضيح
مع انى لم اشكو من فرع محطة الرمل فقد تعاملت معه اكثر من مرة
و الحمد لله لم يقابلنى ما يشكو منه بعض الاخوة هنا
لكن مشكلتهم انهم انهم يتعاملون بجدية اكثر من اللازم
و العميل يحتاج الى بعض الليونة و البشاشة فى التعامل
و آسف للاطالة
و جزاكم الله خيرًا

Mr_mody
11-11-28, 07:23 AM
ياحاج محمد حمدًا لله على سلامة الحاج نبيل
و لا تحزن والقاعدة ان السيئة تعم
ولكن انا اتعامل مع محل فتح الله فرع محطة مصر منذ فترة كبيرة
ولا انسى اول مرة دخلت المحل مع والدى
مقابلة محترمة و نصيحة و اقل سعر في السوق
وما زالت هذه المميزات يتمتع بها المحل
و الحاج نبيل ما شاء الله عليه راجل محترم جدا
و أيضا كل العاملين بالمحل
ادعو الله ان يبارك لهم
وكثيرا انصح الناس بالشراء منهم و كثير من الاخوة فى المنتدى يعلمون ذلك
و جزاك الله خيرًا على هذا التوضيح
مع انى لم اشكو من فرع محطة الرمل فقد تعاملت معه اكثر من مرة
و الحمد لله لم يقابلنى ما يشكو منه بعض الاخوة هنا
لكن مشكلتهم انهم انهم يتعاملون بجدية اكثر من اللازم
و العميل يحتاج الى بعض الليونة و البشاشة فى التعامل
و آسف للاطالة
و جزاكم الله خيرًا


كلامك حلو جدا لكن انا ماشترتش اي حاجة و لكن دخلت اسأل بس علي سعر الرمسيس الحالي الي بيكلمني باصص في مكان بعيد خالص و بيتكلم بطريقة غير لائقة و اكينوا عايز يقول انجز حتشتري اشتري مش حتشتري امشي ...انا افتكر اني جبت مسدس صوت من 9 سنين كدة من محل في المنشية و كان المسدس صنع في مصر و كان ساقية و كان حلو والله بس اتخرب مش فاكر اسم المحل اية !

Mohamed Fathallah
11-11-28, 07:30 AM
سرسور باشا الله يسلمك و شكرا على كل الكلام الجميل ده
للأسف فرع سعد زغلول الشكاوي منه كتير جداً و ده بييجي على إسم المحل

mosho
11-11-28, 07:32 AM
اخى العزيز فتح الله
لن افتى و اقول انى داير على محلات فتح الله كلها لكن ساحكى لك تجربتى...
محل فتح الله للسلاح.... رمسيس.....
ممنوع الدخول .... مش يوم معين..لا.. اكثر الايام, و لو دخلت يبقى متسئلش, ياتشترى يا تخرج
ممنوع الاستفسار او المقارنة بين السلع او المواصفات... و تبقى يومك طين لو قارنت السعر بمحل تانى
البضاعة غالبيتها مش موجدة او مخزنة او قديمه... و احمد ربنا اننا بنبيع لك... كانى مدمن داخل اشحت
محل فتح الله نادى الصيد " محلك "
انا دخلت المحل مرتين.... مرة اسئل.... اسف.. الرد كان صح .. لكن مع السخرية من سلاحى....
انا كنت داخل اسئل ان كانت عنك ورشة او قطع غيار
لمسدس صوت ربع مصرى قديم .... و طبعا قوبلت بسخرية منى و من سلاحى الى انا شاريه من مصروفى و انا طفل و هو عزيز عليا ... يمكن تمنه دلوقى ميسواش لكنه عندى اغلى من اي سلاح ( اللهم الا بندقيتى القديمة)
و مرة اخرى كنت داخل اشترى.... جراب لبندقيتى... و اعطانى الجراب و اشتريته ثم وجدت انه اغلى من اى حتة تانيه و موجود هنا على المنتدى باقل من تمنه عندك ب 100 جنيه ؟؟؟؟؟
و سئلت عن بندقية فكان رده غريب باسم غير اسمها مع اننى اعرفها كويس....هل هذة سخريه ام جهل؟؟؟؟؟
نعم سعر البندقية الى سئلت عليها كان اقل سعر سمعته .... لكن هل البائع ميعرفهاش؟؟؟
دلوقى انا ان شاء الله ناوى اشترى سلاح تانى ( طبعا حى.. يعنى غالى "زبون محترم يعنى") و بعض مستلزمات
تفتكر ممكن افكر فى اسم "فتح الله" تانى؟؟؟؟؟
مع ان اكثر ذهابى الى محلات السلاح كان للصوت و الرش يعنى لو رحت للحى مرة رحت للرش 10
تفتكر ممكن افكر اشترى منك .... حتى لو اقل سعر؟؟
يعنى الزبون مش بسلاحه ... الزبون ممكن داخل يسئل عن علبة رش مصرى و هو يمتلك سلاحليك حى فى البيت
و داخل يسئل عن اسعارك او بضاعتك او معاملتك
فان لم تكن صريح معى عن بضاعة بجنية كيف أتمنك على 10 الاف؟؟؟؟؟

