فيه فرق ؟

[egypt_farmer]

فى الطلقات الحيه :mad:
ايه الفرق بين ال 9 ملم قصير وال 8.5 وال 7.65 :confused:
ويا ريت اللى يعرف المسدس البلجيكى براوننج FM تصنيع 1900 طلقاته ايه يقولى :cool:

[amin hegazy]

ايوة فيه فرق بين كل الانواع دي
والمسدس ده عيار طلقاته 7.65 ملى :)
اي خدمه يا عم مبحبش اسيب حاجه غير لما اخيب اخرها

[amin hegazy]

وممكن تراجع الموضوع ده هتلاقي فيه عيار 7.65
http://www.egypthunt.net/showthread.php?t=7046

[elghalban666]

فى الطلقات الحيه :mad:
ايه الفرق بين ال 9 ملم قصير وال 8.5 وال 7.65 :confused:
ويا ريت اللى يعرف المسدس البلجيكى براوننج fm تصنيع 1900 طلقاته ايه يقولى :cool:

ال 9مم ينقسم الى 9*19 ودة المقاس العادى المتداول
و9*18 ودة عيار الماكروف ونادر جداجدا
و9*17 ودة بيطلق علية اسم 9 قصير او 8.5
اما عيار 7.65 دى طلقة شبيهة بطلقت المورس ومسدستها وبنا دقها انقرضت

[Compact]

ال 9مم قصير اللى هو 9*17 بيتقال عليه 8.5 , يعنى مفيش فرق بينهم الاتنين حاجة واحدة.
وربنا يوفقك وتلاقى 7.65 و معتقدش انك حتلاقيه اليومين دول غير فى الصعيد بس, اى عيار لطبنجة غير ال9مم بقى صعب جدا تلاقيه دلوقتى .
و ال براوننج ام1900 ده يعتبر انتيكة ولا يقدر بثمن و متفكرش تبيعه ابدا .

[egypt_farmer]

معلش لو انى مش فاهم قوى
يعنى ال 9 قصير اللى هو 9*17 اللى هو 8.5 ما يركبش فى خزنة ال 7.65
بعتزر لو كان السؤال عبيط

[egypt_farmer]

يعنى احنا المصريين اللى قدرنا نوفق حاجات كتير على بعضها وهى ملهاش دعوه ببعضها
ما عرفناش نوفق حاجه للعيار 7.65

[hossamedeen]

الطلقه مش هتبات في بيت النار لو مقاسها مختلف يا اما هتلؤ لو صغيره والابره مش هتيجي في الصاعق لانها هتيجي علي جنب واذا جت مكن المقذوف يركن وهوه طالع لان فيه نسبة ميل في وضع الظرف داخل بيت النار واذا اكبر ياما الخزنه مش هتشيل يا اما الاجزاء مش هتقفل علي بعضها واكيد الظرف هيتحشر وهوه طالع ...........طيب لو شغلت الفكاكه المصريه تعمل ايه .....اقولك انا ....عندك حلين ....الحل الثالث هوه انك تشتري من تحت طقاطيق الارض 10 طلقات من اي جحر في مصر و تستخدمهم وتلم الظروف بعد الضرب وتعبيها تاني وتخرط لها مقذوف وتركب لها برايمر .........لا لا لا ما تشتمش الا لما تسمع الحل التاسع وهوه انك تخرط الطلقه علي ايدك من الالف للياء ....يعني المقذوف والظرف(ودي صعبه شويه وعايزه شطاره) وتعمل البرايمر او تجيبه من طلقة صوت وتملا الطلقه.....وممكن اسهل من كده بكتير تعدل في طلقة صوت وصولا للطول المطلوب (لان 17 دي هيه طول الظرف) ...بس اعتقد والله اعلم انها هتتفرتك قبل ما تخرج من بيت النار بفعل الضغط العكسي للمقذوف .....بس الاكيد في كل الحلول الي انا قلتهالك دي انك انتا والي قالك عليها والي اتفرجوا علينا واحنا بنقولها هنتسجن باذن الله

[egypt_farmer]

حسام الحل ال 765 وده حل ملوش حل
انى ادى المسدس لابنى الصغير يلعب بيه مع اصحابه

[Compact]

:)

بقولك انتيكة تقولى اديه للواد يلعب بيه , اصبر شوية الاستيراد يفتح و الدنيا ترجع زى الاول و احسن انشاء الله

ممكن مسدسك يضرب 7.62×25 و دى طلقات اسمها توكاريف و قليلة قوى فى السوق و مش حتلاقيها اقل من 40 جنيه الواحدة.

[hossamedeen]

هتديه لابنك !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!انتا بتهرج ....مجرد كلامك ده يخلي الناس تزعل منك ....واضح ان الفكره لسه ما وصلتلكش ...ده تاريخ...يعني انتيكه...يعني الاف الجنيهات لو بعته لهواة الاقتناء او المتاحف والرقم ده هيبقي بالدولار لو بعته بره لو معايا فلوس كنت اشتريته منك ...وعموما اعرضه علي النت او اي باي وشوف ممكن يجيبلك ايه ...........

[amr saber]

انا مش عارف طبعا شكله لكن ممكن حضرتك لو فيه امكانيه حد يخرطلك ماسوره 8 ملي بيت النار والماسوره ده لو ينفع ولو اني طبعا مع رأي الناس انه انتيكه وطبعا عدي عليه اكتر من 100 سنه يبقي اصبح اثار

[old hunter]

موجود طلق65 7 عند واحد صاحبي في نمره البصل 35 جنيه

[egypt_farmer]

old
صندوق الرسائل الخاص بك ممتئ / الرجاء سيب فيه حته صغيره حد يبعتلك فيها اى حاجه