بنادق رش عيار كبير حبتين

[aly406]

يا اهل الخبرة انا عندى بندقية رش نمرة 2 وعايز اجيب واحدة تانية وبفكر فى ديانا او جامو بس انا شوفت على النت ان فية عيارات اكبر من نمرة 2 هل هى موجودة فى مصر ولا لا ولو موجودة برة ممكن ممكن تعدى ولا فية مشكلة لانها لو موجودة برة وحاتعدى مش مشكلة ممكن اجيبها واجيبلها رش عادى بس حد يفيدنى افادكم الله

[عادل عبده]

يوجد بنادق نمره تلاته مش متوفره اوووى بس مكن تلاقيها
وممكن برده تلاقى الرش بتاعها بعد شويه بحث
انما انك تدخل من بره فده صعب الا عن طريق التهريب
وهيبقى فى نسبه خطوره عاليه جدا
على العموم بالتوفيق

[aly406]

اولا مشكور يا ريس على اهتمامك
ثانيا نمرة ثلاثة دى بتكون مسافتها اكبر وسعتها اكبر ولا الموضوع كبر حجم الرشة بس
انا عايز بندقية تجيب من بعيد واضرب بيها على مسافات اكبر من 60 او حتى يا ريت 100 متر دة لو فية يعنى يبقى كتر خير الدنيا على العموم جارى دراسة الموضوع وشكرا يا عم عادل

[عادل عبده]

ياباشا لا شكر على واجب واسف انى بتأخر فى الرد بس فى بنادق نمره 2 بتجيب لحد 100 متر ويمكن اكتر الموضوع اصله كبير ويطول شرحه ولو دورت فى المنتدى هتلاقى موضوع عن المقارنه بين العيارات والانواع

[shahin]

كل ما قل عيار الرش زادت السرعه و بالتالي المسافه

[aly406]

طيب الجامو هانتر ممكن تجيب المسافات دى وتكون مؤثرة فعلا ولا بتكون كاوتش على المدى البعيد وطبعا الرشاية ارتفاعها بيقل على المساقة البعيدة يعنى لازم تعمل حسابك على كدة
بص يا ريس انا نفسى فى بندقية قناصة ان جيت للحق بس نعمل اية العين بصيرة والحكومة كبيرة وربنا يوفقنا ونجيب حاجة محترمة

[عادل عبده]

كل ما قل عيار الرش زادت السرعه و بالتالي المسافه

ياباشا الموضوع كبير وميتلخصش فى الكلمتين دول لان السرعه العاليه مع العيار القليل بتشكل ومتبقاش دقيقه
ويوجد ايضا عيارات 2 ا3 وسرعتها عاليه ولاكن لايوجد العيار 3 بسرعات عاليه جدا
وفى نمره 2 وسرعتها عاليه بس مش دقيقه
وفى نمره 2 سرعه عاليه ودقيقه وهكذا
الموضوع كبير وكان فى اساتذه عامله عنه مقارنه عشان كده انا بقوله يبحث عنها

[عادل عبده]

طيب الجامو هانتر ممكن تجيب المسافات دى وتكون مؤثرة فعلا ولا بتكون كاوتش على المدى البعيد وطبعا الرشاية ارتفاعها بيقل على المساقة البعيدة يعنى لازم تعمل حسابك على كدة
بص يا ريس انا نفسى فى بندقية قناصة ان جيت للحق بس نعمل اية العين بصيرة والحكومة كبيرة وربنا يوفقنا ونجيب حاجة محترمة

ياباشا تقصد انهى هانتر وانت عاوز تعمل بالبندقيه ايه بالظبط
يمكن اقدر افيدك وهو كده كده الحكومه عاوزه الحرق حسبى الله ونعم الوكيل