Mohamed Fathallah
11-11-28, 07:38 AM
mr mody
في محطه مصر هدفنا الأول هو إرضاء العميل
و عرض أقل الأسعار
و أقدم أسفي لو كان فيه أي نوع من عدم الإهتمام من العاملين بالفرع.
و أنا معاكوا هنا لو فيه أي شكوى او استفسار عن أي شئ.
و مسدسك الساقية هاته أي وقت في الورشة
من 10:30صباحاً. ل 4:30 عصراً
معادا يوم الأحد.
4 ش النبي دانيال محطة مصر
45 ش قمبيز الدقي. أمام نادي الصيد
و قريبا فرع لوران ش سيرهانك

Mohamed Fathallah
11-11-28, 07:51 AM
موشو باشا أحترم رضّك جداً
و فعلا للاسف اللي واقفين في المحل لسه عمّال جديده ياعني مش بيفهموا في السلاح
مفيش غير واحد بس من فرع الاسكندريه هو اللي عنده خبره و باقي العمال لسه متعينين وآسف لو كان فيه اي سخريه منه لسلاحك و لو حصل تاني حاجة زي دي قدملي شكوة هنا و أنا حتصرف.
و انا شخصيا اللي بيشتري مني طلقة بربع جنيه زي اللي بيشتري مسدس ب ١٠٠ ألف جنيه
ولا يوجد اي تفرقة
و إسأل عن سعر المسدس الحي اللي عايز تشتريه و إن شاء الله حتلاقي أقل سعر عندنا
و أفضل معاملة حتى لو مش حتشتري اي حاجة
و كلمني لو عندك اي استفسار عن أي حاجة يا باشا
٠١٢٨٥٨٣٢٢٣٦
محمد فتح الله

Mohamed Fathallah
11-11-28, 07:57 AM
والمعاملة السيئه اللي شوفتها من فرع رمسيس أو فرع سعد زغلول الإسكندرية
يبقى من حقك متدخلش محلات فتح الله دي نهائي
بس المشكلة إني لما جيت هنا وشفت كم الشكاوي اللي من محلات فتح الله
حبيت أوضّح إن الفروع التانية دي مش تبعنا و الادارة مختلفة تماماً

abdalla nabel
11-11-28, 10:23 AM
بص يا باشا ان شاء الله تقدر تغير الفكرة دية وتكون مثل افضل لكل فتح الله ( وفي انتظار العروض ) شكرا

القناص1
11-11-28, 10:39 AM
للعلم يااستاذ محمد انا لا اعيب على الفرع فكلامك صحيح بالنسبه للشباب العاملين مازالوا مبتدئين لكن انا واحد من الناس اللى بدخل دايما اشترى لما هما مش بيعرفوا حاجه بيقولوا على طول انهم ميعرفوش واستنى استاذ نبيل هو يجيبلك اللى انت عايزه وبصراحه انا مشوفتش منهم اى اخطاء ...............بس انا كان ليا تعقيب واحد هو مسئول صيانة اسلحة الرش فى الورشه منعدم الضمير تماما وبيحلف ميت يمين انه غير وهو ولا غير ولا اى حاجه واتمنى من الاداره انها تحقق فى الامر ده وتحافظ على كيانها وتكمل سمعتها الطيبه ..............تقبلوا مرورى

soliman
11-11-28, 12:09 PM
بصراحه انا اتعاملت ف محل محطة مصر مع الاستاز محمود فتح الله كله ادب واحترام وزوق وكل الناس بتشكر فيه واستاز صيانه صراحه ومشهور بكده انا اتعاملت معاه اكتر من مره في صيانة البنادق وعنده ضمير جدا .............

