ثوار الكنبة





اة يا ثـــوار الـــكنــــبة مالــكــم و مـــال التــحــريـــر

أخـــويا بــيــمــوت و أنـت بــتــقــول خــايـن عـميل ..

بتتفرج عـلى الــتـلفزيون و نايـــم عــلــى ســـريـــر

أخــــويـــا نـايم علـى الرصـــيف خــايف حقنا يهون ..

يــــا مـــصـــــر فـــــيـــكي كـــل حـــاجـــة وعـكـسها

نـــتـــصـــور مــره جـنـب دبــابـــة ومـــره تـــحـــتــها ..

قـــلـــتـــم عـــلى مـــبارك مـــيـن يـــقــدر دة غـــول

شلــنـاة هــو و نـــظـــامــة و أحـــزابــة و الــــفلــــول ..

مــــبـــــــــارك دة قـــــوى مــــبـــــــــارك دة كــبــيــــــر

نـســيـــتــم ان ربـــى عـلــى كـــل شـــىء قـــديـــر ..

اه يـا بـلـد فـيـكى الـشـهـيد بيترمى فى مقلب زبالة

و الـزبـالة فـيـكى خـلاص بـيـبـقـى صـاحـب جـلالـــة ..

بـوظـنـا الأنـتـاج وقـفـنا حال البلد ضيعنا عجلة التطوير

ب 15 مـلـيـون قـنـابـل فـى يـومـيـن هـو دة الـتـغـيـير ..

لو حـنـمـوت كـلـنا و مـتـبـقـاش غـيـر واحد فى التحرير

" و أيدة بــجنـود لـم تروهـا " دى مـن كـتـاب رب كبــير ..

يخربـــيـت الـنجمة علـى الـنسـر عـلـى حـاجـات كـتير

يخربيــت الــــكرسى اللى حيــر كــلة حـتى المشــير ..

سـامـحنى يا رب أنـى أسكـندرانى موصـلتش للتحرير

أكتبهالى ـيارب .. مش عايز أمـوت و أنا عـلى السريـر ..

أبـوس أيـديـكـم بـلاش كـلام عـلـيـنا أحـنا مـا ناقـصـيـن

ضـــــرب و مــــــــوت و خـــنــــق و عــيــنــيــن بــطــيــر ..

حتعمل اية يوم القيامة لما الشهيد يسألك حقى فين

قول بقى مليش دعوة .. هـو فى الجنـة و أنــت فــين ..

لــــو حــنــفـضـــل نــقــول مـــــش نــــازل مـــش رايـح

أنـــــــزل لـــــية مـــــا فـــــية غــــــيـــرى كــــــــتـــيــــر ..

حـــــتلــــف الدنــــيــــا و يـــــجــــى علــــــــيك الــــدور

و ســــاعتــــها حـــتــقول ياريتنى كنــت فى الـتحرير ..

اة يــا ثــــوار الكــنبة مالـكم و مـــــــال الــتحــــريــــــــر



ـــــــــــــــــــــــــــــــــ


من تأليف / أخوكم فى الله ....

شاعر لازم تروح التحرير زى هشام الجخ وتاخد فرصتك على انغام الرصاص والقنابل

احمد

مش قادر اقولك غير ربنا يبارك فيك و يزيدك انت شرف لكل الاسكندرانية ولكل المصريين

انا كنت في التحرير بالليل يا جماعه والله لازم ننزل كلنا تاني وتالت الداخليه بترتكب جرايم غير مسبوقه في شارع محمد محمود والتحرير

الله ينور عليك يا أحمد بجد جامده
مصر والتحرير هينورا بيك يا كبير بس تعالى انت

انت هتقلب شاعر

أنـــــــزل لـــــية مـــــا فـــــية غــــــيـــرى كــــــــتـــيــــر ..

حـــــتلــــف الدنــــيــــا و يـــــجــــى علــــــــيك الــــدور

و ســــاعتــــها حـــتــقول ياريتنى كنــت فى الـتحرير ..

