تقيم الbsa airsporter mk7

[bekhet]

أرجو لمن عندة معلومات أو تعامل مع هذة البندقية أن يقيمها بحيادية حيث هذة البندقية تضاربت الأقاويل عليها مما أثر على سمعتها من حيث أن الجزة بتسرب هوا أو لوباظت متصلحش أو إن سرعتها لا تصل إلى الهاى بور
وفى عروض كثيرة فى المنتدى لبيعها وسعرها متأرجح جدا وقد يكون كل هذا ليس لة أساس من الصحة

[Qoldus]

البندقية ممتازة في خامتها وتقفيلها وقوية هاي باور( سرعتها في عيار 5,5 نمرة 2 230 م/ث )وللأسف نيشاناتها العادية غير دقيقة...ودائما أفضل إستعمالها بتيليسكوب لا يقل قطر عدسته عن 32 ملم وقوة تكبير أو تقريب الزوم 3-9 في هذه الحالة تكون 10/10...ونصيحتي في حالة ضعفها لا تفك الجزرة أو تحاول تغيير ظبطها إبعد عنها خالص لا يوجد لها قطع غير وصعب تخرط زيها...إكشف على الجلبة الداخلية لو محتاجة تغيير أو الجلبة الخارجية في بيت الرش ( الأو رانج ) أو شوف السوستة ممكن تكون ضعفت...وكما قلت سابقا إستبعد تماما فك أو اللعب في الجزرة صعب ونادر تلفها أو عطلها وكذلك غير موجودة كقطع غيار...البندقية في الإجمال قوية وشكلها جميل وشيك وخامتها وتقفيلها ممتاز...أرجو أن أكون قد أفدتك ولو قليلا...وأرجو مشاركة كل من يمتلكها أو إستعملها أن يدلي بدلوه وتجربته الشخصية لتعم الفائدة علينا جميعا عن طريق تبادل الخبرات..

[sadaany]

ياريت تفيدنا كمان افضل طرق التعامل مع الكرال بخبرتك ربنا يجعلها فى ميزانك ويجزيك خير عنا

[shadow]

مع احترامى لكلام الجميع عشان تعرف الفرق ما بين كفائة البنادق مش قبل 6 شهور من الاستخدام تبدأ تظهر العيوب من اعوجاج فى الماسورة وضعف السوستة وعدم دقة ودة بيرجع للخامة والتقفيل وحرفية وخبرة الصانع ونوع الماكينات المستخدمة علشان كدة بنقول الديانا مثلا شركة عريقة وفية بندقية ب1000 و بندقية ب 9000 جنية والاتنين بيصطادوا لكن العمر الافتراضى والكفائة مع الاستخدام علشان كده انا مش بقول عقدة الخواجة لا انا بسميها عقلية الخواجة وشكرا

[sadaany]

هوا حضرتك منين يافندم من الهرم انتا جارى وياريت تشركونا فى الاجابه على السؤال

[blow c06]

الكلام عن الفروق بين البنادق صح بس الفرق مش كبير كده و حضرتك تفضلت و قولت فى بندقيه ب 1000 جنيه وواحده ب 9000 جنيه و الفرق ده فى مصر بس انما لما بتخرج من المصنع الفرق بين احسن واحده و اوحش واحده مش بيكمل الف او الفين جنيه مصرى بالكتير و سعر المصنع هو الى بيعبر عن جودة الخامات و المنتج فالفرق مش كبير اوى كده فى الخامات و فرق السعر الى فى مصر عشان ظروف البلد الى كلها حراميه

[shadow]

كلامك 100% والأخ sadaany مرحبا بك أنا من الهرم أمام جامع السلام

[القناص العالمي]

ان شاء الله حد من الاعضاء يفيدك

[خط الصعيد]

بندقية تحفة ولا تقدر بثمن كانت معايا و بعتها علشان كنت مسافر و انشاء الله هشترى اختها تانى تقفيل ممتاذ دقة فى الاصابات عيبها الوحيد انك كل فترة بتطر تظبط النيشان تانى لان من كتر الاهزاز بتطر تظبطة كل شوية دة العيب الوحيد من وجه نظرى