tarekvb
11-11-28, 06:25 PM
على العموم يا ريت تنزل بعرض اسعار كويس

darkshaft
11-11-28, 06:41 PM
شكرا للتوضيح،و ياريت لو حضرتك تنزل اسعارك فالمنتدى عشان انا من الاسكندرية و كنت عايز اعرف اسعار طلقات ٩ مم كام و اى انواعهم،تحياتى

Mohamed Fathallah
11-11-28, 10:44 PM
Shokran ya Soliman Basha 3ala rad 7adretak
:-)

Mr_mody
11-11-28, 11:34 PM
mr mody
في محطه مصر هدفنا الأول هو إرضاء العميل
و عرض أقل الأسعار
و أقدم أسفي لو كان فيه أي نوع من عدم الإهتمام من العاملين بالفرع.
و أنا معاكوا هنا لو فيه أي شكوى او استفسار عن أي شئ.
و مسدسك الساقية هاته أي وقت في الورشة
من 10:30صباحاً. ل 4:30 عصراً
معادا يوم الأحد.
4 ش النبي دانيال محطة مصر
45 ش قمبيز الدقي. أمام نادي الصيد
و قريبا فرع لوران ش سيرهانك

شكرا لك يا استاذ محمد و ارجوا انشاء الله العلاقة مع الزبائن تبقي احسن من كدة و تتحسن و شكرا لك

mrjak2003
11-11-29, 12:10 AM
انا معايا يا باشا اذن شراء عايز مسدس حى يا ريت تقلى الاسعار اللى عندك بس انا والله ما اقصد انه اسواء محل يس كل اصحابى قالولى فتح الله غالى جدااا وغير كده المعامله مش كويسه خالص فايريت انا عايز سلاح حى يكون سعره معقول تركى اسبانى مستعمل اى ماركه بس يكون سعر معقول وده رقمى 01007017771 وان شاء يكون خير

old hunter
11-11-29, 02:07 AM
يباشا حضرتك معرف بزوقك واحترامك ومحلاتك معرفه بمعاملتهم الطيبه غير بتاع فرع سعد زغلول

حازم6/10
11-11-29, 12:49 PM
استاذ محمد دى فرصة كويسة انك تعمل عرض للمنتدى تصالح بية حبايبك كلهم من المنتدى وانت كدة بتوضيحك للامور متهيئلى ان كل واحد مختلف عن التانى ولا اية

mosho
11-11-29, 08:55 PM
استاذ محمد
ليك رسالة على الخاص

mosho
11-11-29, 08:56 PM
استاذ محمد
ليك رسالة على الخاص

Mohamed Fathallah
11-11-29, 09:18 PM
انا معايا يا باشا اذن شراء عايز مسدس حى يا ريت تقلى الاسعار اللى عندك بس انا والله ما اقصد انه اسواء محل يس كل اصحابى قالولى فتح الله غالى جدااا وغير كده المعامله مش كويسه خالص فايريت انا عايز سلاح حى يكون سعره معقول تركى اسبانى مستعمل اى ماركه بس يكون سعر معقول وده رقمى 01007017771 وان شاء يكون خير

ربنا يخليك يا باشا ......

إن شاء الله تلاقي عندنا أقل الاسعار ...
أقل حاجة الحلوان 9 طلقة 16,000 جنيه
وال 16 طلقة 24,000 جنيه
ولو مع حضرتك موافقة استرادية حتجيب أحسن مسدس سيجزاور أو سميث أو أي حاجة.
اخرك 37,000 جنيه
ولو معاكش موافقة السعر ممكن يزيد الضعف لو حتجيبوا من أي تاجر أو أي حد عايز يبيع سلاحه ...

Mohamed Fathallah
11-11-29, 09:18 PM
يباشا حضرتك معرف بزوقك واحترامك ومحلاتك معرفه بمعاملتهم الطيبه غير بتاع فرع سعد زغلول

كلك ذوق يا باشا الله يكرمك :)

Mohamed Fathallah
11-11-29, 09:19 PM
استاذ محمد دى فرصة كويسة انك تعمل عرض للمنتدى تصالح بية حبايبك كلهم من المنتدى وانت كدة بتوضيحك للامور متهيئلى ان كل واحد مختلف عن التانى ولا اية

أنا عملت عرض امبارح بليل :)

mosho
11-11-30, 05:23 PM
لتانى مرة
ليك رسالة على الخاص

mosho
11-11-30, 05:53 PM
و لو مش عايز ترد
ياريت تبعلتى و تقولى ليه و ليك الشكر

Mohamed Fathallah
11-12-02, 06:05 AM
ana lesa shayef el Resala delwa2te ya MOSHO wallahe ma2akhadt baly menha..
7arod saree3an 3aleiha...
Bgad makhadtesh baly
2asef 3al ta2kheeer......