اة يــا ثــــوار الكــنبة مالـكم و مـــــــال الــتحــــريــــــــر

انا التحرير...لسنا فلول ولا مرتزقه..انما نحلم بالتغيير..
انا التحرير..نقضي الليل و نعتصم..نفترش بغطاء السماء..
نضحك و نبتسم لغد مشرق حتي ننسي البكاء..
و المسؤلين يعطوا الاموامر من غرف نومهم مغطون بالحرير..
فقدت عيني و اخي فقد ذراعه..
فان كان يغضبكم اعتصامي..فارجعوا اليا بصري
او حاكموا من تسبب ..وقلبي يؤمن انه قدري
لجل حريتك يا بلدي انسي عيني و انسي المستقبل المرير
فداكي يا مصر عيني .. لجل ما تشوفي
فداكي يا مصر ضحكتي اللي بضحكها من خوفي
فداكي مستقبلي..فداكي دمي..اللي سال علي ارضك
ظلمتيني .. سرقتيني..بتخونيني و تقتليني..لكني يا امي بحبك
و عندي امل في التغيير..اضحك اضحك يا مشير..بكره تبقي جنب ابوك اسير
و يا عالم علي رجليك و لا زيو علي سرير....انا التحرير

مع احترامى للكلام الجميل ده
موزون ومتقسم
بس من الديمقراطية انى لازم اقول راى وانا حر جايز يكون صح وجايز يكون غلط
ولكن اقوله بكل حريه
اولا العنوان اساسا او المسمى (ثوار الكنبة) مسمتهوش ثوار السرير ولا الكرسى ليه؟؟
يا اخى الفاضل انت عارف انى بحترمك قد ايه
عيب يا اخى ممكن الى على الكنبة ده يكون ابنى او والدك العزيز ,, او حتى والدتى العزيزة
عيب الاسم نفسة عيب
ليس من كل نزل ميدان بقا من الثوار
يا هه يا جماعه ايه ده ابنى الثائر رايح الميدان ابنى الثائر جاى من الميدان
بسم الله ماشاء الله
ولا شغله ومشغلة
ومن العيب بردو انى اروح احدف مديرية الامن بالطوب
عاوز تقول رايك بحريه قولة واختار محاسن الالفاظ لانك بتاخطب اخوانك فى المنتدى وليس مدير الامن المركزى
الى اكيد فى منهم بيتفرج فى التلفزيون ومش مقتع لا بالتوقيت للثورة حاليا قبل الانتخابات ولا بالمبدا الحالى
اعتصم فى الميدان ماشى لحد ميتاخد برايك حقك طبعا وصوتك لازم يوصل غظب عن اى حد بالاحترام
ولكن محدفش بالطوب فى قلب مديرية الامن ولا بالملوتوف ازاى يعنى ؟؟؟
ونستغرب لما يضربوا بالخرطوش؟؟ والله بمنتهى الحرية اقول انا بردو راى من غير غلط ان ده غلط
فلوسى الى بدفعة ضريبة من مرتبى وفلوسك الى بتدفعها ضريبة وكل مصرى بيدفع ضريبة بنشترى بيها عربيات واصول لبلدنا
وفى الاخر نيجى نحدفها بالملوتوف ؟؟؟ بالملوتوف ؟؟ وفى الاخر نيجى نقول ده الجيش والشرطة هم الظلمه الكفرة الى معندهمش قلب
ونلعب بالمشاعر و الصور كده؟ ده صح ؟ وهيا دى الديمقراطية؟
ممكن طبعا اكون انا غلطان ويمكن يفتكرونى من الفلول :)
وانا عمرى اساسا مغلط فى بنى ادم الا بالحق ومعى الحجة
لأ واخسر البورصة يوميا متوسط 5 مليار جنية
يعنى 5000 مليون جنية ؟؟ فى وقت بطلب بزيادات مرتبات , وتثبيت عاملين مؤقتين وكمان الاطباء يمتنعوا عن العمل , والمدرسين كمان
ونختمها مسك بها فى شارع محمد محمود عند مديرية الامن ولا الامن المركزى
ليه طب مقعد فى الميدان بحترامى ومسمحش بحد من البلطجية انه يدخل فى وسطينا وميسئش لسمعتنا كثوار
الجيش الى مفيش حد مننا مخدمش فيه و خدمنا فى عز التلج عشان نحمى مقدرات البلد دلقوتى بقى الجيش خاين؟؟
حسبى الله ونعم الوكيل والله الواحد مش عارف يقول ايه
فى ناس فعلا تديهم صباعك ياكلو ذراعك
اقولها تانى حسبى الله ونعم الوكيل فى مبارك
ومراته
واولاده
وشركائه
ويورنا فيهم ساعة عشان يكونوا عبرة لمن يعتبر ولكل ظالم
ظلموا البلد وخربوا الحياه السياسية للشباب الى انا واحد منهم (جيل الثمانينات عموما وبدون اثتسناء)
اسف جدا جدا على الاطالة
وانا مبشتغلش لا فى الجيش ولا فى الشرطة ولكن حقول الحق والى يريح ضميرى ويتسمع او ميتسمعش مش مشكلة
وربنا يارب يحفظ اخوننا واولادنا وذريتنا
وكل اخوننا واصدقئنا فى الميادين و فى الجيش وفى الشرطة
ويحمه مصرنا الغاليه يارب يارب
وتحية ودعائى ربنا يحفظكم جميعا اخوانى الاعزاء
وارجو من محدش يفهمنى غلط
وارجو بردو ان محدش يزعل منى كلكم اخوانى وبقعد معاكم على المنتدى نتعلم ونتناقش اكتر مبعد مع اهلى فى البيت
ربنا يعزكم جميعا ويحفظكم اخوانى الاعزاء

