قمة الإستفزاز و عدم إحترام العملاء بمحلات أبو ضيف 6 أكتوبر

[JAM]

انهاردة الساعة 3 ونص العصر قلت أعدي وانا مروح من الشغل علي ابو ضيف علشان اشتري علبة طلق
لقيت واحد أصلع كدة قاعد وقاعد معاه واحد فاكك رشاش صوت اللي شبه العوزي وبيصلحه ولامش عارف بيعمل فيه ايه لإنه كان معاه بوكليز وبياخد بيه مقاسات ماسورة صغيرة كدة.
المهم بساله علي طلق 8 مم الماني.. قالي لا عندي تركي وب 6 جنيه الطلقة..!!!!
مع أني كنت جايب من عندهم الطلقة ب 4 وربع الالماني.
فاقلت اسأل علي البنادق واسعارها ... ببص علي الفاترينة لقيت بندقية مكتوب عليها بام21وتحتيها 3000
قلتله ممكن اشوف البام دي... راح مطلعها واول ممسكتها لقيتها بايونيير ... بقاله ياباشا دي بايونيير قالي لا دي بام قلتله لا دي بايونيير وقلتله اقرأ اللي مكتوب فا بص لقاها بايونير وبساله ياتري متغير ليها جلبة ولا لا قالي يعني ايه جلبة وقام أخذها من ايدي وحاططها في الكيس وحاططها في الفاترينة قمت سالته عل الكرال الكموفلاج والرماية لمجرد غسيل ماء الوجه وخرجت من المحل وبلعن سلسفيل اليوم اللي دخلت فيه المحل.
مش عارف لغاية امتي اصحاب المحلات هيفتكروا اننا شوية افنديات وبيضحك علينا
بصراحة حاجة تحرق الدم

تحياتي
م/ أحمد نبيل

[Amir Omar]

لو المحل ده هو المحل اللى تبع استاذ شريف يبقى اكيد مش هايسكت على الحكاية دة لانه انسان فى قمة الاخلاق وبيبقى على زبونه حتى لو بيشترى بقرش واحد مش بيدفع الوفات وده عن تجربة معظم الاعضاء معاه.

[ElKannas]

والله الله أعلم

بس انا تعاملت مع محل أ / شريف قبل كدا

بوندي اللي فشبرا
و كان الناس قمة في الاحترام و الذووووق

[amin hegazy]

هو بيتكلم عند ابو ضيف اللى في اكتوبر
بس فعلا بوندى ابو ضيف اللى في شبرا ناس قمه الاحترام

[eng.amg]

أنا سألت عن شوية حاجات عنده الصراحة الراجل محترم ...

[JAM]

ماهو الغريب أني علطول بتعامل معاهم... وكان في هناك شاب اسمه احمد وولد زي العسل والواحد بيتكلم معاه... إنما الغريب ان الاستاذ اللي موجود حاليًا لا يفقه اي شيء في السلاح بدليل انه مش عارف الفرق بين البايونير وبام وحتش مش عارف يعني ايه جلبة*

[JAM]

وبالمناسبة .... فرع شبرا أنا رحته مرة واحدة بس ومكنتش متخيل انه في شخص بالاحترام دا زي شريف أبوضيف

[jhoncarbntr]

استاذ احمد حضرتك عنوان الموضوع بصراحة ضخم جدا على اللى حصل معاك ماهو لو الشخص اللى حضرتك قابلتوا وحش مثلا فمكانش لازم تكبر الموضوع وتكتب عنوان يبين انا المحل كله واصحابه سياستهم وحشة فى المعاملة وكنت فقط بينت ان حضرتك اتعاملت بطريقة سيئة من شخص معين تحياتى ليك

[JAM]

ماهو لما حضرتك تكون ماسك حاجة في ايدك ويجي يخدها من ايدك ... معتقدش ان الاسلوب دا ليه معني تاني غير انه قصده يقولك ... شرفت
وبعدين أنا مش اول شخص يعبر عن مدي جفاء التجار الكبار معنا صغار المستهلكين

[jhoncarbntr]

ممكن الشخص ده نفسه سيء ومتخانق مع صاحب المحل او اى سبب تانى

[صياد 1]

بصراحة يا جماعة انا من سكان اكتوبر
وبالفعل معاملة المحل سيئة جداً و الناس الموجودين فيه لا يهتمون اطلاقاً بالعميل
وانت بتتكلم معاهم كأنك مش موجود
انا بردو اخر مرة روحت اشتري منهم طلقات مشيت وقررت اني مش راجع عندهم تاني حتى لو مفيش غيرهم
انا انصح صاحب المحل بالاهتمام بهذا الفرع لأن الناس الموجودين فيه لا يتعاملوا مع الزبون بالشكل الصحيح
وبيحسسوا الواحد انه بيشحت منهم
و نتمنى صاحب المحل يقرا الموضوع و يعين موظفين يتعاملوا كويس مع الزباين

[16109]

انهاردة الساعة 3 ونص العصر قلت أعدي وانا مروح من الشغل علي ابو ضيف علشان اشتري علبة طلق
لقيت واحد أصلع كدة قاعد وقاعد معاه واحد فاكك رشاش صوت اللي شبه العوزي وبيصلحه ولامش عارف بيعمل فيه ايه لإنه كان معاه بوكليز وبياخد بيه مقاسات ماسورة صغيرة كدة.
المهم بساله علي طلق 8 مم الماني.. قالي لا عندي تركي وب 6 جنيه الطلقة..!!!!
مع أني كنت جايب من عندهم الطلقة ب 4 وربع الالماني.
فاقلت اسأل علي البنادق واسعارها ... ببص علي الفاترينة لقيت بندقية مكتوب عليها بام21وتحتيها 3000
قلتله ممكن اشوف البام دي... راح مطلعها واول ممسكتها لقيتها بايونيير ... بقاله ياباشا دي بايونيير قالي لا دي بام قلتله لا دي بايونيير وقلتله اقرأ اللي مكتوب فا بص لقاها بايونير وبساله ياتري متغير ليها جلبة ولا لا قالي يعني ايه جلبة وقام أخذها من ايدي وحاططها في الكيس وحاططها في الفاترينة قمت سالته عل الكرال الكموفلاج والرماية لمجرد غسيل ماء الوجه وخرجت من المحل وبلعن سلسفيل اليوم اللي دخلت فيه المحل.
مش عارف لغاية امتي اصحاب المحلات هيفتكروا اننا شوية افنديات وبيضحك علينا
بصراحة حاجة تحرق الدم

تحياتي
م/ أحمد نبيل




حضرتك اخر مرة اشتريت بالسعر دة امتي ان بشتري التركي ب5 و سامع انها وصلت ل 7.5

[JAM]

بصراحة من حوالى شهرين

بس انه الطلقة التركى تبقة ب 6 جنيه.... دا أسمه الهبل فى الجبل

[hanmosad]

أنا حصل معي موقف مشابه في أبو ضيف فرع باب اللوق و على علمي أنه مش تبع أستاذ شريف أبوضيف و أستاذ شريف راجل محترم و كله ذوق و غني عن أي وصف

[abdalla nabel]

أستاذ شريف راجل محترم و غني عن التعريف ومش هيسكوت