kefafy
11-12-02, 11:51 AM
والله يفندم حضرتك راجل محترم جدا
وطالما متابع للشكاوى والاستفسارات
صدقنى هتبقا افضل محل سلاح فى مصر فى خلال سنة بالكتير
وسهل جدا ان السمعة تبقا احسن من الاول بشرط متابعة اراء العملاء
وتوفير رقم تليفون للاستفسار و الشكاوى وعدم التفرقة بين العملاء حتى ولو العميل كان فزلوك حبتين :)
صدقنى نصيحة اخوية انا بشتغل فى مجال الجودة بقالى سنين والى حضرتك بتعمله
ده انا عارف انه متعب شوية ولكن صدقنى هتعمل الى محدش غيرك يعملو
ونصيحة تانية حاول بقدر الامكان انك تنفصل باسم المحل او حتى توحد محلات حضرتك بسلوجان او لوجو معين تحت نفس الاسم وهو ده الى حضرتك تطبعة على الهدايا او الستيكرز بتاعتك
وربنا معاك والله واوعى تزهق من شكاوى العملاء
لانها بعد المتابعة بتبقا العلاقة عكسية يعنى هتقل الشكاوى وترتفع بنسبة رضا العملاء
وربنا يسهل بيعك يارب وتقدر تعمل الى مقدرش غيرك يعملو
وتحياتى لاخوانى بالمنتدى وعاوز اقولكم ان ربنا سبحانة وتعالى بجلالة قدرة ومقدرته بيعفوا ويسامح
ومش كدة وبس ده برحمته بيخلى السيئات حسنات
ومبروك للاخوان :)

kefafy
11-12-02, 11:58 AM
نصيحة تانية بقا لوجه الله
فى عند حضرتك بلد زى الغردقة مثلا بتتوسط راس غارب وسفاجا وقنا , ليه حضرتك متعملش محل محترم لادوات الصيد البحرى والاسلحة النارية و الرش و الطلقات بانواعها لان لى اصدقائى كتير معاهم اسلحة مرخصة طبعا مبيشتروش من هنا خالص لان مفيش حد هنا بيبيعهم ولا صوت حتى
ودى هتخدم قطاع عريض جدا من طبقة محترمة من طبقات المجتمع الى بتقدر الهوايات كلها وفى الوقت نفسة هتنفرد بالموضوع ده لوحدك
لان هنا مفيش ولا واحد بيبيع رش حتى مش طلق صوت فتخيل حضرتك بقا ايه الى ممكن تعملة فى ارض خصبة قوى زى دى !
وربنا يوفقك ويصلحلك الحال

loot-ait
11-12-02, 12:49 PM
يا جماعه انا من اسكندرية و سبق و قلت ان معاملة فرع محطة مصر غير اى فرع تانى و احسن و ارخص الأسعار ده انا كنت بجيب الطلق التركى 9 مم من عنده ب 3.25 لما كان الناس كلها عماله تهرى وتقول عرض ب 4.5 و سبق و قلت الكلام ده من زمان

anomany
11-12-02, 09:35 PM
السلام عليكم اخى الكريم
انا عاوزاشترى مسدس حلوان وايهم ترشح 9 العادى وولا ال14
مع انى الناس بيقولا ان ال14 اعطالة كتير-وخامتة مش جيدة-وابرة ضرب النار بتعتة وحشة ومش عارف
ارجوك ايهم افضل
والمسدس النيكل هو واخد طبقة نيكل وهل ممكن اى مسدس يتنكل ولا لازم يكون هو كدة

blow c06
11-12-03, 08:21 AM
انا بعتلك رساله على الخاص ياباشا
كنت عايز طبنجه حى على الرخصه طبعا بس تكون حاجه مستعمله خفيف و تكون حنينه شويه فى السعر
ياترى الاقى حاجه عندك؟

adel152
11-12-03, 10:28 AM
أنا عملت عرض امبارح بليل :)

استاذ محمد بعد التحية
ياريت تحطلنا الرابط اللى موجود فيه عرض حضرتك لأنى مش لاقى اى عروض فى 38 مشاركة بتوع حضرتك.
تحياتى

ahmedmh_ali
11-12-03, 02:36 PM
عروض قيمة و بالتوفيق ان شاء الله ..