توضيح بسيط بس / أنا قصدت الناس اللى قاعدة فى البيوت بتقول على فى التحرير كلاب و عملاء و بلطجية ...

توضيح بسيط بس / أنا قصدت الناس اللى قاعدة فى البيوت بتقول على فى التحرير كلاب و عملاء و بلطجية ...

يا احمد بيك العفو ولا انا اقصد حضرتك طبعا
المصطلح ده بيتقال من ساعة الثورة
ولو هيبقا الاعتصام بالادب و الاحترام زى ايام الثورة يبقا اهلا وسهلا
اخى الفاضل صدقنى
لن ينصلح حال مصر
الا لو كل واحد صلح من نفسه فقط
فقط
مكسرش اشارة ومقلش ادبه على الى حوليه , بطل ياخد رشوة , بطل يمد ايده على بنت بلده , بطلع جشع التجار
اقصد ثورة داخلية انسانية
وياريت مننسقش وراء الفوضى لانها الارض الخصبة للفساد و البلطجة زى الرطوبة للبكتريا كدة
وهو الهدف الرئيسى للتجار الغير محترمين من تجار الاسلحة
وياريت نفهم بقا ونسبش مشاعرنا تحركنا زى المركب الى ملهاش مرسا
بنشتكى من غلاء وارتفاع مفاجى للاسعار
وربنا يعدى بلدنا على خير يارب
ويحفظك
ويحفظ اخوتنا كلنا

اللهم أمين ..اللهم أمين ..اللهم أمين ..

توضيح بسيط بس / أنا قصدت الناس اللى قاعدة فى البيوت بتقول على فى التحرير كلاب و عملاء و بلطجية ...

