شحات ومد اديه

[egypt_farmer]

لله .. لله
شحات ومد اديه
يا ولاد الحلال
طلق 7.65 يا محسنين لله
انا شحت طلقتين و عايز كمان شويه
وجبر الخواطر على الله
بأى فلوس لله

[amin hegazy]

هههههههههه
والله المسدس اللى معاك ده تحفه بس هيعملك ازمه في الطلق بتاعه

[egypt_farmer]

واللهى يا امين انا جبته ومكنتش عارف انو تحفه الا لما لقيتكم بتقولولى هنا انو تحفه
يعنى ببساطه زى ما كان بيتقال فى مسرحيه المتزوجون لما سمير غانم انقز واحد من المجارى .. سمير كان بيقول بس لو اعرف مين اللى زقنى

[hossamedeen]

اتقي الله يا شيخ المسدس ده ما يتضربش بيه رصاص ده يتباع لمتحف بره او يتعلق علي الحيطه ....ضرب النار ده للمسدسات الزباله زي السيج زاور والباريتا والستار طبعا باهزر .............بس والله خساره تضرب نار بحاجه لها قيمه تاريخيه وفنيه كده

[eido2000]

إن شاء الله تجد طلبك وإن كنت أرى كما قال من سبقونى خسارة التحفة دى تضرب بيها دى قيمتها أكبر من كده

[egypt_farmer]

ماشى يا جماعه .. خدونى على قد عقلى
يعنى انا لو حبيت ابيع التحفه الفنيه الاثريه دى تتباع بكام ؟

[panda]

ب 3000 بالكتير اوى وتبقى اتخدمت فية كمان

[egypt_farmer]

يا panda دا تحفه فيه .. حد يقول السعر ده على تحفه زى دى .. دى اثار ..
يعنى شوف عمك بروننج صنعها سنة 1899 وشوف بقى كام بلجيكى مسكها لحد ما وصلت للعبد لله

[amin hegazy]

ب 3000 بالكتير اوى وتبقى اتخدمت فية كمان

ياراجل حرام عليك
ده مسدس تحفه وبعدين ده قمته الاكبر في صنعته وتاريخه من في الفلوس

[egypt_farmer]

يسلم فمك يا امين .. بس يعنى لو حاولنا مجازا اننا نترجم كلامك الجميل ده لرقم ,, ؟
بصرف النظر عن البيع

[amin hegazy]

انا قولتلك قبل كده على الخاص تقريبا يعمل ادايه بس المشكلة في العيار بتاعه
ونصحتي متبعوش

[egypt_farmer]

واللهى يا امين انت اللى رافع معنوياتى فى المنتدى ده

[amin hegazy]

واللهى يا امين انت اللى رافع معنوياتى فى المنتدى ده

يا باشا الناس اللى هنا كلها اخوة وفيه ناس كتير احسن منى كمان
ولو ربنا سهل وعرفت مكان للطلق ده هبلغك ان شاء الله

[kiko_2015]

الطلق ال 7.65 بيتعمل عموله

[amin hegazy]

مش قولتلك هتلاقى ليها حل ان شاء الله

[ashraf_f]

او حد جاى من امريكا يجيبلك علبتين معاه

[sherothebest]

او حد جاى من امريكا يجيبلك علبتين معاه

اوعى ...... لو لم يقم باحضارهم رسمى واتمسك هناك فى مطار امريكا عن طريق جهاز الفحص بالآشعة او حتى هنا فى مصر ممكن امريكا يتهموه بالارهاب خصوصا لو حظه الاسود ان اتمسك حد تانى معاه سلاح من نفس العيار يضمن من دلوقتى سجن ممكن يوصل لمدى الحياة .

[amin hegazy]

يا باشا شوف أ/ محمد ابو سيف بيقول بيتعمل عموله ممكن يقدر يفيدك ان شاء الله