انا عملت الموضوع ده مخصوص للتعارف بين الناس الى من محافظات الصعيد زى قنا الاقصر اسيوط سوهاج اسوان وغيرها من محافظات الصعيد ........................
وذلك للتواصل بين الاعضاء الى من الصعيد لبيع وشراء المنتجات والمقتنيات بكل سهوله من دون حتى الشحن ومشاكله وضياع الوقت والمال
لأنى وجدت انى معظم الناس الى هنا من المحافظات الكبرى مثل القاهره والاسكندريه وغيره مما يصعب التواصل بين اهالى الصعيد وبين اهالى القاهره لبعد المسافه طبعا وتكاليف الشحن الباهظه
مثال حيث ان تكلفة شحن حاجه بسيطه من القاهره لمحافظة قنا شركة ميدل ايست 88 جنيه اقل حاجه وممكن يكون الحاجه الى بتتشحن دى نفسها متجيبش ال88 جنيه بتاعت الشحن
والمنتدى يوجد به العديد من المميزات لا يستفاد منها ابناء الصعيد مثل اماكن الصيد و اماكن البيع والشراء وغيرها
لذلك رغبة منى لكى يتفيد كل من هو موجود فى هذا المنتدى الكريم العزيز على قلبى جدا
اهداف الموضوع ده
1-سهولة التواصل بين ابناء الصعيد الموجودين داخل المنتدى.
2-توفير الوقت والجهد.
3-توفير مصاريف الشحن الباهظه.
4-اى استفسار عن الاسعار و الاماكن الى بتبيع ادوات الصيد فى محافظات الصعيد.
5-اماكن الصيد فى محافظات الصعيد.
6-تجميع الطلبات التى نحتاجها من القاهره ونشحنها مره واحده وتقسيم مصاريف الشحن بيننا.

ارجو من كل واحد يقول اسمه ومحافظته(من الصعيد) للتعارف
والحاجه الى طالبها او عايز يبيعها او يستفسر عليها او حتى لمجرد التعارف وشكرا

شكرا لحضراتكم وجميع طاقم الاداره الافاضل وارجو التثبيت من سيادتكم