تجميع الديانا الماجنوم من حوالي 20 متر

[modmod]

السلام عليكم يا شباب
النهاردة انا جربت الضرب بالديانا ماجنوم 350 بانثر الدبشك الفايبر الاصدار الامريكي
وانا حبيت اوريكم تجميعها من علي بعد حوالي 20 متر بدون منظار
وعلي فكرة كل الرش الجامو سئ جدا معاها لاني حاولت بكذا نوع منه
لازم تختار نوع محترم
انا جربت نوع اسمه
jsb
ده نوع تشيكي وعلي فكرة مش تقيل وزنة 13,43 جران
بس والله يا جماعة بسم الله ما شاء الله علي الدقة
وبعد ما ظبط النشان زي ما في الصورة الي هتشفوها لقيت حداية واقفة علي بعد حوالي 35 متر
وكنت راكب العربية والله عمرت البندقية وانا في العربية ومنزلتش منها وضربتها
اقسم بالله نزل مقفول زي الطوبة
انا حبيت ارد علي المشككين في دقة البندقية دي
سلام

[محمد بيه صابر]

بسم الله ما شاء الله
الله ينور يا كبير

[amin hegazy]

تسلم ايدك صياد جامد :)

[modmod]

يا باشا اقسملك بالله اني بقالي سنين مضربتش ببنادق خالص
وبعدين مرة واحدة جت في دماغي قمت رايح شاري البندقية دي وسمعت كتير عن عدم الدقة وردة الفعل الرهيبة والناس حسسوني اني مش هعرف اضرب بيها خالص
وضربت بيها والله العظيم عادية جدا في موضوع ردة الفعل والكلام الفاضي ده
من الاخر متصدقش كلام اي حد يقولهولك

[zicooo]

بسم الله ما شاء الله

[ابو عامر]

مبروك يا صحبى المدفع الجديد مش قلت لك

[وليد سامى]

يا باشا ديانا مبتصنعش حاجة وحشة ولا كن بالمقارنة بديانات اخرى طبيعى تاخد ميزة بس تتحمل عيب يعنى مثلا الديانا 52 حلوة جدا بس مش احلى من 54 علشان ميزة مانع الأرتداد بس بردو معاة عيب الوزن والمجنوم 350 قوية عن الأخريات بس بردو تقل دقتها شوية عنهم وكل واحد يختار الى يناسبة يعنى بتصتاد طرائد كبيرة يبقى ماجنوم عايز منتهى الدقة ومش يهمك القوة المفرطة يبقى 54 عايز الوزن المعقول والدقة المعقول يبقى 52 اذن الموضوع مش مين افضل لا الموضوع يناسبك اية وهتصتاد اية واحد نحيف اكتر من اللازم الثقيلة هتهتز فى ايدة مثلا اذن هى منظومة متكاملة للمناسب لك ولصيدك وقوة زراعك وبنيتك انما محدش شكك فى دقة 350 ماجنوم بس بدون مقارنة كلا بة مميزاتة وعيوبة وزى ما قلت كل منتجات ديانا حلوة والى عايز يقارن يقارن نفس الفئة مثلا الماجنوم 350
مع الباتريوت ويبلى مع الهانتر1250 الجامو لأن الثلاثة كسر والثلاثة قوة 1250 قدم ثانية نمرة 1 والثلاثة صناعة اوربى
وهنا ممكن تقارن الدقة وتقول ايهما ادق انما نقارن سيارة 1100 سعة لترية مع 1600 سعة لترية تبقى مقارنة غير عادلة ونتائجها غير دقيقة

[وليد سامى]

خلتنى نسيت اباركلك الف مبروووك بندقية هيلة

[modmod]

طيب تمام قوي
بالنسبة للويبلي باترويت للاسف اصبحت صناعة تركية لاني بالفعل كنت هشتري واحدة وعلي فكرة هما التلاتة الي حضرتك زكرتهم نفس السعر تقريبا لاني مقيم في الخارج
بالنسبة للجامو صناعة اسبانية
بس للاسف صناعتها مفيهاش اتقان في الصناعة
علي سبيل المثال
شوف الرش الجامو ومنظره السئ وقارنة بالصناعات التانية
هتلاقي في فرق كبير جدا
انا رائي الشخصي الالماني والانجليزي في المقدمة وبدون منازع
بس حتي الويبلي اصبحت صناعة تركي

[وليد سامى]

بص انا مجربتش البنادق الثلاثة بس الخبراء قالو ان الباتريوت افضلهم وطبعا ألأنجليزى مش تركى يعنى والهانتر مش صناعة سيئة ولا حاجة وعلى فكرة انا كتير افضل شراء المنتجات الأسبانى من العدد وبتكون اغلى من الألمانى كمان
مثلا البنط الأسبانى افضل من الألمانى والرش الجامو مش سيىء مش عارف انت جايب الرش دة منين الى مش كويس معاك دة كل مصر بتجيب الجامو وعجبها بس طبعا كلنا بنحترم الألمانى يعنى اختيارك كويس مفيش كلام وخصوصا مفيش حاليا فى مصر هانتر 1250 وانت قلت الباتريوت تركى تبقا جبت احلى حاجة متاحة واختيارك موفق

[ابو مروان]

الف مبروك على المدفع _ وعندى سؤال هى سعرها فى مصر كام وسرعتها قد اية نمرة 2_الف شكر

[modmod]

يا باشا انا مقيم في الكويت
وبعدين علي فكرة هنا في الكويت موجود جميع انواع الرش والبنادق
والرش الجامو اسوا نوع شوفته هنا وكمان ارخصهم
بالنسبة للرش الي انا جايبه ده من اشهر الانواع برا
وفعلا تحس انه عامل زي السهم في ضربه

[modmod]

دي يا باشا انا جايبها من برا مش من مصر والله يبارك فيك وعقبالك
بالنسبة لسرعتها 1050 فيت رقم 2 حسب الكتالوج

[ابو مروان]

وحضرتكخلتها برى والا شحنتها؟ لانى عارف ان دخولها مستحيل من المطار

[ابو مروان]

حضرتك دخلتها

[modmod]

لسه والله بس هحاول ادخلها بري

[هشام سمير]

المجنوم من اروع البنادق للطرائد الكبيره
تجميع هايك ورامى متميز وصياد كبير تحياتى لكل اخوانى من الكويت
والف شكر للاستاذ وليد سامى على المعلومات الرائعه

[modmod]

يا باشا انا مصري علي فكرة

[Hunter]

==============================================
أول ما شفت الموضوع بتاعك
فرحت أوى لانى كنت متخيل ان الرش JSB
مش موجود فى مصر لأنى بدور على الـ JSB Exact
و لما كنت خلاص حسألك جبته منين لاحظت انك فى الكويت فيا فرحه ما تمت
ألف مبروك على المدفع يا باشا
==============================================

[modmod]

يا باشا انا تحت امرك ممكن ابقي اجيبلك منك لما اجي نازل مصر في اي وقت
علي فكرة الرش الي انا ضارب بيه
jsb exact
وهوه بالفعل من احسن الانواع الي ضربت بيها في حياتي

[Hunter]

===================
فيه منه كمان الـ18.1gram
لو جربته مش حتضرب غيره
===================

[modmod]

بس ده برده كويس جدا جدا جدا
والمرة الي جاية اجرب الي انت بتقول عليه