مقارنة بين عملاقين

[BooGY]

أرجو من اساتذتنا فى المنتدى بالله عليكم جميعا اعقدوا لى مقارنة بين موديلات الجامو , والنوريكا التى تتراوح اسعرها بين 1000 و 2000 جنيه المزايا والعيوب والاسعار هذه الايام وافضل الاماكن التى يمكننى ان اشترى منها عموما وشكرا لكككككككككل اعضاء المنتدى الذين سيشاركون والذين سيشاهدون اخوكم محمود بوجى

[BooGY]

49 مشاهدة ومفيش ولا رد واحد !!!!!!! عموما لعل المانع خير ويكون الامتناع عن الرد لحين التأكد من الاجابات على الاسئلة المطروحة وارجو من خبراء المنتدى افادتى وشكرا

[galal khalifa]

معلش يا باشا انا محتاج اعرف انت ها تصتاد بها اية لان السعر طبعا يساوي القوة يعني ب 1000 جنية ها تكون السرعة من 160 الي 175 متر في الثانية .
اما ال 2000 جنية ممكن يجيب بندقية سرعتها من 195 متر الي 220 متر حدد وانا تحت امرك وها اقول لك تجبها من عند مين وبكام بس عايز اعرف كل التفاصيل لانك بعتلي علي الخاص .

[BooGY]

استاذنا الكبير جلال خليفة اولا انا اسف للازعاج بالنسبة لموضوع الخاص
ثانيا متشكر جدا لاهتمام سيادتك بالموضوع عموما انا هصطاد بيها يمام وممكن غربان وبوم ولو ربنا اعاننى وبقى فيه رحلات صيد مع اعضاء المنتدى الكرام اكيد هتعلم منهم اصطاد ككككككككككل حاجة وطلبى كان بالنسبة للجامو والنوريكا وشكرا

[galal khalifa]

الكلام كوبس وتمام يبقا انت عايز بندقية لاتقل سرعتها عن 722 الي 800 fps يعني البنادق الي ب 1000 جنية مش ها تنفع لان سرعنها لن تزيد عن 160 متر ويبقا لنا الاختيار بين البام 21 الصيني النوركا جت اسباني الهانتر 890 او 440 ودية اسعارها ها تزيد عن ال 2000 جنية فيما عدا البام لان سعرها في حدود 1800 جنية ممكن اقل اواكتر .
مع تحياتي

[BooGY]

متشكر جدا لاستاذنا الكبير على المعلومات القيمة دى
وسؤال اخير بقى النوركا 56 انا سألت عنها عند الجلاء فى بنها قالى 1500 هى مواصفاتها ايه ومزاياها وعيوبها وهل ممكن تتعدل لتصبح اقوى؟ وااااااااااااااسف على الالحاح لكن حضراتكم عودتونا على كرم اخلاقكم وشكر لسيادتك مقدما

[galal khalifa]

النوركا 56 بندقية ضعيفة جدا وسوستتها بتضعف انما بالنسبة للسعر هي كدا غالية ولايمكن تعديلها وفي بنادق احسن منها زي الجامو 3000 ماجنوم والجت ومافيش ازعاج ولا حاجة وانا في خدمة المنتدي

[BooGY]

شكرا للمتابعة استاذنا الكبير وحضرتك كده خرجت ال56 من المنافسة وبترشحلى النوركا جت والجامو 3000 ماجنوم وبما انى بثق فى كلام حضرتك تماما فيا ريت طلب اخير سعر الموديلين دول كام وافضل مكان اجيبهم منه فين وشكرا للافادة

[Gamohunter]

انا جيت اهوه زى ما قلتلك فى الخاص وتؤمرنى لكن اخونا جلال ماشاء الله قايم بالواجب وزياده شويتين واعتقد مش هتلاقى اجابه افضل من اجابته
اعتقد لو تقدر تشترى بندقيه نوريكا جت او نوريكا ويست هتكون ممتازه لانها قويه وتقدر تصطاد بيها كل الطيور اللى بتتصاد ببندقيه هوائيه وكمان خفيفه فى الوزن تشيلها وتمشى بيها بسهوله لكن سعرها غالبا هايعدى السعر اللى انته اقترحته
فى رايى ده افضل اختيار ليك لكن هتزود السعر شويه
بالنسبه للجامو هنتر 1250 فهيه بندقيه قويه لكن تقيله قوى هتزهقك فى الشيل ولو بتطاد وانته ماشى على رجلك بتتعب منها بسرعه يعنى عايزه واحد يطاد وهوه راكب عربيه وماشى بيتدلع كده ويضرب وهوه قاعد بسلامته هههههه