لا يا سيدى الفاضل مابنقولش عليكوا الكلام ده خالص لكن بنقول انكوا قليلوا الخبره وبيستخدموكوا ضد مصلحة البلد ممكن سيادتك تقولى اشمعنى التوقيت ده بالذات؟؟؟؟ قبل الانتخابات بكام يوم؟؟؟؟ممكن تقول لى سيادتك بيعملوا الشباب ده كله فى شارع محمد محمود اللى مؤدى لباب وزارة الداخليه؟؟؟ ليه ما اتجنبوش يدخلوه ويبعدوا عن اى احتكاكات مع الشرطه؟؟؟ وممكن اعرف هم متخيلين انهم يقتحموا وزارة الداخليه والشرطه تقابلهم بالابتسامات؟؟ دى وزاره سياديه وعشان ماحدش متخلف يقول لى يعنى ايه سياديه يعنى تمثل سيادة الدوله بغض النظر عن مين اللى بيديرها يعنى زيها زى وزارة الدفاع زى مجلس الدفاع الوطنى(المخابرات)زى الوحدات العسكريه زى المطارات الحربيه ممنوع الاقتراب واحيانا التصوير كمان....واى محاوله لدخول هذه الاماكن بدون اذن مسبق فمن حق القائمين على حراستها التعامل معه بكل قوه وعنف..مش هزار دى سيادة دوله مانتاش داخل سوق السيده عيشه... ولا انتوا مش معترفين اساسا بوجود الدوله المصريه؟؟؟؟ من حقك ياسيدى الفاضل انك تعتصم وتقول رأيك وتتظاهر سلميا وتصر على رأيك لكن فى خطوط حمراء لايمكن تجاوزها وبالصعيدى تطير فيها رقاب لأنها اشبه بهتك عورة بلد وانتوا بتهتكوا عورة بلدكوا بأيديكوا..مش عارف ليه حاسس انكوا مغيبين ومضللين بفعل فاعل وده بيفكرنى بنظريه يعرفها اى دارس لعلم النفس والاجتماع اسمها سيكولوجية القطيع ودى لها شرح بعدين

لا يا سيدى الفاضل مابنقولش عليكوا الكلام ده خالص لكن بنقول انكوا قليلوا الخبره وبيستخدموكوا ضد مصلحة البلد ممكن سيادتك تقولى اشمعنى التوقيت ده بالذات؟؟؟؟ قبل الانتخابات بكام يوم؟؟؟؟ممكن تقول لى سيادتك بيعملوا الشباب ده كله فى شارع محمد محمود اللى مؤدى لباب وزارة الداخليه؟؟؟ ليه ما اتجنبوش يدخلوه ويبعدوا عن اى احتكاكات مع الشرطه؟؟؟ وممكن اعرف هم متخيلين انهم يقتحموا وزارة الداخليه والشرطه تقابلهم بالابتسامات؟؟ دى وزاره سياديه وعشان ماحدش متخلف يقول لى يعنى ايه سياديه يعنى تمثل سيادة الدوله بغض النظر عن مين اللى بيديرها يعنى زيها زى وزارة الدفاع زى مجلس الدفاع الوطنى(المخابرات)زى الوحدات العسكريه زى المطارات الحربيه ممنوع الاقتراب واحيانا التصوير كمان....واى محاوله لدخول هذه الاماكن بدون اذن مسبق فمن حق القائمين على حراستها التعامل معه بكل قوه وعنف..مش هزار دى سيادة دوله مانتاش داخل سوق السيده عيشه... ولا انتوا مش معترفين اساسا بوجود الدوله المصريه؟؟؟؟ من حقك ياسيدى الفاضل انك تعتصم وتقول رأيك وتتظاهر سلميا وتصر على رأيك لكن فى خطوط حمراء لايمكن تجاوزها وبالصعيدى تطير فيها رقاب لأنها اشبه بهتك عورة بلد وانتوا بتهتكوا عورة بلدكوا بأيديكوا..مش عارف ليه حاسس انكوا مغيبين ومضللين بفعل فاعل وده بيفكرنى بنظريه يعرفها اى دارس لعلم النفس والاجتماع اسمها سيكولوجية القطيع ودى لها شرح بعدين



بجد الكلام يامة و أنا بكسل أقرى أكتر من 3 سطور .. أعذرنى أنا أسف .

بجد الكلام يامة و أنا بكسل أقرى أكتر من 3 سطور .. أعذرنى أنا أسف .

ياسيدى ولا يهمك ولك كل العذر.. الله يكون فى عونك

ياسيدى ولا يهمك ولك كل العذر.. الله يكون فى عونك

يارب .......

موضوع جميل و مجهود رائع