عندك نوريكا جيت ونوريكا ويست او تتابع مع الاستاد جلال واكيد هتوصل لاحسن حل
بالنسبه للنوريكا جت واحد صاحبى اشتراها وبعد وقت قصير جدا لقاها ضعفت جدا واكتشف ان فيها جلبه جلد كانت متتاكله من الركنه فان جبتها خلى بالك من النقطه دى

[BooGY]

شكرا استاذ جامو على التوضيح ولو امكن الزياده هتكون فى حدود كام تقريبا يعنى اقل ولا اكتر من 2500

[galal khalifa]

في بندقية هانتر 440 بالكرتونة وارد الخارج وسعرها لاعضاء المنتدي 2200 لو عايز تشوفها هي موجودة

[هشام سمير]

اخى العزيز لعلى اكون من اقل اعضاء المنتدى خبره وعلم فى عالم الهوائيات واكن المثل بيقولك اسأل مجرب ولا تسأل جلال بيه خليفه انا لسه شارى نوريكا جت من حوالى ثلاث اسابيع وهى والله قوتها رهيبه وتتمتع بأفضل قاعدة تجميع نيشان وكمان عيار 177 4.5 سريعه جداً 305 متر فى الثانيه وزى اخونا ماقالو لك
تقدر تضرب بيها كل الطيور اللى بتنصاد ببندقيه ضغط هواء بس فيها عيب واحد ان سرعتها بتسرق الطائر يعنى بتخترقه من الجانبين وبيقع بعيد خالص بس ده حاله بسيط انك تستخدم رش تقيل واحياناً حتتمنى ان سرعتها تقل علشان الاصتطدام يكون اقوى انا حبيت اوضحلك كل جوانبها وحيثياتها ام بالنسبه للسعر فانتا ممكن تجيبها 1700 جنيه او ازيد 100 او اقل 100 بالتوفيق دائماً

[BooGY]

شكرا لمتابعتك يا اخ هشام وشكرا لتوضيح المعلومة لكن انا علشان السبب ده عايز اجيب بندقيه عيار 5.5 نمرة 2 يعنى الجت فى منها العيار ده بالتأكيد هو بكام

[Gamohunter]

الجيت نمره اتنين بحوالى ثلاثه الاف جنيه لكن خلى بالك وجربها لان الجلبه بتاعتها جلد مش بلاستيك وبتبوظ من الركنه فتره طويله فى المحلات لكن بندقيه قويه وخفيفه وزيها نوريكا ويست لكن جلبتها بلاستيك وبنفس السعر تقريبا لكن انصحك بنمره اتنين عشان ما تسرقش الطير

[BooGY]

شكرا لكل اللى رد على الموضوع وشكرا لمعلوماتهم القيمة ويا رب نفضل حبايب دايما وربنا يديم المعروف والود بيننا

[احمدمرسى]

اسمحولى ياجماعه استغل فرصة وجود الناس الجميله دى واسالكم سؤال ايه رايكم فى البندقيه جامو هانتر 440 لان احويه بعتلى واحده من دبى وانا كنت طالب 1250 ايه رايكم فيها واللى عايز يجيب بندقيه من بره يعمل زى ماانا عملت يفككها ويبعتها على 4مرات هو الموضوع عاوز صبر وعلى فكره رخيصه جدا هناك الجامو هانتر440 عامله 700درهم يعنى حوالى1000جنيه

[هشام سمير]

اسمحولى ياجماعه استغل فرصة وجود الناس الجميله دى واسالكم سؤال ايه رايكم فى البندقيه جامو هانتر 440 لان احويه بعتلى واحده من دبى وانا كنت طالب 1250 ايه رايكم فيها واللى عايز يجيب بندقيه من بره يعمل زى ماانا عملت يفككها ويبعتها على 4مرات هو الموضوع عاوز صبر وعلى فكره رخيصه جدا هناك الجامو هانتر440 عامله 700درهم يعنى حوالى1000جنيه

هى بندقيه خرااافه ورائعه
وكمان بالسعر ده
ياااااااه دا احنا مظلومين قوى فى مصر

بس ليك كل شكر على معلومه دخولها مصر انا شخياً حعمل كده

[هشام سمير]

بس انت ممكن تشرحلنا تفصيلياً وصلتلك ازاى يعنى اول مره بعتلك ايه
وكده يعنى ولك جزيل الشكر
مع العلم ان سعر البندفيه دى فى مصر تقريباً 2000 جنيه

[galal khalifa]

البنادق الجامو من عائلة hunter من احسن البنادق الاسباني سواء 440 او 890 او 1250